Milly Chan's Profile

平時忙住湊細路, 黎到暑假尾聲,  朋友介紹明閣美人餐做緊限時優惠, 唔洗1千蚊就食到星級師傅手勢, 我地呢班媽媽緊係唔會錯過, 決定約埋靚媽食個美人餐補番下~上完前菜之後, 黎一碗紅燒蟹肉燕窩羹, 用料豐富, 燕窩滋補養顏, 最啱女士食用。之後既魚子醬雪地明蝦球, 魚子醬鋪滿蝦球表面, 蝦球又大又圓, 咬落去好爽好滑。接住係菜類, 麒麟雲腿翠肉瓜, 翠肉瓜好爽好脆, 配有雲南火腿調味, 味道剛好, 唔會覺得太咸。尾聲緊係要食個飯同甜品先覺得滿足。套餐入面有個窩絲滋補竹絲雞炒飯。小窩上,  保住熱辣辣, 竹絲雞可以延緩衰老, 炒飯又炒到粒粒分明, 呢個配搭, 又補又飽~最後甜品除左食左套餐入面既桃膠薑茶湯圓同棗皇糕之外, 我地另外仲叫左楊枝金露。最近日日30幾度, 冰凍開胃的楊枝金露就可以令身體降溫, 加上芒果夏天當造, 加入楊枝金露入面又唔會太漏而且好消暑, 為呢餐媽媽美人餐劃上美味既句號~ …Read More

晚市堂食放寬後, 一於同閏密去食糖水。經過潮特, 轉灣就見到呢間裝修好女士的糖水店, 紫色為主好靚。入到去, 5個人, 叫左冰極芋圓窩同青山抺茶。冰極芋圓窩一上台, 噴曬煙,打卡之選。配左楊枝金露底比較甜, 不過份量十足, SHARE 食抵食。另一個青山抺茶是抺茶控必選, 炎炎夏日, 整番杯冰, 甜度剛好, 好好味!…Read More

今晚跟三五知己到灣仔明閣品嚐中菜, 用餐環境非常舒適, 服務員特別為我們5人安排了圓枱就坐, 使我們可以盡情暢談, 十分窩心。我們點了冬日嚐味餐, 三小碟頭盤, 6道主菜, 2款甜品作結尾, 食物豐富, 十分期待。先來頭盤明閣三小碟, 拍青瓜清酒醉飽魚清新爽口, 鮮元貝用豉油皇煮幾特別,蜜汁叉燒肥瘦適中有咬口, 吃完三小碟就開胃了。接下來是燉湯, 這個不得了, 用料十足, 花膠很大片, 淮生、杞子、花膠、螺頭全是進補身體的, 對女士來說很滋補, 特別天氣寒冷, 飲下十分暖胃。金沙牛油果伴金沙虎蝦球, 金黃色的外層, 包著牛油果及虎蝦球, 很香口, 牛油果入口即溶, 虎蝦球相當鮮味。蝦籽脆皮遼参素千層, 珍貴遼参有防治皮膚衰老、美容等功效, 最適合我們這班老朋友品嚐。浸發海參需時長, 處理繁複, 今次安座就可品嚐大大條遼参配以蝦籽脆皮, 口感彈牙之餘, 亦很養身~之後再試醋香黑豚肉, 黑醋帶出黑豚肉的味道, 酸酸甜甜很開胃。濃雞湯魚肚浸時蔬,口感豐富爽滑。魚肚與花膠一樣具有食療功效，養顏滋補。上了最後一道主菜已經相當滿足飽肚, 跟朋友分享籠仔迷你珍珠雞, 雖說迷你, 但用料十足, 大家都吃到棒著肚子。最後就是女士最愛甜品, 桃膠薑茶湯圓及棗皇糕。兩款都滋補養顏, 吃後十分暖胃。我們全女班吃完整個冬日嚐味餐, 覺得非常進補, 價錢公道, 值得推薦!…Read More

坐屯馬線直到大圍, 試下朋友推介阿叔泰麵, 果然好介紹!橙灰色的外牆很吸引, 很容易找到店舖。進店後立刻點了招牌船麵牛肉船麵, 材料十足, 牛肉軟硬適中, 爽口有嚼感。飲品選了熱青檸蜜, 滋補養身, 比黃檸檬味道更加清新。再配以泰式茶杯, 提升了視覺享受。以小店來說, 阿叔泰麵水準很高, 價錢公道抵食, 下次會再來品嚐。…Read More

因家住附近, 假日都會到九龍城石屋家園用餐, 小朋友甚為喜歡。坐在室外茶座, 感受涼風很舒服。最喜歡吃招牌菜班尼迪克蛋(EGG BENEDICT)蛋王流心恰到好處, 吃完很滿足。再點一份全日早餐, 配牛角包+薯餅, 小朋友吃得很滋味。用餐不限時, 大家都過了一個悠閒的下午。…Read More

已經不是第一次在BRICKLANE用餐最喜歡吃招牌菜班尼迪克蛋(EGG BENEDICT)蛋王流心恰到好處, 吃完很滿足。今次還特別為朋友慶生而吃午餐, 預先與服務員溝通,選了3款蛋糕, 廚師在上面寫上祝福語, 寫得很有心機,朋友既驚喜又感到廚師的心意。環境一如以往舒服, 用餐不限時, 大家都過了一個悠閒的下午。…Read More

一家12人做冬，選了鄰近尖東站出口的滿小館，最初是因為訂位時講明沒有時限， 所以選擇滿小館。但食完後，大家都幾滿意，食物好吃，茶是暖著的，最驚喜的當然是招牌菜滿小館冰鎮咕嚕黑豚肉，一上台全人相機食先，賣相吸引，咕嚕肉外脆內溫，配菜新鮮，大人小朋友都吃得滋味。另一款燕麥金沙蝦球，脆脆燕麥配上大大的蝦，小朋友吃得最開心。…Read More

9月中慶祝媽咪生日，openrice 睇到灣仔明閣可以接受12人訂位，一行11人揀左媽咪最鍾意食既中菜。頭盤先食明閣三小碟, 果然無令人失望。醉鮑魚、醬燒乳豬件同開心果茸醋香柚皮拼出三小碟。醉鮑魚凍上, 用上乾冰出煙，效果好靚媽咪好鐘意！桂花蚌好爽口。醬燒乳豬件脆卜卜, 夠香口。媽媽就最喜愛食柚皮, 開心果茸+柚皮配搭新穎, 食落好似食緊肉咁, 口感好特別~跟住飲濃湯花膠雞絲湯羹足料炮製, 花膠補左骨膠原, 仲要配埋薄脆, 非常窩心，有秋天食蛇羹既感覺。主菜之一大花蝦係新鮮游水花竹蝦，係九月份嘅 chef recommendation, 手掌咁大隻，竟然有9重煮法。我哋就揀咗避風塘同埋上湯焗既煮法, 避風塘香口少辣, 上湯煮法帶出大花蝦鮮味, 一人一隻好滿足。個人最喜愛醋香黑豚肉, 望落去似咕嚕肉, 一食就停唔到口, 因為佢唔太酸, 但好香醋味，黑豚肉煮得剛剛好, 好有咬口。小朋友大人都鐘意。再黎明閣招牌炸子雞, 同一般去飲宴既完全唔同, 外脆內香, 香酥蓮藕片做我好好品油。炸子雞皮入口即溶，雞肉夠juicy, 半隻有D唔夠,想添食, 不過都係留肚食甜品。我地點左黑糖薑汁日本3.6乳奶凍、栗蓉煎堆仔同金絲蛋散。個奶涷不得了, 好滑奶香, 甜度適中。至於煎堆仔同蛋散懷舊甜品, 媽媽話其他地方好少食到咁好。值得一提, 明閣果然係米芝蓮級數餐廳。服務員一入門口已經好有笑容, 坐低落單又有叫客人個名, 仲詳細介紹唔同菜式。期間不打擾客人進餐, 又頻密斟茶同換碟收碟, 媽媽大讚全晚都飲到熱茶。有慶祝活動，推介灣仔明閣比大家。…Read More