Ken Cena's Profile

個人比較會喜愛用膳前去做research先!這間亦不例外~在地庫內,轉扶手電梯一眼望見!因下午三時左右,客人不多,一輪職員大嗌「二三些」的招待後,接著坐壽司吧!職員都好好笑容,應客人都好快(可能人太少)餐牌上有輕微改動, 無左super , Fine!食物如下:三文魚: 我的例牌,加了洋葱好味D,多飯更好!三文魚手卷:新鮮夠大塊!自己會再加Wasabi,我好少同醬油mix哂係碟上!三文魚子:大粒同好多......咬落去卜卜聲,睇相北寄貝沙律:本人至愛, 不喜歡吃原隻北寄貝,但加上沙律醬......反而更好食!火炙北海卷、火炙「花」魚: 前者三文魚包帶子,再用火槍燒, $20咋 ; 後者在壽司上加牛油, 有點肥膩!白身盛: 油甘、鱆紅 + 池魚, 自己睇相!:)鵝肝: 加上金箔,好食之餘又靚,油脂豐富!總括而言: 私隱度幾高,如果揀o岩時間, 唔使迫又真係幾好!P.S:喝一杯熱煎茶, 看看報紙,馬尼拉港人旅行團因「特別無種部隊」死了八人,現在離開了那傷心地,輕嘆了一句:「香港真是一片福地,最少香港有飛虎隊,最少飛虎隊......唔會扔螢光棒!」…Read More

似乎大家都忽略了租庇利街這間,中上環三間翠華餐廳而言,最愛這間!感覺上整潔、舒服,亦是今次與朋友享用早餐的原因!黑椒牛肉公仔麺: 同沙嗲牛相似,唔太鹹,好食!滑蛋+牛油豬仔: 好有奶味,唔知係咪加奶炒 牛油豬仔尚可,不過不失!奶油豬仔包:係必食架嘞!早餐時間仲便宜$5,叫左三客,餐廳方面落煉奶好似唔駛錢咁, 同朋友share最好!奶茶: 好平常,特色欠奉! 其實好多行家都係用黑白淡奶,不用過份強調~總括:會再嘗試,下次可能近些,去旺角分店!:)…Read More

自從家中白事,足足半年無寫食評。現在的我,再接再厲,忘記背後......受莫華倫影響,決定試試!一入座,對著開放式廚房,感覺整潔!餐牌上很多選擇,最後order了「免治牛肉撈烏冬」、小食是吉列魚柳,另加一客$18燒玉子!燒玉子先到,四小塊份量稍微不足,但軟綿綿的有口感。但可惜的是主角......「免治牛肉撈烏冬」這crossover過火了,撈意粉是百搭的!撈烏冬不但太酸,汁料好似滲唔入烏冬內,店內用地們茄膏是不俗,卻不入味! 希望店方要加以改良,甚至刪減!吉列魚柳是今次最美味的一環,剛炸起再放上隔油紙,油都無滴:) 配合他他醬,脆口而不膩!評價是開飯之選,但主角撈意粉則一次就夠,合格!期待下一次湯烏冬是美味之選!…Read More

十日前去食既!!! 食完仲換左會員証,食野九折!七彩繽紛的魚生飯,份量很大。我加埋鼓油,實在太新鮮,吃不出有雪藏味!有相為証!另外,三文魚保持一貫水準;值得一提,店內的三色波子壽司係一大特色,好得意,女孩子必定愛不釋手!最後,職員縱使在午市繁忙時間,仍面帶笑容,令我食得開心!…Read More

中環,一個食咩都貴既地方!但一行5人,當然去飲茶! 除開都覺抵番~其實我在電影中得知這Tea House,一直想來品嘗!XXXXXXXXXXXXXXXXXXXXXXXXXXXXXXXXXXXXXXX正所謂「水滾茶靚」,普洱沖了成餐,顏色仍保持到!在我幼時還有阿姐「推車仔」,但到了現在為了效率,轉哂點心紙!係方便了,卻少了份人情味!食物方面,可以用「實而不華」形容,叉燒包、牛肉球等非常足料,最重要蒸完就推出來,熱辣辣程度不容置疑!小弟還點了豬潤燒賣,好膩和膽固醇嚴重超標,但吃一隻,還撐得住!但蝦餃、燒賣真係爭到......我好辛苦先拿到每樣一款! (=_=")V蝦夠乾淨,我真係一啖一粒。最近也有去吃,請留意「蓮香戰記第二回」…Read More

1月2參觀RTHK,我夢寐以求的電台,希望將來可以在港台工作,yeah!之後跟同學去到又一城food court,大家各自尋找午餐!呢份係咖喱芝士魚柳飯,其實係食唔到芝士既,咖喱係日式的,我覺得以自己能力,在屋企整到!飯就一般,比想像中少了份口感可能舖租、人工等關係,呢個飯$50!去街都係食舖租架la! = ="…Read More

應該係新一年第一餐肥膩野!$29.9幾得喎,$33芝士mix肉醫似乎貴左少少!原來佢地有個磅,磅下每碗薯條分量,唔怪得賺到錢!個沙律好fresh,食薯條有D菜,加上開胃,唔錯!魚柳即叫即整,炸個下真係好大聲,所以食起來熱呼呼的,十分香脆!加上有杯汽水,小弟覺得係瘋薯店超值之選!…Read More

繼上一餐98℃食死後,決定搵間好野教精你!是母親推介的,一齊乘巴士45到愛民總站!店內麻雀雖小,但膠牌上食品正合我心意!下午茶餐$11-$15,便到你笑!點了窩蛋免治牛肉意和干炒牛河,加$3有餐湯雖然用發泡膠裝,唔多環保,但份量十足絕不欺場~睇個羅宋湯就知.......免治牛肉意好多茄汁,師父將預先熟左既spaghetti煎煎, 一咬落去焦焦地,good!干炒牛河,又係鑊氣,牛肉又易入口,多都就瀉呀!98℃,咪同我搵籍口話材料價格上升、又話尖沙咀係黃金地段,冇用架!人地$25包湯,你實做唔到!既然黃金價錢,我要有水準既食物,not junk food~母親自小party就整芝士燴意粉,我食唔出?…Read More

跟母親平安夜行星光大道,之後當然去搵野食!門口個位阿姐實在好招呼,但被吸引入去後實在大失所望!有位西裝經理,矮矮地戴眼鏡,成日好似催我地落order,真係好煩!驚死我地唔order死霸位。因為在龍津食過少少野,我地只點了"芝士肉醬燴意粉"評價係份量少、欠芝士,而且貴!同便利店叮黎食冇分別 兩母子食到一半,矮矮地戴眼鏡西裝經理又行埋黎落order!我當然問因由!原來係計人頭,2人要至少點兩樣! 下?門口阿姐又唔講? 98℃絕對冇商業道德,我食碟意粉+奶茶$7X? 不知所謂!98℃,等小弟下篇食評教下你咩叫spaghetti!…Read More

哈!食完個午餐,仲未夠喉?今次係我第一次光顧,選了5分鐘,決定芝士mix肉醬!一放落油炸時真係好有氣勢!唔使好耐,就叫到我number!薯條好大條,不過就鹹左少少,我仲加左好多茄汁同芥辣!唔飲番杯涼茶下火都唔得:)…Read More

:(今日早上睇3D「阿凡達」,除了視覺有效果外,更深層既係表達到人的出爾反爾,甚至破壞自然可以無動於衷......視覺享受完,味覺都要架!之前在openrice睇到廣告,絕對係因為咁我先知!七樓全層,一入到去已經比卡位的外觀所吸引。店員起初為我帶位,但我想要window seat!她都非常樂意,無黑面!但坐一次就夠......我所坐既類似鵝蛋形的,好像太多毛粒,不夠整潔!之前已經search左menu,點了lunch set "瑞士汁肥牛炒意粉",餐湯係羅宋湯!雖然漏單,但店員誠意搭夠,肯講出黎,好!當無事:) 意粉是炒得爽的,但有一塊肥牛咬極到唔開,太韌了,好彩個瑞士汁救番!飲品就特別啦!我屋企望到杯"Fuzzy Shark"既顏色已經好鐘意,所以把心一橫,加$31轉呢杯調酒!原來佢用左藍橋酒、蜜桃水同橙汁,一早就知佢係細杯D!調酒我好少飲,呢杯甜甜地幾合我口味,但我飲完竟然......係鵝蛋訓左半個鐘! 梗係la,咁早睇戲+alcohol!哈!呢本飲品單點$52,我少飲酒就覺得貴左少少!見隔離跟杯凍朱古力咁大杯(不用加$),「肉尺」 下次可能試"Blue Island"今餐連加一$84,走時見有幾群人坐係度study or do project!看來又是大夥人相聚一刻的好地方!…Read More

為何要集中一齊寫食評?實在太忙,又要做HW,又要寫Radio Drama~今月12日,去完工展會,第1日都未算多人! 試食攤位係我必去的肚子餓,於是跟娘親提議日本菜!等了5個numbers,好快!店員服務好,幫我地拉架車仔入收銀處(入面有工展會戰利品)一黎就叫三文魚壽司多蔥~~~~~~~:)但娘親叫錯鰻魚壽司,散既?係今餐的敗筆:(特長三文魚腩&三文魚籽就好好la! 咬到卜卜聲,十個珍!!!!!!!三文魚刺身顏色好靚,又冇筋,啖啖肉;碎吞拿魚腩小卷,真係「小吃多滋味」,食太多反而適得其反!最後以特別的蛋壽司作結!!!最後埋單不用$200,yeah! 有$$$旁身真好!:) Thx God!…Read More

已經係上星期既事,感覺只係不過不失!米芝蓮真係咁有影響力?之前聽聞有位日廚因冇左粒星而走去跳樓xxxxxxxxxxxxxxxxxxxx店子開十點,小弟九點四十五到達,一拿飛...27:(老闆叫我逛一小時,但返到黎仲未得,等到十一點四十五......真係人山人海,估你唔到。茶介$2不收加一! 店員態度幾好,不過幾仲意hard sell! 「啊!你未點XXX喎,依家幫你寫埋好無?好好味架」酥皮叉燒包挺甜,很愛內裡的蜜汁;鳳爪排骨飯,鳳爪好鬼入味!當然有蝦餃燒賣,果真係足料之作,我喜歡乾乾淨淨的蝦~:)但有一段時間唔會再黎,因為氣焰太強,等佢冇咁多人先,實在怕怕!…Read More

星期五放學,獨自去品味這旺角分店的Sushi...咦!冇Lukian既?佢咁多野做,再約la!:)一入門,就有三位女侍應said hello!感覺已經輕飄飄!坐在迴轉桌,開始我的Order......一黎就三文魚壽司&燒鰻魚壽司!新鮮就不在話下,燒鰻魚個款燒汁甜甜地,very nice!都係$8一件鮮帶子,大大件,有口感;今次新增$6既生蠔,唔愛生冷既朋友咪攪好好味,帶點兒海水味,我只係加少少檸檬汁...上次係美孚我有食牛肉烏冬,今次轉食叉燒烏冬,仲有雜錦刺身壽司!先講烏冬,得一塊叉燒,雖然有手心咁大,不過俾多半塊更和味麵質好爽,"噓噓"聲非常好~加州卷no problem,但係吞拿魚刺身要批評!實在太多筋,又冇魚味,同吞拿魚壽司差得遠!總括而言,服務態度非常好,呢度加唔少分! ^^" 因為要印仔,用了約$120…Read More

上星期的事......絕對係自己的衝動,愛人不需要公佈天下,可惜我做錯了!我們仍是朋友?Only God knows! I feel so sorry,可能令妳唔知點面對我!What should I do?:(Anyway,這是食評,還是講飲講食!失望後,自己向弟弟講:「不如今晚Pizza Time!」弟弟毫不知情,當然拍手叫好!Order 1 個二人餐,Pizza係肉食大王(芝心批),有個吞拿魚芝士螺絲粉,仲有2個布甸甜品!我有coupon,所以送了墨西哥薄脆(Mexican Tortilla)First,薄脆配肉醫汁,我欣賞個肉醫汁,真係希望佢俾多個我!肉食大王用Tomato Sauce,有免治豬肉雞肉等,香口之餘仲好飽肚~芝心邊加左$12,下次唔使la~吞拿魚芝士螺絲粉中規中矩,不過芝士真要讚讚!:)下次可以嘗試葡汁焗雞飯/意粉而甜品我過左2小時先食(實在好飽),不是我杯茶!我比較愛cheese cake,尤好餅底! ^^"唉!食物雖好,但心情欠佳,食而不知其味! 唉......:(係俾笑的,但誰給個哭臉我?P.S : 之後發覺,PHD is by"Pizza Hut",仲以為食緊新店! (=_=")…Read More