rice11's Profile

平時去深水埗都係行黃金果邊多，再唔係就去西九龍廣場，點知原來車房果邊居然都有隱世美食😱呢間supreme steak&grill就係其中一間入面環境幾闊落，一來坐得舒服，二來依家疫情重未完，坐鬆d個人都安心d呀佢份menu係brunch menu黎，款式都幾多下本身朋友想試下春雞，點知冇貨最尾就點左一份和牛漢堡同一份叉燒丼飯叉燒丼飯睇落同平時燒味叉燒飯差唔多咁，但其實內有乾坤首先隻温泉蛋真係好流心😂比平時出面食到既更偏生少少，岩晒我口味😍其次就係d叉燒，話就話叫叉燒，但其實係烤西班牙豬肉，一咬入口就feel到d肉汁鎖晒係入面，配合埋佢用半肥瘦既豬肉，口感更加有層次，唔會有咬橡筋既感覺之後就係和牛漢堡，表面睇落冇乜特別，但一拎上手咬一啖就知到有幾juicy 層和牛超厚😍😍😍除左夠足料，佢重好有牛味，如果冇左d蕃茄既話就應該會好漏😂野飲叫左汽水同凍啡，個凍啡有得自己調味，非常細心除左個brunch menu，佢重有呢個牛排餐提供，有無限薯條野飲refill，岩晒同朋友坐低傾計食個飯👍🏻…Read More

平時泰國菜都係食下冬蔭功，炒金邊粉。去完船皇，先知原來都有泰式湯麵🤤鋪頭係厚福街行到最入既右手邊，好昜搵Menu如上，湯麵選擇唔多，得4款。我就揀左一份船皇湯麵，朋友就要左1號既豬肉湯麵船皇湯麵加5蚊就有得將d餸升級做和牛，泰式和牛？😂之後重有4款麵可以揀，最尾我就要左蛋麵，朋友就揀米粉朋友份豬肉湯麵黎到先，d豬肉同豬肉丸都幾多，首先試左啖湯頭，一入口就覺得好鮮甜，一d油既感覺都冇。之後試左一下豬肉同肉丸，豬肉雖然好明顯有一層肥膏，但係食落去又唔會好肥膩，而肉丸就幾彈牙。之後試左右邊果舊蝦片，超級脆口🤙🏻我個和牛船皇湯麵隨後就到。一望落去，其實有d似越式生牛肉河粉。d牛特登冇煮到全熟，一食落口就覺得好重肉味，配合埋個湯底，d和牛真係食到停唔到😂之後我分別試左一舊半生熟同一舊全熟，味道上好明顯係半生熟再優勝d😋另外我重叫左青檸梳打，一入口就係滿滿清涼既感覺，夏天飲真係perfect match之後我地重叫左一份牛舌，個汁偏甜，同平時食開日式鹽燒牛舌截然不同，但係都非常好食之後隨心影左一d餐牌，希望下次幫襯可以試下😃…Read More

住大西北如果想飲夜茶，通常都會去元朗飲，但係原來屯門紅橋都有一間隱世點心鋪 — 凝香居鋪頭位於井財街中段，搭輕鐵可以係景峰花園行落去，行大約5分鐘左右。如果揸車都一樣好方便，附近有幾個錶位停車場，大把位泊👍🏻開朝早11點收第2朝7點，基本上宵夜想飲茶都可以幫襯點心選擇非常多，最尾揀左呢幾樣🤤北菇滑雞飯個兜好大😂d雞亦都比得好爽手，飯我鐘意佢夠乾身，倒埋鼓油落去就口感一流👍🏻蒜蓉蝦春卷平時春卷好少會mix蒜蓉，所以一入口覺得呢個配搭幾新穎，而入面d蝦亦都好彈牙小籠包平時飲夜茶好少有小籠包食，所以見有就即刻落一籠，水準不俗，入面湯汁好多，如果麵皮再薄d就重好。排骨半肥瘦，芋頭底，又夠油，撈埋落個雞飯食就100分👍🏻👍🏻因為冇珍珠雞，所以老闆比左糯米雞我，入面幾足料，如果有粒蛋黃就滿分啦燒賣就不過不失腸粉又係值得推介，皮又薄又滑，入面勁多蝦🤤…Read More

今時今日龍門冰室都算係非常出名，其他分店都間唔中會幫襯，唯獨係龍門居呢一間真係冇乜機會幫襯，真係咁岩去間呢一頭先會入到黎試下☺️龍門居d鋪頭集中晒係樓下條路度，所以好易就搵到。𣎴過鋪位同其他分店既size差好遠，入到去坐低已經見到d侍應同客人都熟落咁吹水，明顯係做街坊生意既格局。呢排因為疫情，都知道龍門有自設工作室整下抗疫用品。是日午餐餐牌，我果日就揀左吉豬烏冬，而朋友就係餐牌揀左個麵餐烏冬一上碟就見到好足料，塊吉豬夠厚身又大大塊，烏冬色水夠深，肯定夠晒味🤤果然不出所料，好食到停唔到口朋友個麵餐就係五香肉丁辛辣麵，辣x辣，見到碗麵我都流汗😂朋友comment話肉丁好多，麵就偏硬身，岩晒佢口味👍🏻個麵餐重會跟一份牛奶咸牛肉玉子燒，我試左一啖，d蛋滑到不得了，配埋大量咸牛肉，直頭係王牌美食😍至於多士亦都好好，有得配奶醬多，好有心機😍野飲就叫左凍奶茶同凍檸茶食完唔多夠飽，所以叫多2份小食，蜜糖雞翼同薯蓉青口。2樣質素都好高，不過我個人鐘意雞翼多d，因為青口下面d薯蓉真係齋薯蓉😂如果多返少少配料會更高分最尾見到重有真普糭賣，當然要支持下👍🏻👍🏻👍🏻…Read More

真係估唔到屯門原來都港式扒房，地點唔算近市中心，如果有揸車會方便d👍🏻餐廳位置係商場入面，外面睇落幾普通，不過入到去個裝修都幾靚估唔到扒房都有bar枱😂Menu款式好多，最尾叫左份豬扒配司華力腸，同埋一份帆立貝海鮮焗意粉餐包係蒜茸法包，烘得非常脆口😊羅宋湯好足料，配菜好多，成碗肉同薯仔😂味道偏酸，非常開胃上菜好港式，放低鐵板係枱面再倒汁，jar jar聲😂豬扒好大塊，塞滿晒成塊鐵板，亦都好好味，又淋又juicy👍🏻至於司華力腸亦都好高質，同薯條一樣炸得好鬼死香口成份鐵板既性價比真係相當高至於海鮮焗意粉，賣相都相當𣎴俗，面頭海鮮相當多，而下面意粉亦都份量好多，如果落多d白汁會重好。餐飲當然都好大杯😂甜品亦都係港式雪米滋👍🏻👍🏻…Read More

如果係大西北食日本野，9成9都會去元朗食，不過朋友話佢屋企附近都有檔唔錯，於是就跟佢去試下鋪頭位置好方便，輕鐵站落車，行入商場入面就係，門面睇落唔算好大間，但係入到去先發現原來別有洞天好多食肆都會因為疫情而整左唔同款式既口罩袋，呢款設計得幾有特別午市menu黎講都幾多選擇，價錢就比普通食肆高少少。最後朋友決定叫個雞扒定食，我就叫左個壽司盛配迷你牛肉烏冬，另外就叫多一份餃子麵豉湯同平時日本餐廳飲到既差唔多茶碗蒸入面好足料，同埋d蛋好滑之後黎左個迷你牛肉烏冬，其實一d都唔迷你😱牛肉幾靚，偏瘦多肉少脂肪，好重肉味。烏冬同平時超市買pack好左既一包份量差唔多，好足料，味道都唔錯😂真係同人講個餐主菜係呢碗烏冬都有人信👍🏻呢個壽司盛先係主菜，賣相都幾好，當中最鐘意就係帶子壽司，大大隻放入口鮮甜到爆😍如果左上角換埋做牡丹蝦就好啦之後到朋友個雞扒定食，望落就冇我份壽司盛配烏冬咁吸引，但係食落其實都唔差，雞扒超級juicy又大塊，不過碗飯太大碗，如果細返d就好好多餃子亦都相當大份😂唔步係包到好大舊，入面d配料都真係塞到好滿，食完真係好滿足😂唯一問題係舊餃子太大舊，好難點到個汁…Read More

平時去開元朗食板燒牛肉，原來屯門都有，重要係新墟，夠晒方便位置好開揚，非常易搵，係新墟街市斜對面呢排疫情嚴重，重有做醫護優惠，真係良心小店👍🏻鋪頭唔算大，但係座位排得唔密，走廊都有一定空間，出入都好舒服去到岩岩過左lunch hour，得返下午茶menu，不過選擇都唔少，最尾我點左一份牛小排板燒set，小食揀左雞軟骨首先送左個麵鼓湯，不過不失話咁快成set定食就上枱，牛肉6塊，下午荼黎講份量都合理，碗飯就唔係白飯，上面加左d飯素石板燒最開心就係煮飯仔時間😂D牛肉質素其實唔錯，我比較鐘意食生d既牛，燒完出黎夠晒juicy，配埋佢個自製醬汁，話咁快就食晒d牛雞軟骨炸得好香口，重有小小辣，份量都唔少👍🏻食完個set，見重未飽，叫多份小食，唐揚炸雞x八爪魚丸，佢d炸物真係幾出色，唔會炸到太乾身👍🏻重有其他時段既menu，選擇都比下午茶menu多👍🏻…Read More

前排聽朋友講起，先知道原來chef stage由雞地搬左鋪去富達廣場果邊，以前舊鋪淨係試過個午餐，質素非常高。今日同朋友經過附近，於是就去幫襯下😍新鋪大過舊鋪好多，同埋多左好多室外坐位，每張枱都有獨立風扇，重係牆身裝埋個勾仔比客人勾住狗帶，方便帶狗既客人，非常細心😍入面裝修都好有格調🤙🏻Menu大約6,7頁，編幅所限，所以淨係將有落單既食物果幾頁upload上黎另外，餐廳重有提供set dinner 首先上枱既係餐包，餐包分3款，手拎住既係提子包，筒內上方係法包，筒內右邊既係棒棒。3款包都有唔同口感，提子包稍甜，法包就脆口，棒棒就偏咸。當中我最欣賞既係棒棒，本身都咸咸地，再配埋後面果兜沙律醬，味道上比另外2款更濃郁👍🏻👍🏻沙律我地點左一份凱撒沙律，呢盤凱撒沙律非常足料，唔似坊間d餐廳就咁將沙律醬倒落d菜就算數😍雞肉好嫩滑，煙肉好香口，中間d芝士配埋麵包糠越食越開胃，糖心蛋亦都唔會太熟，完全feel到廚師既誠意😍第一份Main dish係龍蝦尾配薯仔蘆筍。龍蝦尾焗得岩岩好，爽口得黎又juicy，最有心思係廚師將龍蝦肉拆埋殼，但係個殼重可以保持原型，好出色👍🏻另外，伴碟一d都唔馬虎，薯仔好重香草味，蘆筍都好香口另外一份main dish就係墨汁帶子蝦意粉。上面2款海鮮唔多講，好好食。最驚喜係下面d墨魚汁，真係未食過咁creamy既墨魚汁，完全展視廚師既功架👍🏻👍🏻👍🏻😍最尾點左兩杯餐飲，上面係朱古力，下面係mocha。朱古力不過不失，而個mocha真係令人驚喜。佢唔似平時咖啡店咁直接將咖啡同朱古力溝好，而係將咖啡雪成咖啡磚，再放入去杯朱古力入面，所以飲落去就好有層次，初頭似飲朱古力，再慢慢有一陣陣咖啡味，之後搞均杯野再變返mocha既味道，真係非常有心思😍…Read More

平時元朗食野都係去西菁街又新街雞地果邊，對面果邊就好少去，今日咁岩去果邊搭小巴順便食少少野，就發現左呢間餃子店鋪頭係水車館街，廚房用大玻璃隔住，對正街外，話比街坊知即日包餃，貨真價實👍🏻堂食餃子款式好多，價錢都算親民，不過每份餃子數量唔多，早餐下午茶黎食就岩岩好，午餐就窄使左少少😂入到去首先叫左一份白菜鮮肉餃。一上枱第一感覺就係d餃子帳卜卜，好足料👍🏻一入口，入面d菜保持到爽口既口感，d豬肉都好彈牙，最出色既係個皮夠薄😍另外，佢重送左個粉葛豬骨湯比我，個湯清淡左d，不過既然標榜冇味精，清淡d健康d都可以接受👍🏻之後叫多份韭菜煎餃，一食落口就好鐘意，佢個皮唔會好油，同埋佢入面超多韭菜，岩晒我呢d韭菜控😍食食下見到牆身有個咸蛋蝦餃，平時真係未見過，於是叫黎試下，發覺真係好高質，入面個涵同煎餃差唔多，但係個皮好似食緊咸蛋魚皮咁不過睇樣就知好鬼邪惡，一次食3舊真係極限最尾埋單走人見到有得買外賣餃子，下次打邊爐可以試下…Read More

佐敦食午餐唔係太多選擇，紅茶係我地比較常幫襯既一間，等位時間短，食物種類多，價錢合理係佢最大既吸引力。今日叫左個常餐豬扒通粉配多士同炒蛋，塊豬扒好大塊，就咁食完塊豬扒其實都已經飽左一半，通粉個湯係好濃郁既豬骨湯，好夠味。不過個人覺得塊豬扒另上可能會更加好，因為煎完都幾油下，浸左係碗粉到搞到Ｄ湯底都油埋。炒蛋有好香既蛋黃味，而且有少少流心，火喉控制得唔錯。朋友叫左午市套餐蒜蓉雜扒配薯菜，雜扒係牛＋豬扒，薯菜係焗薯，Ｄ扒好大塊，成碟野勁大碟，賣相同味道都唔錯，都幾驚喜！焗薯都好好食，不過女仔食的話應該會食唔晒。跟餐有餐湯同野飲，咁豐富既午餐連埋野飲先＄５０，仲要唔洗加１。野飲方面叫左係出面比較少見既熱杏霜，跟餐唔洗加錢，佢沖得都幾杰，睇得出落左好多杏仁粉，飲落同出面Ｄ中式糖水鋪賣開既二三十蚊杏仁茶差唔多味，非常推介。…Read More

好多人ＳＨＡＲＥ元朗呢間手繪飲品杯既台式飲品，網上見到Ｄ畫畫得唔錯，所以特登過黎買杯野飲。去到已經有７—８個人係到等緊野飲，收銀到寫住因為用新鮮材料所以製作需時，一杯要等４５分鐘，原來要咁耐覺得好震驚。不過好彩佢隔離有一個商場，可以俾人一路嘆冷氣，一路等。杯上面既畫係唔可以指定既，最後叫左抹茶鮮奶，然後去左隔離行街。行到咁上下番去睇下，點知都仲未到我，等多十幾分鐘先有，即係足足要６０分鐘先整完，我果杯畫左喬巴。雖然真係等好耐，不過飲落都真係飲得出佢係用新鮮材料。…Read More

疫情開始左之後好耐冇去過郊遊，難得呢排情況穩定番，即刻約左朋友帶埋Ｄ狗狗去大美督活動下。一早計劃好郊遊完要去附近ＢＢＱ，上網見到呢間燒烤場評價唔錯，食物種類多，重點係可以帶大狗入去，仲要好闊絡下，於是就訂左台。去到原來個場仲可以免費泊車，有超大個停車場！價錢＄１７８一位，加＄５０開爐費，野飲加＄２０仲可以無限飲，燒３粒鐘，帶狗入場唔會另外收費，算係咁啦。每張台都有一份調味料同燒烤工具，好正。而每張台都會送硯，大蝦，菠蘿，香蕉一份，其他野食就任食，有牛，豬，雞肉呢Ｄ係基本野，我最中意食佢個雞軟骨，同原條茄子！熟食就有燒賣同魚蛋。講真佢Ｄ食物算衛生，全部都一串串整好晒，仲有專人係到睇住入去拎野食既客有冇帶口罩。最後我地個個都食到好飽同好滿意咁走，如果下次去大美督玩都會幫襯佢。…Read More

天氣炎熱，食完晚飯自然想食Ｄ涼浸浸既甜品降下溫，呢個時候糖水就係一個非常之好既選擇！呢間嘆甜品平時經過得多，次次都好多人等緊位，今晚都唔例外，所以我地決定都係買外賣番屋企食快D。睇餐牌.，中西甜品都好齊，仲有好多款小食可以揀，岩晒我呢Ｄ口痕痕喜歡食宵夜既人。睇黎睇去，最後揀左２碗糖水＆２隻小食糖水-芒果小丸子加蜂蜜水晶：第１次食蜂蜜水晶，感覺好似食緊蜂蜜味既啫哩，不過就冇啫哩咁林，幾好咬口；小丸子有勁多，有一半食唔晒要放棄，再食埋Ｄ芒果肉真係好飽。-芒果涼粉芒果汁底：朋友話個茫果汁底唔夠甜同唔夠杰，涼粉就正正常常小食-炸雞翼：超香口，好脆又夠辣，配埋Ｄ凍野飲好夾-炸雞軟骨：份量略少，味道幾好，炸得好脆…Read More

宵夜之選真係非百利來莫屬，呢到主要賣炸既小食，不過佢個翅都係皇牌，如果遲少少去都未必有得食。以下係我既心水小食：雞肉翅炸龍蝦丸炸雞軟骨魚肉釀冬菇炸單骨雞翼佢既炸野真係非常之脆，不過食完就會好熱氣，可以買佢地自製既果汁解一解，個人推介蘋果桃。…Read More

唔知點解我特別中意係大熱天時打冷，由其想食Ｄ鹵水野！一路都知雞地一帶有間潮州打冷，擇日不如撞日，就今日去試一試味。環境同ＹＯＨＯ好近，幾就腳，入面隔局似茶餐廳，冇咩特別。門口都有幾張枱可能坐，怕熱既我揀左室內食物鹵水拼盤：墨魚拼大腸，墨魚好彈牙又俾得多，點埋Ｄ辣椒油一齊食好正，口感同味道都好好，大腸不過不失。韭菜豬紅：豬紅浸得好入味，份量都多，韭菜一向都唔會食埋所以唔知好唔好味蠔仔肉碎粥：Ｄ蠔仔幾大粒下，而且好鮮，出面有Ｄ蠔仔肉碎粥太少湯好快吸到乾晒，但佢飯同湯比例岩岩好辣子雞：可以改善，Ｄ雞炸得唔夠乾身，味亦唔係好夠，但雞件份量好多，而且斬得偏大舊，我地２個人食直頭食唔晒要拎走服務員工幾積極，有事叫佢都好快會處理價錢２個人食左３百蚊，唔算貴亦唔係話好平，正常價…Read More