Jim Chim727's Profile

一直都有幫襯開，雖然佢嘅碗仔翅真係不值一提，但我平時最鐘意食佢嘅煎釀三寶。最後一次去，我又叫咗煎釀三寶，個阿姐問我要唔要豉油，我已經答咗’唔駛‘，個阿姐大大聲再問我一次，態度好差！佢自己聽唔到，但要個客受罪？！真係下不為例！…Read More

其實之前有來過食午餐 但未試過晚餐係open rice 訂左9:00 有6折店員話做優惠只係白色餐牌 但唔包括龍蝦食物 而且要每人消費$100 所以左揀右揀 揀咗4款菜式1. 黑松露湯 湯同上面啲黑松露都唔夠濃 唔係熱辣辣 不過我相信係此店特色 只係個人口味比較重2. 飲品 - 愛的宣言顏色雖然睇落好濃 但飲落偏淡 3. 比目魚幸好 呢個主菜 水準不俗 雖然魚身偏薄 但夠香 薯蓉都ok 整體中上4. 龍蝦汁大蝦意粉賣相ok 聞落好香 有龍蝦味 略嫌其中一隻蝦唔夠新鮮份量唔夠多環境方面 人唔多 幾中意啲牆畫 好有本土風味有機會再試…Read More

同朋友慶祝生日，想揀一間特別啲啲嘅餐廳睇咗少少食評後就揀左呢間閒日去，但都book定枱先，以防萬一位置有啲難搵，我諗一般都會行錯路😆去到發現原來唔算人多燈光偏暗，地方唔大，一目了然坐住等朋友來，個餐牌有啲難閱讀分幾種類，每種都得幾款菜朋友來到 我地兩個都心大心細唔知點可能見我地掀餐牌次數過於頻繁 侍應走左來問叫得菜未？ 我地係壓力下叫左兩個主菜先 好快來左燒八爪魚米型粉，外觀一流，辣肉腸堅辣~ 但份量唔多，一度以為唔夠食第二碟係日本南瓜意大利飯，賣相一般，素食因為啲飯有芝士，食到最後好濟  食緊兩個主食中途，叫左一個前菜明顯係比個名FAKE左，叫烤蝦子沙律  原來只係蝦子！一路以為係蝦！是我誤會了賣相好FRESH，眾菜中最好食係娃娃菜，比較入味食完三碟野已經飽左9成9, 但為左圓滿啲，所以夾硬叫左個甜品杏仁奶凍蜜糖脆糖，AGAIN賣相好正，同MENU張相算係幾符合，味道都唔錯上面啲花我都食埋，冇乜特別味，但成個甜品都食得哂總括來講，賣相可以呃LIKE，味道中上，環境氣氛好啱年青人，價錢偏貴…Read More

一時興起 同媽6:00 就入席雖然媽唔食牛，但都照揀豬牛雞$168加一 湯底一個雜菜湯 一個要胡椒牛湯雜菜湯 好夠味 媽話唔洗點醬都🆗我慣性混咗兩碟醬 溝埋蘿蔔泥 同 麻醬 👍🏽自助bar 空間比較細 要睇準時機拎 否則要排隊蔬菜款式好大路 偏愛娃娃菜/紹菜/生菜/韮菜丸類唔多 略嫌冇乜豆類製品 得豆腐 每次order 豬牛雞 等候時間唔算長有一兩次員工會主動幫手加湯食到飽一飽時 臨結帳 去拎咗兩杯乳酪雪糕自己加配料 不過媽就嫌啲雪糕較酸🤔 整體ok, 但建議增加配料種類👍🏽…Read More

第一次去, 見到內部裝修好特別、好有活力加上枱面包濕紙巾夠搞鬼 率先留個好印象朋友已經食過好多次, 隨口介紹咗幾款菜色因為係兩個女仔食, 所以只係點咗一個主菜、一個小食、一個蔬菜第一碟上枱-炸鮮奶賣相一般, 要趁熱食, 唔太甜, 每人三條 （下圖 已夾走兩條）無幾耐就上 水煮魚 特別request少辣一來就俾個器皿嚇一嚇 大得甘誇張😳懷舊風魚塊鋪面 食落好滑 雖然小辣 若然唔食得辣 小辣都會覺得吃力夾落啲啲 會搵到其他配料 例如豬紅 厚餐肉 粉 菜 等等食極都仲有第三樣 係 銀魚娃娃菜一上枱 熱辣辣好正 雖然唔太食到銀魚味 員工好主動幫我地加暖水 好服務👍🏽仲有好多菜色值得一試 唯有等下次 😂…Read More

上網見到坤記好似唔錯，所以慕名而來。坐電車到附近，因為唔熟路，所以稍微用咗啲啲時間搵路 閒日來到 而且大約6:00pm, 所以可以即刻入座參考網上推薦，叫左椒鹽多春魚 同 白鱔排骨煲仔飯率先來咗多春魚，大約十五條，每條手指公大/長，兩個人食，其實會多咗啲魚係有骨，但好軟身，絕對安全吞入，魚身好稔但冇腥味，只係量較多，比較適合人多時食！煲仔飯係我比較期待白鱔好稔，有豆豉，好惹味排骨較肥，一般飯夠乾身，有飯焦，可以食到乾乾淨淨！整體唔錯，加埋$10 一樽凍可樂，更上一層樓！…Read More

閒日午餐時間去 本來以為要等好耐位 點知去到就有二人枱 👍🏽全場基本都坐滿 9成9都係上班族我地共點了5款點心/食品 其中一款係鑊仔炒蝦米腸 本來以為係煲仔上菜 點知係碟頭腸粉 賣相一般但都夠鑊氣味 熱辣辣 有芽菜一齊炒 特別好味蓮藕脆餅 應該係炸物 不怕熱氣嘅話 值得一試海鮮菇札 望落好清淡 味覺尚可 只係塊腐皮比較硬身另外 炸鯪魚球 係每次必食 加上啲醬 更惹味👍🏽👍🏽👍🏽最後 叉燒餐飽 因為食咗頭4碟 去到最後先食餐飽 略嫌太飽而影響食慾 因為稍微攤涼咗先食 所以冇新鮮出爐既軟淋淋口感 但都🆗…Read More

好耐冇去奧海城 亦都好耐冇食添好運今次4點幾去到 9成坐滿 唔洗等位望住張點心紙 好似同印象一樣 款式冇乜點變總共叫左5款點心：1. 土魷肉餅飯係5個點心中最好食嘅一個 魷魚唔硬 肉餅索哂啲豉油 好香 而且一個飯分量唔算少2. 雜菜春卷尚可 略嫌上枱時唔係新鮮炸起 所以遜色不少3. 叉燒餐包每次來都係必食 味道保持到水準 如果加熱後上枱會更好 來到好似出爐左一段時間甘4. 鮮竹卷 & 5.蒸排骨因為蒸點 所以最後來 熱辣辣鮮竹卷 因為夠熱 所以加分 蒸排骨 略嫌偏肥 但味道🆗埋單 $116 唔算貴 坐得逼啲 不過環境企理 只係地下有啲污糟如果款式方面 可以增加多幾款 回頭機會更高 👍🏽…Read More

甚少來堅尼地城呢邊 唔熟路誤打誤撞來到體育館附近 見到文華冰廳個招牌 懶得再去搵其他 唯有選擇呢間呢間餐廳比想像中細 因為係中午至下午茶時段 所以差唔多坐滿職員叫我地去一張5-6 人枱搭枱 坐底發現枱面沒抹乾 職員都自動搵布抹 可惜塊布唔乾淨 留低抹布果陣除 🤭我地叫左一個雜扒飯 同一個常餐 跟一杯熱奶茶同一杯凍奶茶除左兩杯野飲 最先來係我個叉燒意粉 味道中規中矩 略嫌叉燒分量少 意粉偏硬 之後來左個雜扒飯 味道唔錯 有豬扒雞扒腸仔同厚餐肉 剛剛煎出來 夠惹味 但碟邊有水/水漬 加上職員拎住碟飯同其他人講野時冇迴避 影響食慾🤢差唔多食完呢兩碟 個炒蛋牛油多先來 一度以為漏單因為我個位置睇到吧枱/出菜位 我望到有一個樓面職員徒手攞起塊多士！ 我冇睇到佢由邊到攞過來 只係見到佢攞住塊多士放落隻已有炒蛋嘅碟上面 然後等埋另一碟ok 就出菜 佢拎住來我個位時 我已心感不妙 果然係屬於我我食時要摵走塊多士邊 感覺安心啲😞 希望員工能夠更注重衛生啦 雖然眼不見為淨 但眼見到真係會介意🙏🏼 不過值得一讚係果杯冇冰凍奶茶 原汁原味…Read More

路經信德 眼見呢間越南餐廳價格平 加上人流唔多 環境較靜 所以就毅然入去一試🤔餐廳內外裝潢高級 但食物價錢平民化 食咗兩碗米線 加三隻牛油雞翼 埋單都只不過係一百多少少兩碗酸辣米線 - 一碗配溏心蛋 另一碗配牛百頁賣相有啲失望 味道方面尚可 略嫌配料偏少 湯底方面 色相一般 但都夠味夠辣🆗至於牛油雞翼 新鮮炸 所以上枱時熱辣辣 雞翼大大隻 但唔係太重牛油味 🤔 基本冇服務提供 因為客人自己酙水 自己拎牙籤 碗仔 水杯等 所以免加一服務費 👍🏽整體係環境好 價錢平 食物尚可…Read More

早就聽朋友介紹過呢間cafe, 上次誤打誤撞來咗但今次約埋朋友再來 因為有得食 又有得玩 消磨時間既好去處呢個星期日 四個人來 有三個人都係叫左 黑松露意大利飯 👍🏽 實實在在係太好食 夠熱，夠濃郁，啖啖黑松露味飲品方面 反而有啲遜色 兩次來都未有一杯令我回味 總係覺得啲飲品唔夠凍佢有塔羅牌飲品 冇飲過 不過啲飲品名好特別 下次有機會 會試一試至於遊戲方面 大路既board games 都有 不過我地今次只係玩左德國小強 都已經用左兩個幾鐘 …Read More

本來打算來食雞煲放題，但睇到啲火鍋配料好普通，所以臨時轉軚散叫湯底叫左兩款，雙拼以較高者計，所以叫左胡椒豬肚 同 四川麻辣 兩款湯都配料十足，尤其豬肚湯底內既咸菜幾好食醬料一set 有8款，任添唔嬲，大混醬左一番，不過其實湯料十分夠味，配上醬料會太咸 （醬料每人$18）收茶芥，每人$8，但又唔會放底茶壺比我地任酙 食到中途太重口味 水又未添 會口渴叫左幾款特別既肉類，其中一樣係 ‘豬八戒’ 用類似甜品架來上枱，幾特別 但味道一般 不過份量係由頭食到落尾肥牛，好瘦 有懷疑自己係唔係叫錯左，不過當牛肉食都ok3秒響鈴，好欣賞即叫即炸，上枱熱辣辣，而且好鬆脆皇帝菜，一大兜，食落好清新手打丸 叫左黑松露丸拼象拔蚌丸 但老實講係幾好食 但就食唔出味道叫左碟海蝦，好新鮮，啲蝦腳仲識郁仲有好多選擇未試，如有機會都可以再來試6pm - 9:30pm 有75折，當然有啲野唔包在內，但都係吸引我地臨時轉軚既原因…Read More