Fatfatenn's Profile

千祈唔好嚟，除非你鍾意踎喺度食嘢😅好少寫評價，但依間真係值得寫一寫😂食物嘅味道見仁見智。但餐廳做堂食連外賣，一張四人檯，兩張雙人台我叫左個$158蚊牛肉三文治+一杯野飲，埋單$198，買完野食發現，成間鋪8個位得5張櫈，問店員有冇多一張櫈，佢話：「無，一直都係咁。」 咁即係點，我要踎喺係張矮檯前面食？😅😅聽到真係無奈地笑左出聲，完全無諗過解決方法，問左2個唔同員工都淨答你「無辦法。」😅又唔係無位放櫈嫁喎，8個位5張櫈係咩玩法，點解可以開一間餐廳連最基本足夠嘅「坐位」都可以無？？😂最後要等其他人走，你先有得坐😂😂😂…Read More

午餐行過唔知食咩，見到有燒肉套餐就入去試下。點知就伏左🤦🏻‍♀️叫左個牛舌飯。啲牛舌靭到不得了，咬到口都攰。個汁又甜又唔好食🥲呢啲燒肉汁其實普普通通都已經無問題，唔知點解可以咁唔好食。個飯其實又細碗，咁就八十幾蚊真係好唔抵。仲要佢話跟飲品，然后淨係得汽水，連普通檸茶檸水都無。對於我呢啲唔鍾意飲汽水嘅人黎講就只可以揀飲水😑 個環境黎講又係唔特別好，有一種廉價堆砌出黎嘅日本餐廳感覺。香港黎講已經好少見到呢種質素嘅日本餐廳，仲要開係銅鑼灣，賣銅鑼灣價🤦🏻‍♀️…Read More

個人係scone 愛好者，見到店名有scone 字，慕名而來試試。環境簡約，適合打卡。講到佢嘅招牌scone set. Scone 本身有少少牛油香氣，略嫌唔夠香. 外殼係脆，但內部可以濕潤啲。食落有一粒粒麥粒，但卻唔係太有麥香味。整體黎講唔係一個差嘅scone, 但以scone 作招牌的話就略為普通。Dirty. 分層有做到，係杯合格嘅dirty. 只係咖啡味可以再香啲就更好.順帶一提，前台員工有啲黑口黑面，答問題好唔耐煩咁. 同店鋪走嘅清新輕鬆風有啲違和，令整體體驗扣分。…Read More

店員服務態度好似同你講多句都曬時間咁. 問佢攞水攞紙巾都要比面色你睇。講真野食本身正正常常，以burger 店黎講佢啲burger 都只可稱作普通。牛肉過熟唔算juicy,麵包又無焊過。咁樣嘅態度加上咁嘅服務態度就真係唔會再幫襯。…Read More