rainc's Profile

我食午餐，預咗食物種類比晚餐少很多。但估不到衛生很差，我坐在雪糕櫃旁，面對飲品機，而水果在最角落位。也不知是那種食物引來很多小飛蚊，一不留意，竟在咖啡內泡浴而自調雞尾酒，個人覺得很浪費，因有幾種酒和果汁放埋一齊，標籤是英文，冇標注解釋是甚麼酒，也沒有介紹怎樣調配，純是讓客人胡亂倒在一起，到取回枱上，覺得不好飲就整杯收走，太浪費。建議可專人調製給客人品嚐，反正甜品區有兩三個職員長駐，也可只給小杯，合口感再去取。另外是用OR訂座2位有5折，臨時友人不能到，已打電話想問節扣是否照舊，可惜可能繁忙，冇人聽電話；到入座後再詢問職員，他也不知，要再轉問才被告知只有85折。…Read More

食物味道唔錯。但職員兼顧不佳，想添水，示意咗好耐都冇職員留意到。當時有3個職員，1位主力門口，只望外邊；2位站在出菜位，但佢哋前面有櫃遮擋視線，我所坐梳化位稍遠，我可望到她們，但她們唔望我這邊。最唔明就係，餐廳感覺係乾淨嘅，但就有一隻大烏蠅，在餐枱旁飛嚟飛去。其實籬笆隔離就係大家樂，嗰度咪仲多食物，點解隻烏蠅唔飛過去嘅呢？…Read More

購買預付劵$294已包加一。有刺身,凍海鮮,沙律,芝士,熱葷有黑松露小雲吞,炒蝦仁, 青咖哩羊髀,燒汁有骨小豬髀等,即切牛肉,即燒蒜蓉生蠔, 蟲草花湯,蘑菇湯,帶子蝦粥,機制小pancake,tiramisu,麵包布甸,幾款一口蛋糕,芒果西米露,水果,任飲咖啡或茶。全部味道很好，性價比很高！但碗碟餐具非常污糟，枱上的較剪沒有洗乾淨，還有疑似蝦殼附著。水杯內外都有很多水漬，個別還有小白色異物；盛湯的碗根本沒有洗乾淨。]室內沒有冷氣，只喺雪糕櫃旁有一台大型吹風機，整晚留住汗進食。]]我諗要到冬天才會再幫襯！…Read More

之前食過晚餐，牛扒好好食，諗住試吓午餐，原來午餐冇牛扒，只有火腿扒，但好嚡唔好食；生炒排骨大浸雪味。水杯同碗碟仍有水漬。客人唔多，但冇人收碟。尾段仲有兩位清潔阿姐喺度鬧交！唔會再去喇。…Read More

牛扒勁正，鮮嫩有肉汁，食完馬上encore，仲要係厚切，真係我食過咁多間酒店中最好食嘅牛扒。可惜羊架太嫩，略嫌有啲生，不是我喜愛口感，但都可以嘅。其他食品一般，叉燒好硬、嚡，非戰之罪，現時的叉燒普遍都是用瘦肉來燒，沒有以前的口感。但生炒排骨真係好差，一陣雪藏味，入口即吐啃唔落呀！同場有火煱食，肥牛都好靚，係個湯底很淡口，我已揀麻辣湯，不麻好少辣味；另有雞湯，我冇試。有火焰雪山表演，我沒出去睇；以為會每人派一份(其他酒店做法)，原來不出去係冇得食嘅好在後來有女侍應推住車仔，一路行一路問有冇人食朱古力火鍋，即舉手話食，佢就拎個朱古力火鍋過嚟點火，想沾甚麼來食就自己出去取回來。想食麵包有烘機，搵勻全場冇牛油，問廚師取，等咗好耐，廚師係喺廚房用匙羹拎咗一羹仔牛油出嚟畀我。還有水杯同碗碟都有水漬，明顯係洗完沒弄乾，最離譜是取食物時，手指感覺很怪，提高食物碟發現碟底有食物殘渣，即時同廚師反映，但已很倒胃口。經OP有45折，係抵食嘅，希望衛生可改善啦！…Read More

一段在OP購買預付劵是最平選擇；但我發現灣景廳自己做優惠價兼免加一，比OP的預付劵更平。但因已預付全費，惟有食貴飯另外建議該餐廳更換新枱，因枱面黐立立，湯碗放下後竟被黐住，想再取起時會將湯濺出。…Read More

準時到達餐廳，先取一碟熱食，賣相正常。跟住去取刺身，見到啲刺身顏色很灰淡，問咗切刺身嘅女師傅有冇油甘，佢話有我至點咗油甘，三文，吞拿。佢即切三文正常，但跟住切很灰淡嘅話係吞拿，淡黃嘅話係油甘；我已覺得很怪，詢問阿姐啲刺身同平時食開很不同，阿姐答我冇俾錯，係啲魚唔同品種(我估佢意思係唔同鄉下啩)，我諗應該係我見識少，佢做得刺身師傅冇理由咁普通嘅刺身都會俾錯。跟住我後面嘅客人都係點油甘，阿姐又係俾啲淡黃色嘅，但該客人好肯定話那些是䲞魚，而灰淡嘅至係油甘；跟住阿姐笑住答，話佢忙睇錯唧。佢又真係幾忙嘅，仲要睇埋隔離個麵檔。我第三輪去淥菜時，點咗菜同幾種丸類，佢就笑住話即係要晒喇；我即刻同佢講我冇點嗰啲妳唔好俾我呀，我唔想嘥嘢呀！佢又同我後面啲客傾偈，話呢間餐廳好抵食，佢走幾間酒店，連四季佢都有做！第四輪攞多一次刺身，阿姐又好熱情咁話俾啲厚切我，但佢係逆切，個樣好特別，後來佢又要忙菜檔，換咗另一個男師傅切，啲刺身似樣好多。另外啲碗碟好污糟，成嚿㕑餘黐喺碟底，碗內有污漬。而之前淥嗰碗丸隻碗底可能裂咗滲水，枱面濕晒，好在我冇要湯，只係淥完菜有少少水喺碗內，惟有用餐紙抹番再墊住隻碗，如果唔係啲刀叉濕晒好難用。本來有問侍應多取紙巾，但好耐都冇攞嚟，咁我又搵問多一次，今次個侍應可能急我所急，竟然攞起我取定嗰碟甜品，將擺喺碟下面嘅紙巾攞出嚟俾我用另一奇葩係個經理，七點就要人埋單，我個手袋放喺枱對面櫈，諗住食埋枱上食物至起身攞手袋，但個經理五分鐘內催咗三次埋單！雖然餐廳呢輪做緊55折，但用餐體驗唔開心，唔會介紹俾朋友。…Read More

環境很舒服，但像快餐店一樣要先買票，食物會送到位。服務員很有禮貌，會建議客人先坐下揀選食物，再去收銀買票。不過個人覺得要走來走去很麻煩，不如先讓客人買票才落座較好。點了早餐：黑毛豬羅宋湯通粉，跟多士炒蛋，飲品是熱柚子蜜；買票時已告知飲品要甜啲，及多士要牛油。但送來時，柚子蜜很淡味，要請服務員再加蜜。另牛油竟是人造牛油，不是真牛油或植物牛油，跟餐廳的裝修風格完全不搭，人造牛油放在多士上係唔溶㗎！炒蛋又很咸。真心地方很舒適，但食物不吸引。…Read More

下午5點半在取位機按咗1位，機正常出號票。咁等咗一陣，叫到我號碼，到櫃檯取位時，女職員說一個人食要另加收50元！如果唔想做1個人生意，咁取位機唔好有1位票取；或在門口餐牌上註明要加錢都得（其他食店都做到呢兩點）！喺呢到食，就算食最平餐，1人消費連加一，起碼都要成300元，俾多嗰50元，如果一早知道我冇問題；但要客人等咗好耐，錯過去其他食店攞位機會，焗住俾你舖屈加錢至有飯食！真係好唔高興，明俾人烚！所以我唔幫襯。落樓下其他食店，都使咗二佰幾。…Read More

晚上七點喺荃灣福來邨附近做完嘢想食晚餐，經open rice查到有一小時串燒任食，雖然喺爵悅庭嗰邊，距離都好遠，但我係食肉獸，都想去試吓。網上優惠只係寫$50任食串燒一小時，冇註明消費要求。去到餐廳都差唔多八點，見到原來係酒吧，我仲係第一個客，都諗到會要叫嘢飲。果然係咁，佢吔俾個iPad點嘢飲，其實我只想食嘢，所以只叫杯冇酒精飲品，同埋想叫嘢食；點知個職員話冇得自己揀，佢哋係豬牛羊鷄四款一套，會陸續送嚟，而我點嘅冇酒精嗰兩款都冇，惟有叫咗杯得小小酒嘅鷄尾酒，個職員原來就係調酒師，佢好好人話幫我落少啲酒。跟住有個女職員擺低一籃蝦片。當時開始有幾枱客入坐，到蝦片差唔多食晒，杯雞尾酒至到，可能因唔係原本調法，結果杯飲品冇乜味道。期間個女職員好忙咁落單，個調酒師好忙咁調酒，我就好肚餓咁玩住手機係咁等。望勻全場只係得隔籬嗰枱有嘢食，我估會唔會個靚女太忙送錯枱呢？咁就問吓個靚女，佢梗係話冇送錯，係人吔叫咗先。但明明我係第一個客，而隔離嗰枱係第三四左右到。問完冇幾耐終於等到第一碟四串嘅串燒-睇到有人由門口送入嚟，佢哋轉碟送埋嚟。真係啱啱燒好，啲串燒好熱，好好食。不過食完又係咁等，等咗好耐都冇第二輪食，惟有再問吓個靚女，佢話啲串燒唔係佢吔整，係喺隔離舖頭燒好送嚟，佢吔都控制唔到。咁我問都差唔多一個鐘，我只係食得4串肉，咁點算任食呀？佢就答到夠鐘會盡量安排俾啲嘢我食，平均都會食到三套。到九點佢哋終於又送來一碟共八串肉，啲串燒熱辣辣，好好味。不過擺低碟肉，跟住佢吔就擺低張單叫結帳。飲品$88，蝦片$28，一小時任食串燒$50，連加一$172。坐咗個幾鐘，飲咗一杯嘢，食咗一籃蝦片，十二串肉，同我諗嘅任食差好遠。之前試過open rice訂枱，同區另有差唔多嘅舖，話食兩個鐘，但冇趕客，坐咗三個鐘，真係任飲（有汽水，啤酒，清酒）任食（有串燒肉，有燒蔬菜，有火鍋）。啲串燒味道係好，但我可以去隔離舖食唧，唔使喺呢間搭酒搭蝦片，所以試過就算喇。…Read More

有免費橙汁飲，但啲水杯好多污漬，係喺杯裏面，而杯外又模模糊糊。我真係自己洗過隻杯至敢用。很多碟有水漬，唔知係生水定滾水，直接擺食物唔知有冇感染。食物枱上的夾具被弄污，侍應生冇經常檢查，到客人取用時弄到滿手醬汁。…Read More

食物種類極少，味道一般。但其中個鱈魚酥勁咸，冇法硬食。惟一好處是點心係逐粒叫，飯麵都係按人數一碗一人量，一定冇得浪費。我叫咗兩碗蟹肉羹(即係兩碗仔)，食物已送到枱前，佢都驚我食唔晒，將一碗收番入工作枱，只俾一碗給我，等食完問佢攞至俾埋另一碗。尖沙咀收$168，本來好低食，原來魔鬼在細節，另收茶錢$25位，都接受到，最唔明係一般前菜小食都係一碟仔花生，酸菜唧，佢哋就放咗籃蝦片喺枱面，係西餐廳嗰種麵包籃，一籃蝦片量咁多，點算餐前小食呀！仲要收$29！加埋茶錢成$54，得於個放題嘅三份一囉。試過就算喇，反正仲有好多地方做點心放題👹…Read More

在網上見到set lunch有很多好評，專誠去品嘗。入門先經Mina House，獲告知已不做甜品放題。到餐廳入坐，室內冷氣比室外還要凍，要馬上加穿外套及要求一杯熱水，詢問職員(該職員喺穿著厚外套加長頸巾)的答案：怕天花的出風口會有倒汗水滴下，故特意開大空調，但今天室外溫度只有14°-16°！而送來杯水的確係熱水，但想飲用時，見到杯底有金屬碎，向同一職員提出要更換，係有換過另一杯熱水，但一直都沒有為此事致歉，一句聲都冇出。點餐時已發覺餐價由$198變成$208，想食餐後甜品要加$38。既然專誠嚟食，冇理由不試大家都讚不絕口嘅照燒汁M3牛扒餐；先上餐湯同麵包，係提子包同合桃包，可能啲麵包一早切定一片片，邊皮好硬好韌(聽到鄰枱客人要求換啲軟麵包，職員好倔咁話:今日得呢兩種包咁個客人就話要喇)；跟住上主菜，牛扒擺碟幾靚，同食評啲相差唔多，但口感一般，略嚡唔夠juice；個要加錢嘅Tiramisu喺就咁擺喺碟上，不是傳統放在玻璃杯內，味道唔錯，但外觀就見人見智，讚嘅話好特色新潮，接受唔到嘅覺得賣相一坨X。餐茶點咗cappuccino，拉花一般，但隻匙羹好污糟，我都冇心情投訴或更換囉，自己抹乾淨就算。到結帳時，才知個牛扒要再加$28(離開後翻查11月27日有食客上載個餐牌，牛扒同甜品喺唔使加錢㗎！)，就係咁帶住咁多失望完成呢一餐咯！…Read More