missflorence's Profile

Christmas吃盡的都是Party Food， 風高物燥的Dry Weather冬日，最想吃的其實是暖暖的中菜。喝一碗燉湯就是最滋潤不過！選了清甜的椰子燉雞湯，用上整個椰王來燉湯，店主說裏面完全沒有額外味精，鮮甜的味道都是從肉汁逼出來的。幸運地我這碗雞湯還附有雞髀肉一塊，嫩滑入味。湯渣也吃得乾乾淨淨，很是足料。喝畢整碗湯，還可以用匙羹一片片將燉焾了的椰子肉刮出來吃，甚是甜美。午餐時段還吃了瑞士雞翼飯，雞翼大大隻， 這個lunch實在飽足。午市套餐價錢還有discount呢！抵食好多！…Read More

冬天，就是萬眾期待的聖誕大日子！而聖誕大日子，最令人期待的，當然是Christmas Party！朋友的公司位於荔枝角，一起去吃Lunch，順便幫手預訂公司Party大食會的到會呢！Lunch吃了「圍威喂！炒金邊粉」，是香港少有的正宗炒金邊粉。因為一般東南亞菜，為了迎合港人口味，都比較多用醬油，味道偏咸。但圍威喂選擇了保持正宗的原汁原味，金邊粉帶點酸酸的風味，很是惹味，令人垂涎。而且用料豐富，蝦肉件件大隻，雞柳軟滑入味，配辣椒乾，花生碎，層次鮮明，非常滋味。最近入冬，喉嚨有點不適。竟然讓我發現這裡有售「話梅檸蜜」，真的冬日必飲！用上家鄉話梅，台灣蜂蜜，青檸黃檸檬調製，潤喉滋補，喝後真令人舒暢。在這繁忙的工廠區，享有此別緻的小午膳，實在Happy！話說回來，朋友預訂的Christmas Menu更是吸引。自家手工醬汁「圍威喂！無骨海南雞」配香葉油飯、豬頸肉、越式蒜茸牛油雞翼、泰式汁燒紐西蘭牛柳。。。真想Join埋朋友公司開Party呢！…Read More

一直很嚮往來一趟中美洲的旅行，收集着各式各樣的旅遊資訊，一邊儲錢一儲假期，等待着出走的一天。為了止止旅行的癮，是不是也會在香港尋找有關旅行的美食，食咗當去咗，滿足一下自己。這一天來到中環，尋着這家神秘的秘魯餐廳，實在是非試不可。前菜點了我最喜歡的海膽帶子，帶點Creamy的奶油醬汁，加入充滿南美風情的蕃茄紅椒沙律，每一口都是鮮甜Juicy，清爽而有層次。實在是開胃之選。另一Starter也是非常有驚喜，是我最喜歡的煙薰牛油果呢！剛好熟成的牛油果，一切開，流出果醬來，再吃多一口，原來有另一款辣醬隱藏在內，這是才溢出。一口香滑一口醒胃，十分配合。主菜是熱石牛肉，真的有像高級熱石按摩，如果廚師就是按摩師，相信肉質一定得到舒適的鬆弛。熱石基本上做到牛肉Medium效果，不會太熟，肉質嫰滑有𡁻口。份量亦很足夠，是必食之選呢！…Read More

💪對抗流感！今年的流感真的很兇惡，本人好幸運冇中招。其中一項非常養生的事，就是我經常喝很多很多的湯水。有時間的話，多數都會在家裡煲湯，西洋菜湯、螺頭燉湯等等都係賣飛佛。有時工作繁忙，我亦會偷懶喺外面買燉湯回家喝。今次第一次試咗燉養生嘅花膠湯，比我想像中足料。有齊花膠、鮑魚、雞腿、瑤柱、藥材，啖啖鮮味。花膠對女仔皮膚好，養顏又滋補，相信大家都好清楚。冬天飲就非常適合。湯盒份量有足一大碗半，飯前喝飯後又喝，或是二人share都足夠。…Read More

嚟到聖誕，Christmas lunch 可唔可以食中餐？Why Not？依家啲中西餐都Fushion到好似混血兒一樣，無分你我他啦。肥牛叉燒用安格斯牛扒製作嘅叉燒，食落係咩味？係軟綿綿嘅厚切牛肉乾味。似足我地去台灣OR星馬泰買嗰啲手信，好有東南亞風味，但又保持港式叉燒嘅特色。黑白無雙呢個表面上貌似清蒸菜肉包，但內裡嘅餡料原來辣到不行。係滿滿胡椒香味，一邊食要一邊飲大啖茶。食得辣嘅朋友會覺得好過癮～火冒三丈(火燒鹽焗蝦)哈！呢個塔好有Surprise，上菜時有少少火焰，原來要堂弄鹽焗蝦，難怪隻隻蝦都濃郁入味。蝦肉大大隻，偏咸惹味，餸飯的確一流。紅粉佳人(紅菜頭蝦餃)輪到啱晒女仔胃口嘅即叫即蒸小點心。金壁輝煌帶點粉紅色嘅蝦餃，我真係第一次食。係好好好大隻嘅蝦餃呀，啖啖Juicy，配紅菜頭份外健康。非常值得Encore！小小楊梅小甜品都係特別為女士而設。酸酸甜甜楊梅，可愛造型，外脆內軟。甜品來說不算過甜，一人一粒Share啱啱好！…Read More

我最近正在進修成為咖啡師啊！難得有個朝聖地方，趕緊在人山人海之前來拜訪 KoKo Roasters。話說很早以前已經聽聞葵興區的 Coco Espresso很值得一試，滿心歡喜的打算去喝咖啡，出門前以防摸門釘inbox問了一句甚麼時間關門，之後竟然得到回覆了一句「我們沒有做了」。噢噢！事隔好一段時間，原來他們在The Mills 南豐紗廠捲土重來，今日就來喝了這杯失而復得的咖啡。這是第一次喝到的中美州薩爾瓦多咖啡豆。味道清香帶一點點酸，比較合女生口味，lunch time喝這杯手沖咖啡感覺啱啱好。講開又講，老闆話聽日開始會賣滷肉飯配咖啡。各位餓底想要去打卡，都有得食有得飲，唔會餓親肚仔！…Read More

大家都知道啦，大媽舞佔領西洋菜街好幾個年頭，現在終於曲終人散。諗住約吓朋友去唱K振興旺角，點知依家啲K房唔知點解乜歌都冇得唱，一場來到咁都係去打邊爐罷啦。大家想氹吓我開心，點咗呢個熊啤啤湯底畀我影相，睇住佢凍冰冰滾到熱嘞嘞，係有啲殘忍不過生物的法則就係咁，弱肉強食，更何況啤啤都唔係咩生物嘛。哈哈，相比隔離嗰四宮格，佢都有燦爛嘅一生。介紹返先，呢4個格仔呢，其實係麻辣、豆乳海鮮(真係好多海鮮，呢款底食)、人蔘雞、冬瓜排骨。等水滾時梗係食刺身先啦，世人都知我麻煩，吃魚生不吃魚，所以用好多好多甜蝦塞飽我先，其實我赤貝、北寄貝、螺片、飽魚、八爪魚都食㗎。我個Friend都係咁幫我清晒啲三文魚、劍魚腩、吞拿。真係識做。炸物同燒物都好多選擇呀，點咗天婦羅蝦、炸蠔(好正)；燒虎蝦、雞翼、Baby蕃薯、牛舌、鯖魚。食一Round都OK，填飽咗3份1個胃。打邊爐戲肉到了，錫晒我嘅朋友Upgrade咗靚牛畀我食。所以我全晚都係Focus喺特選美國牛，同埋美國牛小排身上。任食場黎講，真係唔欺場，見得大場面。肉味好濃郁，又有𡁻口，差唔多都係我清碟。其他食物都包羅萬有，海鮮、丸、菜，都啱心水，甚至連水尤魚都有得食係比較驚喜。下次同MK朋友食飯，可以介紹呢度呀～…Read More

到底香港還有沒有真正水上人家？團長認識一些老字號的魚蛋粉麵店主，他們都是漁民世家或是漁民啲Friend，先可以做到粒粒魚蛋每日香港新鮮製造。而真係好正宗嘅老店，仲可以賣埋周邊漁獲。多個選擇又可以吊吓食客口癮。例如今日經過西環源興隆，就即刻試咗招牌墨魚鬚頭麵。真係啖啖鮮味，墨魚爽口彈牙，完全無腥味雪藏味。加啲腩汁、自家製XO醬，開胃到不得了。呢碗食得飽嘅午餐索價只係$30大洋。呢啲傳統家庭小店真係碩果僅存，有幸食到係味蕾嘅Bonus！現在西港島線有香港大學站，西環從此不再遙不可及。間中出門去食好野，都係一個唔錯嘅活動。…Read More

新東記搬了同區新地方了，新店光鮮，榮光依舊。一如以往和家人一起打邊爐大快朵頤。最近總覺得口淡淡，所以今晚點了重口味一點的味菜胡椒豬肚湯。這個湯底真的濃郁到不得了，先是咸香，越滾越入味，大家要有味覺被刺激的準備。用料很足很夠，每一舀都吃到爽滑豬肚，香濃入味，喜歡咸菜這些家鄉風味的朋友會很喜歡。我每次打邊爐都必點珊瑚蚌，這裡的珊補蚌更是出色添分數，因為真的新鮮至極，每一片都有海水味。各人都邊吃邊讚美。其次就是響鈴吧，打邊爐怎能沒有響鈴呢？這裡的響鈴大大件，一浸一吃，一邊脆口，一邊沾滿濃湯，好不好吃！我比教喜歡健康邊爐，所以也點了菜心和竹庶水，清一清腸胃。大滿意！…Read More

「一個男人只要獨自吃飯，首選一定是牛腩河！」這是一個經常獨食的朋友告訴我，而他可謂已經吃遍全港牛腩河粉，得出的心得，就是他家樓下那家牛腩河最好吃，著我有機會經過深水埗，一定要吃一次！甫進店內已有臥虎藏龍的感覺，看到牆身上貼著藥材湯底清湯牛腩，真是令人眼界大開。到底湯底用上甚麼藥材呢？憑我的簡單認知，只看懂花椒、八角、杞子、圓肉、紅棗等的材料，相信大廚一定有更獨門的秘方吧。不用多說，先下單點一碗牛腩河。超級快速的效率，立即已端上一碗熱騰騰的牛腩河。首先看來賣相不俗，比一般的茶餐廳要勝一籌。牛腩筋肉分明，塊塊厚切，份量偏多，非常抵食。先喝一口湯，頭湯十分鮮甜，不涸喉，很濃郁，果然是名不虛傳。牛腩部份的重點來了。我點這碗河粉是偏瘦的牛腩，但完全沒有因為偏瘦而嚡口或太韌，非常有𡁻口。牛腩炆得又稔又爽口，個人覺得比媲中環區名店呢！友人比較幸運，得到肥腩部份，更加香口，油份豐腴，是超吸引的半肥瘦腩肉。偷偷搶了一口來吃！順帶一提，店內的辣椒油更是大廚自加炒製，識食一定係牛腩點辣椒油，份外惹味的！…Read More

是晚慶祝朋友成功轉新工，特別吃特別的菜式好好慶祝一番。。。港式泰菜，一個飽字。碟碟份量也是大大碟，Size得到滿分！！！來看看我們點了甚麼菜？？？豬頸肉米紙卷、馬拉盞炒通菜、菠蘿炒飯、海南雞、香辣肉碎生菜包。。。海南雞是比較好吃的一道菜。。。肉質嫰滑，黃油香口，有脾有胸，件件都斬得大大件。。。原個菠蘿炒飯亦很足料，真的整個菠蘿奉上。。。裡面有蝦仁、魷魚、扎肉、蟹肉、菠蘿粒、蛋角，炒埋一碟，香噴噴的，很大堆頭。。。今次人少少吃的東西種類不算多，但速讀Menu之內覺得餐廳有很多選擇，粉麵、生蝦、串燒、甜品等等都是想試試的單品。。。不知有沒有機會再來吃一次呢？！…Read More

老闆請客吃到飽，選了價錢不便宜的蒸汽海鮮鍋，既然金主如此闊綽，我們也盡情享受了。是晚晚餐主要吃海鮮，一行六人點了8款新鮮海鮮，配上豬骨粥底，還有雞肉、青菜和特式飲品，非常豐富。最有驚喜的是我第一次吃的胭脂蚌，蚌身是少女粉紅色的，很令人期待，蒸幾分鐘就食得，味道果然是非常鮮甜。店員解說，這特式的胭脂蚌，就是日本菜常見的北寄貝家族，吃著又好像差不多，又從美食裡面長知識了。另外不得不讚的是新鮮龍蝦，有膏又啖啖肉。龍蝦肉彈牙爽口，Size夠大又有睇頭。一人半隻都已經很滿足。如此鮮味，更令人期待，待會的海鮮湯粥底！其他海鮮亦絕不欺場，包括花蟹、蒲台蜆、扇貝、貴妃蚌、鮑魚、海蝦，都是上承水準。款式如此之多，想在市區吃海鮮，無論是公司請客，或是自己豪一餐，都不妨一試。…Read More

跟朋友約定，每隔個星期去行一次山，過一個健康的暑假。但我今日偷偷地撇開行山友，同一班大食朋友去行了另外一個山，哈哈，就是黃埔的新開小店 - - - 「雞翼山」！Menu簡簡單單，有三種不同的套餐；4隻、6隻、16隻雞翼，任君選擇。朋友們想試多幾款不同口味，所以今次大多點了細Size的4,6隻雞翼。人多真的好辦事，一口氣食真的吃了很多雞翼！文清風玫瑰雞翼、我係鹹檸七雞翼、熱情果寶寶雞翼、港式避風塘蒜香雞翼、濃味三重芝士劉雞翼、檸香山葵蟹籽雞翼、和風濃口味噌雞翼。我自己特別喜歡「我係鹹檸七雞翼」，別看他其貌不揚，普普通通，其實每隻雞翼都由7-up煮成的醬汁四方八面的包圍，加上咸檸的濃郁點綴，酸酸甜甜非常過癮，是一個喜出望外的新奇味道。而招牌點題作，文青風玫瑰雞翼當然如相片一樣，好吃又好看。每隻雞翼都沾滿玫瑰糖漿，加上一瓣一瓣的玫瑰花瓣，味覺視覺嗅覺都被召喚起來，絕對沒有欺場。另外一款我覺得值得一試的是「檸香山葵蟹籽雞翼」，脆卜卜的炸雞翼外面，鋪上一層層Wasabi醬汁，Topping更有粒粒蟹籽，完全是和風味道。有層次之餘，辣辣地很惹味，也中和了雞翼的油炸感，甚是喜歡。…Read More

我有一個朋友她的名字叫四月，因為她出生在四月所以英文起名April，對了就是現在這個四月天。剛好邀約她吃晚飯，還不乖乖帶上生日蛋糕奉上？ 相約觀塘區晚飯，特式蛋糕店有甚麼選擇？一出手網上搜一搜，搜來一張張的焦糖芝士蛋糕照片，立即鎖定這款Lassana的最新出品「榴槤焦糖芝士蛋糕」！果然英雄所見略同，到達店裡都差不多6PM接近關門時間，但竟然遇上三位客人都是在排隊購買這個 Crème brûlée芝士蛋糕。但為甚麼要排隊等呢？輪到我時謎底終於解開，原來每個蛋糕的焦糖部份都是即叫即製的，店員把蛋糕從冰櫃取出，即時解凍，將砂糖鋪在蛋糕面上，再利用火槍熱熔滿滿的糖，形成脆胞的焦糖，每一個都製作良久，是精心炮製的呢。店員還跟我說，現在 6pm 開始解凍，約朋友8pm 吃飯剛剛好呢！真是細心！到了飯後吃蛋糕時間了，蛋糕拿出來時，朋友們都嘩了一聲。她們全都估計不到我準備的蛋糕是榴槤焦糖芝士蛋糕，說真的我又好像沒有在其他地方見過同款蛋糕。可幸她們都喜歡我為大家準備的驚喜。把蛋糕切開大家就開始品嚐。味道揭盅，效果不錯喔。榴槤焦糖芝士蛋糕做到50%榴槤50%芝士，兩款濃烈的味道相融但不互撞。保持著榴槤和芝士的厚實質感，第一口是辛，之後每一口是甘。而不得不讚美，是焦糖的部份，解凍數小時沒有因水氣而令脆焦糖失真，反而更是脆口甜潤。三層不同的味道分配均勻，一人一獨享件，絕不過份！…Read More

一入到去叫咗碗酸辣湯水餃刀削麵，飲豆漿。坐咗一陣，碗麵黎喇，一起手開始食，個阿姐問都唔問就突然拎走我碗麵叫我去對正門口另一張檯，話繁忙時間將就吓，有冇搞錯，果張檯係6人檯已經坐咗5個人，我坐緊3人檯咪又係要搭檯，有乜野分別呢？！我話唔轉喇繼續食麵，佢就拉開我隔離張凳，張凳上面有我個手袋，手袋裡面有部電腦，成部電腦就畀個阿姐掃咗落地，仲加咗一句「我真係睇唔到你有個袋喎」，請到呢啲員工，真係三生有幸！講返碗麵，真係難食到High High！酸辣湯正常應該係一半酸一半辣的嗎？呢碗極品只有酸沒有辣，而且疑似落錯份量，好似食緊一碗醋浸麵咁樣樣，酸到阿媽都唔認得。結果食咗2啖就走人，盛惠 $58。又講吓隔離搭檯2位食客，佢仲慘過我，叫牛腩冇牛腩，叫担担麵冇担担麵，叫炸醬麵都冇炸醬麵，阿姐話賣晒唔得閒整，想食牛呀食牛展啦，就咁就被食牛展，到叫野飲，人地都未講飲咩，阿姐又話飲豆漿啦就寫咗落單，全檯O晒咀，食客又被飲豆漿了。哭臉！哭臉！哭臉！…Read More