mlee529的個人專頁

去完南豐中心整眼鏡，又係食飯的時候。朋友介紹位於荃錦中心地下有一間食餃子嘅，話味道都唔錯可以去試吓。餃子種類選擇唔算多，餃子可做湯餃同煎餃，可以揀細係7隻或大係10隻，另外可以加上海麵。揀咗外邊比較少有既香茜牛肉餃，餃子好大隻，入口有好濃的芫茜味，湯底清甜飲落去都唔覺口渴。枱上有辣菜脯任你食，拌餃子食簡直一流👍🏻雲耳白菜豬肉煎餃，餃子兩面煎到金黄色，入口香香脆脆唔覺得油膩。還有麻油手撕雞同涼拌海帶。朋友話我今日好彩，平時麻油手撕雞好快賣晒，今日有食神。麻油雞裏面加咗青瓜絲，雞肉食落都幾滑味道不錯涼拌海帶少少辣，份量都幾多夠兩個人食。多謝朋友好介紹😊…查看更多

轉左手之後第一次幫襯，餐牌上的選擇都幾多，有啲選擇困難症，見到隔離座位的大朋友食緊鍋咖喱烏冬，忽然間又想食，咁就揀佢啦⋯⋯香濃咖喱雞扒烏冬做早餐，咖喱有少少咸，雞扒幾大塊味道唔錯，除咗碗烏冬還有火腿雞蛋同牛油麵包，飲品叫咗凍檸茶，一餐豐富的早餐好滿足👍🏻…查看更多

原本約左同事去打波但因為落大雨而取消，改為去食飯。晚上六點多唔算多人，餐廳環境舒適，靜靜哋傾計都唔錯。餐牌上選擇種類都很多，一人叫一個定食，一齊分享燒鹽麴熟成五花腩定食排得整整齊齊的五花腩 ，散發出陣陣的炭烤味，睇落去以為好油膩，但入口溶化，肥而不膩。用薯仔沙律同沙律菜拌碟，薯仔沙律同樣出色定食還有前菜、麵鼓湯、茶碗蒸 蛋蒸得好滑燒醬油麴牛扒定食牛扒熟度剛剛好 牛扒的底部放有洋蔥，用熱石盛著 熱辣辣 好好味 二人晚餐每人一百三拾元，相當抵食…查看更多

睇完戲又係食飯的時候，行了幾個圈終於揾到想食的嘢，就係好多人等位的但馬屋，午飯時間係要耐心等候。門口寫著用餐時間分60同90分鐘，有套餐或放題，牛肉放題都分三等級，揀咗最平$109湯底有五種口味，這裏打邊爐係一人一鍋，唔使就人，可以揀自己喜愛的口味，非常衛生。蕃茄芝士湯，但無芝士味雖然係平價牛，但質素都唔錯，自己都食咗四碟除左肉類之外，雪櫃放咗好多新鮮的蔬菜、菇類、瓜類、丸類、豆腐、公仔麵、烏冬等等有自家製的雪梨茶、酸梅湯，唔會太甜，適合打邊爐飲甜品係大人細路都喜愛的雪糕…查看更多

今日約左幾個舊同事聚舊，同事揀左銅鑼灣極尚大喜屋食放題，貪佢夠方便。餐廳環境舒適，地方濶落。一入門口兩邊擺方著長餐枱，放滿了許多餐前小食同熱葷，任君選擇。除左汽水之外還有清酒、梅酒、啤酒任飲，甚至連羅漢果茶都有。用手機掃一掃QR CODE 就可以落單，既方便又環保，完全沒有漏單，上菜的速度好快，非常抵讚。食放題必點的刺身，有厚切的三文魚、劍魚腩、甜蝦同帶子都好新鮮，要叫幾回先會滿足海膽手卷 即叫即做 海膽好鮮甜 紫菜好脆燒魚干 真係超好味燒雞軟骨 燒得剛剛好，不算太硬，送酒一流燒鰻魚 一啖一口 我最喜愛女士們最愛的花膠 大大件 夠淋忍唔住都食左兩件炸榴連 外脆內軟 散發出濃濃的榴連香味好鬼正燒菠蘿 大大件 非常甜 食到唔停口最後限每人一杯哈根大斯雪糕整體嚟講食物質素高，值得再去…查看更多

之前在荃灣食過雞煲，今次轉地方到葵花食，屋企人話平靚正，一於去試試。訂咗六點半，食兩個鐘每位$158另收加一，如果7:30前結賬離座，每人減$10，都算抵食。近門口擺放咗好多冷盤同熱食我哋有六個人，餐廳可以提供兩個爐，一邊揀酸菜魚，魚的份量都好大條，味道都唔錯。另一邊揀雞煲，香噴噴好嘢味，食雞無限添加。除左魚同雞之外，還可以用點餐紙點肥牛、羊肉，鯇魚作火鍋料。外邊雪櫃放咗不同種類丸子、自家製餃子、蔬菜、烏冬、公仔麵等等最愛食的蝦，每人得一隻，有點失望飲品種類選擇多，有雪糕有糖水都算抵食…查看更多

忙咗成個星期又係要慰勞自己的時候，今晚約左同事到銅鑼灣食放題，貪佢近公司，放咗工行過兩個街口便到，十分方便。有訂位待應好快安排入坐，餐廳地方好大，座位舒適。刺身種類都算多，有三文魚、吞拿魚、帶子、甜蝦、油甘魚、北寄貝件件新鮮，叫兩次先至滿足。迷你版海膽手卷同一啖一口的壽司，食多幾舊都唔怕飽芝麻雞翼 雞翼炸得香脆，味道比土匪雞翼好食榴槤愛好者一定要食炸榴槤，裏面有流心的榴槤，散發出濃濃的榴槤味（必食）鮑汁燴花膠 份量都多，有兩大塊花膠，煲得夠淋入味，女仕最愛可以養顏蒲燒鰻魚 好肥美 燒紐西蘭香草羊鞍 非常嘢味，唔會太羶 除了點餐紙之外，出面還提供前菜、沙律、熱食、雪糕雪條、甜品，飲品選擇。整體嚟講非常之不錯，職員有禮貌，上菜快無漏單，值得一讚。…查看更多

每逢假日都喜歡約三五好友搭車四圍去，今個星期就到元朗一天遊。好友推介到元朗一定要品嚐瓦煲粥同腸粉大大幅的餐牌就貼在玻璃上，睇都有點難度。四個人叫咗兩煲粥：分別有魚腩粥，佢既粥全部是用瓦煲上，份量足夠兩個人分享，粥底煲得軟綿綿，魚腩新鮮，用$27價錢非常抵食，在市區都好難找到肉片粥 都好美味 好多肉片牛肉腸粉 腸粉蒸得好滑 每碟腸粉都是即叫即蒸還有一碟炒米粉，有點失色（無料），四人用餐消費唔使一百圓，相當抵食…查看更多

今日放假有機會過嚟中文大學行吓，吸收吓書卷味，在大學站有免費校巴坐上去。嚟到中文大學當然要試吓位於和聲書院的Cafe Tolo。咖啡室有室外同室內，當日好好天氣，可以遠望吐露港室內的環境都好舒適，先購票後取食物，雖然係全自助但職員都好有禮貌枱面上放有點餐牌，叫咗粒粒紅豆綠茶窩夫配雪糕，窩夫即叫即做，入口香脆，有點點綠茶味，最值得讚雪糕係用Movenpick，紅豆略少了點。還有杯醒晨咖啡，舒適的環境令人身心開朗…查看更多

聖誕節快到今日跟同事到旺角買禮物，預備公司抽獎用，買完禮物之後同事帶我到附近的金雞廣場樓上食晚飯，Cafe位於大廈25樓，居高臨下，坐在窗邊，一邊食飯一邊睇夜景非常之唔錯。晚餐有女士們喜愛的沙律、意粉、長通粉及意大利飯，價錢由$80到$120不等。用煙三文魚砌成玫瑰花，配上忌廉汁的意粉，非常好味黑松露帶子鮮菌燴意大利飯，好香的黑松露味，意大利飯軟硬適中，粒粒帶子同蘑菇，口感豐富蜜糖雞翼外脆內軟，叫份雞翼加$10有炸薯條，薯條又大條又夠脆，熱氣都唔怕晚餐加多$30有頭盤（沙律）及甜品（旦糕）沙律菜淋上日式的芝麻醬，非常開胃紐約芝士蛋糕 芝士味濃，甜度適中同事最愛朱古力蛋糕晚餐包飲品店內還擺方好多board game給客人享用，下次可以再約朋友邊食邊玩…查看更多

平時很喜歡食肉，今日就嚟大角咀食素，清清腸胃。大角咀《走肉朋友》係自助餐形式，入座前先付款，用餐時間係75分鐘。一張長長的餐枱放咗好多食物，包括有沙律、熱食、炸物、冷盤、糖水、粥、湯、蛋糕等等...冷盤有四川素雞、皮旦肉鬆豆腐、紅薯粉、麻辣雲耳、麻辣青瓜、樣樣都好好味，不會太辣。炸物有第一次食的炸蓮藕、炸豆腐同炸蕃薯，非常香脆。關東煮淡咗少少墨西哥卷同pizza 都好好味有最愛的紅豆沙同豆腐花，每星期食吓都唔錯…查看更多

放假約好友去新都會廣場行街兼食飯，廣場裝修過之後都有好多新食肆。L.D.K Cafe 係西日式餐廳，用餐時間90分鐘，但仍然有好多人幫襯。餐廳座位比較狹窄，可能係食飯時間關係，人太多比較噪，一橙一綠的餐牌，綠色係主食，橙色係甜品揀咗最喜愛的三色丼，有三碗細細碗的飯，分別係帶子三文魚籽丼，第二碗係吞拿魚茸丼，兩種刺身都幾新鮮，第三碗係燒汁牛肉飯，同樣好食。雖然係迷你，但一個人食實在太飽啦鹿兒島和牛漢堡咖哩蛋包飯 日本咖哩味道偏甜，食落口唔會太辣，又食倒咖哩的香味，漢堡扒都好大舊，肉質嫩滑。嫩滑的雞蛋包著飯真係好好食…查看更多

因為有優惠卷所以今日約咗同事一齊食午餐，叫咗個二人餐$172，用優惠卷消費$100可減$50，每人平均$61，在中環區食午餐都算平啦⋯⋯二人餐：有小食每人一個焗薯，味道略淡咗少少主菜有拿坡里大蝦蜆肉天使麵 有三隻爽口大蝦、少量蜆肉，用蕃茄醬做汁味道不錯，天使麵份量幾多，但缺點洋蔥煮得未夠熟。另一份主菜係夏威夷海鮮燴飯 有四隻爽口的大蝦同菠蘿 燴飯的味道不錯。二人餐每人包一杯飲品最後還有雪糕蝴蝶酥做甜品，可惜今日雪糕未能提供…查看更多

銅鑼灣一帶都有好多嘢食，今次好友帶我去永光中心居酒屋食午餐，又可以見識吓。店內地方唔算大，但好有日本格調。一坐低職員就遞上前菜、沙律同麵豉湯。再望吓個餐牌，午市套餐有十二款，可以揀兩款主食$148，揀左帶子甜蝦海膽丼，帶子同兩隻甜蝦都好新鮮、海膽的份量雖然唔多但同樣好味。另一碗鵝肝丼，鵝肝都幾大件，煎香咗的鵝肝散發出香味，飯上面還放咗蔥粒同蒜片，非常好食。鐵板牛舌定食$108，有六片厚切的牛舌，牛舌軟諗諗配合醬汁，加上蘿蔔蓉一齊食，食落去不會感覺到油膩，味道超正。餐後還有甜品，細細粒雪米糍。最後結賬還有八五折相當抵食。…查看更多

之前中環同尖沙咀都試過，現在荃灣開咗當然要試吓啦。星期日，六點鐘等位的人唔係太多，好快安排入座，用餐時間90分鐘有點趕。乳鴿$33，每人限點一隻，乳鴿熱辣辣，外皮香脆，肉汁嫰滑，非常入味，個個都讚點來聚聚 五種不同的點心，有墨魚汁鮫、芋蓉流沙包、柚子蝦餃、賽螃蟹餃、蜂巢糕，熱辣辣幾好味 肉鬆抓餅 手抓餅好酥脆，內裏放肉鬆同樣好味鳯梨咕嚕 酸酸甜甜的咕嚕肉，外脆內軟，燒過的菠蘿，但凍的如果菠蘿熱的會更好必食之選 荷花蒸飯 最無驚喜的雲吞湯麵 …查看更多