Katiefungpuiki's Profile

一直都聽講屹立多年，好好食，多人到排唔到隊，推介食意粉同扒，終於去食，發現 好 難 食！白汁意粉嘅白汁只有面層，連撈下意粉都唔得，下面啲意粉乾到撩唔起，所以我只係食面層，味道同程度，波仔叮叮意粉都好食過佢再試左朋友隻雞翼，我冇辦法形容係咩味，唔係食材唔新鮮，而係配搭問題，只係想即刻lur出黎，真係狗也不吃本身對食物唔算有要求，但求普通味道，放得落肚，可惜呢間餐廳嘅難食程度顛覆左我感觀，越過底線更嚇人嘅係竟然有咁多好評，大家不如試吓抬高返少少自己嘅要求…Read More

100分！食完日日朝思暮想，睇過熱門差唔多成個menu都上唒榜🔥因為真係全部都好好食，所以我要重點推介一下👇🏻🌟和牛壽喜燒🥩燒到和牛半熟，撈落黑松露生蛋，再鋪上白飯面，溥儀表示超想encore🌟免治和牛多士🍞我手上嘅多士影完大輪相先食都仲好脆卜卜，和牛好軟綿綿☁️好似食緊脆皮蛋糕咁🌟黑糖菠蘿🍍強烈建議建議大家必嗌，清甜得黎又可以中和一下燒肉嘅油膩感(然後繼續食🤭)🌟芝士年糕🧀見到芝士年糕我都一定會order，但總係頂胃食唔落🥺相反呢到嘅芝士年糕keep住脆卜卜，點埋煉奶食出奇地消滯😱好好食你見我叫到成枱餸都係700蚊，4個人食都夠😱其實仲有好多好多野食係必點，下次約聚會一定要揀大眾燒肉酒場！🤤…Read More

未食過咁難食嘅米線食開西環同北角分店嘅麻辣豬扒米線同麻辣肥牛公仔麵真係冇得輸，最後成為阿一粉絲，如果你認為柴灣分店好食，建議你試下呢兩間分店雖然聽講過柴灣加盟店難食，但既然新開就諗住比次機會佢，麻辣中辣湯冇味，豬扒冇肉味，米線硬嘅，差啲食到講粗口再比多次機會，一樣咁難食，同枱都忍唔住鬧左出聲，不論堂食定外賣，以後都唔會再食，比錢買難受。老闆，我好欣賞你有能力將一碗麻辣米線煮到完全冇味，但冇心做不如唔好再做啦…Read More

Acquasalahk 白色小店門口放左兩張餐桌，幻想一下去左歐洲旅行🧳充滿義大利風情十分chill。餐廳入面係另一個風格，以藤木同磚牆為主，bar台有d似沙灘旁邊小酒吧🍸廚房仲有大玻璃窗可以望到廚師👩🏻‍🍳Starter推薦Gratin Tomino Cheese，用parma ham包住cheese放係多士上面🧀tomino cheese唔會流心反而更加襯，碟上醬料係醋，唔會太酸又同芝士好夾食義大利菜既定印象都係離不開pizza🍕我地都叫左Romana Pizza Piccante, 有辣肉同pepperoni仲有大量cheeeessseee。雖然佢係list係starter入面，但 係 千其唔好睇少佢嘅份量，長形pizza有四隻手咁大，兩個人食完已經好飽🤰🏻如果想食多d菜式就要約多d朋友一齊黎啦 聽講有個Roast Beef Japanese Rice被高度推薦👍🏻連牆上嘅相都係介紹緊，微微烤過嘅薄切生牛肉鋪成花形🌺再加生雞蛋放係飯面，牛肉口感有d似食緊吞拿魚肉順帶一提，雖然天氣越來越凍，但餐廳入面比較熱，所以大家記得著透氣嘅衫，唔好學我著到咁絨腫啦🤭⛄️ …Read More

細個仲住緊北角嘅時候已經有黎打邊爐，先食海鮮再食其他邊爐配料同煮粥，中意食海鮮或者試下其他邊爐都值得試下🤭仲要一d都唔貴！黎到粥底火鍋店當然要試粥底啦，主海鮮揀左🦀肉蟹+沙白蜆，其他自選海鮮配料揀鮑魚、日本蠔🦪紐西蘭青口、花甲同大尾魷🦑睇相已經見到肉蟹真係啖啖肉好大隻，其他海鮮都好新鮮，餐廳仲有教學同計時器⏲話比大家知品嘗每款海鮮最佳時間食完海鮮就倒曬🎃南瓜粒同芋頭粒做海鮮粥，再落自選配料，當中最高度推薦有自家製手打雞軟骨丸、蟹粉包同鵝腸手打雞軟骨丸口感好軟熟又好特別，大家必定要食。蟹粉包好濃郁既蟹粉味😍食完好想encore再叫！鵝腸出面邊爐店好少有得叫，中意食內臟既朋友都要食！最尾當然要品嘗下充滿海鮮味既南瓜芋頭粥啦，如果大家唔夠喉都可以encore特定配料。見到我地兩個人食咁多野，都只係每個人$228😱份量剛剛好又唔怕搏命食🤰🏻提提大家當時我地去到門口已經排滿人📞所以大家有興趣記得要book定位啦！…Read More

入到餐廳職員安排我地坐牆邊卡位📸裝修仲好有誠意適合型格風打卡頭盤比較少係cafe會見到藍莓🫐配parma ham沙律🥗加埋沙律醋一齊食比配蜜瓜更夾，再加蜜糖穀物脆脆好有驚喜😍所以我決定霸住沙律一個人食曬佢！餐湯係好濃郁既番茄湯，酸酸甜甜好開胃主食香草燒春雞配薯菜　薯菜並唔係薯條而是薯餅粒🥔雖然係墊係燒春雞下面，但仲間隔左一層翠玉瓜，所以薯粒仲係超級脆.！燒春雞皮脆肉滑🍗而且完全唔油膩 調味適中唔會好重味。負責切肉既溥儀表示燒春雞只有一條骨所以好容易切開🍴唔會浪費丁點雞肉煙三文魚明太子忌廉意粉　忌廉味比明太子重🍝所以只有微微辛辣，煙三文魚同意粉份量偏多，所以兩個人share就剛剛好甜品方面我一早就決定要食麻糬窩夫🧇溥儀揀左tiramisu黑糖麻糬窩夫配gelato🍨☕️但由於溥儀唔飲咖啡所以我先試未倒咖啡計窩夫，tiramisu係以cream狀鋪係窩夫面，奶味會比較重，沾咖啡食就減淡奶味，而且有麻糬係窩夫入面After Eighty仲會幫唔同男artist舉辦生日展覽，餐廳會佈滿企牌同相，早前都幫過Edan慶祝🤤如果我早d知道就好，大家都可以留意住佢地ig黎緊有咩展覽啦…Read More

O.G.嘅裝修係以camping為主🏕抬頭滿天星星✨好似真係同朋友一齊露營一樣Shisha💨我地揀左Red Tea mixed with Lemon, Lychee and Mint🍹吸入口時好似飲緊香濃嘅凍檸檬茶一樣Cocktail我就揀左Yuzu Highball，酒味比較重，柚子味會比較淡🥂需要酒精嘅朋友揀呢杯不錯另一杯揀左Yuzu Sour，同樣係柚子，呢杯就比較似柚子蜜嘅味道🍯甜甜地非常容易入口，啱哂怕酒精味重又想飲酒嘅女孩子最後仲試左柚子麥酒🍺雖然麥味比平常手工啤唔算重，但原來柚子同啤酒都幾夾順帶一提O.G.可以order何蘭正嘅小食🤩不斷回味何蘭正嘅我一次滿足左兩個願望…Read More

繁忙嘅香港大街，旁邊有一個以日本古代建築設計🏯嘅商場非常搶眼，走入Still一樣以木色為主🪵每一個角落都佈滿植物，窗外可以望到啟岸巷子嘅日式燈籠🏮好似去左古老大街旅行一樣小食方面我地揀左日式天婦羅鮮魷魚同日式唐揚炸雞🍗日式唐揚炸雞　皮脆肉嫩，而且啖啖肉，炸粉份量控制得啱啱好👌🏻伴辣蛋黃醬完全唔油膩，食完仲想encore，小朋友都啱食！🦑日式天婦羅鮮魷魚　平常食魷魚圈都係洋蔥炸，用天婦羅炸咁特別當然要試下！魷魚圈下面有d黑炆炆嘅醬汁🤔毫不猶豫將魷魚圈點落去，發現辣辣地唔係墨汁嘅味道😍原來係wasabi墨汁蛋黃醬超級夾！🍲主食當然係揀西班牙海鮮炒飯　海鮮有比目魚、 硯肉、魷魚、蝦同三文魚子，每一啖都食到所有海鮮十分足料🍤味道方面就偏向日式比較甜，份量同正統西班牙海鮮炒飯相比下較少，如果兩個人食就啱啱好🫖招牌西班牙水果茶　一壺玻璃果茶上面有一個大木塞球，另外有一隻小杯，入面有🍏青蘋果片、🍊橙片同🫐藍莓，果茶主要係橙味，所以清淡得黎偏酸帶少甜🍫Dirty Chocolate　餐廳好貼心安排飲管比大家，所以唔怕飲到個嘴dirty如果大家中意日式同西班牙式fushion菜都可以黎試下，日光同夜晚黎都係完全唔同感覺，食完飯仲可以到樓下影相…Read More

之前已經聽過何蘭正 呢間fushion菜餐廳，佢地重返中環之日，就係我初嘗之時啦！🤤今次同German撐枱腳，一踏入餐廳好似穿越左去懷舊香港🇭🇰但又有好一班玩得好hyper嘅員工，霓虹燈加油筒高枱，連裝修同氣氛都有強烈對比，襯得上「fushion」呢個字📸打卡一流既然何蘭正係sell特別，咁我就揀啲最意想不到嘅配搭菜式黎試啦！🥢涼拌水煮風本地鮮魷 配 迷你水牛芝士，泰國柚子肉及老油條一碟菜有4種味道，海帶嘅甜襯柚子嘅微酸🌶鮮魷嘅辣油同辣醬爭先散發出辣味🦑聽落雖然九唔搭八，其實係大膽嘅諗法，Starter酸甜辣配搭得好恰當，每一啖都有5種口感，開胃到我地將所有碟清得乾乾淨淨🥢火灸大西洋天使紅蝦 配 荷蘭超甜迷你小蕃茄，涼拌西瓜，山西陳醋士多啤梨汁擺盤令我哇左聲😍好似藝術品一樣閃令令又有銀箔。天使紅蝦好大隻充滿肉汁🦐絕對同街外小蝦一碟冇得比。呢個前菜係平淡得黎好有驚喜😱意想不到陳醋可以令士多啤梨汁變得清甜🍓而且西瓜放最底被醬汁浸泡住🍉食嘅時候酸酸甜甜超級夾，好想問店員可唔可以要多碟西瓜清乾淨醬汁。🥢酸！麻！辣！爽！金湯酸菜煮紐西蘭鑽石蜆 配粗紅薯粉，老鼠耳，吸汁飛龍頭蜆同酸辣紅薯粉都分別成日食🍲但兩樣夾埋真係第一次試，蜆殼裝住酸菜辣湯，連同鬼咁大粒嘅蜆肉一啖放入口🤤加埋索盡汁嘅飛龍頭，真係 好 鬼 爽 ！差啲要飲哂啲湯🤩酸菜辣湯做得適中🌶微辣癮起又止到癮、無辣不歡又滿足、好酸不太好辣朋友都會中意，係必點嘅sharing plate🌟咁好氣氛當然要飲翻杯啦我一早已經睇中🍸「芝麻花生湯圓」cocktail，貪佢夠奇特襯我🤪重點係佢用萬壽無疆杯裝住，打卡一流🤩嗱！佢真係有丸子嫁🍡先用丸子連面頭嘅花生泡同芝麻一齊食🥜真係好似芝麻湯圓一樣，再用竹籤攪勻底部嘅酒。飲完面層花生泡之後就會飲到濃烈嘅baileys加淡淡嘅whiskey，尾段剩低香甜嘅baileys🍡簡單黎講「芝麻花生湯圓」係一杯fushion甜品🍹仲有German點嘅「蜜糖桂花」用Gin溝桂花茶加真。蜜糖🍯設計呢杯cocktail嘅同事話係誤打誤撞夾到出黎🧑🏻‍🔬仲強調並非用糖裝製成🙅🏻‍♀️見設計師誠意推介我地緊係捧場😏又真係清甜得黎，Gin同桂花茶底好夾🫖大家一定要試完再當面稱讚下呢位同事👍🏻呢餐飯令我讚不絕口🌟🌟🌟🌟🌟何蘭正冇改錯名，真係好L正！隔左幾日仲回味緊，不停同溥儀講「你冇黎到走哂寶啦」😌唔緊要，我仲有最出名嘅叉燒飯同推介嘅腐乳焦糖燉蛋未試🤴🏽下次帶皇上出巡黎食lunch打卡又另一翻風味…Read More

中學嘅時候去上環周圍影相，見到Oldish門口有架車好復古，當時已經好想試，6年後終於入左黎食❣️最近好迷戀燒雞🍗坐低二話不說叫左Peri Peri Grill Spring Chicken，好重bbq sauce嘅皮脆肉嫩。兩個人share半隻雞，再嗌左個Creamy Chicken Mushroom Spaghetti，意粉浸左菇嘅味，balance左忌廉嘅味，相對唔會咁膩🍟薯條就走唔甩啦🙊truffle fries is a must！💙藍色愛好者千祈唔好漏左Oldish Blue Moon！檸檬柚子疏打不倫味道同賣相都好值得叫💙其實Oldish除左「哇好復古」之外，細心留意下佢地有分中、西復古原素。有牛仔褸頭盔，舊時嘅黑白相，海報，但最吸引我注意嘅係一塊鐵牌仔寫住「屈臣哥喇」，你地估下係點解😜…Read More

我相信比張相大家睇就明，呢個係呑拿魚刺身，望落似display，定係小朋友玩具? 啲色同texture已經好假，未食已經心知不妙第一啖緊係食最安全嘅食，每粒飯都比意大利飯硬，似未煮熟嘅米，好，next個呑拿魚蓉算係正正常常，少少呑拿魚味，食落似袋裝唧烏冬嘅口感黎到塊呑拿魚。。。咬落去以為食緊啫喱，但又比啫喱硬身少少，煙韌過啫喱，但肯定唔係魚。。。如果你話呢個係素食，特登嘅，可能我會安心啲，但點睇都似假魚所以我每樣食左一啖就原封不動放翻喺到，好似50幾蚊，伏到永遠唔會再食，完…Read More

自從去過呢間Cafe之後就念念不忘🥰第一次去食蜆肉意粉同burger，第一啖只係食左個煎蛋邊已經知道個burger幾入味，同朋友分半個係絕對唔夠喉🥺一定要食哂全個老闆話有隻我塊面咁大嘅好春大隻燒春雞一定要試，所以我第二次去到二話不說嗌左燒春雞同burger隻燒春雞開頭你會好斯文咁用刀切，老闆比左手套我之後淑女都變野人😂我好怕食雞肉，尤其燒雞，因為好鞋，但呢隻雞肉嫩過bb肌，捐埋骨都唔夠喉自此我成日同店長講掛住春雞，掛到會特登搭的士去食佢❤️…Read More

呢個豆腐牛肉飯，我幾欣賞佢嘅豆卜切成油炸鬼咁檸檬冬瓜水都好清甜，唔係死甜味，而且用青檸，淡淡酸味唔會搶左冬瓜茶味道，更唔會飲到喉嚨痛，店員冇介紹錯，值得一試不過牛肉飯嘅汁唔夠多，個飯偏淡最重點係鋪頭嘅menu好用心地搞鬼😂外賣自取有9折聽聞標榜成本高嘅嗰碗排骨飯都幾好食 下次試下環境同地理就爭左少少，由於喺觀塘，離地鐵站10分鐘，可能要去開觀塘先會特登去而走廊有陣up味，相信係同層鋪頭嘅紙皮箱太多而引起，希望遲啲改善到…Read More