wwwwki的個人專頁

今日晚飯嚟到紅磡一間由正宗韓國人主理嘅韓國菜「前菜」分別係有薯仔、醃蘿蔔、涼拌菠菜、泡菜「晚市限定醬油蟹 $68」一直心心念念想再食醬油蟹首先將蟹上面嘅生雞蛋同紫菜飯撈勻再一邊將蟹蓋嘅蟹膏撈入飯中食落去簡直係一口入魂！超好味！之後再將蟹身的蟹肉，用手指按壓擠出嚟一啖食落去係啖啖肉，蟹肉鮮甜嫩滑忍唔住一人再叫一隻！「BBQ Set D $699/2人」一上枱嘅時候，我哋震驚了二人餐份量竟然咁多？！有調味牛肋骨、牛肋骨、牛五花、烤五花腩每人每款食到大約三份未燒之前已經可見油脂雪花分布平均燒完之後輕輕少少調味已經肉汁滿滿牛味極香濃，每一口都覺得非常滿足！其中我最喜歡就係將芝士捲入肉中一齊燒咬一半就有拉絲效果「韓式甜酸炸雞（半雞） $148」質感外脆內軟，而且即叫即整，熱辣辣而且我哋叫咗無骨，一口一件每一舊都啖啖肉酸酸甜甜嘅調味，忍唔住食完一舊又一舊總括而言，果然正宗韓國人主理嘅韓國菜係唔同啲環境乾淨，食物價錢質素屬中上水平以後食韓國菜必定會想起這一家！…查看更多

呢排睇完韓劇就係咁想搵啲韓國嘢食今日嚟到呢間都算係網紅餐廳七點幾嚟到已經好多人排隊啦「泡菜煎餅 $128」除咗泡菜之外，仲有金菇同三色椒做配料即叫即整熱辣辣，底同面都煎到脆卜卜連素食者都啱食！「水冷麵配燒牛肉 $138」其中一款我最喜愛嘅韓國菜式就係水冷麵麵質煙煙韌韌，口感十足平時水冷麵通常都會加辣泡菜或者其他調味呢度配搭嘅醬燒牛肉亦十分惹味熱辣辣嘅牛肉配上冰凍彈口嘅麵條簡直係冰火兩重天！「香蒜蜜糖炸雞-半份 $198」估唔到半份嘅份量都咁大隨碟仲要附送薯角、薯條同埋我哋+$38炸芝士條每款炸物都炸到金黃酥脆炸雞入邊肉質嫩滑，十分juicy香蒜蜜糖嘅味道亦滋味唔使再額外點任何醬汁都覺得好好食兩個女仔食真係超級滿足～總括而言，果然係名不虛傳，食物環境質素屬中上喜歡食韓國菜嘅朋友一定唔可以錯過！…查看更多

好耐冇同屋企人食過潮州嘢今日家姐提議嚟呢間，我哋都食過三四次水準十分有保證我哋叫咗個「厚菇焗鮑魚」餐每位$488加一「梅膏伴海蜇」個人最喜歡食梅同埋海蜇，呢碟餸就啱晒我海蜇設成粗條，好有口感海蜇嘅爽脆，再加埋梅味嘅酸酸甜甜，非常醒胃「滷水拼盤」包括有鵝腸，鵝片，鵝紅滷水入味程度恰到好處，味道剛剛好鵝腸肥美而不膩，鵝片肉質鮮嫩，鵝紅入口彈牙個人認為就算唔點旁邊嘅白醋亦都夠鮮味「浸花螺」廚師好細心將每一個花螺已經起殼螺肉大小剛好，更加容易入味，肉質爽口「汕頭煎蠔烙」煎蠔烙最怕食落去成口油呢度嘅蠔烙不單止唔油，咬落去仲要非常脆口蠔仔亦都唔吝嗇，份量十足「潮式炸蝦棗」真材實料嘅蝦棗，咬落去真係會見到有蝦喺入邊外表金黃鬆脆，內裏爽口彈牙配埋旁邊的梅子醬，更是錦上添花「厚菇焗鮑魚」嚟到今晚嘅重頭戲原隻鮑魚真係唔講得笑，淨係賣相已經十分吸引一切開見到鮑魚肉緊緊熟透，廚師控制火候非常好亦可見到鮑汁已經滲透入到鮑魚肉食落去完全唔會覺得難咬或者好un，好好食！「方魚蠔仔粥」最後就係蠔仔粥，亦都係我其中最愛坊間好多蠔仔粥食完會口乾，但係呢度完全冇湯底非常鮮甜，蠔仔飽滿飯粒亦都係理想的程度，不會過爛或過生四個人亦完全夠食，十分滿足總括而言，光顧咗咁多次都係冇令到我哋失望水準依舊很好，期待下一次光臨！…查看更多

今日同媽咪兩個人食晚飯佢就提議話不如食鴻星都好喎，一路以來去鴻星都淨係試過飲茶我地就叫咗個「晚市套餐A $1288」兩位用，已包茶介、小食、加一「百味豆腐」外脆內軟，咬開係熱辣辣豆腐非常嫩滑，外皮十分酥脆「拍蒜青瓜」青瓜清甜爽脆，加上以香蒜混合的香醋汁酸酸辣辣，係一道非常開胃的涼菜「海老汁龍蝦」用海老特調的海老汁質地濃稠，味道濃郁龍蝦蝦肉肉質爽口彈牙整個口腔都係滿滿嘅鮮蝦味如果你平時都係喜歡吃濃蝦湯拉麵/蝦味食品咁呢個海老汁龍蝦就一定唔可以錯過「腐乳菌翡翠炒帶子」大大粒帶子完全沒有混水摸魚，好鮮味旁邊仲有荷蘭豆，木耳同埋菌類食起上嚟口感豐富「清蒸海星班」酒樓質素的海星班總唔會有錯雖然唔係平時一圍嗰啲咁大條但以二人份量來講，size可以接受又香又滑，兼且啖啖肉「炸子雞半隻」淨係睇賣相都超吸引！竟然有咁大隻雞髀係度！油脂分布平均，雞皮超脆，雞肉嫩滑「羊肚菌杞子浸菜苗」用上湯浸嘅蔬菜比起炒更加健康再加上羊肚菌同埋杞子，好鮮甜連湯我哋都飲埋哈哈！「原個蛋黃壽桃包」唔知大家嚟鴻星有冇食過壽桃包呢原來係⋯⋯好好食㗎！夠晒大個不特止，入面蓮蓉餡又香又滑當然唔少得大大個蛋黃(因為太好食，我地忍唔住一人叫多一個)「精美甜品」最後來一碗紅豆沙畫上完美嘅句號總括而言，原來鴻星食晚飯都十分唔錯下次同家人聚餐，必定再次光臨！…查看更多

好耐冇去過韓國啦非常掛住韓國嘅嘢食今晚約埋幾個朋友食飯，梗係去食下韓國菜先啦呢間餐廳好有韓國燒肉店嘅氣氛背景不時播放住一啲K-Pop嘅音樂令”韓味”更加濃郁「前菜」分別有醃製冬菇，泡菜醬章魚，椰菜沙律，泡菜「Large Korean BBQ Pork Set $590」侍應哥哥同我哋推介呢一個烤豬肉拼盤最好味嘅其中5個豬肉部位可以喺呢個拼盤食到而最好嘅係佢即場喺我哋面前燒埋哈哈一路食一路為我哋講解每一個部份除咗就咁食之外，亦都可以配搭生菜亦都可以點一點泡菜醬冇咁油膩之餘，口感亦更加豐富而個人來講，最喜歡就係豬頸肉肥瘦適中，肉質口感一級棒！「Tofu vegetable stew with bean paste $110」呢個就係韓式大醬湯同日本嘅麵豉湯十分類似但大醬湯嘅味道比麵豉湯更濃郁配合埋嫩滑嘅豆腐，一試難忘「Spicy cold buckwheat noodles $120」呢個係充滿回憶嘅凍蕎麥麵～想當年喺韓國食過一次之後覺得非常好味麵質爽口彈牙，少許泡菜醬，半隻雞蛋，適量醃菜整個配搭加埋覺得健康又美味唔知係咪因為係冷食所以加咗泡菜醬都唔覺得太辣反而覺得提升整碗麵嘅味道同顏色總括而言，餐廳同食物環境屬中上水平一路播住K-Pop嘅音樂，一路食住正宗的韓國美食恍如置身韓國一樣！…查看更多

今日同好姊妹喺尖沙咀行完街諗諗吓不如就食中菜啦呢間餐廳地方雖然唔算好大但係亦都有間到一啲空間俾10人以上嘅座位「上海酸辣湯 $98」本來以為例牌都唔會話好大碗點知一嚟到係完全足夠兩至三個人份量材料有肉絲、冬菇絲、蛋花、筍絲等等酸同辣嘅比例剛剛好即使怕辣嘅朋友都唔會話係辣到流晒鼻涕酸辣酸辣，非常開胃！「花雕醉雞 $108」淡淡的酒香唔會過於濃烈刺鼻而且雞肉嘅肉質嫩滑，有彈性酒嘅味道亦唔會搶走雞肉的鮮味「菊花酸菜魚 (小辣) $288」今晚嘅重頭戲就係酸菜魚啦！同酸辣湯一樣，份量十分之多賣相同埋香味亦都係好出眾食酸菜魚之前我習慣呷一口湯先果然！係好好味呀！佢嘅湯底係好濃郁嘅白色魚湯，再加上酸菜及花椒熬製有魚味得嚟唔會腥，仲好鮮甜麻辣酸味調配得剛剛好魚肉非常嫩滑，啖啖肉入面仲有寬粉同埋菌類作配菜我哋都忍唔住叫咗一碗白飯嚟送添啊～總括而言，食物質素同份量屬於中上水平好慶幸今日誤打誤撞都入到一間好嘅餐廳必定再次光臨！…查看更多

早兩日勁想食蠔仔粥，就約朋友放工去食，喺公司附近搵到呢間潮州菜館，唔駛諗就入去。7點去到人唔係好多，比隔離枱碟滷水拼盤吸引咗😋勁香！原本諗住潮州嘢實貴都豁出去，睇完個餐牌又ok喎，由其見到隔離枱碟拼盤嘅份量🤩🤩🤩「滷水鵝拼盤」鵝腸勁爽，同埋鵝肝真心不得了！反而鵝肉有少少韌，但個重點滷水汁係出色！「油泡南澳鮮魷」推薦！呢個魷魚意外好食！除咗魷魚本身已經有鮮味，個賣相都靚仔到不得了，冇嗰種霉霉爛爛嘅感覺，食落去亦唔會爆油同勁爽口。「蠔仔粥 」最期待嘅蠔仔粥無令我失望，叫咗一個大蠔仔粥4個人食，分好四個滿碗都仲有得添食。啖啖都粒粒蠔仔，本身就咁都聞蠔仔鮮味，入口就更加唔駛講，絕對滿足口感，可再encore。 「方魚炒芥蘭」芥蘭軟硬適中，用芥蘭苗炒入口冇無渣，加上脆口大地魚乾，成碟菜更加惹味、更美味。總括而言，食物同環境屬中上水平，非常正宗嘅潮洲菜！…查看更多

今日嚟到一間香港比較少有嘅特色荷蘭菜我哋就叫咗一個「廚師發板 $988/位，2位起」喜歡飲酒嘅你仲可以加$200飲四款酒做wine pairing ~插着阿姆斯特丹期嘅係希靈魚當地人鍾意搦住條魚尾成條就咁食只有經過醃製魚質口感十分嫩滑配合埋上面嘅小酸瓜，好開胃荷蘭因為四面環海，中間有好多河流而呢個沙律上面嘅鰻魚就係呢啲河流中間游走荷蘭政府規定每年只可以捉500條左右採用煙燻嘅手法，大約6小時魚質非常嫩滑，帶有香濃嘅魚油口感比剛剛嘅希靈魚爽口用嚟佐酒，簡直一流荷蘭青口配紐西蘭白酒青口包裝嘅時候已經打咗氧加埋海水大廚只係加入牛油同蔬菜烹調一滴水都冇加，下面全部都係原有嘅海水海水嘅鹹味完全將青口嘅鮮味發揮得淋漓盡致唔講唔知道啊～呢個容器係荷蘭特登訂返嚟煮青口的可以完全掌握到青口嘅溫度同埋生熟程度令青口呈現最佳嘅狀態！剩低嘅醬汁都唔好嘥，用嚟配旁邊嘅意大利拖鞋包—ciabatta牛尾湯面頭嘅芝士係選用幾款荷蘭芝士製成下面利用麵包承托住咬落去嘅時候有拉絲效果，芝士味道極為濃郁每一啖湯都食到牛尾嘅肉絲，非常濃郁好味呢款係大廚嘅新菜式採用法國鵪鶉，好嫩滑，好似bb皮膚一樣大廚將油同埋肉分開煮，味道保持原汁原味和牛意大利菠菜雲吞配蕃茄醬面頭嘅和牛食落口入口即溶，生熟程度剛剛好雲吞入邊嘅餡料係芝士菠菜加埋肉醬一齊食，勁有意大利風味食咁多芝士都唔會怕膩，各方面都配合得剛剛好車厘子cream白蘭地雲呢拿雪糕80年代法國必食甜品！本來以為係普通嘅雪糕加白蘭地點知食落去極之香濃幼滑雲呢拿嘅味道好出正式為今餐畫上一個完美嘅句號總括而言，食物質素優質而且有特色坊間唔容易搵到類似嘅餐廳而性價比又高十分推薦大家一試！…查看更多

行到嚟K11 Musea唔知食咩好見到最底層嘅Food Playground 原來咁多嘢食今日就嚟試吓呢間壽司啦客人可以先喺櫃檯order食咩，然後再搵位坐睇吓餐牌先～如果喜歡嘅可以坐喺餐廳入邊，有少量座位「(左上)龍蝦沙律卷 $48」分別由龍蝦肉同埋沙律醬製成嘅龍蝦沙律食落去啖啖龍蝦肉而且龍蝦肉爽口彈牙味道非常新鮮美味，十分開胃「(右上)榮螺芥辣八爪魚手卷 $38」芥辣八爪魚絕對係喜歡刺激嘅你必試手卷！芥辣味道混合許多新鮮彈牙嘅小章魚粒之餘加埋肉質清爽鮮甜嘅榮螺，口感味道非常豐富「(左下)Oomaki Roll $78」以自己餐廳命名嘅食物必定係招牌菜Oomaki Roll嘅材料分別有吞拿魚蓉、海膽同埋三文魚子一咬落去整個口腔都係充滿着滿滿嘅吞拿魚蓉三文魚子就同一時間喺嘴內爆開三文魚子汁嘅鹹鮮味令味道更加有層次當然壓軸出場嘅味道就係海膽，鮮甜冇腥味為整個卷物畫龍點睛！「(右下)三色三文魚卷 $58」三色係指三文魚、蟹籽同埋三文魚子嘅橙色顏色鮮艷，賣相十分吸睛三文魚好肥美，兩款「籽」有大有細味道微鹹微甜，口感清脆，非常滿足「極品壽司盒 + 湯 $138」如果心大心細，諗唔到叫邊款手卷嘅話叫呢個極品壽司盒就啱啦因為佢沙律、壽司同炸物都有仲隨盒附送麵豉湯一碗～總括而言，冇諗過喺foodcourt都可以食到優質嘅壽司餐廳座位雖少，但環境舒適必定再次光顧！…查看更多

間唔中諗唔到食咩好就會嚟呢間餐廳度食餃子因為款式多之餘又好味必定要推介大家試呢個「菜脯豆豉醬」「野味酸辣雲耳 $25」酸酸辣辣嘅味道，開胃一流！「龍鳳松茸雙灼餃(跟湯) $92」呢個可以話係佢哋嘅招牌餃子所謂嘅龍鳳就係一邊白松露一邊黑松露一咬落去松露嘅香氣四溢再配埋狀元湯飲一齊，妙！「粟米餃 $45」香甜嘅粟米粒藏住喺餃子入邊粟米嘅營養價值高，小朋友都啱食「韭菜餃 $49」韭菜餃係我餃子排行榜頭三名之一去邊度食餃子都一定要叫韭菜餃整舊餃子外脆內軟，餡料豐滿，煎餃更能鎖住湯汁喺入面總括而言，食物水準一如既往嘅好，必定會再次光顧！…查看更多

好耐冇食過西餐適逢今日同朋友見面就嚟呢間樓上西餐廳試吓啦～餐廳面積唔算好大，但環境感覺寬敞座位與座位之間有一定距離入面仲有一間房同埋用趟門嚟間出一個私人空間睇吓餐牌先~我哋就叫咗個4 Course Dinner Set而價錢就係睇吓你叫邊一款Main course侍應會為你端上一盤麵包籃可以喺麵包籃入邊揀自己喜愛嘅麵包而我就揀咗兩個蒜蓉包「Appetizer - 法國空運生蠔海鮮拼盤 +$50」分別有翡翠螺、生蠔、帶子、蝦每款海鮮都十分鮮甜可口，完全沒有雪藏味生蠔味道偏淡微甜，本來怕腥嘅我都覺得好好味「Soup - 荷蘭白菌忌廉湯」將磨成蓉嘅菌類做成湯個湯細滑之餘有粒粒菌類口感「Main Course - 低溫煎焗美國特級安格斯牛臀肉蓋配牛肉濃汁 $390」一如既往我叫咗五成熟嘅牛從顏色上已經可以見到生熟程度剛剛好切落去嘅時候肉汁喺粉嫩色嘅肉身流出肉質嫩滑，一啲都唔會覺得韌牛肉濃汁剛好為整塊牛肉錦上添花而旁邊嘅配菜亦都不容忽視廚師將每一件配菜都經過烤焗分別有番薯、蕃茄同埋蘆筍係呢啲細節位更加突顯到廚師對烹調的誠意「Dessert - 台灣愛文芒果拿破崙」令我哋覺得十分驚喜嘅係連拿破崙都係新鮮出爐薄脆鬆化的酥皮之間夾著香滑的吉士忌廉仲有鮮甜嘅芒果肉，非常滿足總括而言，餐廳環境同埋食物質素屬於中上水平，適合朋友同埋情侶聚餐，必定會再次光顧！…查看更多

疫情期間想出街食飯真係唔容易啊今日來到位於旺角嘅一間樓上浪漫西餐廳一上到嚟就見到浪漫又有情調嘅佈置「Fish Fingers $85」熱辣辣嘅魚手指配上獨有嘅魚柳醬有點似某大快餐店嘅魚柳包醬哈哈外皮十分脆卜卜，入面魚塊亦嫩滑食所有炸物之前我都喜歡淋上檸檬汁味道不但酸酸地更加開胃之餘，而且有助去油膩感「Spare Ribs $258」賣相同份量非常吸睛，感受到餐廳滿滿嘅誠意豬肋骨嘅骨細肉多，肉烤得軟腍加上面頭嘅燒烤醬，十分惹味旁邊作為配菜嘅薯角亦同樣出色，外脆內軟「Mushroom Strozzapreti $188」Strozzapreti嘅中文譯名非常有趣，叫做『掐死麵』據說呢種麵形狀就好似係一條扭乾嘅毛巾麵條口感軟硬適中，個人來講幾喜歡配埋兩款啡白色嘅本菇同埋紅通通嘅番茄醬口感豐富，味道可口總括而言，食物同環境質素屬中上水平有空必定再次光顧！…查看更多

最近見到好多人食呢間日本料理所以我哋早喺一個星期前就book咗枱～「前菜 $34」有靚靚蠟燭枱㷫住嘅係鯷魚醬，混合沙甸魚製成味道鹹鹹地，用來送旁邊嘅青瓜／沙葛／蘿蔔，好開胃我哋光顧當日做緊清酒promotion720ml買一送一！「刺身盛合六款 $528」賣相相當吸引呀！分別係：三文魚，牡丹蝦，吞拿魚，油甘魚，帆立貝，拖羅每款刺身都係厚切，好肥美最愛嘅當然係拖羅，差不多入口即溶而旁邊嘅牡丹蝦頭都唔好浪費炸咗佢就可以成隻食落肚啦～「磯野芝士金龍卷(6件) $248」反卷入面包住新鮮炸起嘅赤海蝦配合上面炙燒過嘅芝士同埋蟹子食起上嚟口感豐富，赤海蝦外層脆卜卜我哋揀咗幾款海產，分別用唔同嘅烹調方式「活蠔刺身 (原味/酸醋汁) $88/隻」味道清甜，容易入口，一啲腥味都無伴隨住淡淡嘅海水味，非常鮮甜「燒魷魚鬚 $88」口感嫩滑嘅魷魚鬚，肉質彈牙但容易咬開配上甜甜哋嘅燒汁，十分惹味「燒鱈場蟹鉗 $368」未燒之前見到又粗又肥嘅蟹鉗已經流晒口水餐廳用咗最原始嘅燒烤方法，無添加額外醬汁啖啖肉而且食到蟹鉗嘅原汁原味，好鮮甜總括而言，餐廳環境同食物質素屬於中上水平實在令人懷念日本嘅味道～…查看更多

今日家姐介紹嚟到銅鑼灣食omakase聽聞水準同性價比十分高餐廳安排咗我哋坐bar枱今晚我哋會叫「逸 $1480/位」「白玉粟米 + 牛油栗子」「蟹肉水雲醋」係松葉蟹配鰹魚汁加水雲醋，酸酸地，十分開胃「海膽豆腐」選用北海道海膽，滑滑嘅豆腐帶有海膽嘅味道，好好食「鱈魚白子」下面係昆布，醋汁，味道口感有啲似蟹膏，質感較濃稠，食到後尾有啲回甘「岩手縣石緩貝」師傅會先拍一拍，食之前仲會郁，口感爽口，十分鮮味「炙燒北海道帆立貝配紫菜」輕輕燒過帆立貝表面，紫菜嘅豉油甜味更是畫龍點睛「油甘魚薄切」芥辣味沙律油，三塊捲埋即可食用，肥美，魚油味濃郁「平目魚昆布漬」上面只係加咗少少豉油，食落更鮮味，口感味道有啲似墨魚「赤貝」十分爽口，一點腥味都無「秋刀魚」上面係薑蔥，質感較坊間秋刀魚濕潤，毫無腥味「三文魚子湯葉」所謂湯葉即係腐竹，豆味好濃郁「白見貝」又名白象拔蚌，爽口鮮甜「北海道牡丹蝦」上面係牡丹蝦頭膏，燒過後較香口，蝦肉晶凝通透，微微漿口，非常新鮮「宮城縣真蠔」加咗酸汁同埋醋啫喱，蠔身嫩滑，滑入口腔，蠔邊爽口，蠔味甘甜「燈籠果」清一清口腔之用「花竹蝦」剛剛灼到一成熟，蝦味更出更爽口「脂目鯛」輕輕燒過，更香，同上面柚子胡椒芥末好夾「新鮮醬油漬筋子」新鮮柚子皮粉末，同坊間食到嘅完全唔同，有一種鹹鮮味，係另一個層次嘅筋子「吞拿魚醬油漬」入面捲着嘅係日本新鮮百合，面頭嘅係七色胡麻。感覺很和諧，百合清香嘅味道配吞拿魚，好夾「魳魚」熟成9日，魚油味極香濃，口感味道似拖羅，非常肥美「慢煮鮑魚」面頭係食用菊花花瓣，採用蟹膏一齊烹調，輕易咀嚼，蟹膏令鮑魚味更加突出「太刀魚天婦羅」昆布生海苔汁，魚肉口感棉棉細滑「大拖羅」上面嘅芥末中和返魚油嘅油味，差不多入口即溶，極致嘅享受「香箱蟹肉飯」混合蟹膏蟹子蟹肉，加埋旁邊嘅酸汁啫喱作為調味，口感味道層次豐富「海膽天婦羅」選用北海道海膽，啖啖嘅滿足「玉子布甸」蛋黃漿似熔岩咁係上面流落嚟，滑嘟嘟嘅布甸食落好似甜品咁「舞茸菇真鯛清湯」「焙茶味雪糕配十勝紅豆蓉」總括而言，每一款壽司刺身都感受到滿滿嘅誠意食材用料都非常新鮮，環境舒適食完已經即刻book定下一次再來！…查看更多

今日來到中環一間高人氣嘅台式餐廳一於嚟一試究竟先！餐廳入面分別有bar枱同普通座位「髒髒芋泥鹹蛋黃蛋餅 $85」見到餐牌上面幅相咁吸引實在忍唔住要叫一份試下嚟到亦無令到我哋失望蛋卷面頭鋪上鹹蛋黃碎加煉奶而裡面嘅餡料係滿滿嘅芋泥蓉睇落似甜品，實際係咸點～欣賞佢唔會過份調味，唔太甜，但香芋味好出「黑蒜牛肉麵 $118」個人好喜歡黑蒜嘅味道食拉麵如果有黑蒜湯底幾乎係必嗌今日食台灣牛肉麵都唔例外有數塊好入味而且炆得好腍嘅牛肉彈牙嘅魚蛋？豆腐？刀削麵底（可選寬粉絲）大約七成熟嘅溏心蛋經油炸嘅蟲草花一大羹嘅蒜泥磨得細滑到好似糊仔嘅質地，蒜味極濃成個牛肉麵食起嚟好有台灣嘅風味啊～「綠豆沙豆漿 $55」將綠豆沙磨成沙冰配豆漿除咗飲品，亦可以當係甜品添～總括而言，全程慕名而來都無令人失望食物同環境都屬於中上水平推薦大家一試！…查看更多