trevoryau's Profile

一路都有聽過民聲冰室肉餅山有幾特別，但可能期望好高，現實同想像中有好大出入。首先舖頭真係好細而且污糟，過膠餐牌已經甩哂膠同埋佈滿油漬，加埋整體空間好細，夏天去真係好辛苦。肉餅山黎到個“山”真係得啖笑，只係比市面既高少少而已，絕對唔係山，食落係正常肉餅既調味而且都冇咩豬肉口感。其實街邊新鮮整起3餸飯都完全食到一樣既口感。另外仲叫左豬扒飯，黎到後豬扒係酸既，同佢反映左之後轉其他食物，之後因為舖頭細，完全聽到哂廚房既人切開塊豬扒試，仲話係喎點解酸。大佬，而家既天氣食材儲存不當就當然會酸，仲要咁大聲討論，發生咩事？有咩咁值得去食呢其實。…Read More

之前行過成日都見好多人食飯，以為真係好正，所以今日決心黎試下。最出名既火焰牛柳，睇佢出到黎燒兩下，其實都係噱頭野，食落冇咩特別酒味。重點係個牛柳係好明顯用鬆肉粉乸到完全冇肉既質感，完全唔知食緊咩肉。本身都諗住唔會好高質素，但冇諗到係咁既口感。一路食一路覺得好似食緊快餐店廉價牛扒咁，賣$221但完全俾唔到應有水準。另外叫左焗豬扒飯又係出事，個飯底有炒過但係濕到好似新鮮煲起既飯咁，唔敢肯定係咪炒蛋撈飯，因為有輕輕炒過都唔會咁濕，豬扒一樣都係乸到唔知食緊咩。如果冇咩童年回憶既就唔使試，慳返食花園餐廳仲開心。…Read More

平日放假黎食個拉麵，之前食過晚飯好食，但今日3點幾左右一個客都冇，本身都驚會唔好食，但佢啲廚師都真係好專業既。午餐叫左燒豚豚骨拉麵再加廿蚊有3件炸雞，拉麵都幾大碗而且唔係2啖就食哂個種，豚骨湯好濃同埋超熱，會漿口但唔會咸同埋腥，拉麵麵質就一般般，叉燒有2大塊而且都好淋好入味，一咬就化開。炸雞就熱辣辣，炸衣薄薄一層，幾好食。整體係好食既而且冇咩人，食得好舒服而環境都幾靚。午餐會相對抵食啲，得閒都會再去食！…Read More