Wan_Wan's Profile

經常到大埔食晚餐, 但一直都沒有留意這間小店... 喺出名雞肶店附近... 於7點前入座, 店內只有廿個位...7點左右, 已經漸漸滿座... 侍應遞上tablet, 係是日晚餐... $9x-$13x... 我地就揀左兩個dinner set... 南瓜忌廉湯 很濃, 感覺是有南瓜絲, 陣陣南瓜香... 餐包係熱嘅, 對我個人黎絕對加分我地另外跟餐加左份白酒忌廉青口, 沒有行貨... 早知佢比咁多醬汁, 應該留返個包黎沾主菜1: 黑松露蟹肉露筍意大利飯 成個飯好香, 好夠味, 飯嘅軟硬適中... 主菜2: 紐西蘭西冷扒配薯菜 最有驚喜的..好難遇到我心目中嘅7成熟...通常都係overcook...外層微焦, 切開牛扒仲有少少粉紅, 好juicy 仲要配我至愛粗薯條... 伴碟嘅沙律菜一d都唔馬虎, 配左個開胃醬汁 最後order左凍檸茶... 這餐很滿足這樣的質素 免加一... 是有誠意嘅餐廳吧... 侍應仲會不時留意食客需唔需要加水... 我嘅大埔餐廳list又多左一個選擇了 :)…Read More

友人生日飯...就她選了港島區...不過真係穩秘到...行過左都唔察覺入到去, 簡約的裝潢, 每枱之間都不會太逼...Order左3個set, 生日wo, 豪d要升級轉蟹肉南瓜湯 同黑松露菌忌廉湯 兩個湯都濃郁 只係比較大碗除左湯 仲會跟蒜蓉包 同 沙律 ... 我地想試多幾款小食 於是升級 要鵝肝配焦糖酒醋藍莓 同埋 大蝦占米多 個人覺得'混醬'的大蝦比鵝肝 更出色 很惹味黑松露麵包蟹意大利飯 很特別的一道菜 我地見到menu已經好想試 雖然佢睇落去好似唔係好大 原來愈食愈有 好有蟹味燒羊架 份量都好大 個人覺得濃味左d BBQ烤辣味西班牙豬肋骨 嘩 都係好足份量 烤得好惹味 個薯條都好香脆 以它的份量真係好滿足 當中亦有驚喜嘅 好適合三五知己開心share:)…Read More

朋友約派手信⋯選擇encore呢間cafe⋯喜歡它藏於一間酒店內，不易被察覺，令到多人的油麻地增添了一處聚腳好地方3人行, 每人order左一個set黎share先送上 美味嘅羅宋湯 + 香脆嘅蒜蓉包 三文魚扒伴珍寶帶子 三文魚皮煎得香脆 三文魚沒有overcooked 帶子亦都好鮮味朋友愛吃羊架 每次見到都必點 只有少少騷味 熟得剛剛好 又好入味 仲分到每人一件 真好今晚最期待的龍蝦 真係好大隻 仲啖啖肉 有好友一齊分享 好滿足要提返 就算佢d配菜一d都唔馬虎 尤其d牛油焗薯仔粒粒雖然佢d set嘅分量真係令人好滿足 但點都要食甜品嘅唯有3人share份心太軟啦... 呢d先叫做為這一餐畫上完美的句號 :)…Read More

又係約姊妹淘傾心事嘅時候⋯傾偈最怕趕交枱⋯search到呢間又冇限時又方便大家嘅⋯雖然位於內街，但地鐵站一出地面就係啦⋯:)order左兩個set dinner 黎share再加個小食蒜蓉包香脆, 羅宋湯都好濃郁呀:)牛油大蜆就唔係跟set嘅, 份量比預期中少, 但味道係好味嘅main course 香辣蒜片蝦墨魚麵 很惹味 蝦都爽口另一main course 比目魚配燴雜菜 這件比目魚煮得很嫩滑 配埋個汁好醒胃girl's talk 點少得甜品cheese cake 嘅芝士味令人好滿足, 朱古力蛋糕嘅朱古力味都好rich, 反而件tiramisu就比下去了:(同朋友相聚梗係唔想趕住食又趕住走... 又渡過了悠閒愉快的晚上:)…Read More

朋友生日想食韓燒…於是揀左間比較有特式嘅…雖然都是圓型嘅燒烤枱加可儲物嘅椅的韓式design…但他最特別就係每張枱上面都有個熨斗烤板 一開始侍應先送上前菜，胡椒湯及蛋漿配料order左食物之後，侍應就開爐倒蛋漿可自行加泡菜/芝士/粟米咩都想order嘅就最好order套餐…我地order左熨斗烤壓套餐，包左磚頭五花腩，牛肩脾肉，一口雪花牛，調味豬皮及M9霜降西冷熨斗烤板終於出場啦這樣壓著，可以平均受熱，燒到外層焦香的，好味他們當然有提供生菜包住啲肉黎食另一驚喜就係個芝士排骨…初時只係一心諗係食拉絲芝士…點知一上枱…有舊紫薯喺旁邊…仲以為係伴碟…原來係會mix落啲芝士度ga…成件事令啲芝士冇咁膩…更擊中了我地呢啲紫薯&芝士迷最後，友人生日…我地當然有帶埋蛋糕給她驚喜…但我地估唔到餐廳上蛋糕嘅時候，會點上花火般嘅蠟燭及播出韓文生日歌…滿足的一餐:)…Read More

悠閒嘅週末加上姊妹淘相聚…甜品當然不可缺少啦今次揀左位於旺角黑布街嘅next station dessert…全落地玻璃,由外面望入去…木系嘅設計…一邊係高檯,旁邊係寫滿粉筆字嘅黑板,介紹著甜品…另一邊就係平時嘅檯…不擠逼…感覺很舒適…係relax嘅好地方…接過menu…甜品款式都很多 … 有signature嘅test tab, cheese tart, 各式嘅慕絲,窩夫,拿破崙…我地當中有綠茶控,紫薯控及朱古力控…我地喺menu入面都揾到自己嘅target紫薯窩夫…淡淡嘅紫薯香…窩夫很鬆軟…份量都十足…它們有配上楓糖醬,朱古力醬及雲尼拿雪糕…我偏向配雪糕…因為唔會蓋過紫薯及窩夫嘅味道綠茶心太軟…一切開…wow…很濃嘅綠茶醬湧出…很香綠茶味綠茶與紅豆永遠都係最夾:)暖朱古力慕絲…很豐富嘅一杯面層係朱古力慕絲配士多啤梨雪人,下層仲有雜莓及brownie…莓味中和左朱古力嘅甜…以至不會太膩芒果拿破崙都很推介…餅嘅部份很鬆化…吉士醬不會太甜…芒果就很鮮甜呢度嘅甜品份量都十足…好適合我地幾個女仔share嘅時候都唔會覺很唔夠喉…Read More

在繁忙的生活裡也別忘了與好友們相聚...每次跟她們選擇的地方也會盡量揀未到訪過的...總喜歡和她們一起去發掘好吃的...今次就揀左位於銅鑼灣的居酒屋... :) 位於恩平道...即希慎對住的內街...地點方便...一進去餐廳...地方不算很大...幾張2至4人枱及另一邊是面對司傅的吧枱...很日式的木系裝修及柔和的燈光給人很relax的感覺...侍應奉上熱茶, 同時亦會先推介幾款食物給我們考慮...日本菜的優點是每款都精緻, 可以order多幾款 但亦都令我們想了很久才下了決定...刺身, 壽司, 燒物, 卷物...都有點到 三文魚刺身, 蔥燒金鎗魚腩卷, 帆立具壽司, 加州卷: 魚生的部份也很新鮮 火灸燒鰻魚壽司, 火灸燒左口魚壽司: 偏愛左口魚的鮮味 , 這個燒出來的顏色也很吸引呢 鹽燒雞翼, 梅子秋刀魚磯燒: 燒物是很有驚喜的, 燒的外皮都很香脆, 亦很惹味 土佐蠔, 豚肉卷風味燒:都很juicy的, 要稱讚一下他加了沙律菜 米雪場蟹捧天婦羅: 聊天怎能缺少炸物, 這天婦羅餡料非常豐富 :) 在繁喧的銅鑼灣與好友們處於舒適的環境享用美食, 很滿足:)…Read More

與好姊妹相聚…high tea係不二之選 :) …今次揀左新開嘅Princess Cafe…裝修很公主feel…連menu及餐紙都好fantasy :) 為食嘅我地就梗係order afternoon tea set for 2 隻粉紅色高跟鞋好吸引呀 隻碟都好靚 …頂部有隻蝴蝶結嘅兩層架…鹹甜點比例相若…鹹點主要分為撻底(黑松露﹑鵝肝醬燴梨﹑魚子碎蛋) 及脆片(牛油果蟹肉﹑煙三文魚忌廉芝士)…我偏好牛油果蟹肉這一款…感覺很清新 甜點有宇治金時小蛋糕,蝴蝶小蛋糕,鮮果撻…最特別係佢有四粒macaron, 其中兩粒係鹹ga…鵝肝/蕃茄…當然不得不提那隻士多啤梨乳酪味嘅高跟鞋及那朵濃度70嘅朱古力花...  我地個set有得揀洛神花茶…我地梗係試埋 :) …waiter細心提醒呢種茶會偏酸，特意配上一小瓶蜜糖，比我地自行調味 :) 喺呢個舒適嘅環境，同好友食下傾下影下相…就這樣過了個悠閒週末 …Read More

原來是計劃了到The One潮聖一下那間很出名的綠茶專本店…點知…晨早派晒籌:(…好在還有2nd choice…雖然都要等上45mins…和友人吹吹水，影下相…其實都好快到:) 要提提大家…要齊人先可以入去…好彩輪到我地嘅時候，最後一位友人終於黎到睇下個櫃啲cake, 再去order…睇到啲cakesss…件件都好吸引咁…最開心係頭先waitress話冇晒嘅green tea mille crepes又再有貨…係都要食到綠茶甜品先心息最後三人order左green tea mille crepes, banana mille feuille,signature mille crepes,  green tea latte, french rose tea latte & jasmine teaYummy…幾件cakes都好好味…啲cream好滑…我個人建議唔好全部都order crepes…好似我地咁加件feuille, 有啲海綿蛋糕食下,冇咁單調…另外, 飲品都好味嘅…latte嗰兩杯嘅綠茶同玫瑰味都好夠味…如果你地冇我地咁麻煩…始於覺得叫返杯野, 件事先圓滿啲嘅話 其實, 佢都有提供水, 仲會refill…waitress服務都好nice想讚下佢冇限時交枱呢樣野…(希望唔會改啦:()…話晒放假…悠閒啲都得掛另外, Lady M開設喺商場中間嘅位置, open area…唯一唔好嘅地方…如果你坐較出嘅位置，身邊的路人都鍾意'裝'下你食緊咩，跟住會同身邊嘅人討論一下…成個過程, 好似想你傾埋一份咁…Read More

因為之前太忙,一早已經約定友人們喺呢個四月食返夠本 今次試呢間辛安東奶奶雞,一早已有朋友推介,另外,喺fb成日見到。。。其實,心裡只帶住半信半疑嘅心態黎到,因為始於韓風太熱嘅關係,大家一時嘅盲目亦不足為其今晚去到嘅時間可能比較早,約七點十五分左右，同埋係閒日,只見幾個人在門外等。。。登記完,等左幾分鐘，佢就問我地齊人未,另外，佢地講明個半鐘交枱，由等位，到帶位，落單，全程都沒有別人所謂嘅服務態度差的侍應，lucky:)講返個環境先。。。有一，二樓嘅，二樓都幾多位。。。簡約嘅裝修應該係韓式餐廳嘅特色吧…但是總給人舒服嘅感覺:) 而呢間店最特別嘅就係會提供一張雞頭形狀嘅咭紙比你寫野,之後可以掛喺啲鐵絲網度:)上菜啦，先黎個我地order嘅泡菜，好味，沒有太鹹或太辣之後，就黎左個'豬肉生菜包', haha, 原來都有泡菜ga 好味，啲肉唔會'鞋', 而且燒得香&juicy, 塊菜都好fresh…佢有跟個辣醬，我個人覺得唔駛沾，因為佢夾埋泡菜，已經好夠味，沾左，反而會蓋過肉味登登~ 真露煮蜆~~~ 有睇我之前食評，就會知我同呢個友人食韓食必點真露 平時食開清酒煮蜆，今次呢款，我個人比較喜歡:) 首先，佢用個茶壺嘅器皿，方便大家倒出黎飲，細心，讚^^ 另外，啲蜆都好鮮甜…仲有，我地食到最尾，估唔到壺仔細細，啲蜆食極都有最後，主角終於出場^^ 辛安東奶奶雞(小辛), 要等20-30mins嘅一道菜，好惹味，我個人覺得食開辣可以叫中辛，雞juicy, 連嘅配菜都好入味，連我平時唔好紅蘿蔔嘅都食多幾啖 仲都有薯粉鋪底吸晒啲汁^^ 總括：有驚喜的一餐，無論食物或者環境，必會encore…Read More

今天… 到沙田逛逛… 與友人想食下snack… 二人決定到Triple O share個Fish Burger combo… 吩咐左職員將個包切半…[呢個要求係曾經有一次個職員主動提出的…很貼心的服務]:)...其實在幾年前,第一次食到Triple O 的fish burger… 那塊juicy, 新鮮嘅魚柳… 已經決定每隔一段日子就都會揾機會回味一下…攞左號碼牌…揾個位…等一陣就送到… 薯條: 很實在, 很美味的粗薯條, 不是只食到炸粉那種...[不過…朋友成日都會笑我究竟係食茄汁定薯條…]Fish Burger: 打開個飽啦…有一舊仔檸檬…那塊魚柳嘅juicy及鮮味足以令你唔需要用嗰舊檸檬… 另外, 佢嘅包外脆內軟的… size大, 兩人share都唔會有唔夠喉嘅感覺, 反而一個人食又多左d…, 菜很fresh, 配以他他醬... 食完個飽, 感覺好滿足 :) 只可惜件魚柳size比之前細左少少 :(…Read More

朋友一直推介… 可能由於位置的關係, 就算到了尖沙咀也想不起這一間… 有一次, 與友人們到附近的餐廳用饍, 才真正locate到它的位置… 於是, 擇日一試等位其間, 睇下menu, 又睇下貼滿相的外牆… 算貴價的餐廳, 人均消費要二至三百… 好啦, 已揀定食咩啦… 有位啦, 原來有二樓的…waiter先送上一壺熱荼, 再上六小碟… 大家看到我post的圖嗎? 好有心思, 在包餐具的紙上印有擺放餐具的位置…我地點左王牛排, 五花腩, 海鮮辣炒年糕及真露 (真露, 是友人食韓食多數會點嘅)王牛排: 是該店的推介, menu中 牛類價錢偏貴的一款, 既然一場黎到, 梗係要試下… 兩卷牛排上枱, 看似很嫩的… 要燒埋先知… 牛, 我始於不喜歡太熟… 嗯… 很juicy很嫩… 試左將小部份煮全熟…也能保持咁好味… 讚:)五花腩: 友人驚訝我同意點這道菜… 因為我曾經阻止佢喺台灣夜市食燒五花腩… 但…自從喺韓國食過… 已經改觀(只限有質素的韓燒店)… 沒有醃製的五花腩... 原汁原味… 感覺沒有油膩, 反而係爽口… 淨食, 伴泡菜或用菜包住黎食… 都一樣咁好味… 燒到有少少焦香更好吃… 但一失手燒耐左就會靭…要留意呀海鮮辣炒年糕: 對炒年糕情有獨鍾… 無論是上海的或是韓式的… 軟硬度及其醬料係關鍵… 它不會太稔, 有o趙口… 另外, 辣度也恰到好處… 有辣嘅感覺, 但不會吃不下去…:)總結: 有質素的韓燒店, 食材正, 必會再嚟食… 唯一挑剔, 就是食完, 個身始於成陣味…Read More

每隔一段日子… 就會有食齋嘅衝動, balance返平時嘅大魚大肉… 近近的… 選擇了 蓬瀛仙館, 很方便, 鄰近粉嶺鐵路站… 十一點左右到達… 今天依然有好多人, 有的是旅行團, 有的是來拜祭…好啦… 先到齋菜部用饍… 之後先再慢慢參觀由於之前一晚已然諗定要食芋魚…但怕份量多…退而求其次, 改為食酥炸荔芋卷… 滿心期待… 上到一樓齋茶部… 是全層的… 左廳還未開放, 先到右廳櫃枱落單… oh no… 職員說假期只有套餐… 我們一行兩人, 只好點二人餐… 點完餐, 比埋錢, 會有職員過來帶位… 眼見全是中/大枱… 所以人小的必要搭枱…職員會放低號碼牌, 一壺茶, 一小碟豆瓣醬及一小碟喼汁… 等緊上菜嘅時候, 先去裝粥(粥是任吃的)… 清粥…加左腐竹及果皮去煲…並不馬虎…:)先送來一碟豉椒素田螺, 田螺很爽口, 配以紅/黃/青椒, 加上其豉汁味, 很適合伴粥吃… 再來一道羅漢齋上素, 由於本身鍾意食菇及木耳, 當然喜歡, 但略嫌芡汁多左少少…最後, 炸物終於送上, 是春卷拼腐皮卷… 最沒有期望的一道…炸物應該都是那模樣… 點知, 咬左一啖春卷… :)有驚喜… 炸皮很薄, 很脆, 沒有油油的感覺, 蘿蔔絲餡料很入味, 不用沾喼汁… 另外, 腐皮卷的豆味很香, 好味…一吃再吃…因為被以上炸物的影響… 對荔芋卷更有期待… 於是… 與友人決定找個閒日再黎tips: 齋菜部營業時間由11am-5pm, 不要一心嚟食晚飯; 假日只供應套餐, 而套餐份量比較多, 可考慮二人餐, 三人share…Read More

博殺過後到雅憩花園餐廳, 原來它就是劉華同舒淇喺游龍戲鳳到過的餐廳… 一心諗住食桑拿醉蝦, 點知侍應話未有蝦:(… 咁我地係早左啲嘅, 四點左右… 咁唯有order燒乳豬, 非洲雞及sangria …唔知點解每次食葡國菜都要飲sangria先感覺是完整的… 餐廳是半outdoor的, 夏天應該會有點熱, 樓面有兩條粗樹幹, 吊扇型的燈, 牆上都掛有葡國色彩的畫, 配上格仔檯布, 很有特色的… 最可惜係落大雨, 影唔到教堂前的景貌食得啦… 燒乳豬, 外皮很脆, 份量十足, 不會太咸, 但有點肥… 非洲雞, 肉沒有很’鞋’, 但濃濃的黑橄欖油味, 不是我杯茶… 由於, 雨下得很大, 用完餐, 繼續慢慢品嚐那sangria… 聽到隔離檯能夠order桑拿醉蝦, 我們當然追加… 呢間店雖然有點遠, 夜晚都好多人訂位, 席間, 他們正在忙著晚上訂檯的安排… 突然, 侍應送上一個玻璃器皿, 內有浸在酒的蝦, 蝦仍在動, 我與友人對望, 心裡都有著一樣的疑問”等它醉了就直接吃?!!”… 查問一下, 等陣會端上一個放有火山石的熱鍋, 再把醉蝦煮熟… 感覺都幾殘忍… 唯一慶幸, 他們沒有在我們的檯上做呢個動作… 蝦是新鮮的, 香香的酒味, 吃不停手:)總結: 地點有點遠, 但值得一試... 來這裡, 還可順道試埋安德魯的葡撻…Read More

今日嘅行程除左博殺, 就是特別揀左兩間未試過嘅餐廳:), 其中一間係百福麵家選擇百福麵家, 係因為鍾意食蟹粥, 之前都總會幫襯氹仔橋嘅峰景餐廳, 不過已經執左lu… 吃過其他的, 都不是太喜歡… 今次這一家, blog友說真材實料的, 於是決定一試… 它原來就處於新葡京附近… 入口不太明顯, 它在投注站及報紙檔中間, 真的, 一不留神, 就會行過… 一進門, 樓面不是很大, 侍應們都是有禮貌的, order左一個蟹粥及牛腩麵… 等緊嘅時候, 望下其他人食咩, 有他們的招牌雲吞麵, 海南雞飯… 感覺上有些是熟客…:)牛腩麵, 都係試啖湯先, 是清清牛腩湯味, 不會是味精湯的感覺; 麵是爽口的, 沒有鹼水味, 好吃… 牛腩不會太肥, 很嫩, 不會是難咬的那一種, 吃完成碗都不會有油油的感覺等緊蟹粥嘅同時, 有段小插曲, 隔離有位食客投訴他order的原盅燉xx花膠湯(沒聽到全名)找不到花膠, 侍應們查看盅內湯料後, 堅持說是這樣的, 建議食客如果不接受不如取消, 食客同意…轉眼間, 廚師親自跟食客誠懇地解釋他們都是用真材實料的, 希望食客不要浪費, 廚師更說明真的有用花膠及是原盅燉的… 食客都有說他已光顧這店幾次, 也因他是真材實料… 食客最後也要回那盅湯… 大部分餐廳如果被客人投訴食材, 都會選擇叫食客取消以平息事情, 但這位廚師的舉動給了食客誠懇的感覺, 更沒有令事情更糟…讚蟹粥上檯啦, 很香的蟹粥味, 啊…原來是肉蟹…啖啖的蟹肉, 很鮮味…粥底亦是原汁原味的蟹味…沒有那種刻意用糖/蛋/咸蛋黃造成的蟹粥味…吃完, 也很回味…Read More