yuyu000888's Profile

平時行海防道都會見到呢間好有氣氛有露台的餐廳，天氣涼涼地，終於book左位上嚟試吓。好彩有book位，平日晚飯時間露台位全full!泰式生胡椒炒沙白，沙白粒粒都大大隻好飽滿，胡椒汁唔會太辣，剛剛好，我一個人都可以食晒全碟～泰式香辣蝦膏海鮮炒河，配料海鮮非常豐富，有大蝦，魷魚，青口等等。食得出落左幾種香料，九層塔去炒，口感豐富有層次。蒜香軟殼蟹，蒜蓉多到滿瀉，非常香口的一道菜，軟殼蟹炸得脆口，鐘意食香口野的不容錯過。啖啖蟹肉蟹膏炒蛋配薄餅，近期蟹季，蟹肉蟹膏炒蛋配熱辣辣薄餅及青瓜，每啖都食到濃濃蟹膏蟹肉，非常滿足。小食拼盤，有蝦餅，冬蔭功魚餅，春卷及雞卷，一次過滿足晒喜歡小食的我。飲品點了一杯芒果沙冰及椰子沙冰，大大杯，非常好飲又解膩。原來餐廳做緊$98 任飲2小時，有多款酒精飲品及泰式特飲，不過今日唔方便飲酒，唯有下次約一大班fd上嚟飲嘢。…Read More

新蒲崗真係好多小店餐廳，天氣凍凍地又唔想煮飯，呢間平時食開堂食，今日買外賣回家慢慢歎。海南雞飯，招牌不用多說，已去骨，雞肉嫩滑，夠黃油，食落有雞味，而且配搭的醬油，辣醬同薑蓉十分惹味。油飯充滿雞油香味，配雞食一流，建議一定要點油飯。出面食嘅口水雞飯大多數都無去骨，呢度係同海南雞一樣已去骨，食落十分方便。口水雞小辣，雞肉味同海南雞一樣咁正！例湯是椰子雞湯，並不是出面飲到淡味湯水，呢碗真材實料，濃濃椰子味。由於太鐘意食海南雞，所以叫多半隻，實行海南雞自由。肉骨茶用料好充足，用料是一字骨，咬落有少少軟骨，已煲煮到十分軟淋，口味是一半藥膳一半胡椒，平衡得幾好。配料有紅棗豆卜杞子等等，非常滋補，$50大大碗十分抵飲。…Read More

天氣涼涼地又到打邊爐時間。呢間火鍋任食多款生猛海鮮，同朋友嚟試吓。我們點了鴛鴦湯底，招牌重慶麻辣牛油鍋底及金湯花膠雞。熟食區已經有多款肉類及海鮮，連麻辣小龍蝦，燒榴槤，大閘蟹，蒜蓉焗蠔，羊架……最推薦蒜蓉焗蠔，大大隻，蒜蓉粉絲勁香口。海鮮區更加不得了，全部十分新鮮生猛，有大頭蝦，三星蟹，鮑魚，大閘蟹，沙白等等。可以用桶去自選生猛海鮮。個人最推薦大頭蝦，大大隻啖啖肉，每隻都有蝦膏。飲品有汽水，啤酒，紙包等，最正當然是即開椰皇，清甜冰凍清熱氣。自取配料區仲有多款蔬菜類，帶子等等而任點任食當然唔少得生蠔，蝦滑及蟹腳。呢度的蝦滑是一塊塊的，非常有口感。最後要讚一讚呢度的服務員態度很好，經常主動收碟加湯。埋單每人$300，非常抵食！…Read More

天氣涼涼地，想食下烤肉，出面食定量烤肉都唔平，所以最後揀咗呢間任食任飲2小時燒肉屋試試！餐廳環境幾有氣氛，日本居酒屋的感覺。我同朋友都鐘意食榴槤，剛好可以點選「榴槤放題」，這裡點選食物以1件計算，可以先試啱再點，很貼心之餘亦不會浪費食物，我們2人就每款點1-2件試試。店員先上涼菜5碟。個人最鍾意食自家製泡菜及海帶。泡菜口味比較清爽，配烤肉食一流！飲品在雪櫃自取，款式都幾多，仲有梅酒紅白酒。肉類：安格斯封門柳，封門柳肉味夠濃，荔枝牛肩胛串串，牛肩肉配甜荔枝進食味道配搭得宜。澳洲M7和牛板鍵，和牛油香滿滿牛舌，薄薄一片易燒爽口海鮮：必食蒜蓉牛油烤帆立貝，大虎蝦及爽脆白鱔片！3款我地都encore 了幾round!另外最驚喜是鵝肝多士，店員話近日新推出，細細件燒到香脆入口滿滿鵝肝味！仲有燒菠蘿，必食D24榴槤，仲Häagen-Dazs 雪糕都係任食！…Read More

天氣開始秋涼，今次嚟蘇媽見到有肉骨茶立刻點嚟試下。好開心坐近玩具飾櫃的位置，入面有好多懷舊玩具。我地2人揀咗百骨爹肉骨茶（細骨）可免費續湯。這裡的肉骨茶偏向藥膳味，與其他餐廳的胡椒味很不同。湯底加入了當歸，北芪等等的中藥，湯頭帶點甘甜，飲落好滋補。雖然說是細骨，但份量一點都不細。要慢慢將豬肉拆落再配湯一齊食用。肉骨茶配料亦非常豐富，有冬菇，金針菇及豆卜。每款配料吸滿湯汁，食落非常正。主食點了湯咖哩豬頸肉喇沙油麵， 個湯底椰奶味重，有少少辣。配料非常多，有薯仔，豆卜，豆角等。而豬頸肉肥瘦剛好，食落香口。最後的甜品時間，平時我地點普通咖央多士，今次試吓紫菜肉鬆咖央多士。咬落口感香脆，味道咸甜配搭，味道又幾夾。咁…Read More

假期去D2行市集順便食餐好嘅！今次就食和牛燒肉，主打多款黑毛和牛，餐廳座位寬闊，裝修別致。我們點了2款燒肉定食，追加了和牛舌心及2杯飲品先上套餐沙律，湯及泡菜。和牛極致定食（3種），一次過滿足晒三個願望～牛友三角，比較有咬口，肉味香濃和牛龜之甲，薄切，一燒即食和牛肋肉，個人最喜歡，入口充滿油香黑毛和牛,北海道豚, 日本產雞定食，北海道豚肉，易入口，有豬肉香味但不會肥膩日本產雞，比普通雞肉有嚼勁和牛舌芯，呢款真係大推一定要試！ 平時燒牛舌好易燒到好韌好難開，但呢款絕對不會。而且牛舌味濃，非常好食。飲品：巨峰提子乳酸梳打及白桃乳酸梳打，加配每款只需$22，梳打與燒肉是絕配！好欣賞這裡的套餐配菜沙律，泡菜及珍珠米飯也非常好食。服務質素很好，店員有禮亦會主動收拾枱面及加茶，值得一讚。…Read More

好耐無食片皮鴨，上op見到呢間餐廳幾多人推薦，而且仲有2人餐,仲有訂座優惠，可以食到片皮鴨，所以選了尖沙咀分店試試。餐點選擇都幾多，而且有多人套餐，幾適合一家大細來用餐。先上茶及花生，桂花烏龍茶非常好飲，尤其配烤鴨食更解油膩。食上海菜點少得小籠包！湯包非常夠熱，咬落有滿滿湯汁，一籠有6粒，2人食剛剛好。烤北京填鴨半隻，鴨皮烤得非常香，尤其帶小小肥膏的位置，油香十足，食落真係無得彈。而片皮鴨配料非常有誠意，有哈密瓜，青瓜及大蔥，配烤鴨醬及酸梅醬，味道酸酸甜甜，食多幾件都唔覺太油膩。而蒸薄餅皮薄軟熟，用來包住烤鴨，每啖都好滿足。因為好喜歡飲湯，而屋企比較少煲鴨湯，所以點了個冬瓜鴨架湯。湯內有幾件烤鴨架，還有冬瓜及豆腐，湯頭濃郁充滿烤鴨香，推薦～…Read More

又再嚟旺角阿來食泰國菜，今次2人點了3款菜式加飲品，剛剛好～**青咖哩海鮮配薄餅**，包含了大蝦、蜆和魷魚等豐富的海鮮配料。青咖喱非常吸引，椰香和九層塔的味道交融，醬汁濃郁，淋在薄餅上恰到好處。下次打算試試搭配蒜蓉包，想必會更添風味。**馬拉盞炒椰菜苗**是另一道亮點，馬拉盞的鹹香和微辣，與新鮮爽口的椰菜苗搭配得天衣無縫，非常好食～尤其椰菜苗是比較少見的食材，要在泰國餐廳才能品嘗。**炸蝦餅**則是必點的開胃小吃，每一件都用料十足，吃起來彈牙可口，搭配泰式甜辣醬更是相得益彰，口感層次豐富。下次又試下炸魚餅！最後，嚟到泰國餐廳，當然要點返杯泰式奶茶少甜，剛好中和了菜品的香辣，帶來完美的用餐體驗。…Read More

去啟德體育園睇完練波後，差不多晚餐時間，見到一間越南菜館。見用餐環境及座位舒適，等了幾張枱後終於有位！我們點了一碗火車頭湯河（2人份），還有3個小食，並配上2杯飲品。火車頭湯河的份量相當驚人，絕對夠2人享用。河粉滑嫩，搭配新鮮的辣椒和青檸，讓整碗湯更加開胃。湯頭清甜，濃郁的牛骨味吸引我飲多幾啖湯，配料也相當豐盛，包括牛丸、生牛肉、牛腱及扎肉，每一口都能品嚐到不同的風味。小食方面，原隻炸軟殼蟹口感脆口，完全沒有腥味，切開後每人一件，剛好合適。法式牛油雞翼是我最愛的炸物，濃郁的牛油香味令我回味無窮，雞皮脆口，肉質鮮嫩。最後的香茅炸豬扒，沒有厚厚的炸粉，香茅的腌製的味道很不錯！特色飲品點了冰鎮奶茶及凍越式滴漏咖啡，2款都好好飲，滿意的一餐！…Read More

好耐無食車仔麵～今日同 fd去開油麻地，就嚟食我心心念念的永年士多，好掛住個咖哩汁！呢間分店座位舒適，可以好好地享受車仔麵～一人點了一款麵，然後梗係必點返個辣串combo + 2杯飲品。平時出面食撈麵麵離不開腩汁蠔油，呢度係用蒜油撈，非常惹味，又不會太油膩。粗麵的麵質很彈牙爽口，同時配上一碗清甜的高湯。點了五款自選餸：響鈴，豬腸，牛腩，雞翼及魚皮餃。雞翼牛腩及豬腸都十分入味，尤其豬腸真係必食！招牌大碗麵，湯底點了小咖哩辣，已經非常夠味。共有10餸，非常滿足！其中蘿蔔處理得很好，清甜無渣。辣串combo 亦是這裡必點的小食，$39/4串，有齊牛栢葉，魚蛋，豬腸及魷魚，純對抵食！重點是有滿滿的咖哩汁。飲品點了凍檸茶及樽裝凍檸樂，與車仔麵是絕配！佢…Read More

睇show前嚟食飯，見到呢間台灣菜便試一試。呢度座位寬闊，用餐環境舒適。點了一個小火鍋，一份拌麵，加埋炸嘢及飲品，保證夠飽到完場！臭臭鍋是台灣經典口味的火鍋。臭豆腐的味道很有驚喜，搭配風味十足的湯頭，比平時的火鍋更具特色。除了臭豆腐，鍋內的豬肉片、鴨血、大腸和米血糕等等的配料，十分豐富。麻辣夜市小香腸擔擔拌麵，生蒜塊與香腸是絕配！麻辣醬加青瓜絲拌麵夏天食一流！麵條煮得剛剛好，吃起來滑順可口。如果覺得唔夠辣，仲可以加豆瓣醬/辣醬調味。台灣菜點少得炸物，木魚炸豆腐是必點之選。2大件脆皮炸豆腐，搭配特製醬汁，風味獨特，非常好食。而鹽酥小拼盤則包括了鹽酥雞、花枝丸和地瓜條，配上九層塔和梅子粉，充分還原了台灣夜市的風味。飲品，鴨屎香的檸檬茶酸度十足，開胃又消暑，而宜蘭金桔檸檬蜜則是酸甜適中的解膩飲品。…Read More

已經到了晚上差不多21:00，太子附近好多食肆已關門，難得見到一間仍然有幾多客人在堂食，就同朋友入去試吓。點了2款前菜，一煎一湯餃及2杯飲品。手拍青瓜作為開胃小菜，清新爽脆，微酸輕辣的味道讓人食欲大開，份量充足。麻辣松花皮蛋，流心的皮蛋搭配麻辣味，口感綿密，麻香四溢，皮蛋不過於油膩，讓人忍不住想要多吃幾件。龍鳳松茸煎餃則是店內的招牌，靚靚金元寶造型。2款餃子的肉餡，分別融合了黑松露與白松露。食落有松露香味，黑白松露各有特色。餃子煎至兩面金黃，外皮酥脆，內餡多汁，十分飽滿。元貝豬肉湯餃亦很出色。湯底選用狀元九鼎湯，清甜無味精，肉餡中還有絲絲的元貝，讓整碗餃子湯的滋味更加豐富。飲品是熱蜂蜜檸檬薏米水，味道微酸，去濕養生。…Read More

Airside 入面有好多餐廳選擇，今次試吓呢間新加坡過江龍，主要想試海南雞！餐廳環境十分舒適，座位也非常舒服，讓人感到放鬆。這次的二人餐選擇了幾道特色美食。小食是特式咸蛋雞翼，外皮酥脆，肉質鮮嫩，鹹蛋醬的風味恰到好處，2隻真係唔夠喉～主菜可選2款，必點文華海南雞飯，搭配三款醬料，雞肉滑嫩，油飯非常香亦好好食，連湯都好有誠意，讓人回味無窮。另一款主菜點了星洲海鮮炒貴刁，配料豐富，包括大大粒帶子、蝦和魷魚，仲有臘腸，原來臘腸油香配炒貴刁非常夾，每一口都充滿海鮮及油香的鮮味。蠔油小棠菜清爽可口，為整體餐點增添了清新的口感。最後，搭配錫蘭奶茶及鮮磨咖啡，配上方糖，增添了一絲趣味。…Read More

好想食炸雞，見到呢間超多好評，就同fd上嚟試試！平日夜晚接近8:00都full晒，要等近15分鐘先入座，下次都係早d訂位。等位期間可以先在店外玩下即影即有相機！雙拼炸雞-醬油味及香蒜蜜糖味，香脆炸雞，每件沾上醬汁。醬油味偏甜，反而香蒜蜜糖味味道更有層次，下次要試埋甜辣醬味！加$38要了腸仔年糕串，年糕外皮夠脆好有驚喜，沾上炸雞醬更惹味辣炒豬肉，配料：大荳芽，蔥，旁邊有腸仔，芝士，泡菜，紫菜飯。我哋另外點了2客生菜盤，有蒜有辣椒，配埋辣炒豬肉食一流！邊爐旁的芝士亦係超級正，尤其在半溶狀態，加落辣炒豬肉或炸雞上都非常對味！海鮮蔥煎餅，大蝦，與其他餐廳不同，有大量蔬菜及大蔥，味道豐富見到人地超大盤炒年糕好吸引，有大大件炸魷魚，下次再嚟食飲品點了梳打系列，我最愛Mojito ，清爽解膩。朋友的芒果梳打及葡萄柚梳打都不錯～埋單時店員俾咗抽獎劵我哋，原來做緊10週年大抽獎，大獎是雙人來回首爾機票，仲要係Business Class!!!! 我們要中獎呢！…Read More

想同朋友舒舒服服食晚飯，選了這間裝修別致，用餐環境舒適的泰國餐廳。先上泰式小食薈萃香茅雞翼，真正皮脆肉嫩泰式蝦多士，多士配原隻蝦連蝦尾，香脆。炭燒豬頸肉，肉質精緻，半肥瘦的搭配加上醬汁，讓每一口都充滿層次感。酸辣無骨鳳爪則是開胃的選擇，辣味十足。接下來的炭燒沙嗲（雞），三串的份量足夠，自家調配沙嗲醬的風味十分出色，讓人感受到濃濃的泰式風情。泰式椰子鮮雞湯以奶白色的湯頭和濃郁的椰子味，很養生的一款湯水。酒香火焰骨的點火儀式為整頓增添了不少趣味，兩大件的份量足，可以感受到豬軟骨的嫩滑與脆骨的口感，酸辣的醬汁恰到好處。泰胡椒和牛炒糯米河則以重牛肉味著稱，鑊氣十足，和牛肉片的醇厚搭配韌性的糯米河，口感極佳，讓人一試難忘。lychee rose則以玫瑰與荔枝味相互融合，清新可口。Painting: 多款水果特製的飲品，味道豐富又可解膩最後，店員推薦的甜品黑糖椰子雪糕，薄薄的黑糖醬搭配椰子雪糕，配料豐富，包括桃膠、圓肉、愛玉和椰子乾，每一口都讓人驚喜。想讚一讚這裡職員態度友善，整體用餐經驗愉快～…Read More