lokpingpc6983's Profile

以往都有去過呢間稻香飲茶，不過基於佢係集團式經營嘅酒樓吧，點心嘅味道、用餐體驗都只是很普通⋯⋯⋯⋯⋯⋯不過，一個星期前，這間稻香酒樓升格為稻香茶居，全新裝修，全新格局，全新體驗，令人有一種耳目一新嘅感覺。尋日朝早9點3喺手機APP攞飛，到現場等咗1個多小時就入座，茶居姐姐畀咗一包茶葉我，之後就入座，原來有茶車，電動煲滾水，自己入茶葉，自己沖茶，第一個新體驗，唔錯到叫點心，整個茶居採用手機點餐，第二個新體驗，先進又環保，不過會考慮到好多公公婆婆都未必識用手機，可能會帶來不便，尚可。到點心上枱了，都是水準以上，特別推介新登場的肉沫鴨紅粥，連埋單棍油條只是17蚊，早餐抵食好食之選。溫馨提示，星期一至五早市11點完結，不過11點半前埋單，仍可享有點心半價優惠！總結：對於少去茶居、茶室飲茶嘅小弟，這是一個非常不錯的全新體驗！…Read More

以往同屋企人飲茶，多數去集團式經營嘅酒樓為主導。今次係多年來首次在點心專門店作客，對小弟來說，可以話係相當有驚喜，絕對可以有再一次作客此間小店。兩日前，同屋企人就到此間專門店作首度登訪，不需要等，就已經可以就座，店內職員嘅服務態度非常之好，未到叫點心就已經有一種賓至如歸嘅感覺。他們的茶選擇還算多，而且茶味香濃，唔會令人感到苦澀，值得一讚。到點心方面，堂食叫了八個，有韮菜角、鳳爪排骨飯、燒賣、山竹牛肉、咸水角、粉果、糯米雞及灌湯餃。自己對此店的鳳爪排骨飯予以最高評價，係小弟心目中嘅MVP!其他點心都好好味，此店乃是值得一去再去的小店！…Read More

今年端午節，屋企人打算出街食飯做節，就走去九龍城的蟹仙海鮮蒸氣鍋作一個新嘗試。地方雖小，但勝在位置方便，不算太難搵，我哋等咗一陣就可以入座。呢度係以入口海鮮作為賣點，可惜因疫情關係，部分海鮮未能供應，不過老闆嘅推介海鮮可以用「無可挑剔」來形容。一開始，就先放下粥底做鍋底，然後有即食嘅菲律賓潮式凍蟹，一吃下去，相當有驚喜，啖啖肉，還要蟹黃都好多，有別於潮州食店嘅凍蟹，一絕！之後，就開始蒸元貝、馬刀貝、九孔鮑魚、龍躉片、蠔、澳洲青年龍蝦、罕有大黃奄蟹等海鮮，鮮味十足，特別係澳洲青年龍蝦及罕有大黃奄蟹鮮味十足之餘，還要啖啖肉及好多膏，正！接住就係其他火鍋料及蔬菜，都好好味。不能不提嘅就係最後嘅粥，結合晒所有精華，十分滋味無窮⋯⋯⋯⋯⋯⋯這裡嘅老闆及店員招呼十分之好，係一間值得推介嘅食店！…Read More

尋日端午節，兼係我媽媽生日，妹妹話不如出去食飯慶祝吧結果嚟到呢度，好快已經有位，好鍾意佢嘅裝修，令人有一種時光倒流的感覺我哋叫咗花膠雞煲，同埋一啲火鍋配料，食得好開心…Read More

母親節就到，不過正日小弟要返通宵，屋企人就話就我今晚食。嚟到這間唐宮小聚，唔難搵，入座後氣氛唔錯，坐在卡位，好舒服。到了叫嘢食，我地叫咗幾個好好味的食物，尤其是火焰菠蘿最令我好有驚喜，另外荷花蒸飯都好好食，強烈推介。只可惜未能嘗試呢度嘅本地手工啤酒，下次再嚟一定要試試⋯⋯⋯⋯⋯⋯⋯…Read More