yylovehing's Profile

深水埗嘅鵝公館，$10一碗例湯，個阿姐不例湯嘅時候，兜口兜面同佢講話要淨水，睬都唔睬你，照不多多湯渣俾你，之後我強調同佢講我要淨水，另外一個阿姐話，得啦得啦，不多咗俾你，啲態度極差，滷水大腸正常貨色，個鵝紅鹹到苦，食一啖放棄咗，個鴨舌咸到頂唔順，食咗四條就放棄咗，個例湯鹹到一定要送白飯，7:00開飯，到而家凌晨1:30，我喉嚨仲係好鹹，飲咗幾支水了。出啲咁嘅貨色咁嘅服務態度，絕對唔會再幫襯。…Read More

幫襯咗好多好多次，每次都同佢講清楚，我要兩隻太陽蛋另上，因為佢哋自選食物，佢哋一定係底嗰隻蛋係全熟，面嗰隻蛋先係半生熟，佢哋有兩個老闆娘，有兩個應該係後生啲嘅女仔係親戚，次次佢哋都會同廚房講清楚，因為佢哋另外一個老闆娘，好鍾意游魂，我嗰次都同佢講清楚，跟住後來又係出全熟蛋，我就同另外一個老闆娘講，跟住個老闆娘就喺度發爛渣，話我點嘅反蛋，我咪即刻同佢講，我幾時講過我要反蛋，我成日嚟幫襯，一個禮拜最少一次，你唔係唔記得呀？跟住屈我個老闆娘即刻唔出聲，即係佢哋嘅全熟蛋，後來聽到另外一個落錯單嘅老闆娘，同嗰個好野蠻嘅老闆娘講，佢真係講咗唔要全熟蛋，自己做錯嘢，仲要屈返啲熟客仔，貼錢買難受。…Read More

喺網上見到有人介紹過新開張，今次經過大角咀，就過嚟試吓個下午茶，食物擺上台賣相唔錯，雞湯底濃郁得嚟唔鹹，米線煮得啱啱好，有少少咬口，無過淋，最值得一讚嘅係啲雞，實肉得黎好重雞味，食得出係高質素嘅雞肉，呢啲質素係大角咀一定企得住，做到熟客，肯用靚嘅食材，先至係宜家食市嘅主流。涼拌萵筍就不過不失咁啦⋯⋯🤣新裝修環境企理乾淨，老闆都幾有禮貌，下次會再試下佢哋啲辣野。😋雖然呢度無奶茶咖啡飲，不過佢啲罐裝飲品都有糖同無糖選擇。…Read More

環境光線食物都好有水準，嘅一間有機中式料理。環境比較寧靜，絕對係一個朋友相聚嘅理想地點。起左骨嘅桂花魚，配上軟清淡嘅芡汁，可以保留到魚嘅鮮甜味，烹煮時間啱啱好，好滑溜!麻辣魷魚，又係一道有驚喜嘅小食。中式牛肉夾包，白色嘅夾包好柔軟，牛肉唔鞋口保存到肉汁。飲品方面亦都相當有創意，建議向店員介紹有乜好飲?當晚我點咗一個陳皮粥飲品，出嚟效果相當有驚喜，用一個中式碗盛住調酒，裡面仲有一塊陳皮，飲嘅時候，要溝埋匙羹上嘅蘭香子。感覺真係好似食緊粥咁，相當有趣!…Read More

海膽新鮮又無苦味(約288元)，魚生都幾新鮮(約128元)，紅章魚日式沙律唔錯(約78元)。啲位都坐得幾舒服 ，同佢地反應話，第一次食到咸到苦嘅一夜乾(約198蚊)，仲要係廚師推介，佢地回應話一定係咸架喎。好似當我哋係傻仔，從來未食過一夜乾咁。。。。最後太咸食唔到，打包食淨嗰半條， 明天當咸魚送粥。一支300ml清酒(約198元)，兩個人埋單一共食咗926蚊，都唔覺自己食到啲乜嘢? 因為回應嘅態度問題，唔會再有下次幫襯。。。。…Read More

個駌鴦湯底好濃郁好好味，有D好香濃嘅藥材同香料味道。雙拼滑都好食，其他食材都好新鮮，反而牛肉賣相幾好，食落去就覺得普通。裝修幾有特色，坐位亦坐得幾舒適。坐位少最好打電話訂枱先。…Read More

我最愛嘅白子，今年終於返黎，食第一淡有一種好幸福嘅感覺呀！😂試埋A5近江牛，自己逐片即燒即食，油脂分佈均勻，入口即溶。再加多件皇牌炸雞。超正!分店比總店鋪面積大D，冷氣又大D。(PS 白子係季節性食品，春夏天無得食架!)…Read More

鵝肝超嫩滑，好似豆腐咁，夾起時要筷子同匙羹並用。每晚好快賣曬。薄殼好少地方有得食。鵝片肉質柔軟，普寧豆醬炒通菜豆漿偏少，可要求多豆漿。整體味道唔錯，唯獨係淋上碟嘅鹵水汁偏咸，建議分開上。地方唔算細，可惜擺位少，好早就坐滿客，最好打電話訂位先。…Read More

泡飯專門店做泡飯當然會有一定水準，我覺得最好食係辣肉蠔仔泡飯，其次蕃茄薯仔湯底都唔錯。反而佢推介嘅雙魚泡飯就一般般。紅油炒手蒜香香氣撲鼻，未食已經贏左半條街，味道比煎餃子好食。其實煎餃子味道都唔差。位置極多人流，如果唔趕時間，可以選擇非繁忙時間去食。…Read More

主餐會員價278蚊食得過，原價398蚊就一定唔值，蟹腳同燒豬骨都唔錯，羊扒唔算係上等貨式，唔夠柔軟。反而新菜式燒雞芒果沙津(138蚊)，味道酸酸甜甜唔錯，塊雞扒上枱時仲係熱，唔會太乾身，可以一試。終於都係鍾情星期五六日，先有嘅燒牛肉。其次係牛柳餐。…Read More

每次黎唔係食麻油雞，就係薑母鴨。不過我覺得雞好食D，個啖湯真係好正。52蚊包一碗白飯。麻油雞同薑母鴨湯底幾乎一樣，超濃香米酒味。鴨肉比較韌難咬開，雞又多一層麻油香味。份量不少，建議少飯不浪費。唯一麻煩之處係，美食廣場人流非常多，十分難搵位。…Read More

改左餐牌後，更加好食左。先講餐湯，改良版嘅蘑菇湯，加左好多如米一樣size 嘅蘑菇小粒，口感非常豐富。菜絲沙律改左做甘藍沙律，清新爽口。仲俾我發現到有一個新套餐，原價398，會員價278。裡面好多野食，下次一定要試…Read More

水餃海蜇墨魚餅重點推介，炸水餃細細粒香脆可口不過火，煎新鮮墨魚餅彈牙，少油少粉重墨魚鮮味。即叫即做，人多可能要等耐少少。78蚊價錢又唔貴。蝦醬通菜要求多蝦醬，大澳本地蝦醬少咸蝦味濃。一上枱即香氣四溢。55蚊大大碟，同其他餐館相比接近兩倍份量。小炒王唔夠乾身同惹味，可以試其他菜式。環境大排檔格局，位置比較逼夾，但招呼都差 。…Read More

朋友帶我去左灣仔分店食，第一次食到咁好味嘅牛骨湯窩，湯底香濃味美，窩裡面好多野食，有牛什、牛腩、 蘿蔔同連少少筋同肉嘅牛骨(268蚊)。花雕豬腦同外面做法不同，先輕微 焯熟豬腦定型，再浸花雕酒(48蚊)。口感如花雕味嘅鵝肝。牛舌選用新鮮貨無雪味，肉質牛味重富彈性(188蚊)。個湯底令我著迷，一定會再有下次。…Read More

幫襯左Outback超過 兩三年，大部份時間都係食佢地星期五、六同日先有嘅燒牛肉，其實佢地日日都有嘅煎牛扒都幾好食，不過唔想食太熟牛扒嘅朋友，記得叮囑服務員，提醒不能超過自己要求嘅程度，燒牛肉都係要提醒，否則有可能會過熟。佢地嘅燒牛肉真係一絕，肉汁豐富，塊燒牛肉又滑又有牛肉香味。如果要食三成熟燒牛肉嘅朋友，一定要七點前到同落單，因為舊牛肉會因為熱住，所以只會越來越熟。佢地個黑糖麵包，會每枱都會送一條，超級好食，佢地自家造，又軟又香甜。唔夠可以再叫佢地比你，可以免費添加的，服裝員又好nice ，所以係一個值得去好多次嘅扒房。…Read More