CrispyFriedEgg's Profile

今日出旺角拎手機後隨意入左呢度食午餐。叫左芝士漢堡湯咖哩同前菜長芋漬。長芋漬($28): 用醋潰過, 偏酸, 有淡淡檸檬味。味道還好。芝士漢堡湯咖哩($108): 湯咖哩太稀, 似用現成咖哩磚, 連啲咖哩渣都未溶晒…蔬菜應該全部都係另炸再上…蔬菜甜味冇溶入咖哩當中,完全同咖哩分離。烏冬正常, 漢堡扒極普通, 早知叫野菜算。香港有間湯咖哩價錢都係差唔多, 但起碼唔係用咖哩磚先, 諗下過百蚊碗麵竟然用咖哩磚就覺得非常唔值。…Read More

香港一位難求的廚師發辦, 主打熟成壽司。 提前一個月book到主廚。中午餐單只有一款,  未正式開始前先上前菜: 伊勢海老茶碗蒸 : 茶碗蒸上面鋪上熟蟹籽, 蒸蛋混合蟹肉, 蛋味唔算濃, 亦冇混合鰹魚水, 食原味嘅蟹肉茶碗蒸刺身兩碟:十五天濕式熟成鰆魚:  熟成左15日嘅魚肉非常軟滑, 完全咬唔到脂肪, 口感好特別。網上查過:  濕式熟成係將新鮮魚料包膜塑型, 再以本身天然酵素熟成，達到軟嫩效果又避免熟成過程中嘅損耗。北海道牧丹蝦:  上面係炸過嘅蝦籽, 配上炸過嘅蝦頭。牧丹蝦味鮮甜, 炸蝦籽味道唔重, 唔會搶走蝦味。  蝦頭炸得好脆, 點汁食減輕油膩感。熊本天草石門鯛:   熟成8日, 用檸檬汁調味, 食落似蝦嘅質感大分縣池魚:   3天熟成, 熟成後已冇左池魚嘅腥味, 唔需要以薑辟腥和歌山23天乾式熟成野生中拖: 經過熟成, 冇左中拖果種特有嘅酸味,  取而代之魚味較重同非常軟淋富山灣白蝦配龍蝦油:  白蝦配淋上龍蝦油, 入口同時食到生蝦同熟蝦味, 非常特別。淡淡嘅蝦油味唔會搶到白蝦嘅原味, 唯一扣分位係壽司飯熱左啲天鰭名物之一  魷魚海膽:  嚟自岩手縣嘅白海膽, 海膽包喺魷魚同壽司飯嘅中間,  魷魚爽口, 配合埋軟淋淋又鮮甜嘅海膽 , 呢件壽司係全場之最。間場 1: 鱈場蟹松葉蟹湯凍湯凍配上鱈場蟹膏同香箱蟹籽, 入口即溶得嚟亦食到粒粒蟹肉, 加上蟹膏更突出湯涷嘅蟹味。蟹糕雖香, 但唔會搶味, 非常好食。間場 2:  吉列螢光魷魚先將螢光魷魚打成醬, 再用墨魚膠包住炸。 螢光魷魚有陣咸香味(諗起大澳啲蝦醬), 墨魚膠彈牙。好有創意嘅菜式, 不過打醬好似失去左螢光魷魚嘅特色, 冇左食螢光魷魚爆汁感, 之後再食黑豆用黎解膩北海道櫻鱒 :   7日熟成, 魚肉比普通櫻鱒較紅大分縣間八:  13日熟成  , 食落好似油甘魚咁香 , 但熟成過, 油香冇咁出北寄貝:   非常爽口愛緩縣煙燻鰹魚 :  3日熟成, 入口有煙燻味, 魚肉非常軟滑壽司部分以兩件手卷作結: 赤海膽手卷 :   赤海膽新鮮鮮甜, 但餘韻不足熟成拖羅手卷 :  加左芝麻同蘿蔔, 唔太食得出熟成前後嘅分別 , 手卷好足料, 芝麻好香, 拖羅味道柔和。最後奉上貝柱清湯同開心果雪糕。整個用餐過程:  高價位定位嘅壽司店,。 店員有禮又熟讀所有菜式, 氣氛比傳統鰭店較輕鬆, 師傅十分健談亦樂意詳細介紹啲每道菜嘅特點。…Read More

香港少有嘅以色列餐廳,  菜單主要以中東菜式為主。第一次食鷹嘴豆泥彼得包, 叫咗傳統鷹嘴豆泥, 豆泥混合咗橄欖油。 ($70)彼得包上枱時非常熱, 表面睇好似好乾, 入口非常之軟熟, 配鷹嘴豆泥好夾。熱石榴茶: (+$15)同平時嘅石榴茶有少少唔同, 杯入面有條迷迭香, 飲落酸酸地, 唔會有強烈嘅香料味。唔知咩品種, 不過啲石榴籽幾好食 餐牌見到個甜品好特別: 流奶與蜜(+$18), 睇完都唔知咩黎。好奇心驅使下, 就叫左個試下。原來係奶凍黎 ,配上玫瑰花醬同開心果粒奶涷有少少乳酪味, 一啲都唔蘇, 配上玫瑰花醬令奶涷更清新。網評話呢間餐廳啲侍應態度好差, 不過今次去又唔太覺, 個叔叔仲問我甜品同飲品需唔需要後上。去咗兩次都仲未試條彼得魚,下次再去要試下。…Read More

偶然搵元朗新店時發現同木玥巷幾乎同名既店, 咁岩啲餐牌有好多相似之處。好懷念個米粉之下去左。蟹肉金絲炒新竹米粉 $88仍然炒到一啲油都冇, 完全冇炒麵既油膩感。份量比以前多, 麵都比以前長。但配料既量少左好多, 不論芽菜定蟹肉都係。以前上碟係金黃色, 而家係橙橙地, 應該係加左色。入口冇左以前既驚艷感, 之前真係好有鑊氣好香, 而家冇左果啲香氣。加上配料太少, 成個麵真係好普通, 埋單要97蚊真係非常唔值。…Read More

咁岩要去市中心做野, 就諗住喺到食餐, 諗起之前唔少人介紹九份飽既蛋餅特別好食, 咁岩屯市都有間, 咁就入左去食, 點知呢餐竟然令我眼界大開….一入門口, 係完全冇人理既, 等左陣都冇人黎就自己入去坐算。之後揀左薯仔起司蛋餅同百香果綠茶後, 店員就收走左張單。綠茶同蛋餅先後送上, 平時就算去茶記食個餐, 啲叔叔嬸嬸點都會講聲A餐喇。呢度係冇既…..好彩夾開塊蛋餅, 舊薯餅喺到, 即係冇送錯到。喺呢刻, 我忽然突發奇想, 會唔會成餐都冇機會聽到店員把聲呢?不過細想一下, 陣間點都要埋單,佢點都會講張單幾錢呱….😅始終係食評, 都要講下食物質數:綠茶唔甜, 百香果味道唔化學, 蛋餅表面煎得脆, 有少少芝士味,同薯餅都幾夾。終於要埋單喇, 我自己行出去收銀, 然後講左句 「八達通俾」。 之後…個店員真係連幾錢都冇講到😂…當然 「多謝同拜拜」更加冇可能聽到…去餐廳聽唔到店員把聲我終於解鎖到喇。真心, 呢個成就比去澳牛俾叔叔鬧更難達成。咁呢班忙到同客講幾錢都唔得閒既店員係忙緊啲咩呢? 喺我食緊既時候觀察左陣, 有一半都係玩緊電話既…出餐廳後第一件事就係諗到一定要上黎寫食評🤮🤮。 附上收據一張, 證明係真係幫襯過呢間野😫…Read More

公司附近既沾麵店, 係鰂魚涌人龍店之一, 好奇之下入左去試。今日叫左special, 鰹魚湯加牛旁。湯底: 行淡麗路線, 比較稀, 唔太掛湯, 係呢間店既特色。湯頭用鰹魚煲成, 好重鰹魚味, 唔油唔咸, 飲落好清爽, 冇厚重感, 而且想一飲再飲。麵質:聽講係用彩沾麵既麵, 所以麵條會有麥粒同較彈牙配料:叉燒肉偏瘦, 就咁食有少少乾, 浸下湯再食就好好多。至於蛋, 有少少偏熟, 比較普通。服務： 係一間極細心既店, 一開始想望下有冇醋提供, 佢就問我係咪有咩需要。 啲人食完又會執下位等大家坐鬆動啲。以77蚊碗沾麵, 性價比高, 所以都好多人排隊。…Read More

自從之前同朋友仔食過主打牛扒既店後, 一直好想試下啲好食牛扒店。見呢間店會有熟成牛扒, 就好想去試下。去到差唔多1點, 但係餐廳唔多人, 得一枱就食完既外國客。喺門口企左陣先有人理, 唔知係唔夠人定唔憂做見客人較少, 打算先試價錢同份量適中既扒。揀左Argentinian Black Angus Prime Tenderloin $138/100g (280g+-)先上南瓜忌廉湯, 湯幾creamy, 飲到好香既忌廉味。等待途中聞到碳燒既香氣, 加上頭先既南瓜湯幾好飲, 令人好期待件扒。上碟: 牛扒外皮好有炭香味, 切落去比Medium熟左少少, 肉質比較實,  而且冇咩牛味, 覺得非常普通。同之前食過既牛扒店差距太大, 人地不單止好食, 而且價錢平成一半,  仲會每道菜介紹下 。 呢度實在太求其,  亦明白點解星期日中午都冇咩人幫襯。最後, 雖然件扒有300幾g, 但係呢餐食唔飽。以埋單要460幾蚊黎講, 性價比好低下。…Read More

香港其中一間出名既拉麵, 主打醬油拉麵。除左出名好食外, 店長既個性都係呢間店既名氣之一。 今次就試下碗拉麵係咪同店長一樣咁有個性。早放工果晚就黎試下, 唔洗點排隊就入得。上枱後先打張卡, 望起似一碗好食既拉麵 湯底： 揀左特製醬油拉麵,  湯面有雞油覆蓋, 但飲落完全冇油既感覺。可能有雞油覆蓋住, 食到最後拉麵湯都未變涼。湯頭飲落順喉, 亦冇苦澀味(醬油湯底過濃時會有呢個問題)。 配上拉麵食唔會過鹹或唔夠味, 食完個麵都冇口渴或飽濟感。麵質： 雖然使用幼麵, 但幾彈牙, 食到最都唔淋, 如果再硬啲更好。配料:叉燒：叉燒有二款，各有兩塊。店員話今天係使用鹿兒島豬,  豬腩肉明顯多陣油香味,  而豬肩肉就豬味較重。味蛋： 蛋流心, 煮得岩岩好, 唔會過生過熟, 但漬得唔夠耐, 味道淡左啲。荀：同大多店一樣, 都有少少荀臭味。  荀尾切開一絲絲, 食落幾爽脆。 結論:可能期望過高, 冇想像中咁驚艷, 但係一碗好拉麵要有既元素佢都有。同其他拉麵店相比, 不論拉麵味道或環境都十分舒適。如果唔洗排隊, 都值得一試, 始終香港好食既醬油拉麵唔多。…Read More

尋日試完頗出名既拉麵後又挑起條拉麵癮, 發覺bookmark左成年,  就決定去試下。睇過網上評價, 呢間出名食雞白湯, 就叫左鹽味雞白湯拉麵。湯底： 雞白湯表面冇油, 油分已溶入湯裏 。入口有淡淡雞味, 飲得出有落雞骨煲, 飲落唔口渴, 濃而不膩。拉麵： 使用幼身拉麵, 麵質揀左硬, 又真係偏硬, 食到最後都冇淋到發覺普遍雞白湯底都偏向配幼麵。配料:有2片豬肩肉, 1片雞胸肉, 1粒雞肉丸, 味蛋及紫菜。叉燒灸燒過, 似豬頸肉, 較為一般。雞胸肉反而有驚喜, 入口有雞味同淡淡酒香, 一啲都唔鞋唔韌。加上有灸燒過, 食落有鴨胸肉質感。雞肉丸多根, 幾特別, 同時兼顧味道同口感。另外叫左碟雞肉捧, 應該同雞肉丸係同一款肉。因為係雞肉捧 , expect應該係有雞肉味咬落又juicy。  但佢太多根, 同雞肉丸唯一分別係多左陣燒過香氣同有啲燒汁, 對雞肉捧比較失望。衝住雞白湯拉麵非常值得一試,  唯一係豚叉燒比較一般。   湯底：4.5/5分麵： 4/5分叉燒：3.5/5分…Read More

被喻為香港第一拉麵既座銀, 一直都好想去試, 今日終於克服到懶癌去左。店內播住日本傳統樂器 — 三味線既背景音樂, 加上活潑既旋律, 令人感覺置身於大阪 (總店喺日本)。呢度最出名既就係雞白湯拉麵(不含蛋) ($148) , 另點要加18蚊。首先上枱碗拉麵夠熱湯底: 食拉麵第一件事就係先試湯, 其實今次係第一次食雞白湯。湯底表面有好多奶泡, 亦唔會見到有層油浮喺面 雞湯好濃好順滑,  夠味但唔係令人覺得口渴既咸, 飲飲下最後飲晒成碗。🤣 但同我想像既雞白湯都差幾遠 （最初以為係中式雞湯味, 完全兩回事黎）個人都係鐘意醬油湯多啲麵質:傳統拉麵麵底, 好彩冇鹼水味, 拉麵浸耐左都唔會太淋, 不過個人都係鍾意麥麵多啲。配料:一片雞肉, 一片豚肉:  雞胸肉唔嚡, 涷食覺得味道普通, 浸番熱就有啲味, 還算可以                               叉燒肉味幾香, 好食過丸京🤣炸牛蒡: 呢間店隱藏招牌菜 (其實想試炸牛蒡而黎), 食落似薯片味, 脆口中帶少少甘味。 如果浸湯後再食會有少少苦澀味, 亦難咬左, 但浸湯後牛蒡味更濃棵木煙燻糖芯蛋: 用木燻過既蛋, 入口好有蛋味之餘亦帶有少少木香味, 個人幾幾鍾意隻蛋。以 $183蚊碗拉麵都幾貴下, 雖然好食但冇好驚艷感覺…Read More

上次食完又有啲掛住拉麵, 今日又再試丸京。湯底:今次揀左小蝦干醬油湯底,  一樣係真叉燒+叉燒組合。上拉麵第一件事必先飲啖湯試下, 呢款湯底太淡😥, 味道似櫻花蝦油, 冇咩蝦味, 亦冇咩醬油味。 拉麵: 麵質同上次一樣偏軟。叉燒: 叉燒覺得比之前差左, 冇咁有肉味 。味蛋反而幾好, 蛋黃依然好有蛋香味。真心覺得柚子胡椒湯底好太多。反而餃子有意外驚喜, 餃子皮煎得岩岩好, 唔硬又唔乾, 肉餡有肉味。 唯一缺點係每舊餃子既皮都黏住, 好容易夾爛。…Read More

行屯門市中心時偶然入左去食既韓式餐廳,韓式餐廳已經係打卡既代名詞, 本身都唔太大期望,不過個蛋包飯係意外地好食。首先上左個幾清新既番茄做前菜, 叫左個烤牛肉蛋包飯。切開係半熟既滑蛋, 蛋滑又有蛋味,合格!牛腩有5大舊, 有牛味得黎又唔太肥, 比想像中好食。飯係加入左蔬菜既炒飯, 入面有蘿白同洋蔥, 唔知係咪加太多咖喱汁炒？飯淋左少少, 但撈埋蛋汁同咖哩汁一齊食就接受到。如果飯乾身少少會係一個好食既蛋包飯。…Read More

地質公園一天遊今日特登黎東坪洲觀賞沉積頁岩同佢獨特地貌, 中午就去左呢間士多食個午餐, 體驗下外島食海鮮既風味。士多係類似大牌檔既形式經營, 但係比出面既乾淨好多, 而且每張台都放左枝花 。我地叫左: 椒鹽鮮魷 / 千層腐皮卷 / 醬炒海螺 / 揚洲炒飯椒鹽鮮魷 :   炸粉唔厚, 炸出黎唔油, 魷魚食得出唔係急涷, 有少少魷魚味同幾淋。好食過而家酒樓啲出品。腐皮卷: 以為係蝦腐皮卷, 點知真係如其名— 千層腐皮                   外面係煎脆左既腐皮, 入面包住係蒸過既腐皮, 好有腐皮味又可以食到唔同既層次。海螺 :   一般, 配菜反而好食。炒飯:    飯粒粒分明, 有鑊氣之餘飯粒唔乾, 如果蛋味多啲更好以一個交通非常不便情況下, 部份菜色比外面一般酒樓更好已好難得, 而且價錢一啲都唔貴。值得推薦。…Read More

Openrice 見到有焦糖燉蛋雪糕班戟覺得好特別, 一早已bookmark.咁岩去左西灣河就買黎試下班戟底包住雲呢拿雪糕, 上面係燉蛋, 最後加左塊涷焦糖喺頂, 外貌非常吸引。但燉蛋太軟, 需要用匙食‧一咬先食到焦糖, 因為雪涷左一塊, 所以有啲硬, 亦唔可以同燉蛋混合食。然後用匙食燉蛋, 最後先食班戟, 蛋唔算好有燉蛋味, pancake唔太甜, 但感覺似蛋還蛋, 皮還皮咁, 未能融為一體有啲可惜。不過呢個配答幾有創意, 可以一試。反而雪糕意外地好食, 尤其係朱古力味。而且價錢非常抵。…Read More

過左午餐時間, 想搵間有西餐食既餐廳, 於是揀左呢度。叫左個香濃義大利飯配紐西蘭牛扒義大利飯加左忌廉同芝士煮 , 味偏淡 但食完完全唔覺滯同漏牛扒份量好多, 有7-8片, 亦有牛味, 唯一唔好係比較多筋不過廚師手藝幾好 可以做到5成熟,  以$108既價錢算抵 反而咖啡就一般 有少少澀味 呢間cafe重點應該喺食物上…Read More