foodie.yannnnn的個人專頁

今次叫咗石鍋牛肉醬拌飯，配料同辣辣地牛肉醬撈勻一齊食都幾正，都幾開胃嘅金槍魚拌飯，酸酸甜甜~大醬排骨鍋都比想像中好，排骨索左湯汁，算入味，我同朋友都係芝士控，今次叫咗芝士粟米，芝士澎湃到可以拉絲，鐵板雞蛋好多醬汁，重口味嘅，都推薦辣炒魷魚，另外仲有滿滿牛肉同金菇菜嘅燒汁牛肉鍋，整體都算抵食…查看更多

每次來到灣仔最愛的手搖飲品店！每次來到灣仔，我都會特別期待去我最愛的手搖飲品店。那裡的飲品種類繁多，從經典的珍珠奶茶到創新的水果茶，每一口都讓人感受到滿滿的幸福。店內的氛圍輕鬆愉快，總是吸引著許多朋友一同來享受。無論是炎熱的夏天還是寒冷的冬季，這裡的飲品都能帶來無窮的快樂與舒適。…查看更多

自從有台灣返嚟之後已經好掛住台灣小食，發現咗旺角最近開咗呢間築間台灣鹹酥雞，除咗鹹酥雞之外，仲有20多款炸物!!其中鹽酥松阪豬最有驚喜，又酥脆又爽口，另外仲有新鮮嫩口鱸魚柳、酥脆鹹酥雞、地瓜條同煙煙韌韌嘅甜不辣，仲有辣度同調味都可以揀~…查看更多

呢款傳奇雜錦禮盒$228@1，一次過試六款口味，抹茶口味採取日本抹茶粉、茶味同甜度都控制得啱啱好🍵；黃金焦糖味同樣有驚喜，香甜焦脆~朱古力味特別嘅位就係中間會加可可豆增加口感；榛子口味採取歐洲產地榛子粉；伯爵茶味有淡淡伯爵茶香、唔會太甜；金芝麻味香口得嚟又有粒粒芝麻增加口感，送禮或者自己食都好方便~…查看更多

🍝 蜆肉喇沙醬汁意粉 $128蜆肉好入味，食落有海水鹹香、亦有喇沙香辣味，手工意粉口感煙韌、非常掛汁，喇沙好香、滿滿椰奶香味、而且食落有花生碎增加口感，食落又唔辣，幾香幾惹味~🍤 蝦蝦蝦蝦意粉 $168蝦蝦蝦蝦係因為有阿根廷紅蝦、櫻花蝦、蝦籽同龍蝦汁，龍蝦汁口感Creamy、味道濃郁，阿根廷紅蝦肉質軟綿、略帶甜味；櫻花蝦同蝦籽增添鹹香味、令整體味道食落更豐富更有層次~🍞 流心雲朵竹炭多士 $68真係流心雲朵，蛋白雲朵鬆軟、滿滿空氣氣，面層再有流心酸甜芒果汁，竹炭多士偏硬身，底層再沾滿煉奶同搭配士多啤梨切粒食，味道酸甜好味！🍨 斑蘭雞蛋仔配椰子雪糕 $78雞蛋仔外脆內軟、淡淡班蘭香味，班蘭最佳搭配就係椰子雪糕，椰子雪糕清甜再搭配外脆內軟雞蛋仔，冰火交融，味道甜而不膩~🍰 台灣茉莉香片戚風蛋糕 $48茶味好重但唔會澀，忌廉軟滑香甜，搭配鬆軟綿綿戚風蛋糕好正，蛋糕滿滿空氣感，好感食落好輕盈，配上茶香忌廉一流~☕️ Chai Latte $45🧊 御茗寧茶 $48…查看更多

雙層脆邊牛肉漢堡套餐 $118加$10升級芝士雙層脆邊牛肉漢堡，採用100%草飼澳洲有機牛肉製作，配上自家調配素香辣沙律醬，及鬆軟法式牛油軟包，整體味道豐富有層次，食到豐富牛肉汁，完美搭配芝士同沙律醬，法式牛油軟包亦成功吸入牛肉汁，整體口感都好好~套餐包飲品同小食，小食揀咗配薯條，薯條幼身而味粉夠，已經食上癮~環保魚柳漢堡 $88魚柳外皮酥脆，比出面食嘅魚柳包更酥脆，魚肉嫩口唔會鬆散，再配上酸甜醬汁同鬆軟牛油軟包，酥脆魚柳配上鬆軟牛油軟包非常搭配~曲奇忌廉奶昔 $48呢個好好飲，好鍾意Cookie N Cream，粒粒曲奇碎配上軟滑冰凍奶昔，味道甜得嚟好味~脆炸雞塊 $32@6雞塊反而冇咁大驚喜，走地雞自家製成嘅雞塊，食落係幾脆口，但冇話特別好味，中規中矩~…查看更多

清新鮮椒烤魚 $258冬天最啱食熱辣辣嘅嘢，幾鍾意個湯底，有鮮香青椒味，再配上辣椒花椒同蓮藕片，魚肉入味，而且沾滿青椒麻辣湯，叫咗小辣，整體味道清香略帶麻辣，幾惹味~紅糖糍粑 $48糍粑長條形、四四方方，外皮超級脆口，趁熱食入口軟糯，再配上紅糖漿同黃豆粉，口感飽滿香甜~十二味桂花冰釀米酒 $228入口第一啖係偏甜，再慢慢喺口腔入面徘徊，慢慢品嚐會飲到米酒甘香，整體冰凍順滑易入口，適合食烤魚或者酸菜魚飲用、伴辣食一流~涼拌土豆絲 $43土豆絲清新爽口，再配上青椒同紅椒芝麻等配料，味道酸辣豐富~美滋滋芒果梳打 $28食辣都要配梳打，芒果梳打香甜解渴，而且仲好重芒果香味～熱情果梳打 $28熱情果梳打酸甜美味，味道又香又甜…查看更多

香煎三文魚扒定食 $168定食包茶碗蒸、漬物、湯品同日本米飯，欣賞佢哋米飯可以免費添飯，仲喺飯度落飯素，令到米飯更加易入口，三文魚扒外皮煎得幾有魚油香，三文魚肉都算新鮮，如果加多啲椒鹽調味會更好，配三文魚嘅沙律醬好好味，份量亦都可以再多啲~京蔥牛柳壽喜燒汁蓋飯 $198呢個的確有驚喜，牛柳做到嫩身唔韌，而且牛肉嘅肉汁完美配上濃郁嘅蛋汁，口感同味道都唔錯，牛肉汁同壽喜燒汁再配上蛋汁，莫名其妙食落有種芝士嘅感覺，成個飯都好夠味，而且亦好惹味，可以再伴醬添飯食～…查看更多

🐻 Earl Grey Chocolate $68外表已經夠晒打卡，熊仔係蛋白餅嚟嘅，所以唔使擔心飲飲下溶咗，好似佢喺度浸緊溫泉，伯爵茶同朱古力味道互相配合，亦唔會互相搶味，既飲到香濃伯爵茶味，亦可以飲到朱古力香甜味~💚 開心果巴斯克軟心乳酪蛋糕 $68開心果味好濃，而且超級軟心，蛋糕面放上香烤開心果碎，令開心果味更突出，整體味道好香，又唔會死甜，食落唔會太甜膩。🦐 冬陰功大蝦蜆肉扁意粉 $128冬陰功味好香，整體味道咸咸辣辣，再略帶點酸味，味道都幾有層次，配上大蝦同蜆肉，令味道同口感更加豐富，整體性價比都唔錯，男仔食都夠飽。…查看更多

Pork Momo $88@7pcs本身都有試過尼泊爾餃子，所以對尼泊爾餃子都有啲期望，呢間尼泊爾餃子都唔錯，外皮比較厚身同煙靭，裏面嘅豬肉餡都好熱辣辣，配上自家製辣椒醬，令餃子食落更惹味，但同時唔食得辣嘅朋友要注意沾醬，因為味道都算辣~Veg Burger $148漢堡包夾住生菜、洋蔥、芝士同素雞扒，素雞扒外層香脆，即使係素雞扒但都啖啖肉，包身偏軟，配上兩層煮過嘅紫洋蔥，唔使加醬汁已經夠味，再配上番薯條，番薯條偏硬身，但內裏香軟，味道香甜，再配上鹽。Honey Chicken Wings $88雞翼尖換咗蜜糖同埋兩張，食起上嚟似返所有成雞翼，你需要性嘅嘢更加到咗陳蜜糖嘅香味，味道都幾夜魅，而且幾日都唔錯，配上芝麻同蔥花食味道更加豐富。Signature Cocktails 網上話Cocktails唔錯，今次叫咗兩杯signature cocktails，兩杯都唔錯，粉紅色嘅No Maus Martini比較酸甜，透明嘅Life at Tin Hau會比較清甜，兩杯同樣都唔會覺得太濃烈、酒味亦都唔會太重，啱晒女士飲用、夜晚過嚟chill～…查看更多

水冷麵 $75夏天咁熱最好食水冷麵，食落透心涼，水冷麵口感柔軟煙韌，配上清爽青瓜絲同雞蛋，再配上牛肉，牛肉肉質都算實，整體味道清新。紫菜包飯 $66通常食韓國菜都會諗起紫菜包飯，今次都唔例外，紫菜包飯嘅味道同口感都中規中矩，冇話特別驚艷，但係單純好食，略嫌味道有啲淡，相信紫菜包飯淋上沙律醬或者加上更多醬油會更加好味~牛肉海帶湯 $88牛肉海帶湯配白飯，口感清淡，湯汁清澈，牛肉味道鮮美，配上足料海帶，海帶同牛肉都有豐富嘅蛋白質同維生素，牛肉吸入海帶湯，牛肉同海帶經煮後， 兩者味道合而為一，加上韓式麻油香，令味道更加昇華。…查看更多

XXL雙檸檬茶 $29真係有1公升份量，味道酸甜、清楚飲到好重嘅檸檬味，仲有百香果味選擇，果味濃郁新鮮，檸檬味都新鮮唔會有任何苦澀，的確解渴一流~花生醬奶蓋茉莉綠茶 $36花生醬奶蓋比較創新特別，有別於出面一般嘅芝士奶蓋，飲到香濃嘅花生醬味、亦飲到軟滑芝士奶蓋，再配上清香嘅茉莉綠茶底~黑芝麻豆乳豆腐凍 $34黑芝麻豆乳豆腐凍層次分明，清楚飲到芝麻豆乳同豆腐凍，黑芝麻香都好重，同豆乳融合，再配上豆腐凍，增加飲品嘅豐富感。草莓乳酪 $44草莓乳酪酸甜開胃，清涼順滑，同坊間嘅草莓乳酪都差唔多，唔會死甜、偏清新~…查看更多

🍜 南投紅燒牛腩麵 $72套餐跟冷泡茶或熱飲，牛腩麵係辣嘅，而且味道香濃，牛腩另外上，原本已經有辣汁，再吸晒湯汁，牛腩偏稔身有咬口，台灣麵偏軟身帶點煙靭，而且麵嘅份量都多、幾掛湯。🐷古早味烤豬肉便當 $62套餐同樣配冷泡茶或熱飲，豬肉經烤過後，味道幾香，烤得唔厚，而且味道甜甜地，肉質稔身唔鞋，整體份量都大份，豬扒味道幾好，幾好下飯。🐔 懷念鹽酥雞 +$14追加小食加$14，口感方面，鹽酥雞外酥內嫩，外層酥脆口感非常好，內裡雞肉嫩滑，炸出嚟熱辣辣，幾有台式夜市feel~…查看更多

奶油雞件 $138奶油咖喱較一般咖喱溫和同滑身，唔算好辣，而且帶點堅果味，再配上掛汁嘅雞件，雞件肉質結實，配上印度烤餅Naan，印度烤餅香脆結實，而且口感煙韌，用烤餅沾點奶油咖喱，更有風味。皇牌炸雞翼 $128見到個名寫皇牌，所以叫咗，雞翼嘅份量比想像中大份，擁有香脆嘅外皮同鮮嫩雞肉內餡，再配上香料同黑椒，更能帶出雞嘅鮮味。尼泊爾雞肉餃子 $98@8之前都試過食尼泊爾餃子，今次試嘅呢款尼泊爾餃子更加好味，餃子皮比較薄，但裏面嘅餡料非常豐富，內餡有足料嘅雞肉，再配上爽甜嘅洋蔥粒，口感更加飽滿有層次。美式芝士餅 $58芝士餅帶些許冰凍口感。芝士餅餅底香脆鬆化，芝士蛋糕本身香軟，且質地挺身，不易溶化，香軟嘅蛋糕部份同香脆餅底互相配合，整體味道同口感都唔錯。…查看更多

🐮 黑椒薯仔牛柳粒 $138知道呢個係佢哋招牌菜所以特登叫，果然冇令到我地失望，依然保持到水準，薯仔外皮香甜焦脆，內裏軟熟，做到外脆內軟，牛柳粒冇任何筋，啖啖肉而且肉質結實，菜式除咗有黑椒味，亦有蒜香同蜜味，味道唔錯。🍲 石頭啫啫通菜煲 $78本身對通菜冇特別大興趣，欣賞佢地用石頭煲，能夠一直保持通菜溫度，而且配上蝦米同肉碎等材料令通菜煲口感更豐富，而且味道都幾濃郁，調味方面都做得幾好，唔會話死鹹。🦐 薑蔥粉絲蟹煲 $188鯊仔一直都係粉絲煲愛好者，粉絲煲都唔錯，蝦肉都算大隻，而且肉質唔散，肉質都算結實，如果加返更多調味，粉絲會更惹味，略嫌調味差少少，但整體都幾夠鑊氣。…查看更多