karis107's Profile

好運係新蒲崗都出左名性價比高，選擇又多，坐得都算舒服，入面仲播住好多熟悉嘅流行曲，氣氛都唔錯！平日中午12點到未有好多人，可以坐得舒服啲👍🏻🍜 泰式炒金邊粉（蝦肉）金邊粉炒得唔會乾又唔會過濕，啱啱好～粉身夠掛汁，而且炒到有少少焦香邊，好似泰國街邊檔嗰種口感🥹入面啲蝦雖然唔算好大隻，但新鮮彈牙，仲有加埋花生粒同蛋絲，味道好夾🤤🐷 泰式豬手飯呢個賣相幾掂！豬手入味，色澤紅潤，膠質感滿滿～食落肉質都算軟淋～不過呢款應該係鍾意豬手嘅人會比較啱，因為滷水味偏甜啲，油香味重，食到尾可能會有啲滯～但配埋青瓜，就中和返少少，成件事會fresh好多！🔥 泰式炭燒豬頸肉想講呢個係全場MVP🥹🥹🥹 一咬落去即刻「哇！」每片豬頸肉都燒到啱啱好，外層微焦，入面仲保持住肉汁，好香炭燒味😍咬落去啲油脂位脆卜卜，完全唔膩，仲配埋佢個酸甜醬汁，味道真係💯！呢碟我真係可以一個人食晒冇問題🤭下次嚟我會直接encore呢個～☕ 紅糖薑棗茶食完啲重口味嘢，要飲返杯熱茶～薑味好夠，暖胃又唔嗆喉，甜度岩岩好，飲落好舒服！最後食咁多嘢好飽，埋單都算抵🥹…Read More

成日放lunch個陣見到新蒲崗呢間茶舍有人係到排隊，加上有朋友介紹話裡面有新menu出左好好食，有日心血來潮終於去到食😆之前食過lunch menu，印象中都唔錯！我同朋友決定叫下唔同野食，一齊share!🍙 蒲燒鰻魚炒珍珠飯雖然外表睇落無話好特別，但估唔到有好多木魚絲👍🏻食落去其實好唔錯！啲珍珠米炒得粒粒分明，唔會黐埋一舊，食落口感煙韌得嚟唔乾，同埋鰻魚燒得外層微微焦香，內裡嫩滑，仲帶住少少甜甜地嘅蒲燒味，我地一羹一羹食到停唔到口🤤滿足！🥩 即烤安格斯牛叉燒呢個係新menu見到覺得個樣幾打卡able，又做緊優惠，$128可以食到安格斯牛，幾吸引🤤一上枱同食落口個陣真係好驚喜🥹安格斯牛原來都可以做到似叉燒咁既效果，脂香味濃，外層焦糖化得岩岩好，有種港日fusion感～肉質嫩滑多汁，食落去唔會韌，牛味濃郁👍🏻我特別鍾意佢下面啲配菜，有菠蘿、番薯、南瓜、菜同埋薯條，一次過滿足我想有唔同蔬菜水果同炸薯條嘅渴望🤤本身仲驚食唔飽，但係最後係超級飽😂呢個真係大推！下次想食埋新menu嘅其他嘢食🤭🍎 富士蘋果生芝士蛋糕 & 🍰 生芝士蛋糕雖然飽飽地，但係想食下甜品，本身諗住去第二度食，但原來呢度有生芝士蛋糕😮 想講呢兩個蛋糕真係要俾100分🥹 富士蘋果生芝士蛋糕裡面真係有一嚿嚿蘋果肉，成件cake好fresh，甜中又帶微酸👍🏻 不過我最鍾意嘅係單純嘅生芝士蛋糕，呢個真係大大大驚喜🥹呢個生芝士蛋糕係我朋友揀嘅，我仲覺得個外表有啲一般🫣但食落感覺到軟綿綿嘅生芝士層，唔會太重奶味，入口即溶！味道上係柔滑香濃之餘又唔膩，同埋底層餅底唔會太硬👍🏻我依家都會同朋友講我最鍾意食嘅係茶舍嘅呢款cake🤣🤍…Read More

今日行過荃灣，見到呢間叫做「古今二」嘅日式餐廳，平時經過開都冇試過，今晚就決定試一試啦😋 呢間餐廳都幾有feel，走日系簡約風格，燈光唔會太光亦唔會太暗，氣氛幾舒服😌坐位間距算ok，唔會太逼，適合同朋友或者情侶嚟食飯傾偈～而且啲歌都係放啲輕音樂，食住飯都幾chill😎🦐 柚想蝦你 (柚子蝦沙律)呢個前菜一上枱已經覺得好吸引，柚子香味好清新～蝦肉係甜蝦嚟嘅，配埋沙律菜一齊食，唔會覺得膩，反而仲有少少酸甜清新嘅感覺，成件事好開胃🤤 而且份量唔算細，兩個人share都ok👍🏻🔥 火山 (牛油果帶子蟹柳卷物)呢個火山卷真係名副其實，擺盤真係有火，好驚喜🌋牛油果同帶子嘅鮮甜配埋蟹柳，口感好豐富～味道唔錯👍🏻🐉 金龍卷 (三文魚炸蝦芝士卷物)炸蝦外層炸得好脆，入面嘅芝士同埋三文魚好creamy，口感層次分明～每一啖都食到唔同嘅味道，加埋少少醬油同芥辣，真係一流😋🍤 雜錦天婦羅 (炸蝦、魚肉釀秋葵、迷你紫蕃薯)天婦羅炸得好脆，唔會太油膩！炸蝦係基本款，食落去好彈牙～但我最中意嘅係魚肉釀秋葵，呢個配搭好特別，秋葵同魚肉夾埋啖啖肉汁～至於迷你紫蕃薯好甜，口感鬆化，呢個組合唔錯👍🏻…Read More

呢幾年好似比較流行買hand-made cookies & 蛋糕送比人🤔 咁岩想送份禮物比朋友 (同埋自己🤭)，知道佢鐘意食曲奇，就search到Kiuki Sweet Bakery！睇佢地官網見到啲曲奇好足料咁，同埋啲款式好岩我地口味😍 我最後買左呢幾款，幾鐘意佢地係獨立包裝，同埋夠大塊同足料👍🏻 🍪 OREO朱古力軟曲奇呢款曲奇外層微脆，裡面柔軟得嚟又有嚼勁。濃郁嘅朱古力味融合OREO碎，啲朱古力豆仲係半溶狀態，齋聞都已經流口水，每一口都係享受😋🍪 燕麥雜錦果仁軟曲奇呢款曲奇比我嘅感覺係好健康🤭食落去啲燕麥好香，同各種果仁一齊，增添咗好多口感。核桃、杏仁等果仁嘅香氣，再加上微微嘅甜味，令呢款曲奇食得健康又滿足🤤🍪 雙重開心果軟心軟曲奇開心果嘅香氣好濃，外層軟糯，連埋內裡嘅餡，口感豐富👍🏻 開心果碎增添咗啲咬口，果香四溢，我地都好鐘意呢款呢款😍見佢地啲蛋糕都好吸引，唔想次次都買連鎖蛋糕，下次試下先😋…Read More

之前食過呢間餐廳嘅另一間分店，印象中係幾好食，近排先知原來新蒲崗有分店🤣好鐘意呢到嘅環境同坐位好闊落，好舒服👍🏻 呢到主要係西式野，但啲野比起同類型餐廳算平啲，而重點係啲野食好好食🥹完全覺得係好值💯🍝 香蒜欖油海蝦炒意大利粉作為蒜頭愛好者表示，呢個意粉蒜香同欖油味道十足，啲海蝦都幾新鮮彈牙，意粉又煮得岩岩好，唔會太淋！🐷 西班牙黑毛豬鞍黑毛豬鞍煎得恰到好處，肉質嫩滑多汁，食第一啖就已經覺得停唔到🤤🫕 蘑菇餐湯呢個湯味道夠濃，鐘意佢嘅綿密口感🤤🍰 自家製麻糬提拉米蘇想講呢個tiramisu係100分🥹🤤 Tiramisu柔滑綿密，麻糬嘅加入提升咗口感，甜而不膩，唔係誇張我會係左呢個甜品再黎食🤤🍋 檸檬茶呢杯一般，飲到後面有啲澀🙈 如果真係想飲檸檬茶，可以早啲伶走塊檸檬～ 🍯 蜂蜜柚子茶呢杯唔錯！柚子茶帶有自然嘅果香，甜度適中，飲落非常舒爽😆 …Read More

呢排同朋友去食左呢間日式放題，好抵食，又多選擇，幾有驚喜😍 裡面有刺身、燒物、炸物、火鍋、泰式料理等等，勁多野食揀😍性價比好高👍🏻💯//火鍋//一入座就有得揀火鍋，本身我無諗過有埋火鍋食😍 我地揀左鱈場松葉海鮮鍋，入面好足料，有唔同海鮮，有青口、蜆、蝦等等，仲可以額外點火鍋料，例如肥牛個啲👍🏻我地點完一輪之後，隔左陣啲侍應就逐枱逐枱咁同我地講叫我地一次過點多啲，如果唔係之後多左人入黎，啲野食就會上得慢左～的確去到8點到見到全場full晒咁制，好彩有早啲叫多啲野食🥹我地叫左好多野食，精選一部分出黎先：//刺身類//🥢 刺身拼盤有好多刺身揀，我記得嘅有三文魚、三文魚腩、帶子、赤貝、赤蝦、虎蝦、希靈魚、螺肉等等多種選擇，全部都夠新鮮，享受到到刺身嘅鮮味同肥美🤤 特別鐘意三文魚腩👍🏻//壽司類//🍣 火灸沙律燒三文魚腩壽司三文魚腩香滑，火灸後帶有微微嘅焦香👍🏻🍣 火灸左口魚邊壽司左口魚邊脂香濃郁😋🦀 極上帝王花之戀出面食花之戀好貴，呢到可以任嗌😋蟹籽豐富，配埋三文魚係絕配🤤//爐端燒//🍤 鹽燒活海蝦海蝦好鮮甜，鹽燒令到成隻蝦由內到外都入味🤤🍢 汁燒雞肉串鐘意食串燒嘅我好鐘意😍雞肉嫩滑，燒汁唔會過重，食落好滿足🤤//炸物類//🍤 巨海老天婦羅外脆內嫩，蝦肉鮮甜，配上酥脆同香口嘅天婦羅皮💯可惜怕熱氣唔敢食太多🙈🍗 避風塘雞軟骨粒香口惹味，雞軟骨夠脆同夠多👍🏻//料理類//🍳 黑松露炒蛋無諗過咁好食😳松露味道濃郁，炒蛋滑嫩👍🏻 呢個可以遲d先點，但最好熱食，咁先更加好味🤤🦑 鐵板鮮蝦滑呢個有驚喜🤩鮮蝦滑嫩，鐵板煮法令蝦味更加突出，加埋啲醬汁，口感層次豐富💯//甜品//個到有好多雪糕雪條同雪米糍揀🤤🤤🤤仲有韓國雪條😍最後我食左一條芒果味雪條，同埋三粒雪米糍，好滿足！完美收尾🍧//飲品//野飲好多選擇！我揀左一罐梳打水溝水蜜桃🤪爽！…Read More

同朋友去左呢間Cafe食野傾計，hea左成個晏晝，好正🥹 呢到環境舒服，性價比不錯👍🏻 個陣去到可以坐好耐，勁好👍🏻🍝 黑松露醬野菌忌廉汁長通粉呢個意大利面好香黑松露味🤤黑松露同野菌配搭得啱啱好，忌廉汁濃郁，食落口感順滑，好滿足！🍗 炭燒雞扒窩夫漢堡配薯條雞扒多汁，炭燒味道好香，夾埋鬆軟嘅窩夫，食落口感豐富👍🏻薯條外脆內軟，食完一條又想再食一條🍟🍰 鮮雜莓雪糕窩夫呢個甜品真係唔錯！雜莓酸酸甜甜，加上雪糕嘅絲滑，配埋窩夫一齊食，口感層次好豐富😋🥤水蜜桃梳打飲品選擇都好豐富，我揀咗水蜜桃梳打，清新解渴，充滿水果香氣，係炎熱天氣嘅best choice🤤🍫 Chocolate Smoothie朱古力冰沙好濃郁，細膩香甜，邪惡但好飲🤤…Read More

同朋友約左係觀塘見面，想搵個地方可以好坐，傾下計食下野，係Openrice搵到呢間cafe🤔呢度環境真係唔錯，裝修簡約又有格調，啲櫈好好坐👍🏻見到都有人係到做野😂我地就咁坐左成個晏晝😆我地叫左兩個主食～高蛋白質營養餐好少餐廳有呢種高蛋白選擇，岩晒keep緊fit嘅我🤭呢個餐有慢煮雞胸，肉質夠嫩滑，好鐘意點啲黑醋黎食，好好味又健康🤤加埋三色螺絲粉，顏色靚又健康，仲有黑醋沙律，酸酸地好開胃👍🏻明太子蟹肉椰菜花飯夾雜住椰菜花嘅米飯，比想像中嘅口感夾，而且健康啲👍🏻仲有明太子同蟹肉嘅鮮味，口感豐富，整體味道配搭得岩岩好，食完都唔覺得有負擔😋Iced Mocha本身無諗住嗌野飲，但去toilet個陣，經過水吧定廚房，聞到咖啡味好香，忍唔住叫左杯🤣同埋跟上面啲野食一齊嗌，可以減$15👍🏻 Mocha濃郁香滑，同出面嘅咖啡飲品店嘅水準有得揮👍🏻…Read More

之前都食過呢間越式餐廳，但係其他分店到，印象好深刻，因為性價比好高，啲野食又好食🥹今次同朋友係大圍搵野食，又見到佢，就到去食下，睇下唔同分店有無咩分別🤔結果係一樣都係咁好食 咁抵同好好坐🤣👍🏻👍🏻👍🏻 生牛肉湯河粉湯底好鮮甜，食得出有用咗牛骨熬製，牛肉片薄得嚟好嫩，啱啱放落去嗰陣最正🤤配埋啲配菜，味道層次豐富，食完暖笠笠！越式豬頸肉撈檬呢個仍然係我嘅最愛😆豬頸肉煎得啱啱好，嫩滑又入味，撈檬夠爽口，加埋酸甜醬汁，食落去好開胃😋越式炸蝦餅炸蝦餅外皮炸得脆脆地，咬落去真係滿足🤤🦐越式香茅豬扒呢個係我再encore嘅選擇🤤香茅味道好突出，豬扒煎得岩岩好，肉質嫩滑唔會乾👍🏻椰汁綠豆冰椰汁好香濃，綠豆冰清涼解渴，炎熱天氣飲返杯真係透心涼👍🏻熱蜜糖柑桔呢杯香甜可口，我特登叫左少甜岩岩好👍🏻…Read More

係紅磡黃埔呢頭搵到間好好食嘅餐廳，有得食足料嘅餃子😍呢度嘅日式木系裝修真係靚，同時又好舒適，喺度食飯感覺好放鬆～我叫左煎餃套餐試下，怕唔夠飽加多左碗麵🤣煎餃套餐🥟見到menu有唔同種類嘅餃子揀，有湯餃、煎餃，又有得揀雙拼咁樣配搭👍🏻好少見到有黑松露豬肉餃，咁特別即刻揀黎試下😂再併埋鮮蝦帶子餃，兩款餃子都煎到金黃香脆，內餡多汁🤤我特別鐘意黑松露豬肉餃有濃郁嘅黑松露香氣，再加埋粟米嘅甜味，口感同味道都配搭得好有層次🤤真係有驚喜💯而鮮蝦帶子餃呢個常見款式都唔錯，蝦肉鮮甜彈牙😋另外，餐廳提供好多唔同嘅醬汁，其中有一款清新的青檸汁，配煎餃特別好味👍🏻花膠雞絲湯麵（轉左做拉麵 & 走蔥）🍜呢個花膠雞絲拉麵用花膠同雞絲熬製湯底，味道夠鮮美，同時稍稍清淡，但幾岩中和番煎餃嘅油膩，即刻覺得個人健康同養生番🤣👍🏻拉麵嘅口感彈牙👍🏻適逢奧運期間，老闆仲開咗projector一齊睇波，一路食一路睇，好嘆😆埋單之後聽到老闆介紹可以憑單去附近嘅檸濛濛買野飲，有85折優惠wow 不錯不錯！…Read More

係太子搵到呢間唔錯嘅cafe😍 環境好舒服，裝修有種清新自然嘅風格，幾岩想自己一個黎睇下書，或者同朋友黎食飯傾計👍🏻蒜油花椒蜆肉意大利麵 🍝呢個意大利麵煮得啱啱好，彈牙有嚼勁👍🏻蒜油嘅香同花椒嘅麻香味融合得非常好，再配埋新鮮嘅蜆肉，味道層次好豐富😋每一啖都充滿咗海鮮嘅鮮味，好味！孜然烤羊架 🍖呢個係我同朋友嘅最愛🤤羊架燒得外層香脆，內裡嫩滑多汁，每一塊羊架都燒得啱啱好😋特別鐘意孜然嘅味道夠濃郁，再配埋好fresh嘅醬一齊點黎食好prefect💯加埋沙律菜同薯蓉餅，食起上嚟非常滿足🤤Apple crumble 🍎最後我地仲叫多個甜品當係慶祝生日😂呢到嘅Apple crumble好好味🤤蘋果煮得軟糯香甜，配上酥脆嘅麵包屑，整個甜品嘅味道層次分明👍🏻…Read More

我平時比較少去港島，咁岩約朋友食飯要搵餐廳，而呢間居酒屋幾吸引咁😍呢度真係一間好正嘅日式餐廳，環境好舒服，幾鐘意啲裝修真係似足日本嘅居酒屋👍🏻 今次想揭曉左食完嘅感覺先......就係💯！啲野食真係好食到我會想再去🤤明太子玉子燒 🍳玉子燒煎得外層金黃香脆，內裡嫩滑，再配上明太子嘅鹹香，味道層次好豐富👍🏻每一口都充滿濃郁嘅蛋香同明太子嘅味道，真係非常好味😋厚切牛舌 & 帆立貝串 牛舌燒得啱啱好，外面微焦，入面嫩滑多汁，口感非常好👍🏻每一片牛舌都切得厚厚的，食起上嚟好滿足😋帆立貝串好新鮮，燒得外面微焦，內裡保持住嫩滑嘅口感🤤帆立貝嘅鮮味同燒烤嘅香味融合得非常好👍🏻北海道魷魚 🦑原隻北海道魷魚係我嘅最愛😍魷魚燒得外層微焦，內裡鮮嫩多汁，魷魚嘅鮮味同燒烤嘅香味結合得好好，我食到唔停口🤤脆炸刺身甜蝦 🍤炸蝦真係好正，外層炸得金黃香脆，內裡又嫩滑👍🏻甜蝦嘅鮮甜味道同脆脆嘅外皮，非常好食🤤豬軟骨豚骨湯拉麵 🍜我地掛住食啲小食，終於試到拉麵🤣幾鐘意個豚骨湯底，味道濃郁👍🏻而豬軟骨都煮得夠淋同嫩滑👍🏻拉麵亦煮得啱啱好，彈牙而有嚼勁😋溫泉蛋 🥚為左配埋個拉麵，而加左隻溫泉蛋🤤鐘意加落個碗到，好邪惡咁浸住啲拉麵食🤤見到隻蛋黃保持住半熟嘅狀態，蛋白又嫩滑唔錯唔錯！雖然最後埋單係有貴左啲，但食日式野+居酒屋都係差唔多價錢🙈重點係要好食又滿足🤤…Read More

呢排去AIRISDE睇電影，順便係到搵下野食，就見到呢間嘅餐廳幾特別！原來呢度係一間環保素食餐廳，非常欣賞佢地會做分類回收♻️ 而且menu上面會寫晒啲成份出黎，令到每位客人都知道自己食緊咩👍🏻呢度嘅食物好有特色，幾似中東菜，平時真係好少機會食到🥙TREEHOUSE Platter 呢份真係好豐富，好啱同朋友一齊share食🤤入面有酸種捲餅、烤天貝、酸種薄餅脆片、香烤甜椒、什錦醃酸菜、羽衣甘藍及羅馬生菜，真係每樣都好好味😋再加上烤蒜蓉鷹嘴豆泥，茄子沾醬、中東芝麻醬🤤👍🏻酸種捲餅同脆片非常香脆，配埋鷹嘴豆泥同茄子沾酱，味道真係好夾👍🏻香烤甜椒同醃酸菜亦為整個Platter添加咗唔同嘅口感同風味🤤Pine Pine係用純素拉布尼乳酪做底，再加上中東薩德香料、番茄片、新鮮嘅青瓜、混合橄欖同薄荷葉，整個味道非常清新👍🏻我再Upgrade左Combo，包埋是日例湯同野飲，好鐘意佢地個蘑菇忌廉湯，好香濃同好暖胃🤤而個特飲亦非常清爽，同主菜好夾🍹👍🏻雙重朱古力核桃布朗尼 🍫呢個brownie真係好正！朱古力味道濃郁，配埋啲核桃，口感豐富，甜而不膩🤤我朋友都大讚呢個甜品👍🏻…Read More

孖啡係旺角呢頭都算出名嘅board game cafe，我好耐之前都同朋友去過，今次咁岩係旺角睇戲前要食lunch就再黎左呢到～呢到嘅裝修都同之前差唔多，多卡位，位置闊落好坐👍🏻然後我地係lunch menu揀左兩個意大利粉，都係海鮮野😂龍蝦汁海鮮意大利粉 🦞🍝龍蝦汁海鮮意大利粉真係幾惹味，香濃嘅龍蝦汁撲滿整碟意粉，味道豐富而且好濃郁👍🏻裡面嘅海鮮唔少，有帶子、蝦同埋青口，全部都算新鮮！意粉煮得岩岩好，唔會過硬或者過爛，滿意！軟殼蟹黑松露意大利粉 🦀一上菜見到隻軟殼蟹好大隻 接近有手掌咁大😱黑松露醬嘅香幾吸引，意大利粉都係同樣煮得岩岩好，吸收咗黑松露醬，口感豐富！不過隻蟹就唔算好新鮮，主要係炸得比較脆～咁岩見到隔離枱有人嗌左All day，好大碟好似幾吸引咁，可能下次食All day會更岩自己🤤花茶：薰衣草,茉莉花,檸檬馬鞭草 🌸 見佢menu寫呢款花茶可以改善失眠就試下😂花茶好清新，明顯聞到薰衣草香味，再加上茉莉花嘅清香，唔會太甜，檸檬馬鞭草仲帶有少少酸味，整體上飲落去非常舒爽👍🏻特別鐘意佢係持續有蠟燭燒住加熱，令到個花茶keep住個溫度👍🏻青蘋果梳打 🍏🥤青蘋果梳打係另一款清新嘅飲品～特別鐘意梳打水嘅氣泡感再配上青蘋果嘅香味和酸甜，真係好適合呢排咁熱嘅天氣🙈每一啖都帶有青蘋果嘅香味，輕輕鬆鬆解渴👍🏻…Read More

係旺角行完街，想買杯野飲，見到呢間鋪有啲特別，唔只係傳統個啲咖啡奶茶，而係主打用新鮮甘蔗做飲品🤤 呢排天氣太熱太焗，睇落好似幾吸引咁，就買兩杯試下～斑蘭椰奶拿鐵 🥥我最後比斑蘭同椰奶吸引左 (說好的甘蔗呢😂)，幾鐘意斑蘭嘅香氣，配合椰奶嘅濃郁滑順👍🏻飲落去冇太過甜，但有一絲絲斑蘭嘅清香，仲有椰奶嘅天然甜味👍🏻Lattle比我想像中嘅咖啡比例多，咖啡味濃，小小可惜嘅係飲到最後會有啲蓋過咗斑蘭同椰奶嘅味道🥲 不過我都鐘意咖啡，所以飲落去都覺得呢杯嘅組合不錯👍🏻甘蔗鮮奶 🥤🥛甘蔗鮮奶用新鮮榨出嘅甘蔗汁，加上濃郁嘅鮮奶，兩者融合得唔錯！甘蔗嘅清甜加上鮮奶嘅香滑，味道自然，飲落去好有層次感👍🏻唔似一般外頭太甜嘅奶茶，呢個甘蔗鮮奶係天然就有甜味，飲完之後仲感覺好健康添🤭…Read More