Edward Hei Wong's Profile

係荃灣搵到間寶藏越南餐廳，性價比冇得彈！招牌火車頭湯粉一定要試，湯底用牛骨現熬,濃郁得嚟又唔會好油，飲落仲有陣香料香。粉滑溜吸晒湯汁，配埋嫩牛肉同牛丸一口落去超满足！火山排骨簡直係肉食獸嘅福音，排骨堆得好似一座小山，肉質焾到一啜就脫骨。浸在酸辣檸檬湯底入面，開胃到停唔到口，兩個人share都夠食。仲有越式法包，外皮脆卜卜，入面夾滿肉鬆扎肉同新鮮蔬菜，咬落口感好豐富。人均唔使一百，食材又夠真材實料❤️…Read More

前菜點咗一份柿餅黃金皮蛋。 兩隻流心皮蛋切開對半， 上面鋪上柿餅。 柿餅食落乾身,， 沒有絲毫苦澀味。 皮蛋晶型通透，外層口感似啫哩滑嘟嘟， 內裏流心蛋味濃鬱。 呢隻黃金皮蛋比起一般嘅廣東皮蛋冇咁強烈嘅阿蒙尼亞味道， 容易入口。 柿餅強烈嘅甜味同埋皮蛋嘅蛋味配合得啱啱好， 值得一試。發達雞鴨一品煲雞鴨一品煲非常足料， 除咗雞件同鴨件之外，仲有各式各樣嘅內臟。 有雞腸雞心雞肝鴨血， 撈埋汁送飯一流。鍾意食內臟嘅朋友不妨一試。…Read More

金糖盒海膽三文魚子日式豆腐頭盤一上嚟就喺呢一道金糖盒， 勁靚勁精緻。 餅乾盒上鋪滿海膽，三文魚籽同日式豆腐，以棉花糖墊底，再用個金邊嘅玻璃罩罩住， 形態美滿分。 一啖咬落去，三文魚籽鹹鹹香香嘅味道喺口腔中四溢，伴以海膽嘅鮮味，棉花糖嘅甜味啱啱好中和咗個鹹味，非常之好食，大推！金龍珠海膽吞拿魚蓉卷醬漬蛋黃非常之入味， 醃漬令到蛋黃味道更濃，表層更加有彈力更加厚，食起來就好似明太子一樣。喺海膽嘅鮮味同埋吞拿魚嘅魚油香氣加持下，美味值倍增！必試！戀丼 - 月見牛舌三文魚籽三文魚子鋪到滿一滿， 用隻匙羹輕輕一筆，啲魚子就滿瀉曬。 配上生蛋黃濃郁嘅蛋汁同埋醬油， 撈埋日本米， 每啖都好滿足，好食到冇得彈。 牛舌厚身，內裏倘有肉汁，都唔錯。雞皮蝦串燒另外仲試咗四串串燒。當中嘅雞皮蝦串燒最為特別。新鮮嘅大蝦外面用雞皮包裹住，大蝦嘅水分同肉汁畀雞皮緊緊鎖住， 既有雞皮嫩滑嘅口感，亦有蝦肉結實彈牙嘅質感。 雞皮嘅油香同蝦嘅鮮味完美結合， 非常好食。…Read More

餐廳位於中環h code，設有室內座位同埋露天座位。 餐廳燈光昏黃有情調，環境幽靜，啱曬情侶過嚟撐枱腳。餐廳每一日都會有一道菜做半價優惠， 非常抵食。 今日嘅半價菜式係Mojo Mussels。 雖然價錢減半，但食物絕對冇偷工減料。青口有成十幾隻， 配以濃郁嘅忌廉汁，同埋特調帶d微酸嘅白酒， 啱啱好反襯出青口嘅鮮甜味。 再加埋熱辣辣嘅薯條同埋黑糖麵包片， 非常之好食，大推！前菜鵝肝三重奏鵝肝三食用一個球體嘅器皿裝住， 好別緻。 原來個球係一個三層嘅便當盒。 三度前菜要順住次序，從最上層開始食起。 第一層係肝醬麵包， 肝醬口感細滑，味道鹹香，配以香脆淡味嘅麵包，非常開胃。中間嗰層係鵝肝配蘋果醬。 鵝肝兩面煎至金黃， 食落表面焦脆，內裏油脂豐富， 再配搭蘋果醬酸酸甜甜，非常好食。最底層係鵝肝醬燉蛋。 燉蛋有兩層，上層係啫哩口感；下層係燉蛋口感， 綿綿密密， 食落口感非常之豐富。主菜Crispy risotto cake呢個risotto非常之特別。廚師將餅做成圓餅狀， 將兩面煎香。 食落外層飯焦香脆， 再佐以雜菌同埋菠菜蓉食用，口感獨特，值得一試。…Read More

餐廳位於中環，距離地鐵站有少許遠， 不過勝在環境清幽，坐得舒服。 夜晚過嚟嗰時仲會點上蠟燭，都幾浪漫， 啱曬情侶。Dip Sampler個擺盤非常之好睇四種唔同嘅醬用四種顏色嘅瓷器載住， 好有儀式感。 四種醬都係帶少少味酸味 ， 配上薄烤餅， 食落開胃惹味。 我個人最鍾意就係乳酪嗰隻醬， 食落酸酸地又帶有牛奶本身嗰種香醇嘅奶香味。 極力推介大家點呢個菜做開胃前菜。grilled octopus八爪魚原條觸鬚上， 食落有驚喜。吸管部分脆脆可口， 觸鬚部分肉質有少少似雞肉， 食落一絲絲咁，少咗八爪魚平時覺得好韌嘅嗰種感覺， 非常特別。greek yogurt希臘乳酪味道濃郁順口， 同一般食落嘅乳酪質地好唔同， 入口就感受到佢醇厚嘅乳脂係口腔中流動， 帶有一絲天然嘅酸味。 乳酪表面淋上微甜嘅雜莓醬， 啱啱好平衡到乳酪嘅酸味。chocolate volcano朱古力熔岩蛋糕，表面淋上少去朱古力醬，以薄荷葉作為點綴， 十分精緻。 蛋糕切開瞬間，內裏嘅朱古力醬就好似岩漿一樣咁湧出嚟。 蛋糕入口即化，質地綿密。 朱古力醬嘅甜度亦恰到好處，唔會過膩， 食落感覺好幸福。Santorini' Pasta意粉酸酸地，食落幾開胃。…Read More

Wingman餐廳位於中環鬧市，裝潢走復古風格，一入去就見到一面由舊式錄音帶裝飾的牆，帶有濃厚的懷舊氣息，啱哂打卡。餐廳利用柔和的照明，營造出溫馨的氛圍，非常適合朋友放鬆吹水或家庭聚餐。店員友善專業，熱情地介紹了雞翼放題的各種選擇。上菜速度亦很快，讓我們能夠迅速享用美食。雞翼選擇眾多，有澳爾良風味，加州風味，死神辣椒,咖啡燒烤醬,中式海鮮醬,黑胡椒檸檬,蒙古燒烤,田園風味,泰式甜辣醬，以及最具特色的水牛城雞翼。每種口味都讓人垂涎欲滴，尤其係水牛城雞翼，入口酸酸辣辣，帶有一絲煙燻味道，味道令人驚艷。雞翼外皮酥脆，肉質鮮嫩，煙燻味同辣味相得益彰，令人每一啖都充滿驚喜。其他口味如蒙古燒烤同中式海鮮醬亦都不遑多讓。 蒙古燒烤有好重嘅孜然味，海鮮醬就有啲似北京填鴨嘅甜麵醬，兩者都值得一試。Wingman的雞翼放題係一個不容錯過的美食體驗，尤其係水牛城雞翼的獨特風味，令人一試難忘。無論係與好友聚餐又式者係家庭聚會，這裡都能讓人享受到美味的雞翼盛宴。推薦比所有雞翼愛好者！…Read More

德國咸豬手豬手份量幾多下，咬落皮脆肉嫰，食落帶有陣陣鹹香味。 肥肉唔多，基本上脆皮底下就係啖啖瘦肉。酸酸地嘅黑醋火箭菜沙律正好抵消咗豬手嘅油膩感。 加下點豬手仲送兩杯醉檸茶添。飲落酒味唔會話好濃烈，反而比較似檸茶，岩哂想少酌幾杯女士。炸啤酒秋葵食落有啲似天婦羅， 新鮮嘅秋葵外面裹上一層薄薄嘅炸漿。食落香脆帶啤酒味，唔會話好厚粉，內裡又juicy多汁，極力推介。炸啤酒魚柳拼薯條兩大條熱辣辣嘅魚柳，用調過味嘅啤酒炸漿裹住。 入口香口酥脆。魚柳點茄汁又得，點酸瓜醬都得。加下逢星期日至四 4 - 8PM，Follow 佢地社交平台仲可以享用指定食品 50% OFF 添呀…Read More

火鍋店位於旺角兆萬中心，地理位置方便，啱曬一班朋友聚腳。海鮮船非常之出色，好值得追加去食。 海鮮非常之生猛， 蝦有四隻，仲見到佢啲腳仔度郁下郁下。鮑魚帶子生蠔各兩隻， 鮑魚大大隻啲肉勁厚身，煮熟咗之後好爽口，唔會話好韌。 另外仲有啲魚肉同蚌肉， 每位都只係加50蚊，好抵食。極尚肥牛拼盤，有srf和牛肉，封門柳同牛小排等等， 選擇幾多，質素不俗。醬料自助吧嘅選擇非常之多， 我自己攞咗啲皇後醬再溝啲蔥油同蒜蓉， 配上肉類嚟食可以帶出肉類油脂嘅香味，非常之惹味。甜品方面，有coco berry嘅海鹽味同雲呢拿味雪糕，另外仲有啲韓國嘅雪條。 cocoberry嘅海鹽味雪糕入口鹹鹹地，後韻又帶些少甜味，幾特別。雖然甜品種類比較少，但整體仍然瑕不掩瑜， 值得嚟食。…Read More

今日路經鰂魚涌， 見到依間cafe門口貼住大大張橙味美式咖啡poster， 賣相幾好睇, 於是就入去一試。cafe內裏明亮整潔， 畀人感覺好舒服 。可惜座位唔多，僅有三個座位畀大家坐低飲杯咖啡，食下輕食咁樣。Orange Americano咖啡本身帶有微酸味，加上酸酸甜甜嘅橙味，果香同咖啡香完美融合，非常好飲。Iced Mocha朱古力味道濃郁，配上牛奶特調咖啡， 入口順滑可口。藜麥羽衣甘藍三文魚配香辣雞肉粉呢份好岩做午餐，蝴蝶粉大約半盤，有兩塊煎香咗既三文魚，另外搭配滿滿kale，非常健康。煙肉蘑菇焗薯蓉焗薯幾大份，做午餐都夠。薯蓉口感紮實，用匙羹輕輕一筆輕易離皮。蘑菇煙肉用黑胡椒簡單調味已經好香，搭配薯蓉好夾味！慢煮雞胸牛油果沙律大概五片雞胸肉，檻欖洋蔥，火箭菜另外搭配酸酸哋嘅醬汁食用， 每一啖都好開胃醒神 。碎蛋沙律牛角酥牛角酥口感酥脆，散發住淡淡嘅牛油香氣。 入面有碎蛋沙律，蕃茄同火箭菜，每一啖咬落去好滿足！北海道芝士bagel依個bagel唔止外面有層層芝士絲，切開入面仲有四方芝士粒添，外表酥脆，內裡芝味濃鬱，芝士控大愛。…Read More

韓宮位於黃埔站出口旁邊，非常之易搵。 晚飯時間唔使等好耐位， 啱曬我已知唔鍾意等位嘅懶人。醬油蟹醬油蟹肥美爆膏，蟹肉晶瑩通透， 唧少少蟹肉落去紫菜飯到，再配上豉油同生雞蛋撈勻嚟食非常之開胃韓式海鮮煎餅煎餅非常之厚身，用料充足， 既有魷魚又有蔬菜， 兩者配合起嚟口感非常之豐富，食落香脆可口，又未至於好油膩 。燒烤拼盤有豬五花,，豬頸肉，茄子，仲有雪耳。雪耳係煮糖水嗰隻，好特別， 平時燒烤拼盤好少見雪耳。 烤至香脆，食落索索聲，好過癮。兩舊芝士烤至拉絲狀， 纏係豬五花上面， 豬肉油花嘅香氣配上芝士嘅味道非常之惹味，值得一試。…Read More

見天氣凍，點咗杯熱芋頭鮮奶，微糖。杯嘢唔太大杯，飲落好稀好似溝咗水咁，有些少奶味。所幸唔太甜，又食到少許芋頭碎，不至很差。一杯承惠34蚊，值唔值得就見人見智啦。…Read More

餐廳位於炮台山，見天氣凍諗住入去食啲熱嘢，點知就中伏了。辣酒煮花螺，個汁係幾辣幾惹味，可惜螺肉咬落似橡膠，完全冇味。免治雞肉棒正正常常， 係有少少燶咗。魷魚鬚表面有少少醬汁嘅鹹味，內裏完全冇味道， 咬落仲好似咬唔斷一樣蒜蓉娃娃菜成餐最好食就係蒜蓉娃娃菜， 娃娃菜煮得夠熱夠諗又入味，推薦大家揀依個。…Read More

餐廳位於海港城，座位寬闊，燈光明亮。 平日晚市唔需要等怕太耐即可入座。Ohayo慢煮鴨胸全日早餐早餐非常豐富，有慢煮鴨胸，蕃茄切片，炸薯餅，烤大啡菇，早餐腸，煙肉，牛角包同埋茄汁焗豆。大啡菇非常之厚身， 食落啖啖肉，配埋蒜蓉醬食落好香口。火箭菜沙律落嘅唔係醋，而係蜜糖， 食落甜甜地幾特別。鴨胸肉質嫰滑，入口帶有微微嘅煙燻味，仔細嘴嚼食到少許鹹香味， 都好好食。綠茶雪山大福熱香餅熱香餅熱辣辣新鮮整好， 呈金黃色，食落好蓬鬆。外面用一層好似雪糕糯米糍嘅綠茶皮包果住，配上一啖凍冰冰嘅雲呢拿雪糕， 一冷一熱雙重享受。…Read More

餐廳地方淺窄， 坐得唔太舒服， 所幸服務員態度幾好，仲會特登攞籃畀你放下隨身物品同背囊。點咗個生滾廣島蠔豚骨湯拉麵。 面條有1.25mm幼面同埋1.5 mm中幼面兩種之分， 我要咗1.5 mm， 食落彈牙又掛湯 。蠔有四隻，粒粒都非常飽滿，肉貨鮮美。…Read More

見到佢張poster啲芝士拉哂絲勁邪惡，好似好正咁。估佢唔到中哂伏。烏冬完全冇芝士味，夾上嚟亦完全拉唔到絲，好失望。烏冬口感正常，唔會話好淋。肥牛量唔算少，整體黎講質素比大學canteen 好食。可惜價錢要八十幾蚊。…Read More