lychan3's Profile

周末同個女上完playgroup，見到附近有間睇落好chill嘅cafe，於是決定入去試下，結果呢間餐廳令我超級驚喜！首先講下佢哋嘅「無骨雞上髀意粉」。佢哋嘅雞上髀用料真係好靚，好明顯係選用高質素嘅雞肉，肉質嫩滑，鮮甜多汁，無任何雪藏嘅腥味，真心好食！至於意粉亦煮得啱啱好，夠哂彈牙，唔會太腍亦唔會太硬，仲吸收晒pesto醬嘅香氣，香濃但唔會膩，每一啖都可以感受到廚師用心嘅功夫，令人非常滿足，一試就停唔到口，我個女咁腌尖都食晒成碟！為左可以試多款，我同女一人叫一個main share食，另一款「豚肉生薑燒飯」都係必試之選！豚肉煮得啱啱好，保持咗肉質嘅嫩滑同鮮味，同時冇半點油膩感，感覺好健康。配搭生薑一齊煮，生薑完全滲入豚肉入面，唔單止提升咗味道，仲帶有一種暖胃嘅效果，非常適合注重健康飲食嘅朋友。粒粒分明嘅白飯吸收晒豚肉汁同生薑香，真係好開胃。再加埋伴菜嘅南瓜、沙律菜，營養均衡，真係一個非常健康又飽肚嘅選擇。除咗食物好食之外，餐廳嘅環境都好值得讚，乾淨整潔，坐得好舒服。總括嚟講，呢間餐廳真係性價比超高，食物好味、用料新鮮靚、烹調用心，完全係健康美食嘅典範！真心推介，已經好期待再嚟第二次，真係冇得輸！…Read More

呢次喺grand Hyatt 「港灣壹號」食中菜慶祝爸媽嘅生日，嗰晚因為太遲訂枱，所以只坐到8樓，冇辦法欣賞到落地玻璃嘅維港夜景，有啲可惜。不過食物方面，開胃菜有「琥珀合桃」同「梅酒香小紅茄」，正！合桃甜中帶酥，好快俾我個女K.O.晒，小紅茄酸甜開胃，仲有好香嘅酒味，啱晒我爸食。主菜方面，「蜜糖汁叉燒」真係有驚喜，色香味俱全，啖啖肉又好彈牙，大人細路都爭住食。「脆皮龍崗雞」都算唔錯，皮脆肉嫩；「鎮江醋香黑豚豬柳」就正常；「砂煱干煸蟹肉炒粉絲」就ok，不過「煙燻馬友」就好出色，煙燻味好香，食落去好滋味。甜品方面，本身想試蛋撻，不過要等20分鐘，所以算了，最後試咗「黑白芝麻千層糕」同「鳳梨奶皇千層酥」，十分滿意，尤其係鳳梨奶皇千層酥，香脆得嚟又唔膩，好快就清碟，下次一定encore。服務質素同環境都好讚，尤其係餐具設計得好精緻，連小朋友用嘅餐具都好靚，見到餐廳好用心。整體嚟講，雖然今次冇搶到靚夜景，但食物同服務已經足夠令人開心，慶祝嘅心情一點都冇減。推薦俾想食粵菜嘅朋友！…Read More