小魔怪寶寶's Profile

在附近的學府上堂後心癢癢欲買些斬料和家人共聚，終於鎖定這間以滷水馳名的小店。店子一擺元朗和荃灣潮州滷水店人頭湧湧的局面，只有一兩個街坊熟客在光顧。店子出售不少滷水食品，另亦看到前高官和眾明星與老闆娘的合照。猶豫了片刻終選擇了一家大小喜愛的滷水鵝，其售$98一斤，半隻鵝經電子磅一磅下需$200，價錢比起荃灣一受歡迎之滷水鵝店便宜不少，所以決定購買。回到家裡一開盒，發現鋪在面頭的鵝片被片得厚薄適中，吃在口中只覺肉質鮮嫩且爽，並且鵝肉極少脂肪和油，皮下也沒有厚厚的脂肪覆蓋，沒有油膩感覺，令嘗遍不少潮州滷水店子的我甚為驚喜，忍不住一吃再吃。值得一讚的是師傅把鵝件的骨去得七七八八，實在方便進食。連一向咀刁的母親也甚為滿意，吃得好滋味！店子雖少，但食物質素奇佳，價錢亦合理，一定會再次光顧！…Read More

有幸參與嶺南一活動之聚會，會後假飯堂設自助餐，令我有機會細嚐這裡的各式食物。飲品除可樂、雪碧和芬達外，還有熱騰騰的檸檬茶，幫忙的飯堂阿姨服務很是不錯。食物有茄汁腸仔、啫喱、芒果布甸、咖喱角、春卷、椒鹽豬扒、炸魚柳、羅漢齋、炒飯、白汁意粉等，其中挑選幾款細評如下:咖喱角及春卷 - 吃下時已冷卻，應該是預先炸好了所致 ; 餡料有股焦燶的味道，若非在珍惜食物的原則下，早已被我棄掉。啫喱 - 味道合格，如平時吃開的一樣沙律 - 在所有食物中唯一令我再添吃之食物，薯仔和生果跟沙律醬份量恰到好處亦沒有出水之情況，不俗炒椰菜 - 醬油太多及味道有點怪異，即使想吃菜也因太油膩而卻步炸魚柳 - 炸得金黃，賣相不俗;細嚐下發現已冷掉，而且只有炸漿未有魚肉在內，又一發現中伏之食物說實話，飯堂的食物屬一般偏向劣之評級，沒有再回頭光顧的誘因 ;整頓飯令人可喜的是嶺南學生的質素，吃剩的食物甚多，他們大多響應呼籲把剩食用盒剩起帶走，避免浪費，實在值得諸位仿效呢！…Read More

一直想食遍各區大小店子的米線與薯粉，這間好評頗多的川味總店未曾光顧，但幾間分店之出品早已品嚐過，一直未能令我有"翻兜"之念頭，是次姑且試試會否令我刮目相看。8時多到達，店子仍有位置，淨酸辣幼薯粉或粗薯粉只售$18，每加一個餸$4，若貴一點的餸只是加$6，價錢非常相宜。最後我點了一個小辣的酸辣幼薯粉加腩肉，只是$22。不消5分鐘，食物便端上枱。份量實在是令人吃驚，無論是薯粉還是腩肉的份量也比平時在其他店子光顧的多1.5倍。碗內附有莞茜、酸菜等配菜，我最欣賞酸菜的酸酸甜甜，很令人開胃；至於薯粉則煮得適中，非常爽滑，口感不錯；可惜的是湯底較失色，酸度不足，辣味不麻亦不夠香，薯粉因而未可吸收足夠的味道； 另外，腩肉大致上很淋，但有幾塊卻硬得咬不到要放棄，脂肪亦過多，重點是不夠入味，像嚼普通一片腩肉一樣。整體而言，如以價錢來說，這裡的食物份量實在是便宜之至，值得推介；如果想吃令人覺得味美難忘的薯份，這裡則並非你最佳選擇。P.S.這裡的薯粉份量太多，如你平常在其他店也會吃剩不少的話，建議你叫少薯粉，減低剩食的出現，珍惜食物。…Read More

工作完畢想吃點東西完滿一下匆匆吞噬的晚餐，想到這間之前曾經過但未光顧過的養生甜品。看到門外站了幾個人，內心以為又要排隊了，卻發現他們是等外賣的一群。店子很小，僅容納四至五張小枱子。椰汁燉奶、薑汁燉奶、蛋白燉奶應該是這兒的招牌甜品吧，各款盛惠$20。若吃甜品的話，燉奶從不是我的首選，曾嘗試過澳門的義順和保健牛奶公司，感覺都只是一般，連味道也沒留下記憶。是次入店隨俗，破例叫了個蛋白燉奶。熱騰騰的蛋白燉奶，外表和其他地方賣的一樣。整個燉奶很滑，亦夠熱，吃下去只覺奶味極為香濃，與之前吃過的味道甚為不同，喜愛吃燉奶的朋友定不會失望。吃畢燉奶便乘車回家，整程車發現味蕾被牛奶味道環繞，可見這個甜品足料至極。…Read More

在警察體育遊樂會燒烤後已10時多了，拖著疲倦身軀跑到巴士站等車回家。抬起頭望到車站不遠的麵包店仍在營業，咦，正是之前想光顧的店子呢！想也沒想便急步入去買了一個$25的玫瑰洛神包和兩件鳳梨酥（$8／件）然後上車。吃掉那個玫瑰洛神包已經是第二天的下午，這個包份量很大，亦很重，用刀切開三份分給家人共享。包面雪白，切下去是美麗的粉紅色，隨即發現有花瓣掉落，果真真才實料！雖已擺放一天，但包皮一點也沒因此變硬，一口咬下包皮口感鬆軟但粉紅色涵料結實，絕無連鎖包店空氣包之情況出現！粉紅的內涵夾雜一塊塊洛神玫瑰花瓣，一點點的酸再加上內裡的忌廉芝士，味道非常搭配但絕不濃烈，完全顛覆我對麵包的想象！最後吃了六分一個包已飽得不能再吃下，足以印證這個包的份量！原想試試鳳梨酥，但第二天下班後發覺已被失蹤！味道雖貴，但用料絕對值這個價錢！決定下次試試其他台式酥餅！…Read More

重回openrice寫食評的動力是這一間素食店。好久以前看到佛教雜誌有一小格關於這店子的素食自助餐廣告，只有文字，沒有圖畫，又從沒有到過香車街街市，故一直未有光顧。在荃灣工作年餘，大大小小的店子也光顧了，即將全職回屯門工作，故想在最後的一段時間嘗試一些被我遺漏的店子，及後上了openrice看到有關香積廚的食評，全都是正評及說老闆娘用心煮食物，好奇之下便特地一試，豈料一吃便吃了三天。店子在香車街街市三樓，老闆娘米線的隔壁。地下或二樓都沒有招牌，扶手樓梯上只有一張手寫著店名的卡紙，對於未去過這個熟食市場的人應該有點難找吧。第一天去到是下午12時半，看到店子分兩個舖位，一邊是廚房及取食物之地方，取食物的地方有白板寫上自助午餐$32，浪費食物雙計;另一邊則是用餐的，已坐滿一半的位子。初次去到，不知道是先付款後吃還是先吃後付，又看到店的員工在廚房忙得團團轉，差點有去隔壁吃米線的念頭。最後反問自己既來了就試試吧，硬著頭皮問廚房的員工，最後有一女人（後來才知道是老闆娘)告訴我吃飽後才付，便放下心拿起一碗一碟找個位置坐下開始我的自助餐！首先從很大的湯煲盛了一碗南瓜粟米素肉湯，一喝就知無味精又足料，有一件件粟米在湯當中，很有在家吃飯的感覺。別以為$32的自助餐就會製作馬虎！我的第一碟夾了炒蓮藕、咖喱薯仔、素海鮮卷、素鰻魚、薄餅、豆角、水瓜炒粉絲、炸南瓜、茄子、炒生菜，菜式外表未必十分討好，但味道可口，亦很少油，當中最好吃及令我一吃再吃的莫過於素海鮮卷、薄餅和炸南瓜。素海鮮卷：薄薄炸漿下以紫菜包裹著切成絲的沙角(如有錯，請指正)，內裡有酸溜溜白色的汁醬，吃下去香脆酸甜又爽口，故添了不少。薄餅：類似酒樓吃的煎薄撐，不過沒有任何配料，煎得香脆但不油膩，這也是各食客的最愛呢，經常沽清，店員們亦頻頻烹煮以作補給。炸南瓜：南瓜厚身多汁配薄薄炸漿，比在日本吃的南瓜天婦羅更合我口味。每當食物被吃完，老闆娘便會吩咐廚房即做及放出來，所以即使食物盤子沒有被溫著，也有相當的熱度；當中觀察了其他食客的食況，大部分都是熟客，很了解這裡的運作，亦在取食物時非常禮讓，絕對是吃多少取多少，絕不浪費，也叫像我這樣的生客多點來吃；老闆娘亦非常有心，身兼廚房工作之餘，一有空就為食客介紹食物，及和食客閒聊、關心食物是否好吃，又幫食客夾菜；枱上有茶及杯，可以自行斟來飲用 ; 這裡除了飯還有白粥，店子準備了花生及腐乳供食客伴粥。我吃了兩碟便已經很飽，所以無緣嘗試食客推介的手打麵及薑飯，好可惜呢！看見其他食客都吃甜品，我也心思思盛了半碗是日糖水-綠豆沙湯圓，湯圓份量很多，但我只盛了幾粒以免浪費，甜度適中，很是不錯。今日的飯後果是已剝皮的橙，但我已經吃不下了。用膳完畢，我便學其他食客把用完的餐具放到膠筒內，大家都很有責任感！回到家後一直很回味這裡的味道，覺得這樣的價錢能品嘗到湯水、粥飯麵、十樣菜式、糖水等這些用心烹煮的食物實在難得又驚喜，所以第二天及第三天的中午又來了。第二天來到是已經一時多，原來店子一時後就不再出新的食物了，不過是日食物尚餘不少，另外這天的海鮮卷、炸南瓜和薄餅還是繼續地補給，為著這幾樣至愛，我還是坐下來吃。是日湯水是菜乾湯，菜好多，味道很清，正好清清我的熱氣。今天的菜換了炒白菜及瓜類，很合口味，實在吃了不少。第三天是帶著如素的弟弟前來一試，也帶了相機拍點照片。今天的湯類是西洋菜湯，菜好鮮甜，喜歡吃西洋菜的定不會失望 ; 終於一嘗了手打麵，麵質爽滑，配上菜段和紅蘿蔔粒，清淡好吃，是再吃的首選 ; 今次使我驚喜的是甜酸齋，比在出面買的更脆口，沒有過剩的酸汁，想再吃多點時，已被夾清光了;是日甜品和生果分別是腐竹白果糖水和紅提子。老闆娘看到我拍照，我告知她想幫這裡寫篇食評，這樣價廉味美的食店只有六個食評實在太埋沒了，而她亦表示不懂上網不知道店子的評語全是好評，另外亦表示在聘到多個員工後會考慮開晚市。一臨走前老闆娘望了望自己的食物，擔心拍照看上去不吸引，其實我想說食物的外表或許不夠精緻，但味道和濃厚的人情味才是吸引大家來的原因呢！…Read More

一早返學校交埋功課,就等於同學生生涯講byebye!很窩心地收到老公送既畢業禮物、畢業蛋糕,佢仲print左openrice coupon又bk左位食呢度既lunch buffetlunch buffet 係12:00-2:30,因為我地遲左,打左去講聲,佢地話可以留位留到12:45pm!!!相比起其他酒店既lunch buffet,呢度既款式選擇的確係比較少,熱盤亦比較行貨,例如炒飯,牛河等等,小女對呢d完全一d興趣都冇,試左幾樣覺得好味既野!魚生:因為只係喜歡三文魚既關係,只係食左三文魚一樣!三文魚真係令人難以忘懷,極新鮮,而且厚身,真係值得攞完又攞!意式蕃茄雲吞:即叫即整,初初以為個廚師會煮好大盤出黎,驚太飽!點知一碟只有3,4件,可以淺嚐一下!蕃茄醬味濃,極配合個味淡既雲吞,可以encore既食物!tiramisu:甜度適中,酒味同咖啡味配合得宜!好味!長腳蟹:鮮甜,而且已被剪了一下,方便食用!不斷refill,唔會驚冇!不得不提,老公對於海南雞飯讚賞有加,小女亦嚐過,的確肉質滑溜爽口,三種醬汁混合埋一齊的確美味!註1:每人有一杯免費飲品註2:甜品唔係自己拎,要叫個waiter攞,有點不便註3:個廁所好企理,比一般酒店更佳今日真係極快樂難忘...期望與你日後可以嚐盡不同酒店既buffet!…Read More

自從贖回左我張回鄉証之後,我每個月總有1-2次北上尋覓我既至愛羊羊!而呢一間係我試過港人至愛既小肥羊、蘇武牧羊、肥羊王等店後,覺得最好味而且又唔洗排隊既一間,已經食左十幾次,又推荐過俾好多朋友,個個都讚好,係度不得不推薦一下!A級羔羊肉($2X):同小肥羊既冰到未解凍就送上抬既羊肉好唔同,呢度色澤鮮紅,而且好明顯係解曬凍之後先片落黎,所以無一層薄冰係面,肉質嫩滑,10級推介!羊粉($1X/份):應該係用羊既脂肪混合而成好似寬粉既粉,呢度既羊粉唔會整得太碎,好完整既一條,浸落佢個清湯底度十分鐘左右便變為淋身,煮到半透明狀態就可以撈上黎食得,吸曬湯底既味道,煙UN爽口羊肉鍋貼($1X):成盤餃既面俾一層薄薄既蛋漿鋪面,餃子大小適中,每一隻都皮薄多汁,肉涵份量岩岩好,比起香港不少鍋貼專賣店好味得多!註:1.有一壺免費豆漿送2.持會員卡享有85折,每月10號憑卡仲有65折3.持會員卡+$2有羅卜/$3有大白菜/$4有炸腐竹值得推薦既仲有羊串($2/串)同羊排($38),成餐都係羊肉宴咁XD每次同我個食超多野先飽既老公2個人去食,食到勁飽都只係$110左右埋單!近排仲有食$100送$50優惠卷送,最衰最近果次食左$96,只係獲得$30優惠卷,要1個月之內用...不過唔緊要啦,呢個月放大假,我會同老公月尾之前用左佢,yeah!又可以北上!my lovely june!!!…Read More

一直想重新開始打過我既食評,亦都有諗過放棄唔再打!最後,小女決定以近排最愛既魚肉翅作為我既重新開始之作,紀錄我覓食既新歷程愛上魚肉翅,亦彷彿由呢度開始...一碗$15左右既魚肉翅令我如此著迷...呢度既魚肉冇平時我食開既街邊宵夜檔咁好味,而且毫無魚味,更不用期望會有我一直鍾愛既果皮香,配搭落去只係為左個翅有d咬口!不過碗翅卻香甜無比,材料足,而且每一啖都係非常之甜,即使有味精,亦令小女甘願愛上!講到最吸引我既地方,都係桌上兩盒任落既菜甫,有辣有唔辣,由於辣菜甫辣味驚人,所以每次只會落少少,伴隨既係大量既唔辣菜甫,甜甜既味道令到成個魚肉翅生色不少!每次因為我隔離果位先生,都會令到盒任落既菜甫少左一半,哈哈如果要係鋪頭食魚肉翅,呢度係不二之選…Read More

係尋找豆腐花之前,食左個椰子雪糕落肚先唔知係咪時間尚早,都係得我地2個去買,盛惠十蚊,價錢真係偏貴打開個膠杯蓋,發現好似軟雪糕咁既外表,但食落冇咁軟,一陣陣淡淡既椰子清甜味出左黎,唔係平時坊間買既雪糕咁甜同咁濃烈,對於唔太喜歡過甜既我,真係好幾岩口味!係冬天時一人一啖,食住黎搵路,很難忘如果下次去macau,我一定會再買黎食…Read More

開左學之後好耐都冇打食評喇,第一篇要打既係生日前夕小女生日前夕同大寶去左澳門,check in完之後就已經去第一站-自助山由於係禮拜6,日既關係,都真係幾多人環境很不錯,放食物既枱真係好長,好多大路既食物都有,款式十分之多而且每一樣都係average以上,我個人最愛既係一粒粒既薯仔,真係好甜,我諗真係冇人會好似我咁buffet係咁食薯仔羊扒非常juicy,,煮得岩岩好,三文魚肥美新鮮,人地都話女仔食甜品係第二個肚,我都唔例外,呢度甜品款式非常多,每一樣都唔錯,所以樣樣都食左件值得一提既係呢度既野飲唔洗+$,所以普通檸茶檸水都係任意order總括黎講,呢度比香港好多buffet好食好多,令本身對buffet不太熱衷既我有所改觀.而且價錢亦比香港平,呢度絕對係有下次既好選擇食得好快樂多謝大寶精心安排p.s.小女見識少,呢度既toliet大門自動感應開關,一企係門口就會開門,真係好有趣!…Read More

由於寶寶居於上水,所以小女都要出動覓好味野食!而呢間既煎釀三寶係暫時小女食過係上水最好味既野煎釀三寶(4件/$5):最好味既係芋泥餅,芋泥多,而且甜度適中,即叫即炸,用兩塊薄餅乾夾住芋泥,口感豐富,好好味,而其他茄子果d都唔錯,炸得岩岩好,而且幾大件另外.呢度仲有賣車仔麵車仔麵(2送/$13):只算係普通,蘿蔔唔係好甜,翼尖唔夠入味,但$13呢個價錢就真係好抵,因為幾大碗下次會試下油渣麵,仲有上次老闆娘講果個反轉豆卜,因為芋泥餅太美味,所以好評佢啦…Read More

猶記得冬天果陣,補完習都晚上10點幾,就會行黎呢度買杯熱既珍珠豆腐花,一飲落去個胃暖曬,而且豆腐花又滑,珍珠又彈牙,次次飲完都會飽曬其實飲珍珠豆腐花,最享受既係睇住佢整既過程,將一碗熱豆花倒落個杯度再加珍珠同糖水又有次試過補完習買4碗豆花番屋企俾屋企人食,點知最後小女一連食左2碗,豆味香濃,熱騰騰,滑入個肚到,個人即刻滿足曬今個禮拜同寶寶食完粥同串燒,就去左買珍珠豆腐花,味道依舊,但天氣熱,而杯野係冇落冰既,略嫌有點唔夠涼快,希望快d到冬天,手執一杯熱既珍珠豆腐花,重拾暖粒粒而快樂既感覺…Read More

去完新鋒食焗飯,飽曬,終於去左買砵仔糕今次係第二次黎有記喇,上次係高考期間同寶寶黎到大埔,諗住買幾個番屋企,點知太遲賣曬由於太飽,所以就買左5個砵仔糕,諗住番屋企慢慢食砵仔糕($4):咬落去發覺幾d糕幾彈,唔會好淋,最重要既就係唔係太甜,岩岩好!紅豆都幾多,而且真係好大粒,真係真材實料食過好多間砵仔糕,好難話好好味,亦都好難話好難食,但呢間只可以話真係幾足料,如果經過大埔可以試下既本來諗住食埋豆腐花先走,點知個肚冇quota,唯有下次先食過啦…Read More

今年既父親節有點不同,沒有妹妹,只有4人的晚餐更重要既係和弟弟已完成了AL,鬆了一口氣同往常一樣,去了生日同各大節日慶祝的地點-大榮華.經過多次經驗,已經知道一定要早黎,唔係有排都冇得食是日5:30已經拎左籌,又拎左點送紙,果然等到差唔多8點先有得食叫了7碟送,1個豬油飯(小女一人獨食),1白飯,1渣洛神花蜜,和3枝啤酒炸門鱔-粉漿好厚,未能接受門鱔既味道金銀蛋莧菜-(不在$52菜式內)皮蛋很足,而且同蛋,莧菜既味道好夾,唔會太鹹香茜燒米鴨-半隻,皮脆,燒得岩岩好,唔會太多油,冇油膩感西芹炒班塊-係多碟送入面最少份量既一碟,略嫌多油,而且班塊真係好少鹵水吊桶-小女最愛,每次都必喊,吊桶爽口,而且未點醋之前既麻油芝麻同豉油味混合真係好好味,點醋後係另一種味道,強烈推介鹵味拼盆-有豬耳,鹵水豆腐同豬腸等,未至於好食,合格薑蔥抄魚雲-唔太多油,炸得幾乾爽,薑蔥不多,完全唔似大排檔果D只有2,3件既魚雲煲,味道不錯,小女對上次都有食豬油飯-用個砵裝住,D飯熱辣辣,頭抽同豬油各一枝俾你自己撈,幾好玩,但由於小女係唔多食飯既,唔多覺得好好味,洛神花蜜-小女至愛,本身係好甜既飲品,但加左幾塊檸檬,中和番,美味!而且有美顏功效晚飯後附贈既花生麥米粥係我食過最好味既,皆因佢落左D薑去煲,令D個糖水唔似坊間既咁甜今次因為點得太多冇食馬拉糕,但係若果各位黎到一定要試下,真係好鬆軟4個人當然食唔曬咁多,最後真係要打包拎走,食飯時同爸爸傾計,發覺佢真係好關心我同弟弟,果陣未放榜,希望考得好令佢唔好失望,宜家放左榜,我真係好希望有大學收,到時再黎過食餐慶祝飯啦…Read More