noahandmommy's Profile

我哋有時慶祝都會嚟，因為次次小朋友去都好開心😆小朋友鍾意酒店大堂地下有火車頭，今次餐廳平日夜晚做緊龍蝦松露半主題自助晚餐，主餐價錢由$258至$407不等，均可以享用外面嘅沙律、前菜、海鮮冷盤、中西湯、小食、甜品飲品，仲有MOVENPICK雪糕🍦個人覺得性價比都幾高👍🏻小朋友可以叫兒童餐，有火車頭炒飯同薯條🍟，最重要嘅係送60分鐘 #兒童樂園 🤩位置喺酒店5樓，有電動車可以揸🚒🚗🚓 海鮮冷盤翡翠螺同青口都唔錯，可以盡情食，中湯節瓜章魚湯有驚喜😋主菜我哋揀咗焗原隻新鲜波士頓龍蝦米多同烤美國安格斯牛肉眼扒配黑松露燒汁；龍蝦醬汁調味幾有特色，如果有配埋薯蓉撈汁就好啦😆牛扒🥩肉味鮮嫩，啖啖停唔到口，正！黑松露燒汁好提鮮，幾乎想添汁😂 甜品方面，朱古力噴泉相信小朋友一定鍾意，MOVENPICK雪糕有四種口味😍so good~…Read More

今次同小朋友入園去睇20周年全新節目之餘，仲去咗位於城堡前嘅中菜餐廳 #廣場飯店 食🌟「20周年限定套餐」🌟享受咗一餐色香味俱全嘅晚餐～餐廳裡面嘅維多利亞時代風格裝潢好高貴，好似入咗故事世界一樣啊😍玩到攰入嚟食一餐舒服又好味嘅晚餐真係好👍🏻 呢個「20周年限定套餐」有多款菜式，所以一家大細都適合㗎💁🏻‍♀️套餐包括：😋脆皮燒鵝 拼 頭抽頻倫雞 🌟皮脆肉嫩，鮮味十足😋海皇粟米羹 🌟香甜開胃又美味😋秋葵百合炒鮮鮑魚 拼 酸甜炸蝦球 🌟百合炒鮑魚清新時令😋原粒帶子鮑菇粒雞粒燴飯 🌟粒粒分明，食落好香口，餡料好豐富啊～💗士多啤梨蘆薈奶凍 🌟係小朋友最鍾意嘅士多啤梨口味，而且有20周年同米奇元素，三個仔仔都好鍾意啊！💗夢幻梳打色彩繽紛🌟好味又消暑✨依家惠顧兩位或以上「20周年限定套餐」仲可以8折優惠，叫埋飯店嘅招牌之一「20周年紀念版鮮果拿破崙」，份量十足之餘，賣相精緻又好味🤤一層層酥脆酥皮同鮮果混合配搭，加埋香滑吉士醬，真係一流嘅飯後甜品啊～🍰…Read More

係酒店中菜廳飲茶食個靚包，適逢端午節飲茶仲可以食埋粽，你話正唔正？💗覺得正就快啲訂位同屋企人一齊去 #旺角希爾頓酒店鷹巢中菜廳 chill吓啦！ 🌱瑤柱金腿鹹肉粽🌱足料餡鮮，豆蓉樸實綿香，金腿鹹肉肥瘦適中，冬菇瑤柱栗子精華入晒糯米，啖啖豐富啊！🌱黃金香滑蓮蓉鹼水粽🌱有咸粽又少得甜粽呢？蓮蓉幼滑微甜，好清新好啱春夏天食啊！🌸鳳鳥歸巢鹹水角🌸造型100分，中式點心真係好精緻啊，外脆內軟，餡料調味好恰當。🌼熊貓蓮蓉包🌼蒸完都咁靚證明好有心得，唔止外型靚蓮蓉包餡料都好好味，唔捨得比茶茶食多個😆🌸木瓜椰汁糕🌸橙白色好搶眼，凍上甜點好清甜，係輕盈甜品之選🌼蛋黃千層糕🌼蛋黃鹹中帶甜，食到流沙蛋黃口感，正！🌸脆皮金粟墨魚餅🌸好耐未食過咁足料嘅墨魚餅，入面嘅蔬菜配料配搭好好，味道層次提升咗唔少，晚餐做小菜都好適合啊！…Read More

今次約咗朋友食晏，想打邊爐，揀咗食四季椰林海南椰子雞 ，春夏天食比較清新🫶🏻今次叫咗個經典歡聚4人餐，湯底當然係佢哋嘅椰子湯，標榜「4個椰子1鍋湯, 不加1滴水」🥥，而重點就係佢哋嘅海南文昌雞！呢個靈魂湯底係用新鮮椰青水熬製，加埋海南文昌雞煮5分鐘就啱啱好！先食雞肉，口感嫩滑有嚼勁，有鮮甜味道，而且肉質依然好嫩，真係超正！入口鮮甜不膩，再喝碗湯，好清甜，滋潤清喉，我同幾個朋友都讚不絕口啊！呢個餐配菜有潮汕雙拼丸、響鈴同生菜；牛丸好彈牙爆汁，而墨魚丸都好鮮，兩款口感都好有嚼勁，生菜連根上、超新鮮😃最後食埋個金牌臘味煲仔飯，煲仔飯香氣撲鼻，臘腸臘肉油香滲晒入米飯入面，仲有飯焦，口感層次好豐富，正！…Read More

同老公去東薈城outlet買鞋，跟住去食飯，老公想食拉麵，我想食壽司，見地庫嘅Firebird居酒屋🏮有好多唔同嘅日本料理幾好，一於食呢間啦首先叫咗個重量級叉燒豚骨醬油拉麵🍜呢碗拉麵湯底濃郁，豚骨香氣十足，食到醬油湯汁甘甜，叉燒肉質軟嫩，入口即化，麵條彈性唔錯FireBird雞肉串燒盛合🍖雞肉串燒每一串都有唔同嘅風味，特別係汁燒雞肉串鮮嫩程度令我印象深刻，大蔥個串亦好惹味！係下酒絕佳選擇蟹味噌甲羅燒-配壽司呢個鮮甜完美融合，無論係單食定配壽司，都令人回味無窮😋壽司米飯亦剛剛好，酸度十分恰當。特上壽司盛合特上壽司盛合選材新鮮，鮪魚三文魚都好肥美，啖啖享受😌，帶子同蝦非常鮮甜，唔錯唔錯日本雞肉&野菜天婦羅盛合最後上嘅天婦羅盛合，雞肉外酥內嫩，蔬菜香脆可口，點埋天婦羅汁，呢個小食口感層次好好啊！Lunch 期間仲有飲品85折happy hour，我哋叫咗Fuji Mountain 同Mix Fruit Tea ，無論賣相定係味道都好正！味道濃郁，有驚喜啊…Read More

今晚有4位成人3個小童，見到餐廳family set 幾抵食，$648，我哋之後再加多一個細pizza 夠晒，晚餐西餐嚟講好實惠🤭當日餐廳話叫滿指定金額再送一份Pizza，正 湯因為有兩碗上錯咗口味，叫佢換，餐廳即時另外補送返兩碗嚟，好好😍洋蔥湯好味，之前成日想飲都搵唔到餐廳有😆忌廉蘑菇湯都好Creamy。 小食叫咗炸雞同埋炸魷魚圈，兩款都新鮮炸👍🏻 主食溫泉蛋松露油蘑菇鮮製意粉同軟殼蟹配蕃茄濃汁鮮製意粉，兩款意粉嘅口感都好好，前者有松露香，掛汁效果唔錯；軟殼蟹好脆口，蕃茄濃汁清新酸甜，兩個意粉屋企人都好鍾意 肉類揀咗加$48嘅安格斯西冷牛扒，估唔到配菜係薯角，好香脆，好味道想另外嗌一份薯角去食🤣可惜太飽，牛扒正常無乜特別，有熱石跟幾好。 飲品水果茶味道比較淡，甜品略嫌太細件，想食甜品嘅建議加錢要窩夫…Read More

朋友介紹翠園賀年糕好味，所以買咗3底試下再決定買唔買嚟送禮…首先有全新嘅 #燒鴨芋頭糕 ，粒粒大芋頭配明爐燒鴨，煎個時已經聞到勁香鴨肉味❤️煎完相對香脆，超正！大粒芋頭食落好有口感，層次好分明，我媽咪食咗都勁讚！新推出嘅仲有 #馬蹄糕 ，相當之有驚喜啊，有當年茶樓飲茶個種味道😻馬蹄係切片，厚薄適中，爽甜清新，而且帶有甘蔗甜味，作為甜點非常之好啊！ 而 #海膽帶子糕 係創新配搭之選，今年亦升咗級🆙，加多咗帶子份量，食落好鮮甜，亦食到海膽獨特嘅鹹香，好match！👏🏻 鍾意新意思嘅仲可以可加錢換購魚子醬配嚟食，一罐$68，放係鹹糕點面吃，提升鮮味之餘，更讓收禮人倍感體面🥳送禮建議加埋…Read More

聖誕假期同朋友食飯，叫咗個聖誕二人餐，餐牌好有心思，有立體聖誕樹，個餐有湯、黑糖包、炸物拼盤、龍蝦肉意粉同石板燒牛扒🥩黑糖包有d退步，不過小朋友都好鍾意，炸物拼盤新鮮炸，唔錯，不過比較細份，龍蝦意粉好味，份量剛好，掛汁正；牛扒自己燒，味道同肉質都唔錯，好過上次食個埋無乜肉味😅炸雞係另外叫，都係即炸，但唔夠熟，要換過碟；今餐都幾滿意，係唔包飲品同甜品個下覺得老套😳二人聖誕餐over $700連飲品都無😅…Read More

銅鑼灣分店飄流平衡水床同可可瓜瓜釣魚池！好啱鍾意水元素嘅小朋友👏🏻周圍都有Cocomelon同JJ卡通公仔，見到都覺得好開心啊！😝特設幼兒區，未識行BB都有嘢玩！ 當日我哋叫咗一個聖誕套餐食，有 #大蝦沙律 🦐、#小食雞翼 🍗、 #牛扒藜麥飯 🥩、#Cocomelon漢堡 🍔、 #兒童餐聖誕老人 🎅同 #Cocomelon浴缸pancake甜品 🛁 份量都好大份，好好味😋唔會好鹹，適合小朋友～ 呢度仲有得搞主題生日派對㗎，一定好好氣氛…Read More

上年我哋係炑八慶祝聖誕假期，兩個仔玩得好開心，所以今年聖誕都book咗位去食返餐韓燒～未開餐之前兩個已經喺玩樂區玩！有波波池、滑梯、煮飯仔、軟積木同埋好多玩具，我哋坐喺座位隔住玻璃睇，可以舒舒服服坐喺度燒肉🙌🏻終於有個安靜舒適嘅用餐空間😂小朋友叫咗 #雪花滿天飛全日早餐 同 #聖誕老人便當 🍱賣相可愛有營養，因為係兒童餐，所以味道唔會太過濃，感覺比較健康🔆雞髀🍗炆得好腍，好好味🤤#炑八厚切五花肉 要慢慢燒，有專人燒，燒香燶邊好可口！ #外裙肉 肉嫩鮮甜，好快熟，有入口即溶嘅感覺！配埋任添嘅前菜食，好Fresh，正！再食咗幾次芝士粟米同蒸蛋！甜品方面叫咗 #聖誕花環雪糕窩夫 一家四口一齊食啱啱好🧇，外脆內軟好香蛋味！🥰特飲 #歡樂聖誕樹士多啤梨鮮奶 同 #聖誕老人朱古力特飲 打卡一流，大大杯share飲！…Read More

平日去沙灘玩，黃昏試吓去呢間朋友介紹過嘅餐廳碰碰運氣，竟然仲有戶外位可以坐🙌🏻可以望住成個沙灘享受美食，真正！夜晚仲見到少少迪士尼無人機表演添😍叫咗椰子雞湯，大約二人份量，好香椰子味酸酸地好開胃～老公好鍾意沙嗲六串，牛肉燒得好香脆，一啲都唔靭，有驚喜😋雞肉調味都好唔錯，依然保留到肉汁水份泰式炒河，一見到啲河粉就feel到佢好正宗！好耐冇食過咁正式嘅炒河，我哋揀咗蔬菜配料，感覺比較Fresh，好好味，略甜，可以鹹返少少更好。咖喱雞，咖喱味同椰香味濃郁，冇辣，小朋友好鍾意食，叫咗兩碗白飯嚟撈，好正！整體嚟講今餐食得好開心，個景同食物都冇得頂，下次一於再過嚟食！💗有機會試埋個甜品先餐廳侍應個個都好友善，非常之好…Read More

有兩個人最近幫咗我好多，所以要請佢食飯表謝意😆 餐廳環境ok都幾大，之前食過一次，覺得食物好味lunch價錢都幾抵，見到甜品可以寫字畫碟，好靚好有紀念性😘所以今次約朋友去食，最驚喜係仲有得影即影即相，記住一刻🩷 今次叫咗3個set lunch+開心果奶蓋蛋糕🍰澳洲安格斯肉眼扒.配薯菜塊扒都幾大份，5成熟剛好，調味得唔錯，有肉味，薯菜好新鮮，有心思👍🏻日式咖喱煙牛舌焗飯好大份，相當足料，咖喱汁唔錯好香濃燒春雞 肉嫩清香，健康之選加咗兩款小食：焗田螺同炸蠔都好出色，炸蠔外脆內軟，即叫叫製！重點甜品開心果奶蓋蛋糕入口就品嘗到開心果獨有嘅香甜，加埋奶蓋口感好幼滑💓伴碟畫得好可愛😍隔離枱見到都話想畫一份！…Read More

早兩日同老公去咗牛気食lunch，呢期做緊⛩️和洋祭🎏，我哋叫咗LV.6 ，主打九州黑毛和牛、豪州極上和牛同海鮮放題！正到呢🤤Order推薦九州黑毛和牛✨口感好滑之餘，肉質鮮嫩，脂肪比例較高，啖啖肉香啊！澳洲極上和牛✨同樣牛肉味香濃，冇前者咁肥美，不過都好好味。挪威三文魚刺身✨高質肥美新鮮原隻鮑魚✨打邊爐配埋牛氣嘅自助混合醬料，鮮味出晒嚟！大海蝦✨真係好大隻，肉質結實，十足蝦味！花膠✨越煲越入味，建議開頭就放落去慢煮自助推薦炸蝦❤️香脆可口焗蠔❤️大大隻，夠蠔氣榴槤炸彈❤️老公食咗勁多關東煮❤️八爪魚串好好味咖啡拖肥味雪糕❤️期間限定口味必食90分鐘不停食食飽飽夠晒滿足啦😋食材新鮮，服務好，冷氣好夠👍🏻…Read More

好耐之前就bookmark咗想去元朗富來休閒農莊燒嘢食，燒嘢食係其次，釣蝦釣魚先係重點😆當然又係為咗滿足我嘅寶貝仔要求啦🤣 富來休閒農莊有一大片空地可以比小朋友自由奔跑同踢波⚽️，放電一流！另外有…✅小魚塘釣魚✅兩個釣蝦池✅撈金魚✅遊戲機✅沙池✅電動車✅吹氣彈床 ✅兒童玩樂區大人細路除咗燒嘢食都有好多嘢玩😆d蝦勁大隻，好易釣，鹽燒鮮味十足啊！食物有秋刀魚、多春魚同雞全翼，幾有驚喜👍🏻同埋自家製涼茶有無糖選擇，好健康啊大家不妨搵日入嚟釣蝦燒嘢食玩吓啦♥️…Read More

老公放假係屯門想食餐舒服嘅，記起悅品酒店 The Platter 環境同食物都好好，仔仔又鍾意車車，一定坐得合作😆 酒店大堂同餐廳都係以火車做主題，一去到仔仔已經好開心，侍應仲安排咗車廂卡仔比我哋坐👏🏻平日係半自助餐形式，主菜由$158起，而Buffet就提供湯品、包點、沙律、小食、甜品、雪糕、糖水同飲品，相當有誠意👍🏻我哋order咗烤加拿大肉眼牛扒配紅酒汁同經典英式啤酒炸魚及薯條配他他汁～肉眼牛扒🥩嫩滑充滿肉汁，配埋特調紅酒汁，帶出肉鮮味，正！而炸魚係即炸，火喉都好好，外脆內嫩，魚肉依然濕潤，外皮好有空氣脆感，仔仔勁鍾意～ Buffet沙津好新鮮，炸物一直有補給，甜品味親都唔錯，性價比好高👍🏻下次一於嚟食埋佢個自助晚餐至得，食飽飽見佢哋嘅兒童樂園而家有消費半價優惠，$45可以玩30分鐘，有迷你電動賽車場同遊樂區玩😻…Read More