Eat.everyday's Profile

因為個人有少少懶, 所以就睇吓叫咩外賣好, 估唔到最後竟然叫咗大家樂外賣😂 外賣好快就送到喇，仲熱辣辣架。🍴 一哥芝味厚切焗豬扒飯大家樂嘅焗豬扒飯其實真係做得好好, 難怪係招牌菜式, 面層舖滿溶咗嘅芝士, 裡面配料有菠蘿, 蕃茄同四色豆, 而豬扒係厚切嘅, 不過肉質keep 到好軟腍, 再配炒飯底, 真係可以食唔停口。🍴 配羅宋湯羅宋湯味道不算濃, 感覺反正似雜菜湯多d, 一d 辣嘅味道都無, 不過就有好多雜菜喺裡面。大力推焗豬扒飯, 又平又好食😂…Read More

想喺旺角搵間靚靚地嘅餐廳食飯, 不過行嚟行去都見唔到... 見呢間冰室好似幾整潔企理, 所以就入去試吓啦。餐廳裡面好多卡位, 都坐得幾舒服, 不過始終係茶餐廳嘅速度, 所以侍應會不時大聲溝通, 感覺會有少少壓迫...🥢 麻辣撈麵配炒蛋&豬扒豬扒好大塊, 肉質軟腍。炒蛋炒得好嫩滑, 唔會全熟, 蛋味好重。撈麵份量比一般即食麵多, 麻辣嘅辣亦辣得恰到好處。🥢 蔥花叉燒滑蛋飯叉燒份量好多呀, 肥瘦適中, 唔會鞋口。滑蛋一樣好嫩滑, 配埋白飯一齊食, 好食!整體食物都好好, 唔使等好耐就有得食, 係一個食lunch 嘅好選擇。…Read More

呢間餐廳都幾熱門，預早book 位都只係得返6:30 可以選擇，限時90 分鐘... 門口望落去一d 都唔似係餐廳，會以為係cafe，入到裡面裝修好簡約，不過枱與枱之間無乜距離，感覺都幾壓迫。🍴牛油果醬蟹肉他他伴脆脆粒個擺盆好靚，見到已經加分，牛油果醬同蟹肉嘅味道好夾，蟹肉份量都幾多，而麵包脆粒整得好脆，夾埋一齊食係好好食嘅!🍴芝士菠菜龍蝦蟹肉意粉卷有2 隻龍蝦鉗放喺面，意粉卷裡面就有好多蟹肉碎，個醬汁好重蕃茄味，紅卜卜，味道偏酸，幾醒胃，連埋芝士菠菜一齊食，唔會覺得好膩。…Read More

呢間餐廳又係好高人氣，所以一早Book 咗位去食，不過個座位安排... 隔離枱係6個人一齊坐，而我地2 個人就好似搭枱咁，張枱仲要係拍埋一齊... 😔😋 新鮮大蜆鍋都算幾多蜆，不過d 蜆肉都比較細粒，個醬汁都幾重奶油味，夠creamy，加埋少少檸檬汁，味道就清新d😋 西班牙黑毛豬火腿黑毛豬都切得較厚身，油香味重，味道齒頰留香，鍾意食黑毛豬火腿嘅朋友絕對值得一試😋 法國油封鴨腿本身對呢個菜式有d 期待，始終係法國餐廳，不過鴨腿煎得比較老，食落有少少鞋口... 反而側邊嘅配菜有d 驚喜，好食…Read More

呢間泰國餐廳真係好出名，日日都好多人去食，冇book 位都真係唔使諗，好彩同事預先book 咗位，今日就可以去試吓喇... 😌😋 鳳爪沙律D 鳳爪好爽脆，個沙律汁酸酸甜甜好開胃😋 雜錦海鮮冬陰功湯河冬陰功湯就咁飲都好好味，個湯河有幾隻蜆肉，都幾肥美，仲有一隻大蝦，整得都幾彈牙，另外成碗河粉都有好多秀珍菇同芽菜。河粉比平時食開嘅幼，不過好煙韌，好好食😋 泰式燒豬頸肉飯嘩，好多塊豬頸肉呀，一見到就勁滿足，豬頸肉都燒得幾香，配合埋個秘製泰式醬汁撈飯食，好味道…Read More

呢間寵物友善餐廳位於工廈裡面，間隔同樓下嗰間台灣餐廳差唔多。咁啱去食嗰日有隻狗狗不停吠、所以同朋友完全傾唔到計...😅😋 薑汁燒豚肉便丼套餐有幾款配菜同麵豉湯。豆腐麵豉湯整得相當別緻，湯入面有豆腐雕嘅花。豚肉份量足料，燒得好香口，整得好嫩滑，撈均隻生雞蛋嚟食，個口感更加順滑。配白飯一齊食會有少少唔夠汁送飯嘅感覺...😋 壽喜燒牛肉拉麵壽喜燒湯底幾濃郁，不過味道偏鹹。牛肉望落去唔係普通肥牛，不過就有少少老。拉麵軟硬口感適中。…Read More