feifeiwoo's Profile

今日放假約咗朋友去深水埗一間好有格調嘅西餐廳叫C2 LAB。 雖然地方唔係好大， 但環境舒服。意式薄切油甘魚配橘子甜醋油甘魚肉質好新鮮，加埋自家製橘子甜醋， 甜甜酸酸嘅味道吃落非常Refresh，是一道超醒胃的頭盤。芝士焗奶油北海道扇貝扇貝賣相非常震撼，上面鋪咗好多芝士呀！ 扇貝肉質好新鮮味道鲜甜 , 加埋焗到好香口嘅芝士和卜卜脆蟹子.....一齊放入口味道好有層次.....正！！油封鴨髀配杏脯乳酪汁鴨肶啲皮好香脆 , 肉質好嫩, 還有自家製嘅乳酪汁， 因為乳酪汁有少少酸味，一齊吃味道非常配合，令鴨皮一啲油利感乜沒有。香煎東星斑柳配車厘茄海蜆汁東星斑煎得好香, 肉質好新鮮，香脆魚皮加埋嫩滑魚肉....口感外脆內嫩， 配埋濃濃車厘茄汁酸酸甜甜和海蜆肉最啱夏天吃夠曬清新。Tutti Fruitti食得好飽叫咗一杯充滿果味嘅無酒精飲品，一邊傾一邊飲。酸酸甜甜好清新好消滯，而且賣相都好得....啱曬我打卡。…Read More

記得餐廳開張冇幾耐我地幫襯過，當時環境好舒適，座位寬敞乾淨，食物好味，今次經過這商場就梗係要再幫襯下， 果然冇失望...水準keep得到之餘仲多左好多選擇。一坐低侍應就送上兩碗熱辣辣嘅例湯，雖然係例湯但都好足料。 邊飲湯邊選擇食咩。 黃金脆皮蝦球外脆內嫩，脆皮鬆化滿滿鹹蛋黃嘅香味，蝦仁夠爽口。 涼瓜炆倉魚涼瓜牛肉就食得多今次第一次食涼瓜炆倉魚，這個配搭很不錯，醬汁好野味，條魚又大又厚肉。 芝麻黑糖醋骨賣相已經好吸引，醬汁酸酸甜甜好開胃，排骨外皮仲有少少脆。 馬拉盞炒雜菜味道濃淡適中，蔬菜爽口，出面好多餐廳都有這個菜式但係通常都會好喊醬汁太濃，這裡味道剛剛好。…Read More

今日放假約咗朋友喺荃灣小越厨餐廳晚餐，餐廳環境雖然唔大但係座位都好闊落 ，不過晚飯時最好早啲到。我同朋友就嗌咗個三人餐: 首先有兩個小食［泰式酸辣鳳爪］啲鳳爪都好爽口味道唔會太辣夾埋啲酸汁香料一齊吃， 食落就覺得特別開胃。［泰式鮮蝦餅］啲蝦餅好大塊而且份量有5大塊，蝦餅好彈牙好足料，滿有蝦味道。主菜［泰式火山排骨］泰式排骨過精髓就係啲汁，啲肉質好嫩筷子一夾就脫落 不過最緊要吃得辣先好叫 。［越式火車頭河粉］碗粉好大碗，湯底濃郁而且有好豐富配料，包括有生牛肉，豬肉，牛筋同牛丸， 啲牛肉好生鮮而牛丸好彈牙。最後飲埋兩杯特飲青檸梳打同咸檸樂真係滿足曬。…Read More

今日約咗朋友去九龍城北斗吃Omakase。餐廳充滿日式格調。纯菜雪魚白子加咗柚子配埋酸汁味道上就更加提升了。地蛤清湯，又好新鮮嘅蛤加埋好多菇口感想非常鮮味。銀雪魚配黑魚子 , 本身銀鱈魚就有少少油分，但用咗醬油燒烹調吃落唔會覺得好油，而且還帶有少少油香味。帶子刺身加左柚子皮青口汁，本身帶子就非常新鮮 加咗青口汁就大大提升味道。拖羅用咗燒個烹調加埋蒜蓉和紫菜吃落有內暖外脆嘅感覺。日本鰤魚串揚，魚嘅本身好嫩加埋炸個， 口感上簡直係內嫩外脆。萬願子唐辛子，其實就係尖椒，但經師傅用咗薄薄嘅炸漿包住尖椒吃落唔會覺得單調。神戶和牛口感上有入口即溶 。磯燒鮑魚本身鮑魚就非常新鮮經過烹調燒過，口感上就更豐富。甜品有靜岡蜜瓜， 蜜瓜好甜而且好多汁。最啱現在乾燥天氣時間吃。…Read More

今日放假約咗朋友去荃灣食lunch，試吓新開冇幾耐在南豐中心嘅八月茶室。 餐廳都比較光猛 座位坐得好舒服。餐牌其實都有好多選擇， 好特別仲有川菜經典菜色.....我叫了芝麻黑糖醋骨配白飯。糖醋骨味道酸酸甜甜越食越開胃，每塊都沾滿醬汁和香口芝麻，而且啲骨同肉咬落好易分離，還有份量都好大碟 。_還有瑞士汁乾炒牛河，啲牛河炒得好乾身又唔會好多油，而且啲牛肉好新鮮肉質好嫩，最重要係啲牛肉好大塊。還有炸雞髀配沙律，隻雞髀size好大而且肉質好juicy，脆脆嘅雞皮非常香口，加埋绝配嘅新鮮雜果沙律中和胃口，所以吃完大大隻雞髀都唔會覺得油滯。最後飲埋杯龍鳳可樂爽晒，可樂加咸檸和鲜檸檬非常消暑解喝，最重要係好多餐廳都冇呢啲懷舊嘢飲。…Read More

今日約咗朋友去荃灣海之戀Hungry monkey食飯， 門口望入去好有酒吧風格，餐廳主打吃日式鐵板燒。同朋友傾吓飲吓食吓都是不錯選擇。頭盤有南非鮑魚，肉質好彈牙 ，嗰邊有少少脆口因為係用燒嘅烹調方法。一夜干魷魚， 魷魚好鮮味而且唔會燒得太韌。香蔥牛肉薄燒，啲牛肉捲埋大量嘅香蔥一齊吃口感非常特別，又可減去肥膩感覺。喜歡食蔥嘅朋友一定超滿足。廣島燒入面包含好多餡料 了，有叉燒，芫茜， 臘腸 ，肉鬆和蝦米。口感上覺得好豐富而且真係稱得上日式pizza。羊架好大而且肉質好嫩， 味道唔會太騷而且廚師燒得剛剛好。唐揚金蝦啲蝦燒得好脆， 而且個殼炸到可以食埋。黑松露香草牛油焗雜菌， 雜菌加埋牛油和黑松露一齊吃，口感上都唔會覺得 好油膩。松葉蟹肉海膽炒飯，基本上啲飯每一啖都充滿咗海膽味，因為老細真係落重本放咗好多海膽。辣味東風螺， 啲螺唔會太辣而且好野味彈牙。蕃茄酸酸甜甜好清新，兩款都糸非常開胃的小食。…Read More

聽朋友講九龍城有日本料理小店叫做渡邊屋， 今日就來試一試。 可能時間較早walk in仲有位， 不過其實店內最多可以坐五個人。坐低店長就推介我吃是日精選原隻楚蟹配三文魚籽，啲蟹膏同蟹肉都好新鮮，配埋脆卜卜三文魚籽吃味道就更豐富。而壽司就叫咗劍魚腩和黑瀨油甘魚腩壽司，兩種都係濃厚魚油味道，肉質非常新鮮，我就比較喜歡油甘魚腩D肉比較滑身入口即溶。還有北海道刺身井，碗井飯鋪滿咗新鮮嘅刺身，啲三文魚和劍魚腩大大嚿吃落口感上非常飽滿 ，加埋鮮甜嘅海膽真係非常絕配。太好味喇！吾夠喉我再order海膽帆立貝手卷和火炙大拖羅手卷，咁嘅價錢吃到大大件新鲜帆立貝、拖羅加鲜甜海膽認真超值，大滿足。…Read More

朋友介紹話佢公司附近酒店餐廳有半自助晚餐好抵食，上星期就同朋友去試吓。魚生和海鲜好新鲜，各有3款選擇，沙律款式都多，味道很不錯每種拎少少巳有一大碟，餐湯有中式西式選擇。餐廳環境舒適同朋友邊吃邊傾好爽呀！還有果汁、咖啡、茶都是任飲的。#燒牛柳伴烤大蝦配燒南瓜蔬菜七乘熟牛柳燒得剛剛好，有燒烤香味肉質嫩口，大蝦肉質爽口，配埋醬汁食好正。#焗脆皮豬手配蜜糖芥末汁伴薯蓉蔬菜豬手外皮香脆肉嫩，沾蜜糖芥未汁食感覺好開胃。甜品種類好多，西式蛋糕、中式桂花糕、什果涼粉、啫喱、红豆沙、香滑豆腐花，仲有雪糕和pancake，最後食埋生果非常滿足的一餐。…Read More

今日在深水埗近南昌站工作， 聽人介紹近海達邨有間新餐廳。餐廳環境好大， 燈光非常光猛入到去感覺覺得好舒服。見到餐牌嘢食種類非常多， 簡直可以稱得包羅萬有。首先叫咗個厚切西冷扒配薯角。塊扒size非常大而且好厚，可能係用鐵板上牛扒香味特別濃。牛扒七成熟所以肉質非常嫩，外面就燒得有脆脆哋嘅感覺。還有大大塊嘅脆薯角， 所以我個人嚟講呢個餐兩個人吃都足夠。頭盤有餐湯和沙律， 沙律醋酸味味好開胃，啲湯味道唔錯，值得一讚沙律菜啲菜好新鲜。還有時令羊腩煲，羊腩煲配埋老火湯白飯+$15 還有蔬菜籃。羊腩肉質好嫩，煲內還有支竹馬蹄大蔥份量十足。而老火湯味道唔錯，湯內 有雪耳和大嚿豬肉 ，所以老闆真係落足料。蔬菜籃分量十足有好多菇同南瓜和蔬菜最啱係配食羊腩煲。甜品還有自家製蛋撻，啲皮好薄蛋撻內啲蛋好滑好香， 非常吸引。|和平餐室(海達邨店)^…Read More

約左朋友在銅鑼湾shopping, 佢推介去Hesheeat dinner 因為知我勁like吃班戟，食完主菜吾洗轉場就可嘆埋甜品。這裹坐位寬敞，環境吾太嘈，是和朋友聚會的好地方。檸檬柚子沙冰檸檬酸酸哋加埋清新柚子味非常開胃荔枝梳打清甜嘅荔枝味裹面仲有果肉架烤纽西蘭肉眼牛扒配燒汁加薯條大大塊牛扒5成熟烤得剛剛好，外香肉嫩，肥瘦適中濃濃牛肉味加油脂香味，口感大滿足。薯條非常鬆脆配燒汁或茄汁都好味燒大蝦配奶油黃金汁鲜蛋麵燒大蝦好爽口，蛋麵混入香滑蛋黃醬汁口感爽滑而且味道好夾。宇治抹茶黑芝麻梳乎厘班戟落單嘅時候侍應提醒我地主菜食到咁上吓就通知佢地準備甜品，因為即叫即整要預20分鐘左右。班戟一上檯巳經聞到陣陣蛋香，軟棉棉嘅口感、抹茶茶香、濃濃紅豆蓉和芝麻香......味道一試難忘，我一定會再來試埋其他幾款口味…Read More

今日放假約咗幾個朋友聚一聚去咗朋友推介在屯門的餐廳‘’犇道‘’。餐廳環境唔錯有大大塊落地玻璃坐近窗口可以望到公園河景。聽人講有個好正嘅雙斧頭扒套餐， 所以就嚟試一試。首先有餐湯配埋蕃茄多士， 湯有濃郁嘅蘑菇味， 脆脆多士配埋蕃茄洋蔥沙律菜黑醋簡直係絕配，酸酸地好開胃。主角雙斧頭扒南美洲特級戰斧牛扒35oz，牛扒五成熟非常新鮮有香濃牛肉味內嫩外香，肥瘦適中....扒邊位置有少少脂肪把牛肉香味更昇華，而且牛扒大大塊厚厚肉，口感上非常豐富。西班牙殼飼豬斧頭扒10oz肉質好嫩吃落唔會覺得好 嚡口，有淡淡香草味醃製得好入味。松葉蟹鉗蟹黃醬粗意粉長長嘅通粉配埋蟹醬一齊食大大提升味道，而且蟹鉗肉都鮮甜。特飲有好幾款鳳梨果肉草莓梳打, 水蜜桃香橙梳打, 荔枝百香果梳打，特飲飲落好fresh而且唔會太甜最啱吃完斧頭扒飲用。…Read More

一疫情咁耐都冇得返大陸吃喝玩樂，很久沒吃過酸菜魚了，同事話佢發現咗一間川菜食店佢嘅菜式好正宗，特別是酸菜魚非常好味！吾洗北上也可吃到好味川菜，於是我們放咗工就一齊去了銅鑼湾川滿居，一上到去已經有好多人等緊位，好彩我們有訂位。店內裝飾很精緻帶有濃厚中國味道，座位也很寬敞。*金湯酸菜魚*我們點了必吃嘅金湯酸莱魚，選了小辣。對我來講辣度剛剛好，又不會遮蓋鱸魚片的鮮甜， 魚肉質感又嫰又滑，還有滿滿的配菜（萵笋、姑菌），加埋又滑又彈嘅薯粉沾滿金湯底.....超好味又飽肚。*招牌香鍋*幾乎每台客人都會點的， 招牌香鍋可以按喜好自選材料，任點5種肉類和蔬菜。小酥肉外皮炸香了再入鍋煮混合羊卷肉、油麥菜、蓮藕 和腐竹加埋秘製麻辣醬料一上台香味巳經好吸引，濃郁口感更令人回味。* 涼拌黃金皮蛋*金黃色皮蛋好吸睛，糖心口感軟滑配合微辣醬汁好野味，是很開胃的前菜。…Read More

店舖內裝修設計和燈光好有氣氛，正正系把酒談心好地方。因為bar檯坐位不多如果想邊食邊欣賞厨師表演就要預先訂位。我和朋友一坐低就點了飲品，飲吓傾吓等食物，餐廳推介了這杯美人梅酒，凍凍的青甜梅味感覺非常清新。蔬菜生果沙律配黑醋汁蔬果非常新鲜，加入黑醋汁好醒胃餐前食可以幫你打開胃口。食物上碟也好有心思，加左粒龍珠果賣相好靓。黑松露牛油帶子和獨子蒜蓉南非鲍魚特制醬汁不但沒蓋過海鲜味道，反而更突出海鲜鲜味。宮崎豬配菠蘿醬汁口感好fresh肉質爽嫩，剛剛好唔肥又吾韌。 記緊要係加埋啲菠蘿醬汁一齊吃。秋田雞配東方汁醬汁有微微生蔬菜辣味好特別（沒有芥末咁濃烈），吃落好開胃，雞肉煎到好香口但又不失嫩滑口感。爽口大蝦炒飯飯炒得粒粒分明又夠乾身 ，而且還有一隻大蝦.....真材實枓。甜品有紅酒燉雪梨雪梨味道同紅酒mix 口感好特別，甜度也剛好，最緊要係唔識飲酒都唔會醉。…Read More

去尖沙咀買完野就順路到厚福街揾野食，這有很多食店，我就被門口的食物相片吸引了入去，好彩冇揀錯到，店內裝修佈置都好有日本小店特色。䐁肉魚介沾麵待應把食物放上枱巳經聞到濃郁魚介香味，而且濃湯是放在熱石鍋內温度保持得好好，每一口麵都能沾滿熱烘烘鱼介濃湯，豚肉燒到好香口而且肥瘦均勻，份量和味道都好滿足。極上芝士海膽沾麵配原板海膽朋友超級喜歡海膽所以就點了這款沾麵,鲜甜海膽加入濃郁芝士湯底....非常绝配。每一口麵都又香又滑，吾夠喉...仲有一板海膽慢慢嘆，相當超值。…Read More

约左朋友食飯，佢話有同事推介去食泰國菜，通常會想起九龍城，估吾到在荃灣也食到好味泰國菜，而且店內環境好舒服宽敞。雖然全店滿坐但食很快上枱。小食併盤蝦餅熱辣辣外皮香脆裹面蝦肉弹牙仲要大大件超滿足，春卷是蔬菜餡鬆脆不油，炸雞棗配埋泰式甜酸醬好惹味。沙爹豬併雞串肉的1味道調較得好好加埋沙爹汁就更升華，但我個人覺得猪肉好味D。青咖哩牛咖哩好香濃又不會太辣fit 晒我口味，牛肉煮得好入味而且份量好足，再配合多款蔬菜。烤薄餅青咖哩汁實在太好味，我地特登點了份烤薄餅沾咖哩汁食，比撈飯更正，塊薄餅熱烘烘一層層好鬆香，就咁放入口巳經好正。芒果百香果沙冰只看賣相巳經好吸引，就糸見到隔離台飲緊所以就點了，濃濃芒果味加埋百香果酸酸甜甜好醒胃解渴。…Read More