夢雪的個人專頁

《KeeTa外賣》脆皮燒肉飯 拼燒鵝 凍檸茶 $51.75⭐️⭐️⭐️⭐️⭐️燒鵝瀨粉 拼义燒 咖啡 $48.75⭐️⭐️⭐️⭐️⭐️鵝肉嫩滑义燒軟淋肉香下午茶特價仍然份量足，肉多性價比高…查看更多

用app叫外賣，見到圓香選擇都多，就試吓！Order之後好快就送到，而且仲係熱辣辣。外賣包裝整潔又企理，賣相又精美。⭐️⭐️⭐️⭐️⭐️叫咗個忌廉菠菜焗魚柳飯 & 鮮茄焗椰菜牛脷飯，免費送餐飲 熱咖啡、熱奶茶。個人推介忌廉菠菜焗魚柳飯，魚柳大大件，菠菜新鮮，整體好香口⭐️⭐️⭐️⭐️⭐️牛脷焗飯蕃茄汁鮮甜，西蘭花夠軟滑，牛脷厚身，亦係可以再試之選⭐️⭐️⭐️⭐️⭐️兩客都係賣相吸引，而且材料新鮮、大件豐富又多汁味道合適，唔會太鹹，好食會下次再試…查看更多

《外賣》-超驚喜-塊扒有個盒咁大、大過塊面-冇雪藏味-雞扒香脆嫩滑-炒蛋炒得靚-竟然有米通👍🏻，唯個湯太淡-丹麥多士好香-仲有香腸、沙律菜-性價比高-飲品有待改善…查看更多

成日聽朋友仔&食評講話 Mr. Steak 食 Buffet 好味，我都一早book定位同老公去試下！一坐底，waitress好快俾左兩杯暖水我地，咁凍既天氣，真係好渦心啊！加分！而且仲會用衫套套住我地件褸，好細心，加分！第一時間，我同我老公都係去拎生蠔，生蠔係即開既，每人4隻，唔同產地，counter前面有一張紙教你由邊隻開始食先，由淡至濃，生蠔真係好新鮮，仲有海水味！，平時我同老公都係食兩、三隻就收手，今次我地每人食左8隻，真係好味！之後我地就食長腳蟹，可能因為宜家好多buffet都有長腳蟹，而且d肉鞋鞋地，所以覺得無咩特別，食左一轉就收手啦！一定要食和牛啦！真係幾正，澳洲和牛，客人要先切3塊，好好味，裡面軟林林！有一個和牛卷，入面卷住生蠔，值得一試！火炎和牛壽司，可能放得耐左，凍冰冰，一d都唔好食！SPOON BURGER ，細細塊，但好有牛味！鵝肝入口即溶，又唔油膩食到呢到，大家都開始唔知食咩好，食甜品又太早，好味既都試得7788！奇怪既係，今次係我地唯一一次食buffet唔食剌身，因為望個樣同d顏色唔多新鮮，而佢既熱葷又無咩特別，最特別都係蛇羹同口水雞！甜品就一定要食北海道牛乳布丁啦，牛乳味香濃，又唔太甜，每人可以食兩個！心太軟，真係會有朱古力漿流出黎架差唔多食完既時候，waitress就會黎問你要咩餐茶，如果可以一坐底就俾餐茶會好d law！話就話望落去食物選擇唔算多，好似無咩野食咁，但係都食到飽飽，好滿足！有陣時又真係唔洗多既，重質不重量嘛！服務算唔錯啦，收碟好快，不停加水！但食物部既大廚們就差d law ，又無笑容，同客人零交流，零對話，同九龍酒店d大廚比差得遠，我仲記得九龍酒店Buffet既片皮鴨，都係因為大廚好開心，好親切咁切俾我地食，食落特別好味！其實d waiter ，waitress服務咁好，大廚們都應該配合下啊…查看更多

新一年，一早訂左檯，訂位時已request想坐貼牆既位，想靜d！7:00 pm，上到去都唔係好多人，我同老公被安排坐係房入面一張六人檯，我都覺得奇怪，我想靜d，但都唔洗要咁大張檯啊！隔左大概十幾分鐘，有兩位客人被安排坐係我地張檯，oh.....原來可以搭檯，唉，估唔到講到咁正宗既日本菜都要搭檯，不過算啦，香港地，地方細嘛，而且我地已經好好啦，有四個位，個兩位客人張檯被塊木板間開，得兩個位加一張駁長"小小"既檯仔！仲要無調味料架！所以..............算啦........d waitress好似唔係好識聽中文，因為佢地聽完我地講野，好似要諗一陣咁，老公話係尼泊爾人！我地先叫左個特上和牛拼盤先再慢慢睇食咩好！而呢個拼盤係我覺得唯一抵食，話晒都係日本和牛嘛！(無奈地)之後加左碎牛肉剌生飯，生菜併盤，1杯大啤酒！本來想試下厚切牛舌(食評話好味嘛)，但驚食唔晒所以無叫，免得浪費，因為如果呢間餐廳好食，下次再黎試law！和牛拼盤已經食左一半，等左20分鐘都未有生菜併盤同啤酒，我地停晒手，就係等d生菜，點之隔離檯杯飲品遲過我地叫，但5分鐘之內已經飲緊，應該係漏單啦，我就叫落單個位尼泊爾waitress幫我地跟一跟，但老公唔放心，叫左個男仔幫我地跟，好快就有啤酒飲啦，唉..........早知一早追單啦........用"生菜+蒜頭"包和牛西冷&肉眼就真係有d浪費，因為肉質嫩滑，脂肪分佈得好均勻，滿口油香(所以我只用生菜)，但"生菜+蒜頭"包厚切和牛胸外膜&牛舌就無咩所謂啦，講真，真係麻麻地！碎牛肉剌生飯係老公聞到附近有人食，覺得好香所以叫既，但試過就真係麻麻地，會有d硬硬既飯焦，本人對飯焦就無咩喜好，而且佢硬硬之餘又唔係好香口，仲要望兩眼個飯就拎出去分，分完之後，見到個樣已經.....................只係分到兩碗，而且仲唔滿，牛肉刺身已經變成熟牛肉絲，仲要$100食個咁既飯，好後悔無叫白飯！！老公都好唔好意思咁同我講："hehe，頭先聞好似好香咁，算啦，咩都試下嘛"，又係既，唔食過，點知係咁既款.............中間仲有一段小插曲，有一家日本人，食食下個bb女由榻榻米跌落地下，不停大喊，父母都好狼狽，好快食完就結帳，走既時候問個waitress要"plastic bag"，但佢又聽唔明，日本爸爸講左3次，佢都唔明，最後都放棄，但個waitress竟然無叫其他同事幫手，問下日本爸爸想要咩，日本爸爸最後就無奈走左！好老實講，食物質數就唔係唔好食，但同係日本食既比較，就仲差一段距離，同香港其他餐廳比較，又好多都有咁既質數，而且唔洗咁貴，咁既價錢，咁既服務，真係未必會再黎！…查看更多

今日好難得約埋幾個舊同學落津津食飯、傾計！大眼妹好醒喎，早兩日已經打電話訂左碟大椒鹽瀨尿蝦，因為如果無訂，就只可以食普通size啦！好可惜我唔記得影相，但食完真係覺得好好味，都想同大家分享下！我地揀左出面無冷氣個d位，一坐底，先黎一支藍妹先啦，咁至夠風味嘛，首先真係要講下碟瀨尿蝦，成隻手板咁大，炸完之後，d肉仲係好鮮甜，同去流浮山差唔多，個個都食到好開心！除此之外，一定要每人一隻乳鴿啦，最緊要記得唔好斬件，成隻撕黎食，唔多油，又夠晒香口！椒鹽鮮魷併脆皮豆腐，鮮魷肉質鮮嫩，而且都算香脆，呢個下次要再食！豆腐都好滑，但下次試下併白餅魚，因為聽到隔離枱話好味！雞粥,粥底夠綿，雞肉亦很多，而且都算滑！炸大腸,又脆又軟，個個食完都話好食,正蒜蓉粉絲蒸聖子皇,真係好大隻，味道都算唔錯，但要趁熱食！沙拉骨,好新鮮,d肉好嫩，小肥話d汁超正，我就覺得ok啦！吉列豬扒配特製wasabi沙律醬，之前睇食評話老闆娘私家炮製，我地驚要訂，所以都有訂埋，豬扒算好厚，仲竟然有汁，值得一試，誠意之作！椒絲腐乳通菜,普普通通啦！我最鐘意津津個種大排檔氣氛，"伙計，先黎一支藍妹" , 大叔即時大叫回應"得，一支藍妹，即到，要唔要冰桶？"服務就真係唔可以要求好似餐廳咁啦，有時仲寸寸地，但咁先似大排檔嘛！…查看更多