yukiblythe's Profile

叫咗依個蜆肉烏冬$53,另外再加咗一個魚肉棒（約$20），蜆肉嘅份量都算係咁雖然有幾粒會咬到啲沙，但係最接受唔到嘅係最基本嘅嘢都做唔到，就係碗嘢完全唔熱只係微微暖咁…另外買嘢嘅時候係流水作業式，自己或者捧啲嘢上盤，然後最後俾錢，但係當中啲炸物完全冇嘢蓋住，如果其中一個客人打個乞嗤就會污染晒，感覺有啲唔衛生，希望店舖更可以改善，另外六點幾去食都要等位，仲要係自己企喺人哋側邊等，個感覺唔係幾好，不過香港地平少少嘅就要接受，始終羊毛出自羊身上………Read More

食物質素OK唔算非常好但都唔難食，但價錢偏貴，特別梳乎厘pancake 每款都要$100幾再加一。主要想講依間分店服務員很奇怪，四個人來食只給我地三杯水，追問下先講原來唔夠杯、話洗緊😅本身已不是很多客人，但係都唔會主動加水，而且加得好少，係咪水都煲唔切？😂最奇怪嘅係明明左右兩邊都可以上菜，唔知點解係都要響一個食緊嘢嘅人上面上菜比隔籬嗰個枱上面無食物既人，我認為呢間公司嘅職員全部都需要再做訓練，只會方便自己唔會諗吓客人嘅處境，比較自私…純粹想方便自己，行多2步都唔行。…Read More

個五色健康蔬菜七成都係紫色嘅，仲要炸咗嘅矮瓜，好唔健康，其餘顏色蔬菜寥寥可數，都幾失望。另外個三色藜麥飯啲藜麥數埋都唔知有冇20粒，下面全部都係白飯，好心就咪鬼比人轉。不過值得讚吓佢個蛋蝦仁炒蛋都幾滑幾好食，但係個蔬菜真係有待改善，希望下次唔係再為咗慳時間快快脆將啲矮瓜攞去半煎炸，真係好油…上一次黎食咗個雜扒餐，佢個蒜蓉多士係凍既，個鐵板餐上面啲嘢只係微微暖，早啲執落去完全冇一聲，好失望😞希望呢間公司正視呢個問題，如果食物連基本最簡單要求亦都做唔到真係好失敗☹️…Read More

4個女人因為其中2人lunch食得比較晏，所以叫左個個二人餐再加1個糖醋排骨同埋A菜台灣食品嚟講整體都幾好食，最緊要係想讚吓呢間食肆所有嘅員工服務態度都好好👍🏻睇得出係真心嘅好，唔係扮出嚟嘅好☺️我哋怕遲入嚟食會阻住人收工，所以入去就問吓經理叔叔閂幾多點，因為我哋8:30pm去到,叔叔答我哋9:30pm 閂，佢話唔緊要做埋我哋果檯先閂，仲話加班都會煮埋俾我哋食，超搞笑（咁當然我哋都好乖唔會阻住人收工）～仲有我地第一次黎食問多幾句推介菜色每位員工都好認真介紹，唔會顯出唔耐煩～令服務體驗都加左好多分～一間食肆嘅食物質素故之然重要，但服務態度都係不能缺少的重要一環希望有一日所有香港食肆嘅侍應都可以好似佢哋嘅服務態度咁好，而家咁嘅服務態度香港真係好難見到，唔西你面都偷笑😂所以好日唔打食評既我都忍不住黎打一下💕…Read More

晏晝行到肚餓，諗住食個tea, 門口個牌有蛇羹食, $99諗住試吓, 冇諗到出嚟咁細手掌咁大, 不過如果好食，細都唔緊要。不過未食嘅時候睇個樣已經水汪汪，只見到幾條好幼既蛇肉， 個質感似水多過平時啲羹，其實簡直可以用水黎形容，而個味道亦都唔係平時啲蛇羹嘅味，有少少酸酸地嘅味🥲然後買返仲得意，原來嗰杯凍嘅茶要收每位$10，而家加埋1賣單$130幾蚊，好似冇食過嘢，如果要我形容真係好似食垃圾咁，碗仔翅都好過佢,一啲都唔值，果然影片分享網站開 嘅食肆應該要預咗有咁嘅下場，下次都係要搵返間正常嘅黎食…Read More