veron b's Profile

今日約咗個老師食個早餐，去咗將軍澳中心行咗個圈，見到門口到幾多早餐選擇，地方比較寧靜，所以坐低咗。點左兩個早餐兩杯咖啡。老師食素，所以點了意式素食早餐，一杯凍cappuccino!呢個早餐除咗有兩隻煎蛋之外，仲有煮林咗嘅南瓜，用黑椒炒蘑菇，牛油果醬同埋仲有個熱辣辣嘅牛角包！成個早餐除咗顏色吸引，配搭嘅材料又有營養，健康指數係滿分😆我就點咗蕃茄湯肉丸通粉加一杯凍嘅latte!早餐糖一個清清地嘅通心粉再加上豬肉丸同埋一隻煎蛋。個湯底雖然比較清淡啲，但配上肉丸嘅味道，都幾好食，通粉亦都煮得恰當，成個口感都幾好！我哋「慢食」早餐之後再慢慢嘆兩杯咖啡，呢度嘅事嘅10分friendly ，完全冇因為我哋喺度傾偈而黑口黑面，每次過嚟都帶着歡樂嘅笑容!而家好少餐廳有咁嘅服務😄…Read More

好耐冇食過潮州菜，今日突然間好想食，上網搵咗一間新開嘅餐。入到去都似一般潮州菜館。第一時間點左個滷水鵝四拼盤。有滷水鵝，腎，紅腸，五花腩同豆腐。滷水味都幾香亦不會過咸，我好怕食到啲好鹹嘅滷水！九肚魚烙蠔仔烙就食得多，用九肚魚代替蠔仔都係第一次。呢個菜非常有驚喜，香脆隻九肚魚，啖啖都冇骨，兼且有啲花生喺入邊，口感一流！呢一味菜，我一定會返嚟再食😋鹹骨春菜蘿蔔煲我朋友選擇左一道好傳統嘅潮州菜，春菜有少少甘甘地，再配埋咸排骨同白蘿蔔，味道十分夾！我連啲湯都飲埋！銀杏芋泥食潮州嘢一定要食埋呢一個甜品，賣相就一般，但係口感同埋味道相當好。平時傳統嘅芋泥一般都太甜，呢間餐廳就甜度好適合而家我哋嘅口味！整體來講呢間餐廳真係幾好，相信好快會再嚟試其他菜式！…Read More

今日做完運動，諗住去韓國街買啲野今晚屋企食韓燒，經過左呢一間餐廳，個裝修好嘢地中海feel、好似好chill，所以嘆埋個午餐先。地中海茄泥醬聽個名都覺得吸引，感覺好似鷹嘴豆蓉，雖然餐牌寫咗有茄子，芝士甘筍蘆筍，但係食入口真係食唔出，不過有地中海味道，再配上熱熱嘅烤包包，味道特別，好食！ 海鮮拼盤串燒個賣相吸引到暈，粒檸檬喺啲海鮮上邊滴啲汁落去，有三文魚同埋大蝦再夾啲紅椒青椒係中間。令到檸檬汁將海鮮嘅鮮味帶咗出嚟。雖然有一舊魚比較硬，但整體來講都唔錯。好啱做完運動需要大量蛋白質🤣叫咗個BSP Pizza諗住試一試，呢個Pizza真係冇諗過咁好食，薄薄嘅餅底配上煙肉同埋辣肉腸及洋蔥，其實睇上去好似好簡單，出奇地好食，淡淡都食到配料，份量亦足夠兩至三個人食，但係因為太好食，食完都好似仲想食😅！做完運動食返大量嘅蛋白質，再加上整體嘅感覺裝修都好好，一路寫一路都仲想再食嗰個Pizza😂…Read More

今晚同阿媽始撐枱腳，去咗屋企附近一間西班牙餐廳。叫左一份rojo salad, 用咗新鮮嘅紅色同黃色紅菜頭再加一啲酸酸甜甜嘅果醋沙律醬。我第一次食黃色嘅紅菜頭，味道好清新。越食越開胃！😅在叫咗一份padron pepper, 大約有10靚隻青色辣椒仔望落去好似好辣，但食落口一啲都唔辣，香蒜將加埋青椒仔嘅獨特味道，呢碟菜式都幾特別，媽咪好鍾意食！再叫多一碟tapas 餐前小食gambas ! 一行大約有八隻蝦，配上好香濃茄蒜蓉海鮮汁！整體tapas 都幾有西班牙風味！最後叫咗一碟主菜同媽咪分享，燒豬肋骨，呢碟菜式等咗30分鐘，侍應話佢哋嘅煮法唔同出邊，佢話完全燒肋骨放入焗爐焗，再配特別嘅醬汁所以要需時！賣相一流，侍應好好心機幫我哋切！ 好彩都幾好食，分量當選到兩個人（唔係好大食）分，肉質爽口。呢間餐廳雖然唔係好多侍應，但係態度都幾好😊雖然主菜等得耐咗少少，頭盤同小食都上得非常快，媽咪都幾滿意！ …Read More

今日天氣非常熱，早上去完沙灘之後好想食餐好，問咗識食嘅朋友D 先生，問我有冇興趣食澳洲西餐，原來係grill room. 自從我唔食牛之後，我都好耐冇去過。餐廳個氣氛非常之熱鬧，柔和嘅燈光再配合輕快嘅音樂。感覺有少少似渡假feel! 今晚實在太肚餓所以我哋整咗兩個都係肉類同一份沙律。香草牛油珍寶大蝦蘋果沙律🥗有四隻bbq燒大蝦，好香燒烤味，有蝦味，雖然食唔到青蘋果，但係沙律菜新鮮配上酸味嘅沙律汁，清新開胃！葡式香辣燒雞，呢一碟真係啱晒我做完運動要吸收大量蛋白質😂。賣相都幾吸引，有一隻雞切開四件，加一杯薯條同一份細沙律。雞肉咬落去都幾鮮嫩多汁，初時仲擔心好乾，個面有少少微辣，好惹味！紅酒燴羊膝自家製燒烤汁，賣相相當吸引，有大約一個拳頭咁大，用把餐刀輕輕力就能夠將肉切出來，肉質非常鮮嫩，完全冇羊嘅味，個薯蓉再配埋BB蘆筍，最正係完整蒜頭🧄，焗得好好味！整體來講，服務價錢氣氛都算係唔錯！一定會再嚟！…Read More

今日喺Popcorn睇完戲，好鬼肚餓，對住戲院有間西餐，睇落去好似幾好食，所以就膽粗粗入去試一試。都有啲驚喜，因為餐牌裏邊有大量嘅沙律新鮮果汁同埋蛋白質食物！ 一開始就叫做個ham and cheese platter.我就叫咗杯紅酒，我個friend就健康大使，所以佢就叫咗杯紅菜頭蘋果甘筍汁！ 講真House wine 來講呢杯都幾好，我成杯飲晒都冇頭痛😂ham and cheese platter - 賣相唔錯，有兩款ham , 一款硬芝士一款軟芝士！再加4片包，兩款之時都不屬於太鹹，個人喜歡用軟芝士揸上個麵包度一齊食，口感同味道都幾好！呢個非常有驚喜，我晚上盡量少食碳水化合物，叫咗低溫慢煮黑毛豬 ，黑毛豬肉質鬆軟多汁，再配上砵酒汁同番石榴肉，香濃再帶點鮮果酸味，配搭一流！滋味無窮！我一定會再去食呢個！😆我個friend就叫咗一個法國油封鴨蕎麥薄餅，賣相都幾吸引，我試食咗一啖，雖然個名聽落去好似好油淋淋，但係食落口非常清新，薄餅入邊有青瓜粒雞蛋再配埋洋蔥，食落去都幾青山清新！不過我依然喜歡我自己嗰碟慢煮黑毛豬！真係好好食！最後都忍唔住，叫咗克焦香芝士蛋糕，見到個餐牌張相都幾靚就試吓好唔好食，叫咗一件兩份分，濃濃芝士香味再配上士多啤梨汁，芝士蛋糕入口即溶，最重要係唔甜！真係好想叫多一碟，不過已經last order 咗😅！所以留返下次再食過！…Read More

今日雖然放假，但炎炎夏日，唔想周圍去，今日去咗太古城嘅pizza express 食餐勁😆，坐喺窗邊有少少陽光，感覺好似去咗旅行咁。頭盤叫咗一個焗蘑菇同埋雞肉蘋果沙律。焗蘑菇一碟有八粒，每一粒都釀咗pesto sauce 加mozzarella 芝士。入口蘑菇依然多汁，加埋好清新嘅Pesto sauce，好適合夏天食。另一碟都是夏天非常適合食嘅雞肉蘋果沙律，佢用雞胸肉加青蘋果絲，下邊配合一啲生菜，蕃茄仔及合桃，用料亦新鮮，非常清新！我朋友想試吓一啲冇用mozzarella 做嘅薄餅，蜜糖雞肉薄餅，呢個係用軟芝士代替左mozzarella ，雞肉係用蜜糖焗，所以入口有少少蜜糖嘅味，再加埋其他香料，加埋佢放薄餅，香脆可口，完全冇咗Pizza嗰種油膩感！好好食！在嚟咗一個蕃茄海鮮意粉，侍應非常細心，提我地可以唔要辣，咁我哋就走辣。賣相非常吸引，有蝦肉，八爪魚仔同埋蜆肉！香濃嘅海鮮味配上新鮮隻蕃茄醬，意粉軟硬度適中，整體都唔錯！事關我隔離嗰個好鍾意食甜品，叫咗一碟甜品拼盤。值得一提嘅係個椰子tart，非常香嘅椰絲味，再配一個香脆嘅餅底！好好食，好可惜冇得散叫！最後你飲咗杯冰涼嘅檸檬特飲🍋！今日呢一餐夏日大餐，畫上一個完美嘅句號！…Read More

今日同啲老友去跑馬地馬會食四川菜，估唔到有驚喜。京燒羊腩，外脆內軟，賣相一流，食落口入口即溶，加埋佢個秘製醬汁，簡直好食到唔停得口。好可惜得八件，我哋四個人，只能夠每人分到兩件！😅另外有一個醬油鱔絲包餅，賣相好似一般炒黃鱔加一籠北京田鴨皮，賣相雖然平平無奇，但係塊皮，又柔軟又滑，放上青瓜絲同黃鱔，簡直係絕配，熱辣辣嘅皮包住啲黃鱔，入口啲汁爆曬出嚟，一個字形容正😂今晚食得非常之開心，我哋已經決定再來！…Read More

見到Openrice 有優惠，再一次去食餐好。全店都是粉紅色的裝修，初時覺得怪怪地，但坐坐下感覺好開心，因為枱與枱之間距離好遠，非常有空間感，原來呢間餐廳係喺新加坡開過來，以美顏湯底作主打！我先吃點前菜小食。這個新加坡名物「黃金魚皮」新鮮即叫即炸，鹹蛋黃均勻沾滿每一片魚皮，輕薄香脆，調味也是剛好，不會死鹹或太重調味，仲要熱啊！必食！😜首先點了湯底，選擇了鴛鴦湯底，一半是膠原蛋白養顏美容鍋(HK$110)，另一半是蕃茄湯底。把食物放進湯底之前，餐廳的建議是先喝一口膠原蛋白湯，每一口都含有豐富膠質，還覺得有點黏的感覺。還未開始已經飲咗三碗湯！😅湯入邊仲有白白滑滑嘅豆腐，食晒之餘再叫多一碟！另一道是「魚三角」(HK$54/半份 )，魚鮫位啖啖肉又特別滑身！薄薄的豬頸肉，估唔到入口都非常爽口，冇咗油膩感，好好味！食物方面，價格亦不貴，平均都有中上水準，而且服務非常之好。…Read More

因為疫情關係，真係好少好少出街食飯，亦都唔想成日係屋企玩煮飯仔，今日就例外去咗尖沙咀，試吓叫外賣西餐回家。原來而家連西餐都有外賣餐牌。點了一個巴馬火腿青蘋果沙律及兩個主菜，八安士肉眼扒配薯角同埋香煎魚柳配蘑菇忌廉汁配雜菜。返到屋企開嚟睇吓，賣相都幾次樣。巴馬火腿青蘋果沙律個沙律有青蘋果，所以食落去好清新，如果可以多幾塊火腿就一流！😋八安士肉眼扒配薯角牛扒雖然唔係熱辣辣，但係都冇影響啲肉汁同味道。啲配菜真係好認真，全部切到齊齊整整一粒粒，兼且烤焗得非常之香噴噴。香煎魚柳配蘑菇忌廉汁配雜菜魚柳都有兩件份量雖然不多，但係食埋配菜就剛剛好。香濃蘑菇汁配煎魚味道非常之夾。整體來講都算唔錯，可以放低口罩安心在家食一個西餐都係一個幾好嘅選擇！😊…Read More

今日突然間想食生炒排骨，經過開附近，見到入邊人頭湧湧等外賣，我諗應該都信得過，叫咗一個生炒排骨同埋 XO醬蝦球炒西蘭花，等左15至20分鐘，就嗱嗱臨飛返屋企，返到屋企都仲熱熱地，所以唔需要返炒。可能佢用新鮮菠蘿，味道真係一流，比起一般大酒樓一啲都唔差，粉漿亦都夠薄，加埋個汁，甜酸適中。唯獨是有一兩舊排骨有少少沙。分量亦很足夠。XO醬蝦球，蝦球爽口都有成四五隻蝦，XO醬夠香，但係可以再辣少少就perfect ！唔怪得知咁多人排隊買啦，加埋杯飲品埋單$160左右！真係幾好食😋，其實呢度都有好多選擇，下次可以試一試其他餸菜！…Read More

日本，暫時冇得去，所以搵咗一間日本居酒屋頂住先，FireBird地點靜中帶旺，銅鑼灣鬧市算是僻靜地區，這裡是喝酒談天的好地方。日本的串燒以燒雞肉，所以雞肉質素尤其重要。看看餐牌，這裏也有好幾款用雞來做的串燒，我二話不說就點了兩sets firebird雞肉串燒盛盒！賣相相當吸引，總共有四款用雞唔同部位來做嘅串燒及一串燒秋葵。四款串燒中，我自己最鍾意FireBird的自家製雞肉棒以雞髀肉製作的，加入雞軟骨和蔥粒，味道很好。最精彩是那只日本產雞蛋，無論顏色和味道都一流，配上這新鮮的免治雞肉棒，效果只會錦上添花。原隻魷魚燒烤，墨魚鬚燒到脆卜卜，肉質鮮甜！串燒離不開酒，不過近排要保重身體，所以不喝酒，好彩這裡也有Mocktail可供選擇。點算了一杯荔枝味lychee frozen!無論顏色味道都相當唔錯！十分冰涼，一路食熱辣辣嘅串燒，一路彈啲杯凍飲，一個字「正」！…Read More

近排無得去台北，突然想食台灣菜，去咗一間位於中環蘇豪區的它以酒吧為主題，是一家新派台菜！點了一份鮮蟹肉麻婆豆腐撈麵 ，麻婆豆腐辣度適中，鋪滿蟹肉，非常鮮甜，麵條亦算彈牙。唔算辣，幾開胃。好快就成碗吃完！手繪雙色鹽酥雞，聽個名唔知係乜，賣相十分吸引，鹽酥雞炸得香脆同時保留雞肉的嫩滑與肉汁，搭配柚子醬及黑松露醬，前者有美味嘅柚子香，後者黑松露味道亦十分香濃。兩隻都非常野味！店員話奶奶麻糬是店家的招牌之作，有四款選擇，我點了配以花生碎可以說是最佳的配搭！店家的麻糬並沒有糯米的成份，所以平常不能進食糯米的朋友也可以享用，涼涼的麻糬超滑溜，吃起來更入口即溶，絕對是必食之選！…Read More

一鍋堂絕對係一間食過返尋味任食火鍋。 唔使$200一個人，任飲罐裝汽水，自己可以喺雪櫃揀羽衣甘藍，有16款湯底任揀，有唔同嘅種類食物選擇。仲有一大盤黃金魚皮，新鮮炸，脆卜卜，一路吃住魚皮等食物上枱，唔使捱肚餓!今晚點左個豬肺湯做湯底，任食火鍋真係好少見到有豬肺湯，雖然冇一般自家製的豬肺湯味道咁濃郁，但豬肺都煲得夠軟熟。其實都有好多海鮮選擇，但我見到隔離枱啲蝦好新鮮，我今晚就主要食蝦同脆鯇魚骨腩，一份有三件，大約三吋長，真係非常爽口同新鮮！忍唔住食咗五碟，今晚可能多人上菜時間比較長。所以每次都叫多幾碟。好彩全部都食得晒！其他食物都係水準之內，何況仲有任食手打系列，我都試咗一兩款，味道真係唔同超級市場即買嗰啲丸！粒粒都似手打出嚟！呢個價錢呢個水準真係冇得投訴！…Read More

而家呢一個疫症，最適合自私鍋！天寒地凍，經過見到好似新開左間打邊爐，就跳咗入去試吓。有三款套餐，包括梅、蘭、菊。價錢都算公道。首先叫咗一人一個餐。梅-滑雞靚黑豚肉雜錦鍋 $118菊- 極品安格斯肥牛海鮮鍋 $198然後就揀自己心水嘅湯底，有四款湯底選擇-今晚揀咗蜂巢豆腐白湯鍋同埋台式古早沙嗲麻辣鍋。包括有四片滑雞，極品黑豚肉，至尊水餃王，白菜豬肉餃子，同埋其他蔬菜。包一杯飲品。呢個價錢我真係幾抵食。個至尊水餃王，入口彈牙，而且皮薄，好好食。滑雞好似係雞髀肉，肉質鮮嫩，冇雪藏味，都算大嚿，唔錯唔錯！最估唔到係，兩個湯底都有鴨血，而且鴨血非常鮮嫩，平時唔多食鴨血，都忍唔住加多一碟！呢個價錢有咁嘅質素，再加埋而家要注意個人衛生，我諗我會好快再嚟！…Read More