xiqing777's Profile

山長水遠入來元朗來試下老字號充滿懷舊風味的萬芳冰室，特登來試下巨型炸脾，中午去到已經開始排隊，大約20分鐘就有位，位置唔多，需要搭台，比較逼，裝修好有懷舊感。生炸雞全翼（2件）配沙律（HKD 33）雞翅炸得有D乾，不過好脆，又入味，個沙律青瓜蘋果紅蘿蔔好新鮮配買薯仔，真系好好食。生炸招牌大雞脾配薯條（HKD 43）不愧系大雞脾超級巨型大過我塊面😂我一個人根本食唔曬，肌肉入味，肉質感覺一般，無咩驚喜，就系一個比較大的炸雞脾。萬芳招牌紅豆冰（HKD 27）最有驚喜紅豆冰，紅豆粒粒分明，食落口起沙，甜度適中，非常好飲。…Read More

炯記真系好多野都好好食，又想食叉燒，又想食豬手同鹽焗手撕雞，咁炯記四寶飯絕對系最好的選擇，只要60蚊可以一次滿足曬你3個願望，哈哈哈哈。鹽焗手撕雞：手撕雞肉質鮮嫩，非常入味，鹽焗味好香仲帶有芝麻香味。炆豬手：大大件豬手好入味，又淋又滑又有嚼口，啖啖骨膠原，食落一D都唔肥膩，非常好食。叉燒：味道偏甜，肥瘦適中，送飯真系一流，非常好食圖片中奶茶並不是炯記,系隔離鋪港式支装奶茶，有興趣可以試下，都好唔錯😂…Read More

海運海景美式漢堡包🍔環境好全海景座位非常闊落。ShackBurger（HKD 54）漢堡扒好香有炭燒味，包好軟連埋D生菜，番茄同shack sauce，非常好食😋Shroom Burger（HKD 67）我最愛的漢堡，大啡菇炸的好香脆，咬落去仲有汁，簡直極品，超級好食。Avocado Bacon Chicken一個好足料的漢堡包，香脆的雞胸肉配上牛油果醃肉，各式蔬菜，嘴細D都咬唔到，適合大食D朋友。Mango Shake（HKD 48）芒果奶昔，系只有香港城暱間鋪現有得賣，好濃奶味，個人覺得有D膩，味道好好，小朋友特別鐘意。Fifty/Fifty L（HKD 32）其實就系檸檬茶，味道好淡，但系有種清新的感覺。Fries（HKD 28）大大條的波浪薯條，好好食😋…Read More

Nun Desserts Cafe天氣熱，阿女突然話想食雪花❄️冰她話未食過仲走去同她契爺講😅雪糕真系成日食我都好似好耐無食過，特然諗起讀書果陣經常同D同學仔一起食Nun，契爺第二日立刻飛車去買再飛車送來我屋企，真系好感動，送到來只系溶左少少🤏Good。韓式綠寶石香甜蜜瓜雪奶（78蚊）Honeydew Melon Sherber好多大大舊蜜瓜香甜多汁，雪糕感覺有D似Haagen Dazs，奶味好重，配上雪奶冰，真系好好食，還是原來的味道👍韓式鋒芒畢露黃金雪奶（78蚊）Fresh Mango Sherbet好多芒果肉，又甜又多汁，配上雪奶，真系好好食。另外配左煉奶但系我無加，我覺得剛剛好，不過食到底就需要加少少，因為無咩未。Nun絕對系消暑聖品…Read More

一間傳承台灣幸福味道奶茶店，堅持每日現場古法手抄黑糖，堅持天然，每日手工製作新鮮天然無添加防腐劑，色素的黑糖珍珠。聽聞之前幸福堂好多分店，日日排隊，今日系旺角甘啱見度人唔多就來試下。得我一個人只可以飲一杯，肯定要幸福堂Top 1 頂級焰遇幸福-黑糖珍珠鮮奶：茶味好淡幾乎無咩茶味，奶味好重，看似黑糖好多，但系甜度適中，D珍珠好煙韌，好有口感，因為用火槍燒過奶蓋和糖霜，飲的時候會有陣陣焦糖味。整體來講成杯奶茶配搭的好好，唔鐘意茶味太濃的人可以試下。…Read More

系屋企用OpenRice提早落單，落單後會顯示可取餐時間，時間差唔多在慢慢行過去，時間剛剛好完全唔需要等，出餐好準時，好方便。堅信號我特別推介生煎包（4個）32蚊: 皮薄餡靚，好多汁，肉汁好鮮甜，真系非常好食。食生煎包時一定要小心好容易會祿到嘴。（必食）秘制豬扒擔擔麵 62蚊: 平時我唔多鐘意食豬扒因為好柴，秘制豬扒好嫩滑，味道甜甜地，好好味，連埋個擔擔麵，個湯底好濃花生麻醬味，微辣好香濃，真系好野味。…Read More

位於沙田和輋村商場入面有間藍鳥葡國餐廳（Blue Birds）每日下午時間2:00-6:00，下午茶時間有下午茶殘食，份量大價錢平味道好，好抵食。吉列魚柳➕薯條：魚柳真系好好食，炸的好脆，入面魚肉好滑，即炸即食配沙拉醬真的好好食。薯條大大條帶小小皮，好香好食。伏特加龍蝦汁大蝦意粉：食唔出伏特加同龍蝦味，但系個意粉汁味道唔錯，意粉軟硬適中，好多菇同蔬菜，大約有6只蝦，整體上都OK。套餐➕3蚊凍檸茶：普通茶記檸檬茶有3片新鮮檸檬，香港越來越多餐廳檸茶無檸檬了。…Read More