bibi_yu's Profile

　　最近愛上韓國料理，故此去到那裡都拎韓國餐廳，今天來到旺角新世紀，就選擇在ＫｉｍＣｈｅｅ午餐，但是失望了…相信不會再去第２次了！海鮮炸醬麵：雖然味道和之前在尖沙咀那些韓國小餐廳吃到的味道差不多，可是材料卻差得遠，就連一條肉絲也好像沒有，而且麵條又煮得太軟身，感覺就更加快變成一團團了。炒辣年糕：第一問題是連我們本身不會吃辣的人都覺得不夠辣；第二是翠玉瓜比年糕的份量還要多，第三雖然炒年糕不需要年糕很軟身，但是也不需要硬到好像只是隨便炒兩下的口感吧。…Read More

　　　與表姐去書城逛完之後，天氣熱又口渴，所以走黎呢度坐低飲杯野解下暑先，表姐飲過香港個間，佢話雖然計落條數價錢差不多，但係估唔到大陸分店會比香港更出色，就連入飲管，員工都係用狹去入，唔會用手插落去杯飲品度。珍珠奶茶：表姐飲既，細細粒既珍珠好有咬感，而且奶同茶的份量分配適中，因為大陸既奶茶普遍都係奶多過茶架。中國話梅冰茶：我就揀左呢杯，一飲落去真係好爽，而且兩種味道好Ｍａｔｃｈ，仲有少少冰極感覺，杯底真係有一粒話梅浸住，完全係好岩係夏天飲，令人回味。…Read More

　　　幾年前曾經光顧過一次，是日晚上提早慶祝媽咪節，所以訂定位置食晚飯，點知去到都係要等十分鐘左右先有位，但係已經比冇訂位既人快好多架啦，估唔到咁多年黎都仲係成日排長龍囉，又難怪既～因為食物食準真係保持得好好，甚至於比幾年前食個陣覺得好味道，唔知係咪太耐冇食所以先有咁既感覺啦，總算有完美既一餐媽咪節晚餐。　美味燻魚　（最正）　雞絲粉皮　無錫蟹殼黄燒餅　（都唔錯）　蜜汁烤雙方　鱔糊炒拉麵　（呢個好食，不過亦好油）結帳二百幾蚊，三個人食其實都唔算貴架啦。…Read More

　　　　　　　其實我係另一間分店度買，不過由於Openrice未有資料，所以就打係旺角分店。　　呢兩日返工行經，入去買左兩種口味既瑞士卷做早餐，香芋味 同 綠茶味都好吃，因為食既時候覺得唔會太甜，早餐食得太甜個人都覺得唔舒服啦，而且蛋糕質感軟硬適中，唔會死實實咁，比起”嘉Ｘ”個d size大條，都只係賣$6.50，算係抵食架啦！…Read More

綠茶益力多 ~ 友人比左張可以free一杯既輕鬆飲優惠券 , 所以晚上經過個陣見到隔左幾間舖位開左新分店 , 而且又無咩人排隊所以就換左先 , 平時條人龍閒閒地都要等幾個字時間先排到架嘛 , 飲完第一啖既感覺好重益力多味道 , 不過當係口入面停留多一陣就會feel到淡淡綠茶清香回甘味道 , 同埋本身益力多要酸d先好飲 , 所以揀少糖就夠。…Read More

　　　　我簡直覺得呢間野既人係想趕客 , 糖水同飲品買相唔掂加上又唔好食都算啦 , 見到幾個侍應生對住客人既面口態度 , 完全令到客人好無奈...宜家有人得罪哂佢地咩???有禮貌咁問佢地拎用具 , 但係換來既係黑口黑面木無表情既冷淡反應 , 咁唔想做既咪唔好做囉...我地比錢去唔係受氣架...連糖水都唔駛食就已經食佢地d黑面食飽囉 , 係我地唔好彩丫定係唔識欣賞???點解會有咁多笑臉呢...真係百思不得其解...…Read More

　　星期日難得一家人都會好早就係屋企 , 所以去KFC買左個多重滋味桶套餐 , $99入面有6件3隻款式既家鄉雞﹑一盒巴西雞粒﹑一盒薯格﹑兩個飯同埋三杯汽水 , 聽落就好似好多野食咁 , 不過當買左返屋企之後4個人分黎食既話原來係唔夠飽架 , 如果係一心諗住用黎當晚餐就實會好快肚餓 , 不過下午茶既話都仲可以 , 我最唔滿意係服務生將所有炸野都放係同一個盒度 , 好混亂囉。…Read More

　　晚上與友人既想聊天又想食宵夜 , 行下行下就揀左呢間清吧坐低 , 位置舒服唔會太多人混雜 , 可以有足夠空間慢慢傾下近況心事。 焗白汁蜆肉意粉 ~ 好香既白汁同芝士溝埋一齊 , 而且食落去意粉軟硬度岩岩好 , 啖啖都會食到有蜆肉 , 唔錯!!!飲品係士多啤梨橙雞尾酒 , 士多啤梨味道比酒味更重 , 所以好岩唔係好識飲酒既人。 焗芝士薯皮 ~ 份量雖然多 , 不過唔知點解越食越令人開胃 , 其實唔係特別好食 , 餡料同出面整法一樣都係芝士加肉醬 , 而且仲有d偏油 , 不過薯仔迷既我一樣可以食幾件 , 哈哈~~~好彩點左杯西柚汁飲 , 可以沖淡一下。…Read More

　　睇到下面食家話麥包有沙 , 即刻令我諗起琴日食緊係Citysuper買既一條燕麥條個陣都發現入面有一條好細既鐵線 , 差d嘔返哂出黎 , 最衰冇得去退返錢啦!!! 果占曲奇 $3.50 ~ 自從屋企樓下既茶餐廳冇再賣之後 , 我就已經好耐冇食過大大塊果占曲奇 , 其他麵包店都係得大塊得朱古力曲奇賣 , 剛巧lunch time行過見到呢間比較舊式麵包店 , 所以諗住入去碰下運氣 , 終於有啦...好開心咁買左幾塊返公司食 , 雖然一定唔會好似名店所賣個d曲奇咁重牛油味道同鬆化 , 不過我就偏愛呢種食落去令人每一啖都有傳統既感覺 , 哈哈~~~或者係我比較懷舊啦…Read More

芝士軟法包 $10 ~ 雖然唔係好多芝士舖係面 , 不過有一陣好香既芝士味道 , 食落去麵包好彈牙同埋咸咸地咁 , 又唔會淋到成團粉咁 , 而且份量好大一個可以分成早餐同下午茶個陣食。 煙囪西餅 $7 ~ 上次試左美心既煙囪餅 , 今晚一於食下皇后既出品 , 因為見到其他人既評價都幾好 , 結果冇令我失望 , 貴係貴左少少 , 但係味道的確好食 , 就算面頊有好多糖粉亦唔會太甜 , 只係奇怪在點解令件西餅上面都有一點黑色呢??? …Read More

　　放工之前臨時朋友話要請客所以出黎聚餐 , 沙田可以食壽司既餐廳真係唔多 , 峰壽司又成日都咁多人排隊 , 唯有退而求其次黎左呢間食啦 , 點知依舊係令我失望... 三文魚壽司 甜蛋壽司 - 第一次拎過黎個碟塊蛋爛哂又細 , 即刻要佢換過第2碟 火炙鰻魚壽司 北寄貝壽司 長腳蟹捧壽司 腐皮壽司 - 同想像中感覺唔同 , 偏甜 火炙鵝肝壽司 - 燒得幾好又夠香 飛魚子軍艦 海膽軍艦 加洲卷 - 未見過咁細size囉 軟殼蟹卷 鰻魚卷 三文魚魚子卷 三文魚刺身 X 2 - 比起壽司個塊三文魚肥美好多 山海派海綿雞蛋　　今晚呢餐結果只係食左朋友 $374 都唔算好貴 , 因為開頭仲怕要成 $400幾蚊先埋到單走人 , 唔係特別好食但係點解外面仲有咁多人排隊既呢???真係唔明白呀...…Read More

提子麥包 $10 ~ 一包有6小個 , 本身仲滿心歡喜咁買黎做早餐 , 因為不嬲都好鐘意麥包個種甜甜地 , 點知拎左一個黎食之後真係超級失望 , 麵包淡而無咋 , 而且又好乾身 , 一搣出黎就散到周圍係碎 , 最後我都放棄左冇食到...下次都係寧願係返樓下麵包店買個大麥包食仲好呀 , 又平又好食。…Read More

　　　　三五知己相約晚餐必定要食好野 , 因為工作辛苦至在搵黎食丫嘛 , 所以又點可以委屈自己去食一d又貴又唔好味道既餐廳呢 , 雖然係街市上面聚餐並唔特別舒服浪漫 , 勝在食物質素同價錢係超值先 , 往往都唔會令人失望而回。 鐵板煎蠔仔蛋餅 ~ 真係好正好好食 , 蠔仔份量岩岩好 , Size大隻又鮮甜 , 只可惜蛋比較老同多油左少少。 馬拉盞炒通菜 ~ 食到有陣怪味 , 又唔係咸又唔係辣。 生蝦刺身 ~ 新鮮但係份量太少。 蒜泥炒蝦 ~ 蝦身脆d就更加好食。…Read More

　　雖然一開始已經唔掩有任何期望黎呢度食晚餐 , 不過亦冇預到會失望成咁 , 除左服務態度係比較OK之外食物簡直不知所謂 , 影響哂意大利菜既形象 , 食完所點既野食之後即刻就離座走人 , 坐多一陣都唔想...　　如果其他食家會想去試菜 , 記得唔好挽有期望 , 咁樣可能會冇咁失望既。…Read More

　　無論咩時候人都總要食野黎比力量自己 , 儘管係面臨離別既日子都同友人入黎食返幾碟壽司 , 至少可以令自己暫時忘記不捨既心情 , 平時出街就算食日本野都唔會諗起<元氣> , 皆因Tower 1冇其他選擇所以就揀左呢間 , 雖然款式唔多價錢又唔係特別便宜 , 味道總算不過不失 , 又可以慢慢食唔駛同人迫。 三文魚壽司 太卷(材料係玉子、蟹棒、青瓜) 玉子壽司 北寄貝沙律軍艦 $9 帆立貝壽司 $9 秋刀魚壽司 元氣卷(最正係入面舊芝士)　　兩個人岩岩好飽都只需要每人$70左右 , 以晚餐既價錢黎講已經算係好抵。…Read More