sukisukiy's Profile

平時食開銅鑼灣個間龍糖坊，位於尖沙咀新開咗間分店，7月4日正式開張同銅鑼灣嗰間嘅甜品有好大分別，多咗好多款唔同特色嘅甜品，無論係味道、口感都令人驚喜，值得一試。而且平日下午仲有能量午餐系列，抵食又健康手工雙皮奶就叫咗2款，一款係 [ (凍)牛油果甘露雙皮奶 $52 ]牛油果漿同雙皮奶好夾，牛油果果肉粒放係中間，牛油果味道濃郁，味道又唔甜，配搭營養豐富嘅奇亞籽，但又唔會掩蓋雙皮奶嘅細膩，食完唔會覺得膩另一款係 [ 焦糖娟姍雙皮奶 (凍) $40 ] 順滑雙皮奶係下層，面層加上脆口焦糖，焦糖雙皮奶味道好夾。焦糖唔會過甜，反而添咗層次感，奶味濃，又香又滑手工芋圖系列有呢款 [ (凍)雪燕蓮桃芋圓奶凍 $40 ] 夏日消暑嘅好選擇，每件奶凍都彈牙滑溜、雪燕晶瑩剔透，口感順滑、蓮子口感爽脆、滿滿桃膠煙韌爽滑，令人好有食慾、芋圓口感煙韌，當然要落埋揶奶，就更加滿足，口感豐富雪花冰系列嘅 [ 陽光青提雪花冰 (單人版) $68] 有分享版及單人版，朋友就叫咗個單人版，外層有青提子包圍住，青提口味嘅雪花冰清新又消暑，口感細膩，青提甜味剛好，係夏天必食甜品，冰涼透心，單人版夠哂一個人食，食完心情更加好…Read More

銅鑼灣隱世小炒！人均 $250 食到招牌辣蟹🦀 + 瀨尿蝦🦐，抵到想二刷！‼️銅鑼灣總店呢間小炒館真係要即刻 Bookmark！最正嘅係人均先 $250，就可以食到勁多招牌餸，份量仲好足，真係抵到冇朋友，食完返轉頭仲想再嚟！必叫 No.1 🦀🌶招牌避風塘炒辣蟹🌶🦀揀嘅蟹隻隻生猛，蟹肉鮮甜飽滿到溢出，蒜蓉同辣椒粒炒到金香酥脆，鹹香帶少少辣，辣度啱啱好唔會蓋過蟹嘅鮮味～ 連蟹殼邊都炒得好入味，吮多兩啖都唔捨得停！🍤🦐椒鹽瀨尿蝦都好出色！蝦身大隻肉厚，咬落去啖啖肉，椒鹽味勻勻淋落每一寸，外層脆卜卜，內裡肉質彈牙多汁，鮮味十足，食完一隻想第二隻，根本停唔到口！仲有惹味 BB 乳鴿🐦🐦！皮烤到脆卜卜，一咬就「啪」一聲，仲會爆汁添！肉質嫩到唔使費力嚼，鹹香夠晒入味，連骨都想吮埋，真係食過返尋味～鐘意食魚嘅朋友，🤤椒鹽九肚魚🤤一定要試！魚肉雪白滑溜，吸滿晒椒鹽香，外脆內軟，最重要係完全冇骨，大人細路都可以放心食，一口一塊，越食越上癮！呢間店真係完全冇踩雷！餸菜分量足，味道又夠鑊氣，師傅火候掌控得岩岩好，每樣餸都好惹味～ 人均 $250 食到辣蟹、瀨尿蝦、乳鴿呢類硬菜，銅鑼灣搵食真係唔使諗，直接沖就啱！想食小炒嘅朋友，記得提前 book 位，唔係好易要排隊架～👄喜記避風塘炒辣蟹👄謝斐道477-481號肇明大廈地舖及1樓A室…Read More

來香港吃海鮮，首推“喜記”！！🦀喜記避風塘炒辣蟹堪稱炒蟹界的少林寺。其60 年的歷史、味道及口啤，足以奠定其地位。🦀喜記正宗炒辣蟹🦀作為喜記嘅招牌皇牌，揀嘅蟹個個都肉厚飽滿，啖啖都實淨彈牙，鮮甜 Juicy 到漏油！🤤🤤 炒嘅時候落咗秘制調味，仲有大量姜蔥蒜蓉同指天椒爆香，整個蟹油色紅艷艷，蟹肉炒到金黃油亮。入口勁入味，鮮香帶辣，🌶🌶辣得過癮又唔蓋過蟹本身嘅鮮味，連埋底層吸晒醬汁嘅蟹沙都鹹香惹味，越食越開胃，真係停唔到口！⭐蒜蓉粉絲蒸扇貝⭐扇貝新鮮到冇得彈，肉質爽嫩彈牙，咬落滿口鮮甜！鋪面嘅金銀蒜調得好香，連同蔥花一齊蒸，香味完全滲入扇貝肉入面，鮮味又升級。底層嘅粉絲吸晒扇貝嘅鮮汁同蒜蓉香，軟糯入味，同爽脆嘅扇貝配埋一齊，口感一軟一脆，簡簡單單嘅做法，就食到食材最原汁原味嘅鮮，正到痹！😍椒鹽鮮魷😍鮮魷處理得好乾淨，完全冇腥味，口感勁爽脆彈牙！表面均勻裹住椒鹽粉，炸到外皮金黃酥脆，咬落「咔嚓」聲，入面嘅魷肉依然保持嫩滑。味道鹹香，鮮味十足，趁熱食最正，越嚼越香，無論係送酒🥃定係當小食都一流，大人細路都鍾意！🔥蟹油炒麵🔥呢個簡直係炒辣蟹嘅「最佳拍檔」！揀嘅細面先炸後炒，根根都彈牙有嚼頭，唔會軟淋淋。炒嘅時候吸盡咗炒辣蟹嘅蟹油精華，每啖都充斥住濃郁嘅蟹香，同麵香完美融合，鹹香得來又帶住少少鮮甜，味道層次好豐富，完全唔會覺得膩！🍽最抵讚嘅係食炒辣蟹嘅時候，店員會幫忙開蟹鉗食起來超方便仲會及時遞上濕紙巾，見到碟有蟹殼就主動過嚟換，唔使自己喊，服務夠晒貼心，食得好舒服！👍👍…Read More

港味小炒嘅靈魂，真係要數喜記馳名嘅避風塘炒蟹！佢哋對鑊氣嘅拿捏，簡直係行業標準，大火猛炒逼出嘅焦香，每道菜都掛住鍋氣，鮮味直衝味蕾，食過返尋味～等位都抵！未入門就聞到鑊氣混住蒜蓉香~~招牌避風塘炒辣蟹：鎮店王牌唔容錯過蟹肉肥嫩飽滿，外殼炸得金黃酥脆，聞落香噴噴，蒜蓉與辣椒經高溫爆炒後香氣四溢，辣度同蟹鮮味完美結合，連蟹殼都浸滿油香，越食越惹味又過癮，舐埋手指都唔捨得停～豉汁炒蜆：同樣出色新鮮蜆肉彈牙多汁，秘制豉汁喺大火鑊氣中煮得濃郁醇厚，完全滲入蜆肉入面，海鮮嘅清甜同豉香完美融合，一粒接一粒，根本停唔到口～蟹油炒面：精髓濃縮呢個炒面簡直係靈魂收尾！炒麵吸收哂蟹嘅精華，帶嚟濃郁嘅蟹香味，炒麵炒得夠乾身，仲好有鑊氣，味道鮮美，令人回味無窮。真系舐埋碟底先叫滿足～青炒油麥菜：清爽解膩好搭配最後嚟一份油麥菜，脆嫩爽口，蒜香撲鼻，油分唔多唔會膩，正好中和前面嘅濃味，為整餐飯畫上完美句號，食完舒服到嘆氣～服務員捧住熱辣辣嘅鑊氣菜行過，香氣一路飄，擺上台時仲滋滋作響，熱氣帶住焦香撲面而來，即刻拿起筷子，趁熱食先至最正！重要係第一次有咁好嘅服務，仲會幫你拆埋蟹鉗啲肉，吃起身真係爽啊！！#避風塘炒蟹天花板#港味小炒鑊氣之王#喜記避風塘必吃#港式海鮮盛宴…Read More

今日經過呢間港式小食糖水糕點外賣店，店內每一樣美食都用心製作，仲有多樣港式美食包括有腸粉、撈麵套餐，樣樣都足料又夠味，忍唔住買咗幾款糖水及糕點必選新品有 [ 楊枝甘露 ] 新鮮嘅芒果，滿滿芒果肉好足料，配搭柚子果肉及西米露，食落口感更豐富，味道夠香，味道又唔甜特別啱夏天食嘅有 [ 木瓜雪燕蓮水 ] 雪燕口感爽脆，木瓜又香又甜，仲有蓮子，味道又唔會太甜，飲落口感清爽，完全唔會膩另外特色糕點有 [ 芝麻椰汁西米卷 ] 外層芝麻包住椰汁西米，味道香濃，帶椰汁香，口感豐富，食落唔甜。[ 芝麻紅豆卷 ] 紅豆細膩，味道又唔甜，咬落紅豆綿密，兩樣都好夾，實在太正。兩款各有特色，每件都厚切，口感煙韌彈牙…Read More

為慶祝友人生日，4人同行一齊去咗位於旺角嘅"韓燒大叔"，晚市120分鐘韓燒任食放題，同幾個朋友一齊叫咗 $298/位任食放題，再加 $108升級海鮮刺身 + 燒酒🍶啤酒🍺-任飲任食，另外 +$1 換購醬油蟹🦀拼盤成枱都係一碟碟已經好吸引！一次過放咗幾十款唔同小碟係枱上，非常之豐富，打卡一流。肉類選擇好多，澳洲草飼黑安格斯封門柳、穀飼黑安格斯牛板腱、牛頸脊 等等，燒烤後入口即化，肉質口感鮮嫩，油脂恰到好處 海鮮選擇都好多，扇貝、帆立貝、翡翠螺、海虎蝦、青口、蜆、墨魚嘴、三文魚鰭、海墨魚、魷魚鬚、墨魚咀等等，仲有韓式魚串、炸雞軟骨、炸雞、炸芝士等等，樣樣都好味道成碟海鮮刺身，新鮮厚切，由其係三文魚、吞拿魚刺身鮮甜好味，另外+$1嘅醬油蟹拼盤，𥚃面有蟹、蝦、八爪魚，口感更鮮甜，食到胃口大增除咗肉類-雞、牛、豬及海鮮類外，仲設有自助蔬菜櫃、自助飲品、多款甜品，連格仔餅、爆谷機同自助軟雪糕機都有，真係大人細路都鍾意最後慶祝生日，當然有 tiramisu 生日蛋糕🍰，唱埋生日歌，再吹埋之吹極都吹唔熄嘅蠟燭😂，真係夠哂滿足…Read More

位於荃灣的「夜燒站」是一間備受歡迎嘅居酒屋，超抵食嘅串燒而聞名，只需10蚊就食到多款好味嘅串燒，實惠價格食到平靚正嘅美食，呢到係串燒愛好者嘅理想之店[ 燒芝士腸 ] 外脆內軟，蜜糖味甜甜地；[ 燒鵪鶉蛋 ] 外面微微焦香，好味道；[ 牛油燒冬菇 ] 冬菇吸收牛油香，燒得剛剛好，口感滑嫩；[ 芝士煙肉蕃茄 ] 帶鹹香味煙肉搭配蕃茄，口感酸甜，面層溶化嘅芝士令整體口感更豐富[ 燒雞軟骨 ]、[ 燒雞翼尖 ]、[ 燒雞肉串 ]、[ 燒雞腎 ] - 雞肉串都燒得恰到好處，外焦內嫩，特別是雞軟骨，口感爽脆，好食到飛起；雞翼尖外皮帶有焦香嘅酥脆感[ 芝士流心蛋大啡菇 ] 好正呀！一切開就流出蛋液，芝士味濃郁，同啡菇好夾，好有驚喜[ 清酒煮蜆 ] 滿滿一碗蜆肉，口感鮮美，湯汁帶出清酒香；[ 燒扇貝-蒜蓉 ] 有成隻手掌咁大，鮮滑爽嫩口感，勁厚肉，超肥美，蒜蓉好香[ 月見免冶雞肉軟骨棒 ] 食落爽口嘅雞軟骨棒，雞肉口感嫩滑；[ 鹽燒手羽 ]、[ 豚肉本菇卷 ] 、[ 鹽燒五花腩 ]、[ 鹽燒豬頸肉 ] 每一款都燒得恰到好處，豚肉卷肉質嫩滑，五花腩肥瘦比例都啱啱好，鹽燒手羽，外層超香脆，令人回味無窮[ 炸七味雞軟骨 ] 份量太誇張啦！超大兜，粒粒都口感脆卜卜，搭配沙律醬，真是絕配，七味香料增添唔少層次感下酒菜最啱食就係 [ 鱈魚干 ] 卜卜脆口感，食唔停 及 [ 雞泡魚干 ] 油脂清香，食落鮮甜，每條口感香脆，越食越香，食到唔停得口食串燒，當然要叫埋飲品 [ 薑蜜樂(凍) ]、[ 檸檬柚子蜜(熱) ]、Fanta…Read More

今日終於去咗旺角呢間“阿木台灣麵”，店內已經坐咗8成人到，唔駛等好耐時間就入到去，平日見要排好耐隊。店內環境舒適，仲播放住台灣歌，真係好似去咗台灣咁先嚟一碗 [ 麻辣牛肉新竹米線 ] 麻辣湯底十分之香，加上牛肉片嫩滑，辣味適中，啖啖都可以食到牛肉嘅鮮味。米線滑溜，仲吸收咗濃郁嘅麻辣湯汁，每口都好惹味。加上幾片蔥花，整體味道更加清新，再加上一隻溫泉蛋，口感更加豐富當然唔少得要叫份 [ 芝士肉鬆蛋餅 ] 外皮金黃香脆，內裡芝士融化，配埋滿滿肉鬆，簡直好好食！再加埋蛋香，食落去好滿足，真係一口接一口，根本停唔到口最後呢份 [ 香酥炸排骨 ] 外層十分之香脆，內裡嫩口，炸得剛好，肉質鮮嫩，咬落去滿滿肉汁流出，食到好滿足。一個人食一碗麵配搭兩款小食，真係好正…Read More

近排去咗位於龍尾灘嘅"同信士多"BBQ場，環境大又舒適。而且燒烤場設備齊全，無論係燒烤爐還是工具，應有盡有，完全唔使擔心另外食物種類多到令人眼花撩亂，從新鮮嘅海鮮到各種肉類，新鮮蔬菜類都好多選擇，真係應有盡有！而且食材都好新鮮。特別推薦他們嘅海鮮，肉質鮮嫩，又新鮮~除咗食物，呢到嘅飲品選擇亦相當多樣化，啤酒、汽水飲品，各種款式都有，感覺實在太過癮。另外調味道種類又好多，燒烤時可以調埋味都係一個好嘅選擇燒烤場不單止環境大，食物新鮮，而且平日或假日價錢抵食，非常適合朋友聚會或家庭 outing。快啲約埋好友，一齊去BBQ暑期一直到10月21號仲有雪糕杯送，啱嗮一家大細去玩！…Read More

大排檔風味雞煲最豐盛即炒雞煲啤酒放題川味麻辣滑雞煲小辣風味雞煲總是吸引著眾多食客的目光。這道即炒雞煲的啤酒放題，更是讓人無法抗拒。煲中的雞肉鮮嫩多汁，經過秘製醬料的調味，味道香濃，令人垂涎。每一口都能感受到香料的層次感，辣味適中，讓人一口接一口，欲罷不能。在這裡，啤酒與雞煲的搭配更是絕妙，冰涼的啤酒能有效中和雞煲的辣味，讓整體口感更加平衡。用餐環境輕鬆自在，與好友圍坐一起，共享美食，實在是享受生活的一種方式。享受到新鮮的食材，讓人回味無窮。用餐環境輕鬆自在，QR code 落單$168 無限時任食仲要免加一抵食！…Read More

灣仔有間海南雞外賣專門店，位置就係春園街。話說，我都鍾意食海南雞飯，所以就去買份外賣回家食。玻璃櫃內仲有好多款招牌小食，店舖除咗有飯類，仲有意粉、米線、沙律系列及自家製飲品買咗盒 [ 無骨海南雞飯 $55 ] 無骨雞肉嫩滑得嚟，肉質好鮮嫩，配上醬汁，更加好食。白飯粒粒分明，每一口都吸收到雞汁嘅精華，口感滑順又帶有淡淡嘅雞香，非常好味。跟飯送咗碗粟米紅蘿蔔山葯湯，鮮甜好飲另外配咗盒 [ 五香牛𦟌 $38 ]，再講講佢哋嘅五香牛𦟌，牛肉切得適中，唔會太厚，肉質緊實，牛肉更鮮味，牛展筋和肉分布均勻，好好味。呢款牛𦟌最適合搭配白飯，食落去一口接一口 配盒 [ 酸甜蘿蔔 $22 ] 一盒份量好多，酸甜蘿蔔味道清新，口感爽脆，微酸醬汁配搭脆口口感，越食越開胃…Read More

今日去灣仔行街，見到對面街有間順記，雞蛋仔同格仔餅都好吸引，即叫即整，親民價錢又抵食[ 雞蛋仔 $12 ] 外脆內軟，外層口感酥脆，好香濃嘅蛋香味，一口接一口好好食[ 格仔餅 $15 ] 口感鬆軟，外表金黃酥脆，配上牛油、煉奶、花生醬、白砂糖，口感豐富有層次[ 幸福煎餃 $10/6隻 ] 粟米豬肉餃 及 韭菜豬肉餃 各3隻，煎到金黃香脆，皮薄餡多，餡料滿滿，豬肉鮮嫩多汁，另外韭菜同豬肉都好夾，兩款都好味道[ 長洲糯米糍 - 開心果 $12 ] 外皮軟糯煙韌，內裡包住開心果碎及開心果漿餡，味道唔甜…Read More

普通點心平日就食得多啦！咁精緻又有特色嘅點心你又食過未呢！店舖位置係銅鑼灣，店門口仲有自家品牌嘅精品賣，店內環境好大，裝修仲好特別[ 一龍大滿足 ] $72：酸菜魚鳳眼餃 - 辣味十足，用咗酸菜同魚肉，味道好豐富；蟹粉菠菜香蝦餃 - 配上鮮嫩菠菜，食落有海鮮嘅鮮味；筍尖蝦餃皇 - 清甜筍尖同蝦肉好夾，餃子皮薄透；鹹蛋黃墨魚燒賣 - 食嘅時候小心爆汁，鹹蛋黃配上墨魚，口感豐富；松露野菌晶瑩餃 - 皮薄餡多，松露味好突出，餡料仲好多，食落去有驚喜；斑蘭麻蓉桃子 - 綠色壽桃造型好可愛，好香斑蘭味[ 港原味2.0燒賣拼盤 ] $72：梅菜扣肉燒賣 - 梅菜扣肉味道濃郁好味；XO醬帶子燒賣 - 香辣味令帶子更添風味，燒賣皮薄餡多；大澳蝦醬墨魚燒賣 - 墨魚配上濃郁蝦醬味，好特別；蘇薑馬友鹹魚燒賣 - 鹹魚嘅鹹香味配搭姜絲，獨特又有層次；芫荽馬蹄燒賣 - 脆口馬蹄配上芫荽，清新又不膩；香辣雞軟骨燒賣 - 爽脆雞軟骨配上香辣味，口感豐富又惹味[ 脆脆富貴紅米腸粉 $52 ] - 外層紅米皮又薄又香脆，中間用油炸條包住隻蝦，外皮層上有沙律醬，另外再配上三款醬汁，最like就係中間個款辣辣地嘅醬汁[ 龍炸拼 $78 ]：龍芋酥 - 外形似月餅，外脆內軟，咬落去有餡料，有驚喜；一口鹹水角 - 皮薄餡多，內裡包住咗餡料，口感煙韌；蘿蔔絲酥 - 外脆內嫩，一絲絲清甜蘿蔔，香脆嘅外皮；大澳蝦醬鮮魷卷 - 網紋皮炸得酥脆，鮮魷配大澳蝦醬，鹹香味濃點心後甜品就叫咗呢款 [ 宮廷桂花糕 $28 ] 玫瑰形狀嘅桂花糕好精緻，香甜可口，帶有淡淡嘅花香…Read More

牛大人 炎夏椰樂祭🌴120分鐘日本A4+黑毛和牛火鍋放題送澳洲M9和牛牛丸2粒 及 海鮮拼盤 任食鮑魚喇沙椰爺仲夏鍋辣香椰韻，濃而不膩將喇沙醬與椰漿黃金比例融合。加入鮮奶中和辣度，形成「辣中帶椰香，濃鬱不膩口」的絕營養」在慢熬過程中充分融合，既有木瓜的清妙平衡。慢火細燉過程中不斷攪拌，熱帶風情甜果香，又帶椰皇的淡雅奶香，輔以椰子肉、與台式創意完美交織，夏日涮肉更添暢快呢個主題仲推出咗多款特色小食椰酥跳跳豬在外酥內嫩的豬肉上灑上椰絲，再配搭爆炸糖，遇熱瞬間在舌尖「噼里啪啦」爆開，鹹香肉汁與甜脆糖粒碰撞出火花，配酒或單吃都過癮黃金椰絲蝦丸外層酥脆，內裡彈嫩多汁椰林山火脆薯條椰奶蓋芒芒爽濃郁椰香配搭鮮甜芒果，再加上Q 彈西米，把熱帶風暴裝進了杯子裡 ！香芋椰漿脆脆綿軟香芋遇上絲滑椰漿，再鋪一層椰肉脆片，享受三重口感推介 酒糟嫩牛舌…Read More

店舖有不同風格的串燒，包括日、泰、港、川、西、新疆、台、韓同自家製口味 "堂"，每款都各有特色。店舖特別貼心，設有串燒保溫爐，keep住串燒的溫度，保證好味！除了串燒外，還有各式蔬菜同甜品，任你選擇，滿足又豐富必點 [ 和牛棒(配松露一口飯(堂) $58 ] 免治和牛棒口感極為豐富，外層微焦，帶有一絲香脆感，內裡和牛肉質軟嫩多汁，瞬間在口中釋放出濃郁的肉香。配上松露一口飯，每一口都充滿驚喜；[ 中切鹽燒牛舌芯(日) $28 ] 牛舌的咀嚼感十足，鹽香帶出肉質的鮮甜十分之惹味的 [ 川燒蒜蓉茄子(川) $38 ] 茄子吸收了醬汁的精華，口感滑順，蒜香味十足，麻香惹味；[ 汁燒免治雞肉軟骨釀冬菇(日) $28 ] 冬菇裡面釀免治雞肉軟骨，口感鮮嫩，醬汁濃郁，搭配冬菇的鮮香，好味道[ 鹽燒雞軟骨(日) $18 ] 外脆內嫩，鹽燒味道令到軟骨更添風味，另外 [ 麻辣雞軟骨(川) $18 ] 香辣口味，刺激味蕾，好惹味；[ 惹味爽口雞腎(堂) $23 ] 鮮嫩的雞腎，爽口又惹味[ 韓燒泡菜五花腩(韓) $28 ] 五花腩半肥瘦，搭配韓式酸辣泡菜，令肉質更加鮮美；[ 七味汁燒豬大腸(堂) $24 ] 豬大腸燒得剛剛好，七味香料調味，嚼勁十足[ 牛油果豚肉卷(堂) $28 ] 外層豚肉焦香可口，牛油果口感綿密同豚肉好夾，口感豐富；[ 豚肉日本蘋果卷(日) $24 ] 蘋果清新同豚肉有強烈對比，口感獨特好特別的 [ 蟹肉芝士最中餅(堂) $48 ] 蟹肉份量好多，中間夾住芝士，再加上秘製醬汁，外脆內軟，口感鮮甜，層次豐富；[ 秘制燒羊架(彊) $48/隻 ] 外焦內嫩，燒得好香，肉質滑嫩[ 檸蜜牛油包(港) $20 ] 麵包上面放兩片牛油加上檸蜜，口感甜甜好味；[ 牛油蜜糖日本番薯條(堂) $38 ] 番薯條外脆內軟，加上牛油蜜糖的調味，甜而不膩；[ 牛油蒜蓉芝士焗雜菇(日) $42 ] 面層舖滿溶化的芝士，雜菇份量好多，蒜香味好香[ 燒芝士年糕(堂) $28 ] 年糕外脆內軟，內裡搭配芝士，口感極佳；[ 柑桔咸蛋黃卷(堂) $28 ] 口感香脆，咬落去有陣清香柑桔味，配上咸蛋黃，口感獨特飲品就點了 [ 即打芒果乳酸 $28 ] 鮮榨芒果汁香甜，配乳酸，口感清新；[ 新鮮百香果桔仔梳打 $32 ] 味道酸酸甜甜，解渴好飲…Read More