好肚餓呀呀's Profile

Reasonable price and normal standard of taste and portion.The location is at the Mira Mall of TST which is convenient to go.Among the set, I like the stater-wagyu potato with poach egg the most. The quality is much higher than normal, which makes me strongly impressed. The taste of wagyu is strong, with perfect match with poach egg and fried potato.However, regarding the the main course, the taste of ribeye is not strong, which I can say it is quite light. Finally, the desserts are too sweet for me.Overall it is reasonable and can try if you are heading to Tsim Sha Tsui.…Read More

慕名而來，體驗一般2人被安排左喺露台邊位，好背光，加上每張枱之間好迫，侍應serve 時機乎會頂到隔離枱，似啲好迫既cafe setting環境多過5星級酒店扒房。👍：食物來講覺得龍蝦湯、牛扒伴碟嘅粟米芯、cheese cake最好食，above average水準。🤔：西冷牛排medium rare，內裏好多脂肪筋，牛扒肉味淡。鐵板Brownie 要加錢但口感味道其實同一般跟餐嘅差唔多，唔加也可。一試無妨，但唔好太高期望…Read More

非常滿意嘅lunch set前菜三小碟： 涼拌萵筍絲調味適中，口感清爽略嫌出水稍多。黃金皮蛋比起黑皮蛋更少「嗡」味，配搭麻辣醬汁非常惹味。涼拌芹菜鮑片:口感爽彈，大約有半隻左右至一隻左右。酸辣湯:足料，醋味比辣味出。是靚湯: 濃郁鯽魚及唐排味，已經過濾所有湯渣。黑醋骨: 外脆內軟，調味適中，10分可口。招牌酸菜魚: 叫咗小辣，很符合個人口味，魚肉大塊白淨。碗底亦有寬粉，略嫌寬粉稍為煙靭。上湯浸時蔬: 刻意很淡的調味，能夠中和以上菜品酸辣口感。黑松露雞粒炒飯: 炒得鬆軟，碗底少油，讚。紅棗糕及黑糖糕: 紅棗味非常濃郁，黑糖糕彈牙現場食物雖看起來份量不多，但全部吃完剛好飽。不用茶位費，非常推薦。…Read More

環境: 燈光比較昏暗，中午去食都有晚餐fine Dining 氣氛，每張枱之間位置都大，二人安排咗張四人枱。服務: 落單、上菜、收碟都好好服務。唯一奇怪嘅就係我哋兩個人坐四人枱，收起咗兩張凳，但我哋兩個人都有手袋，要擺喺自己背脊頂住食飯，好奇點解冇人俾個籃或者俾多張凳我哋擺袋。食物: 自家製麵包: 不是sour dough，是口感鬆軟的麵包，配埋牛油幾好食BEACON：鹹中帶甜，幾好食法式洋蔥湯: 個湯係偏濃同焦，口感厚實，但我個人更偏向洋蔥的甜味牛柳:侍應推薦medium rare ，但食落似medium，估計有焗過+用大火辣焦牛柳表面，但時間過左火，外圍嘅1-2cm係well done好鞋口，內裏已經喺medium，唔啱我口味。SideDish嘅薯蓉同菠菜調味比較淡，用嘅忌廉不多，都幾健康。甜品： brownie好食，有流心效果，味道豐富。招牌cheesecake食唔出有幾招牌，似$3x-4x連鎖餅店水準，冇話特別有芝士味或者幼滑/厚實口感，係成餐唯一冇食晒嘅嘢。叻加左$100一杯香檳，目測得100-150ml，就係圖中咁多，我唔知咁樣係咪Standard？性價比：純粹以食物嚟計似298水平，當然5星級酒店有其他地方做得好…Read More

位於iSquare高層環境開陽望到海景，服務好好。茶都會有個火坐住。試左$198午市套餐，要加$20/人茶位及$20一份前菜，前菜係花生&醋木耳，味道非常一般，不知有無得唔要。Menu有9道食物，每道都每位上，上菜次序唔係跟足menu。另外其中一次換嘅新碟有明顯一撻污跡，懷疑係洗碗機洗，但冇人複查。每道菜都幾好食，最出色係蜂巢香芋角，香芋餡好綿，外皮鬆脆唔會過多粉，高分之作。黑魚子西班牙豚肉燒賣個名夠長，但食落就係一般嘅豬肉燒賣，相對平庸。其他食物都比起出面嘅點心好食，整體滿意。…Read More

[自費！］$398 dinner set算係物有所值前菜方面個帶子熟到啱啱好，七成左右，加埋三文魚子好鮮。個周打忌廉湯就中規中矩。主菜方面，揀咗熟成肉眼扒，肉味偏濃，份量足夠；伴菜有烤菇、烤椰菜花、同類似牛蒡嘅嘢，均衡返個口感同營養。唯一挑易係塊扒有啲部位比較肥同埋脂肪要切走。另外甜品要加錢嘅柚子雪葩個人覺得一般。要加錢嚟講如果佢轉用其他更出色的甜品會更吸引。服務方面每道菜之間都有啲時間唔會急上，唔知係故意定係因為多人所以出得較慢，我覺得咁樣幾好，唔使咁chur。總結嚟講398起食dinner set環境又OK食物份量又OK味道又OK算係值得。…Read More

平日Lunch 經過呢間見到full house就好奇入去試下，爆場要搭枱理解無問題，服務都正常沒問題。Menu算多選擇，1516試船麵定炒飯定炒粉好，見menu上L6寫住Amazing蝦肉炒金邊粉，本身炒金邊粉都係泰式招牌菜，加上有店名Amazing個字加持，個原理就好似去茶記必食乾炒牛河咁，就試左L6 Amazing 蝦肉炒金邊粉，食落真係amazing，伏到amazing!個粉基本上無乜味，唔酸唔辣唔甜，這是正規錄用的泰菜嗎？ 不過公道講唔係難食，只係一般到一般，我比2.5/5分，但lunch 賣$78食呢碟野，整體比1/5分。 但見其他客人食其他野都食得幾開心，唔知其他食物如何，只能夠同大家講不要試L6 Amazing炒粉，救得一個得一個。between，泰奶+$14幾好飲，lunch total $92落樓…Read More

首先值得贊喺呢間餐廳服務幾好，我有事要打去改時間，打過去喺Miss call之後會覆返我係咪打過過去今次是！自費！Restaurant Week Lunch Menu $148 餐湯+前菜+main+熱檸茶今日餐湯係蘑菇湯配一嚿多士，兩者都唔錯。前菜試咗吞拿魚，冇乜味，個蔥汁都偏淡，另一個前菜海膽多士反而幾好食，配上魚子醬起碼夠鹹鮮主菜就一個嗌咗鴨髀拼焦糖蘋果，鴨髀正常發揮，焦糖蘋果好食，似法式蘋果批嘅味道。另外有三條紫色嘅疑似白蘿蔔，染咗色食落偏淡。另一位主菜價錢upgrade咗鵝肝配牛柳，鵝肝大小適中幾好食，牛柳三成熟都啱啱好，但內裏又係好淡冇肉味冇調味，只有表面有啲鹽，總體調味好淡，需要向侍應額外拎鹽俾我。整體嚟講裝修幾靚，坐得舒服，服務都幾好，食物而言擺盤靚但調味一般，有點可惜，整體性價比算高都會推薦過嚟試吓…Read More

[自費食評，非廣告，沒有任何利益]第一次在香港食omakase 形式的餐廳，非常推薦初試就揀了set menu，包八件手握壽司。先讚每位客人都會有少量伴碟，牛蒡非常好食，蒜味不濃也幾開胃，又無破壞味蕾。八件壽司都有不同的調味及處理方式，有燒過也有食鮮味，主廚也會先問有無咩唔食。最驚喜係竟然包左海膽軍艦，份量非常慷慨，完全物超所值。至於套餐內的其他前菜湯品甜品就正常發探。唯一美中不足係bar枱形式但座位下沒有位置放置包包。整體非常值得推薦！…Read More

性價比幾好既餐廳for 晚餐celebrations餐廳位置灣仔, 位置算方便易搵。前菜: 本來想食鵝肝配香煎帶子，結果冇晒鵝肝，換左做豬腩肉，煮得好腍好食，帶子熟度都做到半生，好有口感。主菜: 龍蝦意大利飯同肉眼扒配龍蝦都係正常西餐質素, 並唔係「扒房」質素。勝在份量都ok, 配埋送既麵包同甜品都幾飽。總結: 餐廳環境幾光猛寛敞，如果有優惠時 $298/head 份量同食物質素性價比都幾好。可考慮for celebrations食…Read More

又愛又恨既餐廳餐廳位於銅鑼灣樓上細舖, 座位偏窄, 但廚房細細望落入面都多staff, 對食物已經有期待-前菜: 龍蝦濃湯, 正常, 唔係creamie個種style, 都飲到龍蝦殼既鮮味-主菜: 油封鴨脾意大利飯幾好食, 鴨脾表面烤到焦焦地, 拆肉撈埋個飯底幾夾。另一主菜加錢upgrade做椰子殼煙熏阿根廷黑安格斯牛里脊, 賣相非常好, 完美既medium rare, 內餐嫩腍, 外皮少少煙熏味, 配個汁酸酸地, 好岩我胃口-甜品: 提拉米蘇一般, 反而芒果糯米飯有特色, 配埋雪芭, 非常涼爽但相信大家睇多幾個comment都會鬧佢服務, 的確安排極差。例如你book左2PM, 準時上到樓敲門入去係見到全full冇位, 唯有出返門外樓梯口等, 但同時會有多幾pair等入座客人在門外企, 完全冇staff安排及指示排隊入座先後次序, 由得你在門口唔知等緊乜。 有人book左2PM準時到, 要等到2:30先入得, 安排極差總結係如果為左個牛去食係值得, 個口感同味道都好食, 但建議book最早個時段, 以免上一批overrun搞到遲入座…Read More

呢間手工意粉本來係大坑都已經幾出名, 而加港島仲有其他分店仲方便食到送既麵包正常, 個醬唔係一般既牛油, 而係酸酸地既黑松露醬, 好幾開胃前菜揀左1個水牛芝士1個正日湯(南瓜湯), 發揮都正常, 份量都比一般意式餐廳稍大少少主菜揀左1個Carbonara 1個大蝦意大利飯Carbonara 比起出面會較重芝士味, 我個人幾鐘意而大蝦意大利飯係蕃茄味底, 偏少少酸, 幾開胃, 而飯熟度又岩我, 唔係"夾生"個款, 會熟少少+仍保持到咬口甜品揀左1個雪糕1個cheese cake, 雪糕幾冰涼幾好食, cheese cake我個人黎講覺得太甜同唔夠凍/結實, 佢係偏向cream cheese既口感仲包埋coffee or tea, 整體而言都會為左個main再去食…Read More

「這是一篇百分之一千的手寫及自費食評」這是一家香港非常少有的成吉思汗式烤羊肉餐廳，不需要怕不懂烤，店員會全程幫忙，把每個部位烤至最合適的熟度奉上。店員會送上烤洋蔥，非常清甜。烤肉套餐每款肉各有特色，有些味濃，有些清香，有些嫩滑，有些緊緻。另外店長推介我們加點嚐試烤羊舌，這是我前所未見的東西，推介原條烤，並不是像牛舌般切片。口感非常脂嫩及味道奶香，喜歡吃羊的必需試下，比起其他部位有過之而無不及。再另外我們加錢升級了羊湯，口感濃厚，如果能少量加麵或粉絲定必錦上添花。整頓飯味道及服務都非常好，愛羊之人必試，對羊有興趣的人也會樂而忘返。…Read More

平時好少食印度菜，見呢間幾高分就試下環境:場地都大，間格闊落，自然光射入黎光猛服務: 主動熱情，會主動幫窗邊客人落窗簾食物: 前菜1人揀2款，2人就可以試哂4款。雞大件嫩滑、炸豆泥餅正常、麵包高質，特別係個肉醬好夾、個脆球估計個餡係蘋果粒，酸酸甜甜。 主菜叫左一份雞配Roti，一份魚配Garlic Nan，Nan 外脆內軟好食，roti偏乾偏實，個人覺得比nan遜色。雞同魚個咖哩比較水，唔似平時食開既印度菜口感，但唔知邊款先係正宗。值得一讚係送餐飲！總結: 氣氛熱鬧，價錢合理，份量算大，岩一班人聚會…Read More

（this comment is for the restaurant week last time，self financed experience without any conflict of interests with the restaurant)The environment were suitable for fine dining. There was enough space for you to chat with your friends. The foods overall were good. The portion of foods were quite full. But the ice cream was too flat, i can’t finish the whole ice cream of it.One food I want to highlight is the garlic and butter for the bread, that was so amazing as a garlic lover. The soup is good and beef is fine. I will suggest this fine dinner for some specific anniversary.…Read More