member_500490's Profile

星期五晚7點左右搵食，見裝修吸引又冇咩人就試下。當時亦看不見裏面有吧枱，職員示意我坐在近門口四人枱。門口地上放著大餐牌，沒註明時間，甫坐下職員就說那是午餐，晚市沒有的。如果如此，不明白為何過了午市還不收起，又不註明時間，感覺誤導。最後都是用散叫價叫了原本想吃的刺身丼。食到一半，有客，職員要求我轉去坐吧枱給他們入座。食物賣相好，味道正常，不算特別出色。在吧枱時看見師傅備餐時的仔細和笑容，覺得有誠意。但這個價位這個格局的居酒屋，要求人客食到一半轉位，做到好似茶餐廳或粉麵店咁，就相當反感。如果一開始安排我坐吧枱那倒沒什麼。雖然職員態度是好的，也幫我搬食物，但仍然相當反感。加茶亦是沒有，要問完再問。總括而言，雖然食物正常，位置亦就腳，但這種操作，性價比亦唔高，在元朗區這麼多選擇下，唔會再去食第二次。…Read More

之前九記麻麻地，2年幾前翻新咗之後好咗好多食物係正常茶記質素，都好食，而好份量，平日一個晚餐炒飯我可以食兩餐，但價錢係正常茶記價位，除返開好抵食係杯凍檸茶偏甜，我試過叫少甜但變咗走甜，茶味比較弱，不過呢啲都係個人口味問題，可能有人會鐘意食物種類多，早餐有薯餅揀，有辛辣麵，最鐘意係佢一次過編晒成個月的午餐餐牌，一眼睇晒，每日6款A 至F, 可以提早知道邊日有嘢啱食但最想特別一讚的是服務質素，茶記中少見店員和老闆都係非常友善有禮而又高效率，上菜快，加上環境响茶記唻講係算相當乾淨，地下唔會有食物殘渣之類係近門口位置會有蚊滋，不過這可能和餐廳位置有關，都唔關間餐廳事總之，响茶記唻講，九記係俾到幾好嘅用餐體驗…Read More

在網上媒體看過介紹，今日路過葵廣想買嘢飲，上一樓在樓梯口就看見這間mocktail 小店晚上8點幾，人流少，即叫即做5分鐘都唔駛就有得飲成個過程睇住靚仔有型mocktail 師傅點整，好似睇一場表演咁，唔知係咪因為影住呢，師傅動作好瀟灑 😎最後師傅仲悉心為佢裝扮一下然後一杯又靚又stylish 又好好飲嘅passionfruit punch 就完成啦😍師傅仲好似真係响酒吧咁講一句，‘enjoy!’我覺得呢度真係好唔似葵廣呀拎住杯mocktail 招搖過市去搭巴士都覺得自己型過人為辛苦工作的一天劃上完美句號✨️仲有唔少食肆係有心做，好需要大家支持鼓勵💪希望多啲人留港消費啦♥️…Read More

餐廳太暗，有點殘舊食物選擇還算多，有飯有粉麵有常餐點了雲吞麵，凍檸茶。食物質素 ok但女侍應們效率低之餘，又出錯出漏單，最弊係態度差感覺非常差勁。如非對面冰室人龍太長，又趕時搭車，應該不會再來，唔想食嘢要受氣。…Read More

元朗廣場新店，早前見佢裝修已經好期待初一試業，初四正式啟市果然冇失望!早食唔駛等位，就算等位，舖外面都有位可以坐著等新開張，非常乾淨，對出係豐年路輕鐵站，非常光猛舖內裝潢走文青風，我最喜歡旅行主題的那部份店內的座位多種類，卡位、普通對座位、長櫈和吧枱位都有5分鐘上菜，好好味有啲台麵店的牛肉湯底都比較油，呢度就好清，但都有濃郁牛肉味台灣麵條彈牙，花枝丸大粒爽口手拍黃瓜酸酸地亦開胃芒果綠加珠，正常size 正常味, 都唔錯整體而言非常滿意服務態度也是非常好暫時真係搵唔到缺點希望正式開張後質素保持到…Read More

防疫令下晚市只限外賣，街上冷清清，夜咗收工一個懶煮，貪佢就腳兼少人等外賣就去幫襯食咗5年，感覺係每況愈下，轉手後更差但今日的經驗係最史上最差客又唔係多，5至10分鐘先有一個客，但我一個＜上＞餐，即係生的壽司 ( ＜井＞係熟壽司) 和一個細肥牛烏冬加一杯熱柚子蜜，竟然等咗30分鐘，仲耐過堂食追咗2次單都話未有，遲過我唻的人大大盒壽司都拎得走埋了，我都未有忟忟地再追就轉頭拎出唻，個湯只係非常微溫嘅我估應該係放咗好耐然後個壽司呢? 30分鐘換來一碟咁樣的壽司 ( 見圖 ) 飯係散嘅舊吞拿魚同埋舊白色唔知咩嘅魚係不規則形狀同埋爛溶溶嘅，我即時的聯想係好似响垃圾桶執上唻嘅咁咬落去係極度唔新鮮同埋好似有"潺" 咁嘅最恐怖係附送一塊膠片响舊壽司度，好彩冇吞落肚至於職員態度，就係一如以往的差，冇期望冇失望咁嘅質素，莫講話70蚊，連17蚊都唔值。我好後悔冇去隔兩條街的另一間個名相近的和食店或者另一間大型連鎖平價迴轉壽司店度食疫市下食肆寒冬，仲要咁的質素，可能佢真係想執笠? 西菁街在這幾年來好多食肆結業，有幾間高質的都執咗，好可惜但呢一間如果再咁落去，結業係相當合理，好自為之。P.S. 我甚少打食評，因為懶，而且未曾試過寫得咁差，都算係破紀錄。讚返一樣嘢，就係今次冇上錯菜，對呢間餐廳唻講都算係好少有。…Read More

幫襯咗5年，食物味道還保持到， 而且多年沒怎麼加價，對街坊來說算是一個選擇。但服務質素多年來不見改善，無論是以前另一批人手還是現在的一批。上菜又慢又錯，無論人多還是人少都是這樣。裝修後外觀靚咗，但舖裏面的位仲係好細，尤其是在刺身櫃隔離果行位，你會睇住雪櫃底啲塵响正你隔離，就响正對眼的水平線，成日驚有曱甴响果度爬出唻，雖然暫時冇試過。總結來說，食物係唔錯嘅，但堂食真係好唔舒服。同區附近不乏其他選擇，如果想留住啲客，最好認真改善一下服務質素。…Read More

今晚是第2次在這裏吃飯受疫情影響，很少人甫坐下還未落單已送兩碗味噌湯我們兩人叫了兩個飯，兩串串燒，一碟章魚餅，兩杯凍飲即叫即做，聽著師傅响廚房烹調的聲音5-10分鐘內食物到齊，賣相和味道一樣高質飯又大碗，老闆娘還問我哋要不要添飯非常滿足的一餐，埋單只是130蚊除了性價比超高的食物之外還很喜歡這裏的環境餐廳內畫了好多日式的壁畫而且服務態度太好了真心希望這間小店能在逆市下生存下去用心經營的小店，希望大家多多支持我也一定會再幫襯的…Read More