Pman's Profile

真的很久沒有食評了，最近試左呢間拉麵，本身對沾麵麻麻地，所以同朋友都係order左兩碗拉麵。本人一向是喜歡叉燒拉麵的，但一時錯手選了濃湯底，所以吃不出湯的原有味道，只是在朋友中的嘗了一口淡湯的味道，相信淡的味道才適合本人口味。這裡採用直身細麵，麵身夠"煙靭"，而且細麵能夠沾上更多湯，使拉麵味道提升，但就要快食，因為會快"淋"。叉燒是本人喜歡的，不太肥，而且肥瘦分明，食落都算JUICY。更直得一讚是溏心蛋，溏心剛好，整體甜鹹適中，好味。後面嗰碗是朋友選的大盛拉麵，顧明思義，份量多，其實是叉燒拉麵+蝦及菜天婦羅，淨睇個天婦羅都夠飽，好彩個侍應比多隻碟，可以將天婦羅分開，唔洗整"淋"晒。試左朋友的湯，比起本人的好味，所以建議第一次食的話，選淡湯會保險D。其實個天婦羅都幾好食，粉漿夠薄夠脆，熱辣辣，洋蔥夠甜多汁，只是蝦仁太少了，朋友都說這裡的拉麵OK。我們叫左一罐可樂兩個分，個侍應主動給我們兩隻杯及兩支飲管，細心服務值得一讚。可能這天我們的狀態不佳，又或者太夜，所以最終還是吃唔晒，下次不會了。…Read More

食完Cake當然想飲返杯靚咖啡，於是選了這間，其實之前已來過好幾次，試過好幾款咖啡的，本人平時較喜愛飲Latte，因為夠香滑，不過今次想試真d咖啡味道，所以揀了Black Coffee (跟奶)，很香濃的咖啡味，喝一小口已很醒神，本人覺得有少許似涼茶feel，味道很特別，然後加糖及奶，感覺完全不同，都很好喝，而最欣想的是奶都是熱的，可見老闆娘是做足功夫的；而友人則揀了iced caffe mocha，都話好好飲呢，走時還購買了包咖啡豆。最喜歡此處環境舒服同埋很relax，真的好像在家裡的感覺，還可以靜靜地欣賞老闆娘沖咖啡及煮食物，四週的擺設，如磨豆機、咖啡機、咖啡豆......足夠你欣賞同研究很長時間了。需然在喝咖啡，但仍會覺得很睏的，舒服就會這樣了。…Read More

與友人吃完麵後散步到這裡，店內沒有其他客人，可以慢慢揀餅。其實個餅櫃內的餅款式不算多，我們要左Lemon Tart 及Chocolate Truffle，本來想叫Coffee的，但見到他們的咖啡設備後便打消念頭了。我們坐在面向街的吧檯，全店只有我們兩人，所以很幽靜，一路享受甜品之餘，還可從玻璃窗中見到工場內他們工作的情況，感覺都幾得意。Lemon Tart：味道清新簡單，很香檸檬味，份量亦剛剛好，唯獨是Tart底較厚及"淋"，未能一口便咬開及未夠脆口。Chocolate Truffle：很香滑，朱古力味濃，鍾意佢不會太甜，朱古力Sponge底夠簡單直接；但本人認為裝飾如配Raspberry會更咖好。這店的西餅款式簡單，不會太花巧，味道亦很大路，不會很突出，亦不會難接受，如有時間都會再來試試其他西餅的。…Read More

是日星期四(年初八)，之前聽過這裡要等好耐的，估不到......我們大約11點到逹已見人龍，果然名不虛傳，結果等了個半鐘。在等候期間會有一張落單紙讓你先選擇口味，我揀了"豚王"並加多隻半熟蛋，但等到差不多埋位時，店員話半熟蛋已沽清(真的有點兒那個，為何半熟蛋會那麼早就沽清呢?)，只好接受現實"冇蛋食"。終於等到了，還可坐在吧檯位呢，見到2位日本師傳很努力地煮麵，等了一會兒便上菜了，碗麵外表看來不怎麼吸引，吃一口湯，很"正"夠鮮味，不知採用了什麼材料，完全可將豬骨的"騷"味完全癖除，很美味的湯底；至於麵質方面，採用了細直麵，由於等了很久，所以決定加麵，先試"硬"的，口感都算順滑彈牙，之後再試"超硬"的，反而沒有"硬"的來得彈牙，而且感覺好像還未熟似的，所以個人認為"硬"較"超硬"好吃；叉燒是用原件切片的，較為"鞋口"，但正合本人口味，因為夠瘦。不過整碗麵中，本人認為最敗筆的是蔥粒，因為沒有"啤水"，所以青蔥味大強烈，有少許影響了麵的味道，所以建議大家不用加$5選特多蔥了。服務方面都算OK，起碼店員在那繁忙的情況下都沒有黑面，還幫客人拍照。環境當然稱不上舒服了。整體來說，味道是好的，但如果要等個半鐘才吃到這碗麵，本人實在不敢再試了。…Read More

正在苦惱緊晚餐食乜之際，遇到個店員極力推介鐵板套餐，而且又唔洗等位，於是就試一試啦。我哋坐係吧枱，所以完全可以見到晒師傳的表演。我地點咗個套餐，計埋湯同前菜總共有8個菜，當中鐵板有脆肉瓜+鮮冬菇、半殼鮮帶子'、魷魚筒、蒜香牛柳及炒雜菜鳥冬。其實D材料都算幾新鮮，帶子非常鮮甜，魷魚筒亦很爽口，只是汁料略為鹹了少計，而最意想不到的是鐵板蒜香牛柳，肉質嫩滑，一D都"UN"，原來鐵板可以保留牛柳D肉汁，正!之後仲有個雜菜炒烏冬，一般冇乜特別，但賣相幾好，都算OK!食完後我哋都覺得好滿足，其實個套餐份量都算幾多，不過我地最欣賞的是師傳的表演，吃鐵板餐不只是味覺，還有視覺享受。服務方面，店員都算幾醒目，每吃完一道菜才上下一道，D師傳又會同你傾下計，見到其他客人都是笑住走的，幾好!…Read More

國慶日到處遊，累了一整天，晚上在此用膳，唔想諗就叫左個2人套餐(平日五折，假日六折)。總共有8個菜：前菜~海蜇的味道ok，但大碎了，冇乜咬口; 梅子蘋果就幾清新同開胃，只是每人得2件，唔夠喉。青紅蘿蔔老火湯~雖然幾似例湯，但沒有那程味精味，且而幾甜添!主菜黑松露蝦仁煎蛋~非常香口，蝦仁夠晒爽脆，淨食就較為鹹，配白飯食會好d。腐乳脆香雞~肉質都算嫩滑，明顯是醃過材煮的，但亦是較為濃味。上湯雙翠~即是冬瓜加小麥草，味道清淡，可中和之前嘅煎蛋同脆香雞，幾好!黃金蝦仁炒飯~飯粒較為黏口，冇少少似食緊糯米飯的感覺，味道都算ok，由於要留肚食甜品關係，我哋打包左大半碟。甜品是豆腐雪糕同香蕉布丁~兩樣的賣都是相一般，雪糕都算幾有豆腐味，仲有好似是豆腐渣的細粒，但影響了雪糕幼滑的質地，而且本人始終較為喜愛朱古力味的雪糕；香蕉布丁的味道幾新鮮，好似食緊香蕉咁，幾特別。其實見到本A-La-Carte Menu 仲有好多甜品，好似幾吸引，但實在大飽了，留待下次再試啦。服務方面，明顯地D多數都是新員工，招呼同上菜都是較為生手，好多時都要提醒才會加水。P.S. 差D被放煙花的轟轟聲嚇親! 同埋回程時真的很擠迫!…Read More

放假同朋友專程到南丫島遊一遊，行得攰攰地，回程時朋友話想試吓呢間D綠茶芝士餅，好彩我哋唔洗等好耐就有有位。我哋叫左綠茶芝士餅、芝士餅同即磨咖啡，其實2件芝士餅的賣相只是一般，但味道同質地就認真不錯。朋友較鍾意綠茶芝士餅，淡淡的綠茶味道不會搶了芝士味，而且質地很滑，有少許似布甸的感覺；至於本人則喜歡較為濃味的芝士餅，入口順滑，芝士味很濃，正！而杯即磨咖啡就不過不失，一般啦！服務方面都算OK，雖然嗰日有很多客人，但起碼沒有被催趕嘅感覺。如果有機會都會再去試其他Cake的。…Read More

星期三去左銅鑼灣行街, 見到I.T.對面新張左間叫三粥既店, 咁行過去睇下啦…原來係食粥呀,雲吞麵呀,炒粉麵飯果啲野!!!原先都唔諗住試呀啦~~見又有幾聲咳又行到攰, 就入去試下啲粥啦…我地三個人試左酸辣牛筋麵, 及第粥, 豬手同嘛蛋白燉牛奶.酸辣牛筋麵 – 牛筋好夠諗, 麵又爽口, 果汁又夠辣連嘛個麵食超正,及第粥 – 粥夠鮮甜又夠綿, 豬潤做到爽口, 豬肉丸好彈牙(可惜得一粒),豬手 – 同牛筋一樣好夠諗, 但係豬皮有啲位有毛, 蛋白燉牛奶 – 冇諗過會咁滑, 滑得黎好又牛奶味 (so so 地),食到我地三個都幾滿意, 又食到好野, 又買到好多衫, 超開心.Total : $138 ($46/px)正!…Read More

星期六熱熱地，原本打算食壽司，但經過此店突然又想食拉麵，於是轉軚，其實之前已試過呢間店，都覺得幾好食的，最鍾意佢有得揀麵，有幼麵、粗麵同芝麻麵，仲可以揀埋味濃定味淡、油量同配菜 (可以一次要2或3份溏心蛋)。我哋兩個人叫左2碗麵同2個小食，友人揀「豚肉軟骨幼麵」，而我就揀左「吉列豬扒粗麵」，2個小食 - 「燒鯖魚」、「七味豬頸肉」。我都有試豚肉軟骨，好入味，D軟骨都好淋好容易入口，配埋D湯真是一流，至於幼麵，朋友話都幾爽口幾好啦， 但我覺得粗麵較為有口感，而吉列豬扒就比我想像中好，外層炸得鬆脆，但仍保留不少肉汁，點埋個豬扒汁 (有少許梅子酸味) 仲好味，好過配沙律醬；不過我哋最鍾意的是豬骨湯底，很鮮味同飲得出豬骨的味道，飲完都唔覺得口渴。本人一向都不好豬頸肉，所以冇吃，但朋友話幾好食，幾爽口，至於燒鯖魚外表一般，但就好香口，醬汁好開胃，即得推介。食物方面就很滿意，但店內以黑紅色為主，環境較暗，枱面較細，差點兒放不下所有食物，舒服程度一般。…Read More

原本同友人到另一間caffe的, 但見到這間店的咖啡1882幾吸引, 於是就試一試呢間店, 由於食完lunch仲飽飽地, 所以只是order左2杯coffee同一個意粉share:1882---menu入面張相好吸引的, 有4 layers (chocalate, coffee, cream x 2), 但實際就只做到3 layers, 有d失望; 冇乜咖啡味, 但就好重朱古力味同"結"身, 似mocha奶昔, d cream都算幾滑Caffe Shakerato---普通凍咖啡, 朋友話味道偏淡, 但買相都幾好; 燒雞菠菜長通粉--- 味道太過單調, 如果加d果仁碎會香口d; 份量一般, 但燒雞肉就薄如紙, 不合比例同冇乜口感, 好似淨係食通粉, 只有買相較為可取總括來說呢間店的coffee同食物的買相都幾好, 只是今次的味道偏淡唔係咁啱本人; 服務同環境方面, 可能當時客人唔多, 只有3-4枱客人, 所以都坐得舒服. 有機會會再來試其他coffee同食物 …Read More

之前係試過尖沙咀嗰間，都OK的，但經過今次經驗後，對呢間食肆實在很失望。我哋兩個人，夜晚7點半去到，由於未滿人，所以環境都算OK，我哋食咗6樣嘢:鴨舌：冇乜味薰魚麵：薰魚竟然有鯹味，同埋凍冰冰，不好吃皮蛋豆腐：普通，都只不過用百X豆腐，欠缺誠意桂花酒釀丸子：桂花味幾香，但D丸子似溶緊嘅粉團，冇口感，同埋太甜芝麻大餅：是當日唯一可推介的，但由於很飽所以食唔晒，要打包，第二日叮番來食都OK，只是油了一點小籠包：本來是最期望的菜式，但見到小籠包個樣之後就......D皮厚到好似棉胎咁，最弊係未熟透，仲見到D白色粉狀，於是問經理，佢話佢哋有指定時間來蒸，話冇問題喎(但D皮咁厚都用同樣指定時間，實在有點兒兒戲)，不過佢話(感覺不到有誠意)如果我哋要求都可以幫我哋換過，但係做法仍然是一樣的，嘅然這樣，我哋就咁算啦，因為我哋見到隔離枱D小籠包都係一樣。服務一般，解決不到我哋問題，同埋問佢D嘢係到帶我哋遊花園。如果製作小籠包方面仍然是這樣的話，我諗都係冇下次了。…Read More

天氣開始凍，想食D又飽肚又暖胃嘅嘢，於是食左呢間D拉麵。本來想食豬扒拉麵，但見到粟米拉麵有隻溏心蛋好吸引，於是就轉軚了。拉麵麵質一般，偏諗唔夠爽滑，口感一般；湯底都算夠濃，但唔知點解豬骨湯底會有魚味；由於本人唔鍾意吃肥肉，所以覺得D叉燒偏肥，仲有太薄同太細塊；最值得一讚是那隻溏心蛋，真係幾溏心，至於其他配料都OK，以三十幾蚊來講，呢碗都算合格。本人覺得係香港食日式拉麵，只會吃到香港式的日式拉麵，就算係好出名嗰D都只不過係較為似。由於係FOOD COURT關係，所以冇服務可言，但我哋坐係佢哋隔離專用2個高椅位就好似有D怪，因為有好多人係背後行來行去，好唔自然。…Read More

星期日同友人掃完貨，大約9:00PM見到板長門口唔多人等，終於可以一試。我哋主攻壽司，食咗枝豆、三文魚、三文魚腩、墨魚、甜蝦、帶子、三文魚籽、劍魚腩、芝士飛魚籽、海膽......其他唔記得。壽司飯Size幾適中，剛剛可以一口吃掉，唔洗一路食一路跌飯；d魚生都幾鮮甜，應該d貨都流轉得幾快，但係嗰日d海膽就麻麻地，可以不試，其實呢間真係好過好多迴轉壽司。最欣賞係佢哋可以一件件叫，鍾意食乜就食乜，唔洗理人。可能嗰日咁繞有枱貴賓啦，因為食食吓，D樓面唔係好理我哋，後期叫D野食物要吹幾次先有，不過都算啦，因為都坐得幾舒服，同友人可以慢慢傾。…Read More