PhyllisNg6548's Profile

朋友係北角附近返工，想搵間坐得舒服d餐廳，和富中心確實係不二之選，今次就試下坐得好舒服，主打泰菜既Orange Elephant （因為俾門口既$1菜式吸引左），企門口姐姐話只要叫2款餸就可以用到呢個優惠!😍 等我可以吊下曼谷旅行隱!🥡泰式小食拼盤 ($149) ~ 每次去泰國餐廳必點~有4款 (炸蝦餅、炸魚餅、春卷、香葉包雞)~用料實在，唔似係現成貨，每件都香脆可口!🍽香葉辣椒炒河 ($78)~今次揀左配牛肉，肉碎份量足，河粉用上幼河粉，炒得夠晒乾身,夠晒惹味!🥢泰式香茅豬扒 ($1)~ $1既菜式一D 都唔會馬虎，唔會將價就貨，豬扒大大件，再鋪滿香茅，配埋特制醬汁,難怪每一台都有叫 (不過留意返, +1服務費會用原價計返)🥤椰汁珍多冰 &  泰式奶茶 ($28@)~食咁多香口炸野，點都要ORDER返杯凍飲,椰汁珍多冰保持應有水準, 泰式奶茶係跟返香港人口味，泰式得黎又唔會勁甜!!…Read More

最近出現左好多唔同食物既關注組，作為米線關注組既組員之一，咁當然要不斷試下大家推薦既米店舖啦~估唔到只係只係其中一段既西洋菜南街，都已經有4~5間米線舖!小鍋米線（蘿蔔+腩肉）~基本有芽菜、酸菜、韮菜、蔥、芫荽，蘿蔔同腩肉都係推介菜式，前者夠鮮甜，後者用試3層肉，肥瘦適中，入味帶點微辣!涼拌米線（魚肉春卷+豬軟骨）~基本有微辣肉碎、花生、榨菜、咸菜，米線質感岩岩好，配上秘製醬汁，夠晒濃味，豬軟骨係必試系列，煮得夠腍，鹵水夠入咪蒜泥白肉~滿滿蒜味是常識，白肉煮得Q彈，一直被我視為重口味小食~之但係....呢度既蒜泥白肉會係中間包住青瓜，多左份清新感覺亦多左清脆口感!…Read More

韓國~一直被視為我既鄉下，一別就就已經超過一年今日為左解鄉愁，就要會一會炑八!重點黎到有無限refill既泡菜蛋+芝士粟米，韓式前菜都係無限添加，欣賞佢地既泡菜，甜甜辣辣，非常開胃最新既menu係《慶州豚肉的神話》套餐，有齊晒豬（五花肉）、牛（牛小排，牛五花，牛舌，護心肉）、雞（梨汁雞肉）、海鮮（八爪魚）都齊晒，滿足晒貪心既我😋慶州五花肉🐽有晒卡片，油脂分佈平均，肥瘦均勻，再用生菜包住食，又可以減去油膩感，絕對係國民燒肉!牛小排牛五花牛舌護心肉~預先醃過，醬汁本身已經係靈魂! 燒完之令肉味更昇華~八爪魚🐙~原隻八爪魚新鮮肥美，同樣以韓式辣醬預先醃過，簡單燒一燒就可以，食得出既彈性，感受到既鮮味呢個套餐可以加$20/杯加梳打，配燒肉食一流🥤夏思菠蘿梳打🥤青檸梅子梳打…Read More

利奧坊:1個唔太起眼既商場，原來係卧虎藏龍，今日一於試下“慶記”，主打上海菜，由湯麵、撈麵、冷麵、菜飯、小食，一應俱全! lunch time有set，可以跟罐裝飲品，加$2轉枝裝豆漿香酥排骨拼滷肉慶麵 set（$68）~湯麵配料足，有豆卜，白蘿蔔，韮黃，配上肥瘦適中既滷肉，咸香掛湯! 香酥排骨另上，由於即叫即炸，香，做到外焦內嫩!巴東牛肉條撈麵 set （$54）~每啖都有月桂葉，椰奶香茅味，巴東牛肉非常入味，而撈麵係另上，可以因應自己既要求而決定加入汁既份量，非常掛汁~口水醉雞卷 （$34）~份量可以，一共有8件，每件都係啖啖肉，口水汁麻而不太辣，雞脾肉嫩，肉與皮之間有少少啫喱狀，絕對值得一試!生煎胡椒包 （$26/2）~係台式胡椒餅x 上海生煎包既組合，底脆皮薄，胡椒味夠突出，又保留到肉汁，仲要即叫即做，係必食之選!…Read More

今次好想食d卷物，正正係呢間餐廳主打，每款卷物既名都創意滿分，唔睇menu真係估你唔到😆蜘蛛 （$88）~ 有青瓜、牛油果、蟹柳、軟殼蟹，應該因為軟殼蟹而命名，作為牛油果+軟殼蟹愛好者，係必點既創意卷物!辣妹 （$98）~有芝士、炸蝦、辣味吞拿魚，呢個最合味蕾好豐富，芝士味濃郁，但又唔會cover左吞拿魚，2隻味道都好突出!雜錦天婦羅（$58）~總共有4款，有蕃薯仔、冬菇、茄子、炸蝦，似係即order即炸，要預左等下先有得食安格斯牛肉壽喜燒 （$228）~牛肉份量好足夠，再加埋豆腐，娃娃菜等等，最正係底部有好多既冬粉條，勁索汁，湯底滿滿味醂，再加埋生雞蛋，好滿足既壽喜燒weekend想係銅鑼灣食日本野，人多就預左，2點幾去到都full house! 所以要記得book定枱，有位再加埋有折架!…Read More

今年冬天真太冷，成日忍唔住要食熱辣辣既湯麵，於是又再返黎瘋狂小麵，主打食巴蜀菜，完全滿足我食辣+熱既慾望，套餐由$78up...中環價錢~套餐（1）~瘋狂大排麵+牛肚 / 羅漢果冬瓜茶/ 鐘水餃/成都老冰粉/鐘水餃套餐 （2）~瘋狂豌雜麵+牛脷/羅漢果冬瓜茶/成都老冰粉/泡椒鳳爪🍜鍾意湯麵，盛意推介試紅湯，麵非常煙韌，亦都好掛湯，大排滷得入味，辣度無辣至加辣都可以自由選擇🍽小食款式都有11款，今次試左泡椒鳳瓜，辣得過隱! 而鍾水餃，肥瘦均勻，餃子皮係北方特式，比較厚皮，非常有口感🥡乾撈麵推薦豌雜麵~以豌豆，雜醬主料，配蔥蒜為副，配搭出色! 另外再加牛舌，牛味香濃☕飲品揀左熱羅漢果冬瓜茶，羅漢果自身既清甜，唔需要額外加糖已經好好飲🍨食川菜每次都必定會食冰粉，冰粉口感似啫喱，質感Q彈，最解辣甜品!…Read More

工廠區既coffee shop / cafe小店愈做愈出色，亦都相當有驚喜❤今次呢間勁鍾意，臨近聖誕更加有聖誕氣氛，望住聖誕樹loop住聖誕歌，好relax!原條鰻魚漢堡🍔~鰻魚柔軟無腥味，雞蛋炒至滑嘟嘟，仲要配上炸蕃薯條🍠，甜甜地，遠比炸薯條更吸引手撕蟹肉牛油果他他🥑~牛油果熟成程度岩岩好，有creamy亦有口感，配埋蟹肉他他🦀，味道都幾夾，伴碟既waffle 都要一讚，牛油味香亦都好酥脆蕃茄炸雞配班戟~炸雞🍗炸至乾身脆卜卜，特別係炸雞皮，再淋上香草蕃茄🍅汁!班戟有3件，隨碟有糖醬，成道菜咸咸甜甜，口感味蕾都好豐富!提拉米蘇咖啡~既是甜品亦是咖啡☕，上半層完全係食緊tiramisu甜品，之後將tiramisu同 咖啡mix埋，tiramisu 既甜中和左咖啡既苦，從未試過既咖啡口感值得一試玫瑰鮮奶咖啡~Latte 要好飲最重要係牛奶同咖啡既比例，再加上玫瑰花香，又香又滑…Read More

終於有秋涼既感覺，又係時候食粥啦~久仰新記大名，適逢天氣涼涼地，終於有機會去食下貴妃雞粥，食慾大增，2個人一口氣叫左好多碟🤣生滾貴妃雞粥+叉燒腸 ($58)~雞夠鮮嫩，重點係用雞脾肉🍗，粥底盡吸雞肉精華，夠綿夠滑，食完暖笠笠! 再跟叉燒腸，叉燒份量十足!👍加+$8就可能有碟油菜!XO醬豬扒炒公仔麵 （$49）~炒公仔麵最緊要夠獲氣，炒得乾身，XO醬豬扒厚身惹味，再加上芝麻，味道level up~海蜇生腸 （$52）~ order左海蜇生腸做前菜，2款都好爽脆，小小辣!酥炸魷魚鬚 （$55）是日最熱氣小食，魷魚鬚熱辣辣，夠香夠晒脆，佐粥都唔錯架!…Read More

要發掘小店，一定要去未有地鐵通車既地方，今次由黃埔散步黎到土瓜灣，就見到呢間外表引人注意既monster pizza，餐廳唔算好大，但坐位都幾舒適!餐廳裝修有d工業風路線，牆身係水泥色，另外再有用唔同既size 既pizza 木砧板做裝飾，簡單得黎亦好突顯到食物既主題~星級夏威夷-細批 （$62）~細批係cut到心型size, 2個人食岩岩好，夏威夷pizza有洋蔥、菠蘿、水蜜桃、火腿、香草腸，表面焗到夠晒脆海鮮白汁濶條麵 （$57）~ 什錦海鮮份量夠晒足料，白汁味濃而不腬，每條濶條麵都好掛汁台式辣味炸雞/招牌炸雞 （$17ea）~2款炸雞，1款辣1款唔辣，雞肉嫩滑，外皮好脆，亦都保留肉汁，個人比較愛辣，覺得台式比較惹味!…Read More

<GRAM> 係日本人氣響噹噹，每次旅行都係必食既排隊長龍店，黎到香港當然都係一樣，仲要大半年有多都無得返“鄉下”，想食又唔想排就可以考慮下外賣pancake，有好多款mini pancake 可以揀，眼睇以為mini pancake好細件，所以一人order一個...點知食到勁飽!石板街朱古力~2層pancake 同朱古力味蛋糕互相相隔，頂層鋪左合桃/棉花糖，仲有士多啤梨做點綴，賣相好靚，完全唔捨得切落去Tiramisu ~ 同樣有2層pancake, 賣相同樣精美，tiramisu 個味夠濃郁，中間夾左滿滿custard, custard既甜中和tiramisu 咖啡既苦味，非常之夾!如果下次掛住日本，掛住pancake...又多人排隊既話，外賣mini pancake係盛意之作! 包裝得好好架!…Read More

無論係港式扒餐還是食西餐，羅宋湯從來都只係當配角既角色~終於見到有間餐廳係以羅宋湯做主角，原來仲已經有好幾間分店~廚師推介餐 （$88）羅宋湯配牛腩，香煎咸牛脷脆豬仔包，熱飲~ 羅宋湯有材料豐富，可以揀跟牛腩或者豬脾肉，唔食牛都可以一試! 咸牛脷豬仔包~厚切香煎牛脷，豬仔包預先焗至脆身再配上牛油/沙律醬~外脆內軟，口感味道都非常出色!撈麵餐 （$85）~同樣羅宋湯主打，再配秘製醬油撈麵+小食一款麵底有5款選擇（上海麵/手打烏冬/拉麵/出前一丁/螺絲粉），醬油甜甜地，非常掛麵! 而小食就選擇左麻辣雞柳絲，我直接將雞絲撈係麵上，甜甜辣辣，自家制既麻辣醬果然出色!…Read More

全香港有咁多間米線舖頭，到底點先可以突圍以出? 眼見呢間店只係短短開張幾日，每次行過都見到至少8-9成既入座率，自然地行去望下餐牌，主打養生湯/泡飯/米線,價錢都非常相宜，做就左第一次光臨~店舖燈光光亮，卡位/2人座/4人座/自閉位任君選擇同老公各自揀左一款米線+一款小食~蟲草花膠雞湯跟米線 ($68)  ~ 跟足商品說明條例，有齊蟲草花、花膠、切雞，湯頭味道濃郁，米線煮得恰到好處，完全有晒媽媽用心煲老火湯既味道，成碗湯飲晒都唔會有口渴既感覺，足以証明係無味精!!!!蕃茄一貝子濃湯跟米線 ($58)~海鮮份量十足，有齊帶子、元貝、鮮蝦、魷魚等等，湯頭都如雞湯咁濃郁，亦多左海鮮既鮮甜美! 鍾意惹味D既，又可以試下自家制既菜脯，又變成另一種味道!!! 一口芝士 ($58) ~其實有好多款小食揀，但作為芝士控，一眼就俾呢款吸引左，芝士即炸上台，熱辣辣而芝士咸香味十足~~半價+ 餐飲 (+$11) 荔枝乳酸爆珠~飲品除左咖啡檸茶檸水系列，更加建議一試呢度既特飲，老公加左杯荔枝乳酸爆珠，偷偷地飲左幾啖，爆珠感覺好得意，荔枝味好清新，早知我都加一杯啦~~可能店舖新開張，老闆都熱情地同客人傾計問下意見，引唔住問老闆一句 : 咁足料，到底賺唔賺到錢架?…Read More

之前搭巴士經過見到呢間好吸睛既招牌+類似餐車既裝修概念，今日就專登行過黎過黎試下，沒有堂食，只有外賣，主打椰香海南雞飯/招牌豬手飯!特式椰香海南雞飯 （$38）~大部分海南雞飯都係跟油飯，第一次食係跟椰香飯，每啖都有椰香味，粒粒分明，而海南雞已經去骨，雞夠嫩!招牌豬手飯 （$36）~而豬手飯就跟白飯底，可以撈埋泰式酸辣汁，非常惹味!豬手似係鹽水醃過，皮肉比例剛好~仲有，如果減醣 or 戒澱粉質既仲可以考慮+$15走飯轉青木瓜沙律!泰式酸辣無骨鳳爪（$32）~ 青木瓜沙律配底，鳳爪份量足夠，味道唔會好似泰國餐廳咁辣，唔係太食得辣既朋友都可以一試!金羅漢果養生茶（$18）~店家自家製，好足料，入口已經有濃郁羅漢果味，每樽都會見得到杞子同菊花，真材實料!龍鳳梳打 （$24）龍鳳= 檸檬mix青檸既梳打水，飲落都幾fresh~呢一年因為疫情，多左好多人叫外賣，用多左發泡膠盒，雖然呢間舖只做外賣，但會用上紙盒裝食物，用上紙飲管，對環境負擔相對輕左!…Read More

Soda Mall係今年先開幕，地下主要係超市，終於見到樓上個層有d新餐廳啦，咁以為除左崇潔街之外，又有一個新選擇~今日就試左新餐廳※花火和食※，係主力日式食品，有便當、拉麵、丼飯~仲有多款小食!沖繩風海鹽鯖魚 （$68）~便當有1件迷李版既可樂餅&麵鼓湯~鯖魚燒到恰到好處，可以沾上柚子醬油再撈d白蘿蔔蓉,都幾清新架!美國極級牛肩胛拉麵 （$82）~單係拉麵湯底既味道已經有6款，嚐辣既我地就揀左地獄辛辣，牛肩胛以薄切，既掛湯亦有牛香洋蔥牛肉可樂餅 / 紫芋甘栗可樂餅 （$28）~係眾多款小食入面就揀左可樂餅，咸甜各1款, 每款可樂餅都可以自由配搭,前者薯蓉份量十足, 後者滿滿紫芋蓉再加上栗子,口感10足~~~絕對係必食系列!!!~~依家原來午市期間都有做85折, 紅磡/土瓜灣街坊都可以試下!!!…Read More

原來客家人由太子搬左黎長沙灣，餐廳面積仲大左~雖然餐廳叫左“客家人”，但其實除左傳統特式客家菜之外，午市都有唔少選擇，仲有扒餐、港式炒粉麵、秘製湯皇飯，放lunch時間黎到當然多人，但好在舖頭位置闊落，所以坐得好舒服! 由於選擇困難症發作，經過老闆介紹過後，終於決定左叫個湯飯，同事就選擇乾炒牛河!秘製湯皇飯 （$49）可以揀2款餸，另外有時菜配白飯!湯底註明不含味精豬骨鮮魚湯底 （飲晒成碗湯都無口渴架!）我揀左豬肉丸/鮮牛肉/皮蛋 （加餸$9）~除左湯底抵讚，我想講呢度既配料每款都好新鮮，豬肉丸必試! 皮蛋係溏皮蛋好香口，好有住家菜媽媽既感覺乾炒牛河（$52）係咁多款港式炒粉麵之中，老闆指明推介，share同事一碗仔，果然夠晒穫氣，用上幼身河粉，牛肉嫩口新鮮，份量十足! 再撈埋辣椒醬就一絕P.S.呢度服務態度好好，老闆娘好用心介紹菜單 （完全唔係hardsell既感覺）!材料實在，真心食湯飯好過食味精米線!…Read More