Chiaki3110's Profile

這間餐館位於尖沙咀柯士甸道的新建築「戲曲中心」內，開業不到半年，較少為人知。正在頭痛找地方給媽媽賀生辰，所以便來試試這間新餐館、順道參觀一下這座戲曲中心。由於我們的晚飯人數有八人，所以我還是預早致電訂座，但當晚的現場實況其實是頗冷清的，也許是閑日的關係，所以即使是walk in也沒有關係。就座後，我姪女很快便發現枱面不乾淨，對於一間新餐館來說，衛生是應該很着重的、尤其是當生意這麼冷清的時候...而服務員倒是有點過分殷勤的建議菜式，也沒有為我們衡量一下份量會否過多、感覺有點hard sell，我們並不想浪費食物、所以後來我們是強迫自己地吃完的。招牌片皮鴨 ⭐️⭐️⭐️⭐️⭐️新鮮即燒、好吃燒味雙拼 ⭐️⭐️⭐️⭐️⭐️半肥瘦叉燒、燒腩肉也很好吃鴛鴦胡椒焗蝦 ⭐️⭐️⭐️⭐️很香的胡椒味肉餅蒸蟹圈 ⭐️⭐️⭐️⭐️打卡食品、滿滿的蟹膏雜菌蒜片炒牛柳粒 ⭐️⭐️⭐️⭐️⭐️意料之外的好吃上湯浸時蔬 ⭐️⭐️⭐️⭐️壽包 ⭐️⭐️⭐️⭐️分量很大、夠八個人分…Read More

辛苦得來志在食，返工辛苦、係時候要搵朋友出嚟食下飯、舒緩一下。今晚忽然之間好想食鴨髀，於是乎出咗中環、呢間法國餐廳。老實講，上一次朋友食飯過嚟時，印象最深刻嘅就係隻鴨髀、記得上次叫咗份牛，medium rare都鞋颯颯。所以我今次專誠係為鴨髀而來嘅😎見到個餐牌有青口、心思思叫咗嚟食，賣相幾好但食落淡茂茂，好失望。跟住到主角出場，終於食到、我諗左成日嘅鴨髀，好彩佢冇令我失望，依然都係咁皮脆肉軟又多汁，下面幾塊薯仔有啲油，不過由於鴨髀令我嘅滿足、大大超越了嗰幾塊薯仔，我認為可以接受。朋友叫咗份牛、我試咗一啖，感受同上次一樣，所以我建議大家都係食返鴨髀😉…Read More

話說我其中一隻鐵腳好想食牛，而另一隻鐵腳又唔食牛，所以我哋經常帶着矛盾去食飯，喺全能嘅IG見到有人post foodporn，樣子吸引、而且仲有其他嘢食，所以我哋決定試一試。叫咗個Gaucho platter，分別有三種唔同嘅牛部位，有rumb steak、fillet同skirt，味道以咁嘅價錢同份量來講算係幾唔錯，另外我哋仲叫咗大量配菜，個蘑菇同菠菜亦十分出色。而唔食牛嘅鐵腳就叫咗個魚，味道普通（同埋我唔記得咗影相🙈）。…Read More

公司出咗bonus，誠邀兩位鐵腳去happy share、開心下。諗來諗去都唔知食乜，經過Pottinger hotel、諗起有間意大利餐廳好耐冇食，於是乎一行三人決定喺度晚餐。記得第一次來嘅時候、間餐廳開咗無幾耐，距離而家都有成三四年。👇🏻對上一次去嘅時候係食早餐，但眨吓眼、已經差不多兩年。早餐都幾抵食、百零蚊，但好豐富。入返正題，原來今晚有人包左場，所以我哋只能夠選擇坐喺外邊飲嘢位置用膳，我哋無乜所謂，但點知原來張枱勁細⋯⋯🙈咁啱我個friend坐正喺張枱嘅角落頭，當個waiter擺完餐具之後、場面勁搞笑，淨係見到一堆刀叉堆滿喺我個friend 面前、冇晒位，都唔知佢點食嘢😂我哋每人叫咗一個set dinner、三個course，有湯、有appetiser同一個Main course。跟住上主菜，slow cooked beef cheek，慢煮得嚟好入味、同埋好tender，有啲根分佈喺裏面、煙煙un un咁，好似食緊啲collagen咁😋最後，嘆返杯飯後茶同甜點，開開心心又一晚，今晚人少少、勝在輕鬆自在🤗…Read More

朋友介紹，放假嚟到西環呢間新餐廳食個lunch，hea下、Relax下。呢間餐廳嘅設計、格局開掦，每一個角落嘅擺設都好有味道。坐低叫咗個set lunch，頭盤揀咗個baby spinach 沙律，有紅菜頭、蕃茄仔同埋一啲芝士碎喺面，全部野加埋唔可以稱之為好食、但勝在用材新鮮，as 係今日食第一餐嘅我、清清地都唔錯。主菜我揀咗個Spicy Seafood Stew配多士，裏邊有蝦、有魚同魷魚，食唔出spicy嘅部份、但有稍為略鹹嘅蕃茄source。作為主菜呢個portion有啲細，男士一定唔夠飽。甜品係Banana cake配Vanilla ice cream，cake本身有啲硬、香蕉味亦唔突出。最後order左一杯Cappuccino，同朋友傾吓計、消磨下時間。咖啡我唔太識品賞，但so far都幾香滑。總結：可以抱着平常心態嚟試，$108＋10%有三個course，環境又幾好、地方夠大、光線又充足，確實係一個可以Hea嘅地方。…Read More

之前間中都有喺度飲下嘢，但就從未試過喺度食飯，成日喺IG度見到人哋post佢哋Lobster Mac & Cheese嘅相、實在係好吸引🤤話說龍蝦同芝士都係我嘅大愛，剛好知道Super Monday有同佢地合作、主菜buy 2 get 1 free，而咁啱星期一又約咗啲鐡腳食飯，喺機不可失嘅情況底下，自然要嚟試一試佢、了咗我個心願。佢哋有兩層，主要係6樓飲嘢、5樓食飯，地方唔算好大、但裝潢漂亮。我地商量左一陣、決定叫四個主菜俾我哋三個人share。首先上嘅係黑蚊蚊嘅麵包，嚟嘅時候仲暖暖地，麵包夠鬆軟、個source夠creamy，配埋嚟食幾滋味。有朋友見到張相就問我係咩名堂？我答佢係麵包、但佢竟然追問我個麵包名，我點知喎😅於是乎我就答佢「呢個應該係叫bread-on-the-house」😆我哋order咗幾杯Cocktail，成支鮮奶咁嘅係Mexican Ribbon、朋友叫嘅，唔記得咗問佢咩味🙈，而成個土著咁嘅係London Fogcutter、配埋啲青蘋果片食住嚟飲都幾refreshing。呢個Slow Cooked嘅Beef Cheek係唔on Menu嘅，個醬汁都幾特別、食到有紫蘇葉喺入邊，「面珠燈」煮到好林、但我expect應該同時會有啲煮林咗嘅筋夾雜一起，整體上係幾好食嘅、但唯獨口感有啲齋。Double Bone Iberico Pork Chop黑毛豬扒，我哋叫咗cook medium、肉質啱啱好，少少甜甜地、加埋啲配菜酸酸地好開胃😋Lobster Mac & Cheese主角嚟啦～期待已久😈通粉會放喺一磚車呔咁大嘅芝士上面加熱、混和，務求令每一粒通粉嘅內外都充斥著芝士，Hmmm🤤侍應提醒我地要快啲食、因為啲芝士會凍得好快。至於龍蝦，爽口彈牙、愛好者如我永遠嫌少不嫌多，呢個組合簡直係comfort food之選，食完真係覺得好滿足。Smoked Salmon Carbonara同樣地喺個車呔上面碌呀碌，但由於本身Carbonara裏面有Bacon同埋煙三文魚，所以令到成碟意粉更加野味，好食到連條脷仔都想吞埋。總結：係一個好地方同朋友聚會，坐得舒服、嘢好飲、嘢好食。會想試埋其他菜式、但當然都係會揀返Super Monday嚟幫襯啦🤗…Read More