ssingg's Profile

之前天氣好凍，已經心思思想食麻辣鍋😋 見到地鐵站有賣渝味曉宇嘅廣告就好想試，之後就約咗friends一齊去食！由於我地都好中意食麻辣野，真係食得勁盡興😍😍我地4個人嗌咗個九宮格，原來九宮格嘅作用就係將啲難熟嘅野擺中間，例如丸。而側邊嘅格就可以落下肥牛，雞腸等易熟野。一見到一片紅嘅湯底，我地已經流曬口水👅💦🔥🔥一煮滾之後，麻辣香味真係撲鼻而來，我地仲好大膽咁試咗啖湯，除咗辣之外原來都有啲鮮甜味。♨️♨️果然落足料😍😋除咗有正宗湯底，所有火鍋配菜都好新鮮。肥牛又大塊，油脂分佈又好分明，同個麻辣湯真係絶配🤤🤤 其他配料都易入味，以下就係我地揀咗嘅幾款。最後我地都飽到陏唔到！不過超滿足，間唔中約下frd食翻餐麻辣火鍋都真係幾正😋♨️♨️♨️…Read More

琴日同屋企第一次去食九重鮮，之前已經聽講過九重鮮啲海鮮都幾正，今次試完之後發現都真係唔錯！價錢都好抵食！首先打頭陣嘅係30分鐘無限食沙白，沙白本身已經夠鮮甜，仲要唔係好飽肚，食多啲都得！😋之後就嗌咗個醬油海鮮拼盤，無諗到唔係專做醬油蟹嘅店都會有出色嘅醬油蟹，蟹同蝦都好新鮮，啲鮑魚都好入味，值得再嗌！之後就到重頭戲九層首爾塔！今次我地試咗佢地最新推出嘅透明蒸爐，咁就可以俾食客睇到成個蒸熟嘅過程，重點係可以影相📸😝所有海鮮都好新鮮，蒸完唔洗點醬都已經好夠味，真係食過翻尋味😋😋 重要唔好漏咗個人蔘雞沙巴蟹粥底，蒸完曬啲海鮮汁滴翻落個粥底係鮮甜味再度昇華，所以記得留肚食埋個粥！…Read More

上次同屋企人第一次係御名軒食飯，估唔到質素都幾好，菜式既份量真係大件夾低食！事不宜遲，即刻去相！！！首先，打頭陣既就係花旗參燉竹絲雞湯🐓🍲一飲落去就已經感受到個湯既火侯好夠！而且濃度啱啱好，雞味帶甜，花旗參就帶甘，真係perfect match!!😋記住千其唔好忽視個湯渣！雖然煲左好耐，但雞既甜味依然仲有，點一下豉油又帶翻起雞既鮮味！加上d 料都用得好足！下次飲湯一定會嗌翻哩個！🍲茄汁焗海虎蝦哩道餸最令我驚喜嘅係個蝦真係好大隻！而個汁除咗茄汁之外仲加咗蔥入去炒，一上菜已經香味撲鼻皇者燒鵝（半隻）！十分推介既燒鵝！不但皮脆肉嫩，肉亦醃得好入味，一咬已經成口都係肉汁！而且燒鵝唔會太肥，瘦既部分都唔會太“鞋”，恰到好處，所以真心推介😍游水沙巴龍躉🐟今次既龍躉就不過不失，條魚蒸得幾滑，而最緊要係夠大條，哩個價錢黎講，CP值都算高！京蔥彩椒鮮淮山係幾特別既一道菜，無諗過原來淮山拎黎炒都咁好味！加埋京蔥同紅綠椒，清淡得黎又幾野味！！…Read More

前兩日同朋友一齊黎咗billidart restaurant & bar食飯，之前其實都知道哩間bar有得掟標又有得食野，所以今次就黎試下😋😋未嗌野之前，個waiter已經同我地介紹哩個happy hour snack combo好抵食，任揀3款食物都係$188。我地最後都有嗌到哩個combo，因為真係好抵！😍第一款嗌咗嘅係哩個燒汁焗芝士薯條🧀🍟 哩個真係一定要食！！首先佢嘅份量好多，然後佢嘅芝士真係好香，因為有燒汁加埋，成個汁嘅咸度啱啱好，而且又唔會好膩🤤真心推介💚💚第二款就嗌咗意大利巴馬火腿薄餅🍕薄餅嘅料都幾足，略嫌個汁太少，食起上黎有啲dry，但好彩本身我都中意食薄身嘅餅底，哩個餅底都好脆，所以都唔錯😋第三個combo就係孜然串燒(牛)🍖 本身覺得哩串燒應該無乜特別，點知一食落口超香，啲孜然香充滿曬成個口，而且燒得啱啱好，唔會太乾同無曬肉汁，所以都十分推介😜😜之後我地再嗌多一個燒德國咸豬手🍴 一上菜嗰陣真係俾佢嘅份量嚇親，因為都幾大份！個豬手燒得好香，個皮亦都好脆，夾大兼抵食😋 野飲我就嗌咗哩杯midori sour🍹酸酸甜甜咁酒味都唔會太重，都幾fresh, 好啱女仔飲。加上咁啱撞正優惠期，飲品買一送一，所以飲咗兩杯🥂🤓總括黎講，啲食物質素都幾高質，對於本身酒吧掟標桌球於一身嘅restaurant 黎講可以啲野都咁好食真係好難得！如果大家weekend 無野做想chill下嘆下都推薦大家黎😊😊…Read More

好耐之前已經收到風Pan De Pain進駐K11, 今個禮拜終於得閒去！去到嘅時候已經見到人龍，前後大概等咗45分鐘就入坐了。首先就係soufflé pancake🥞 pancake 本身已經好香蛋味🥚再加埋牛油同糖漿，簡直係食到幸福嘅味道🤤😋😋而口感上就十分滑溜，又唔會太鬆軟！真係極力推薦👍🏻👍🏻另外就試咗creme brûlée🍯 哩款pancake就比較薄身，但外層嘅焦糖好脆！一放落口 濃郁嘅焦糖味即刻四散🥞🤤而且隔離亦都有雪糕，士多啤梨同香蕉伴碟，一齊食就會無咁膩，仲好fresh添👍🏻👍🏻💕 …Read More

M&S 朗豪坊店新開cafe梗係要試下! 今次就試咗嗰度嘅兩款菜式😋😋首先就係焗墨西哥玉米片🌮 玉米片脆得黎又好香，就咁食已經好好味！再加埋佢嗰3款sauce真係perfect match! 我最中意就係牛油果醬，勁fresh，而且令到個玉米片無咁油膩添。然後就係白汁煙肉芝士意粉🍝 汁嘅濃度啱啱好，煙肉嘅份量適中，係意粉稍為軟身咗少少。意粉亦有跟沙律同麵包，食起上黎就無咁漏同寡，同時沙律汁帶點酸甜，十分開胃！飲品就試咗雜苺沙冰🍓 對於本身就好中意酸嘅我黎講，哩杯沙冰嘅苺味好重，畢竟都用咗3款唔同嘅苺製作，但苺酸味可以再多啲😋 整體黎講今次都食得幾滿意，下次都會再嗌翻焗墨西哥玉米片，所以十分推薦大家試下！…Read More