茉莉月月的個人專頁

香港第一次食酸菜魚喺旺角moko分店，5pm去到，全場無乜人，我哋係第2檯客，環境靜靜哋幾好，可以慢慢食。叫了2人份酸菜魚，配菜揀咗薯粉，都幾煙韌，但好粗好難咬得開。 如果幼身啲會更加好酸菜魚又滑又大塊，另外都嗌咗個蒜蓉粉絲蝦煲，熱住上好好食。新出咗湯豬肉餃子，ok普通。嗌咗兩杯嘢飲，一個馬蹄椰汁，另外鴨屎香檸檬茶幾香，但係完全唔甜，如果甜啲會更加好飲問服務員攞咗兩次糖水都係唔甜，價錢都ok啦，食咗4百幾蚊。服務態度良好有免費花茶自助沖飲， 但係得熱嘅，如果有凍花茶，就更加好啦…查看更多

以前中學時代係元朗總店食開，工作後搬咗出嚟九龍區住，想食台灣麵時，多數去九龍灣國際展貿中心食，但之前九展分店結業啦。 宜家佢喺慈雲山重開一間，要去朝聖下先 平時以前一個月會去2-3次九展幫襯。 而家嚟慈雲山可能要1個月1次，因為日常唔經個區。 食物質素同以前分店差唔多，都係好好食肉燥粗麵嘅麵質好彈牙啲湯又好香濃，椒鹽排骨＆蒜香雞翼好多汁，酥脆好食完美 但D拌碟菜椰菜就麻麻，退步了以前啲拌碟椰菜煮到較軟身，好好食好多汁。 宜家好硬好生一啲都唔好食可惜…查看更多

又去食芝士炸雞ufo啦，今次睇完戲6點，餐廳冇乜人，入去食唔使等位上次旺角分店真係等咗好耐Airside新分店環境好大，裝修都好清雅簡約，可以任揀坐邊真係好開心，揀咗坐梳化位，可惜無香港人最鍾意嘅卡位。食物就點咗ufo芝士炸雞鍋，好多炸雞，有成16件食唔曬芝士好香濃，好好食之前見佢餐牌寫要等45分鐘，而家冇咗等候時間15分鐘就嚟咗好快喎，進步咗超好。仲有點咗士多啤梨沙冰，夠曬凍，夏天飲好舒服。海鮮煎餅＆新出韓式白小飯卷，都幾好食…查看更多

踏入夏天，每個月都好想飲凍忌廉朱古力，euro gogo 真係整得好好飲，超級正一至五，3-6仲有茶餐添，價錢真係好抵食啊。 茶餐加十蚊就有得飲另外仲有蜜桃紅茶＆荔枝紅茶,都係必飲嘅食物方面，第一次試吞拿魚＆芝士雞粒法包，好好食牛角包有吞拿魚＆火腿芝士揀，兩款都好好食呀另外必食白汁火腿腸仔意粉＆皇牌焗蜜糖雞翼。今次雞翼焗得好完美啊皮係金黃色，有少少焦糖味。 超級開心滿足嘅一餐。而且而家仲可以坐低慢慢 QR code落單，好方便，唔使好似以前咁排隊等等等，另外各位服務員態度都好親切熱情周到。…查看更多

每年都會期待蝦堡推出今年一出就去買嚟食。 每星期都要食一次，食到佢完為止希望佢出3個月就好啦呢兩年仲有埋MC Cafe芒果沙冰超好飲，忍唔住要破財，但好好飲，超正。 個魚柳蝦寶哇，真係，好重海鮮味，超級豐富，但係都唔平要39蚊一個。今期仲有迷你兵團推廣嘅包裝好可愛。…查看更多

元朗b仔涼粉出晒名讀書時期中學已經食到熟哂都差唔多20年而家搬到九龍住，都要特登每個月返去食一次，真係好好食價錢又唔貴真係低食30-40蚊就有咁大個甜品又足料又多水果楊枝甘露／芒果西米撈／芒果紫米露／芒果布甸／西瓜or紅毛丹布甸超級好食。 我次次食完都要再加外賣2個糖水同B仔涼粉走拎到手痛。 另外惹味小食腸粉魚蛋燒賣必食（雞翼尖太辣食唔到），豬皮蘿蔔都超好食。甜品類就芒果／榴槤糯米卷都必點，食完真係好滿足…查看更多

食過幾次炑八燒烤都幾好，又再次光顧。今晚訂咗6點半， 而且食滿500蚊有85折，抵食韓燒，前菜係免費送有什菜沙律、薯蓉（新出好好食）、泡菜、醃酸芽菜海帶豆角好食 叫咗原味炸雞半份，有十件左右，仲有薯條伴碟。 另外仲叫咗海鮮煎餅次次都叫，必食好大碟。同埋紫菜牛肉飯卷，又係好大碟全部都好大份。 最後食唔曬，要攞走叫咗兩杯嘢飲，荔枝梳打＆忌廉汽水。 必食燒肉，叫咗四盤肉，牛肉＆豬肉各2碟，仲有八爪魷魚，之前食過豬腸都好食，今次冇嗌啦 次次都食到好飽走好開心，埋單5xx都ok…查看更多

添好運真係久不久我就會去食蝦餃燒賣鳳爪蒸飯真係好好食，尤其酥皮叉燒包雖然點心款式較少，但做好根本都好重要。 而家仲進步咗，有冷泡茶，今日試咗蜜桃烏龍，淡淡桃香唔太濃，好飲。…查看更多

冬天芝士火鍋必食，意粉屋我都光顧咗幾年，今年有迷你油炸鬼好特別，其他餸料都ok。（今年無炸雞＆牛柳粒，有D失色） 今次終於食到炸豬手，好好食，皮脆肉嫩，超鍾意。蟹肉大蝦忌廉汁意粉＆pizza都好食訂位仲有甜品送超開心。 各侍應生仲好好服務，有問必答，做嘢又快又好…查看更多

一向好鍾意食台灣麵中學時已經成日係元朗總店食搬咗出嚟九龍住，好耐無食，九龍灣有分店，專程入去食 今次都係例牌叫香酥排骨飯超級鍾意食，排骨又多汁又淋滑，可惜飲品可樂無冰底，唔夠凍再叫咗個下午餐茶，蒜香雞翼麵雞翼竟然另外碟上之只係放在麵上，搞到浸淋哂，唔ok而家進步咗食物終於完美…查看更多

德福分店食過幾次，地方大裝修好 但缺點唔少最慘飲品永遠等好耐，隨時閒閒地要等半個鐘今次又係要追2次先有嘢飲凍檸茶嚟到係無糖水跟，同佢講只係哦咗一聲就走，咁嘅係比唔比番糖水我呢？等咗5分鐘糖水無出現，再問第2個侍應攞糖水，又等5分糖又無出現，今次搵女侍應，終於5分鐘內比咗糖水我叫三次先攞返糖水，真係可怕今次唔止遲嚟，仲漏比糖水愈來愈唔掂 服務態度就你問佢野，會回答你，你叫佢囉野，會回應你，但係做唔做到比你就要睇彩數 雞肉大蝦闊條麵幾好食，但醬汁軟少最慘就係塊扒－－牛扒叫七成熟，10成熟到黑哂又乾又柴真係想講粗口 元朗分店我食過超好，飲品食物又快又好食，超級無敵好，真係天同地比。無諗過同一集團，唔同分店可以差咁遠。…查看更多

老公生日想食韓國菜所以訂咗屋企附近嘅九龍灣木朳，去到話有人生日出示身份證有85折優惠，都幾好呀 前菜有沙律，醃漬泡菜/芽菜/海帶，幾開胃好食。 我哋唔係好肚餓，選咗3款食物燒，豬腸/小牛排/鰻魚半份(好細少只有半隻手掌份量下次唔會再點）另外點咗海鮮煎餅/紫菜牛肉飯卷/蜂蜜炸雞~味道ok。有機會下次可以試燒烤套餐。 …查看更多

電話訂位接待員有禮，服務不錯。早一天訂了片皮鴨，Lunch食ok。蒸籠點心幾好，蝦胶燒賣ok，價錢適中，午市小中大點一律22元，但點心款式不多，而且沙律炸蝦尾，蘿蔔糕唔熱，稍油 有機會再光顧…查看更多

茶木最出名就係草莓/芒果蜜糖忌廉土司，可惜分量太多，我地得兩個人食，太多啦😋如果有細份，兩塊1碟就剛剛好🥞酥炸排骨飯不錯，份量足，但價錢不便宜。😅😅😅會再光顧🌺…查看更多

下午茶幾抵食，轉凍飲唔駛加價。希望佢可以keep住個價，唔會加價啦！🤩👍下午茶，乾炒牛河最好食，成日都賣哂。我最鍾意食茄汁豬扒焗飯，但可惜茄醬太濃味，如果可以淡口少少就好啦。晚餐牛扒餐都ok，但個忌廉湯就真係淡而無味啦！🥣🙄好似麵粉溝水咁😬…查看更多