Billy_Hong Kong's Profile

當日完成一項工作，但到下午茶時段發現自己仲未食午餐，就四圍捐窿捐罅搵野食醫肚。寶林邨行來行去，最後行左去慧安商場揀左間環境肆正既茶餐廳，同埋係可以用八達通，就係商場地下正中間既寶園車仔面小廚。柱侯牛腩加滷水豬大腸烏冬下午茶都算多選擇，不過見佢主打係車仔麵，就叫左兩餸車仔麵，柱侯牛腩加滷水豬大腸烏冬。我唔太鐘意食辣就揀左腩汁湯底，幾夠味既，食物份量都足夠，豬大腸比預期好，幾爽口，牛腩就一般般過得好，整體唔差。凍奶茶就有少少過甜，不過味道都OK既。兩餸車仔麵加凍飲埋單$36，價值算係公道。環境係開放式，闊落，多卡位揀，坐得舒服。.…Read More

難得周末放假，天氣又唔錯，一於出去伸下筋骨做做運動。運動後有D肚餓，四圍覓食食個下午茶，行左去寶林邨望望，就入左呢間喺寶林商場三樓既桃園制作粥麵餐廳。五香肉丁半焗流心蛋公仔麵餐牌選擇都算多，有D肚餓就想食個麵而又唔太貴，揀左呢個五香肉丁半焗流心蛋公仔麵。肉丁味道比相像中好，唔會太淋一夾就散，而且唔多肥肉岩我心水，又有D配菜唔會太寡，反而個半焗流心蛋冇咩特別，整體味道都OK既。凍奶茶就略嫌太甜，下次未必再叫。環境幾好，坐落都舒服，望到出面風景。.…Read More

午飯時候當然要醫肚，忽然諗起都好耐冇食日本野，就想搵間環境OK既試下，去Megabox 行下，就揀左呢間喺10樓既日和号壽司料理。呢間日本餐廳環境同門面充滿日本風，而且似係沖繩風，而門口卡位仲設計一卡卡列車咁，幾別緻。滑蛋豬扒飯坐低好快就揀左呢個滑蛋豬扒飯，算幾快就送到來，賣相唔差，色澤幾好，豬扒炸得幾鬆化，外脆內軟，蛋醬足夠，滑蛋同飯撈埋一齊食，感覺好豐富。中華沙律同麵鼓湯正正常常，不過不失。總括來講，滑蛋豬扒飯OK唔差，環境別緻。.…Read More

$108 既任飲任食火鍋近年經濟唔好，所以一直都會搵各式各樣抵食既餐廳，而且食肆都各出奇謀去吸客。友人推介一間有任飲任食火鍋既酒樓，位置係順安邨商場就偏僻些少，但性價比確係不俗。呢度既任食火鍋價錢星期一至四只係$108，六日同公眾假期就貴少少收$118，限時兩個鐘，而我地去果日係平日來。海南椰子雞鍋湯底就係揀海南椰子雞鍋，奶白色既湯底都幾夠清甜，唔差。美國肥牛打邊爐當然主打係肥牛，呢度就係可以出去拎肥牛，唔洗寫紙慢慢等，擺係雪櫃入面，好彩又唔會雪到冰哂，肉質不肥不瘦剛好，牛味夠，都幾爽口唔錯，拎左都差唔多有十碟以上。其他野食野飲醬料都係出去拎，熟食雪糕都有，所以都算應有盡有，而且呢度有啤酒任飲。服務都可以既，收野都算快，態度唔錯。環境就一般舊式酒樓格局，唔算大，但坐低都算闊落。總而言之，性價比確係唔差既任飲任食火鍋，仲有海南椰子雞鍋，今時今日算係超值。.…Read More

呢排喺九龍灣工作，一直尋尋覓覓搵唔少餐廳醫肚，最近撞手神搵左呢間休點 B.L.T. Habitat 試下，又覺得唔差。吉烈炸雞扒配拉麵賣相好似一般，唔算大件，但啲炸漿薄得來亦keep住個脆度，都OK唔錯，雞扒啲肉質都唔差算滑嫩既，拉麵份量都足夠，爽口既，配上蟹柳，湯底唔濃唔淡，不過不失。凍奶茶奶茶茶味夠濃，奶味適中，唔差既。環境舒服，地方闊落，感覺悠閒，地點可能就有D格涉，不過主要都係附近返工既人上來幫襯或者relax下嘆個早餐或tea下，忙裡偷閑又有另一番享受。.…Read More

放假心郁郁想約好耐冇見既朋友聚聚，友人提議喺佢返工附近一中餐廳，就等佢午飯時間去試下，原來係九龍灣展貿中心內面。菜遠排骨炒河排骨都算入味，不過不失，唔會一夾就散，河粉唔算太乾，整體配合可以。雞湯小籠包小籠包嘅皮唔薄唔厚適中，餡料偏滑，肉汁甜，幾好味。鮮竹卷鮮竹卷略嫌有啲多油，不過整體都OK既，夠料。燒賣燒賣水準正正常常，都OK爽口既。環境都乾乾淨，夠光猛，算闊落，唯獨位置就格涉D，不過附近返工既人又OK既。餐廳服務都OK，態度幾好，有禮貌手腳快既。…Read More

上次試過極品牛小排午市套餐，質素都唔差既，今次再試多一次，不過就想試下火鍋放題，揀左最平既美國精選牛肉放題，午餐價只係$109，而且免加一，見咁抵所以試下。美國精選牛肉九十分鐘午市放題叫個最便既放題試下，初初仲以為麻麻地，點知又比預期好。牛肉賣相唔錯，色澤好，切得夠薄唔太肥亦唔太瘦，食落牛味唔錯幾爽口，主要食牛，叫左好幾碟，夠哂飽，唔知點解反而比上次更貴既牛小排更好食 !湯底揀博多豚骨濃場，都係正正常常，味道唔差既。自助區火鍋配料都有足夠選擇，有丸有菜有麵有野飲有甜品，但主要食牛都夠啦。…Read More

當日Lunch時間，附近突然落起大雨，狼狽不堪，然後就快快走入新都城商場避避雨。原本冇打算去新都城商場搵野食，想過坑口果面醫肚，但奈何雨勢頗大，唯有喺呢度搵下有咩好食。周圍行行，見到太興，心諗都好耐冇去，而且環境闊落，又唔駛等位，就快快入去坐低醫肚。大部份set lunch都係$50，今時今日呢個價差唔多，記得好多年前太興都係呢D價位。椰香咖哩牛腩飯叫左個咖哩牛腩飯，好快就來，以為一般般，煮得又唔錯，咖哩汁又夠濃又夠椰香味，牛腩炆得都淋，好咬口，輕微辣味，咖哩汁送飯真係幾有享受。不過薯仔就少左D，而且鐘意食辣既人可能覺得辣味唔夠。$66，性價比唔算高，還可以吧。冰鎮奶茶就一貫水準，太興嘅招牌飲品，飲過唔同嘅奶茶，奶茶滑同甜度適中。…Read More

喺附近工作，是但揀一間試試，見一茶餐廳環境算ok，就試試tea下。下午茶普遍都算抵，$31有個麵餐加埋火腿蛋，出前一丁都係加$2，算係咁。五香肉丁出前一丁加火腿煎蛋五香肉丁算幾啖啖肉有咬口，份量都算足夠，出前一丁滾滾熱燙，味道不會過淡或過鹹，又唔會太冧都唔錯。火腿配煎太陽蛋，煎太陽蛋太陽蛋賣相不錯，味道OK，撈落個五香肉丁麵食一流! 火腿算合格，普普通通。凍奶茶加$2，茶奶味適中香滑，比預期好飲。環境算係舊式茶餐廳，幾懷舊feel，算開掦。…Read More

中秋節又到，又要諗吓去邊度同家人提早慶祝，家人見入秋想打邊爐，就想搵間日式牛肉火鍋試下，做完一輪資料搜集就一於試試將軍澳中心既牛気。當日去到見到門面都OK，有D牛仔既坐位喺餐廳出面，幾得意。我地一行五人揀咗美國牛小排放題90分鐘套餐: 主打極上美國牛小排、嚴選美國牛肩肉、特選豚肉、精選雞腿肉同埋蟹子墨魚滑，成人價錢$258同長者就係$198，都OK唔算貴。黑蒜豬骨湯底點左黑蒜豬骨湯底，好足料，豬骨大大件，湯味濃郁又夠甜。極上美國牛小排牛小排確實幾掂，牛味濃郁又切得夠薄，全家人都食得好滋味，叫左好多碟，好似有十碟以上。嚴選美國牛肩肉牛肩肉質素都唔錯，不過就多少少肥肉，我又OK，牛小排同牛肩肉我都鐘意，但家人就鐘意牛小排多D，所以都係主食牛小排。蟹籽墨魚滑蟹籽墨魚滑都幾彈牙爽口，仲加埋蟹籽，食落口感一流，都叫左幾碟。豚肉同雞腿肉就冇點試，但睇落都幾新鮮。自助吧範圍都有唔少選擇，都係果D丸類餃子蔬菜熟食雪糕甜品等等，特別在有手打烏冬，味道唔錯，仲有荔枝烏龍茶飲，打邊爐飲一流！服務都唔錯，侍應做野都算快而且幾有禮貌，添牛肉都來得好快。唯獨環境就迫左Ｄ，出入行走都好窄下。整體係滿意既，牛小排絕對值得一試，食左好多碟。…Read More

返工前係附近搵飯堂，喺附近諗唔到食乜好，揀左一間市市正正既茶記，就入去幫襯下。本來有set lunch，$42都幾抵，但唔太岩，就叫左餐牌上既焗豬扒飯，有驚喜。鮮茄焗豬扒飯蕃茄都幾新鮮，夠冧又多汁。芝士份量岩岩好，焗至溶掉，食到芝士香又唔會過籠。茄汁都OK，唔算太鹹亦唔太甜唔太酸，仲帶D鮮茄味。豬扒碎上，肉質唔錯，有D韌勁。炒飯底就不過不失，少左D蛋香味，整體水準不俗。免費送例湯煲，湯底嘅味道都OK，感覺冇乜味精，清甜。凍奶茶的茶味都夠，奶味有D偏濃，岩哂自己。…Read More

最近在觀塘附近工作，四周行完一輪，見一茶餐廳環境算寬落，而且好似唔少人幫襯，就試下呢間，比想像中好。下午茶麵餐價錢都算公道，叫左個豬扒前蛋烏冬，轉烏冬係唔洗加錢，加分。豬扒幾大塊，食落算係鬆軟，唔算油膩，配上太陽蛋，撈落個烏冬度味道又唔錯，整體份量都幾夠。另外，仲叫左個雞尾包，有驚喜，熱熱地，比岩岩出爐仲正，外皮香脆，甘甜軟滑，相當ok。凍奶茶，茶奶味適中香滑，比預期好。環境係算闊落，有點懷舊風味，服務都OK，正正常常。…Read More

夏日周末放假，是但去大家樂嘆個tea，試下個新套餐黑椒牛肉絲炒即食麵。食落感覺非常一般，太乾身，冇咩黑椒味，牛肉絲又少 ... 性價比真係不高件咖哩魚普普通通，有D凍，一兩下就食完，冇乜特別。凍奶茶就可能擺太耐，D冰溶哂入奶茶度，奶茶味不足 ...整體感覺麻麻，不建議試呢個炒即食麵套餐。…Read More

打完運動四圍覓食，好耐冇食涮涮鍋，就揀左附近一間試下，見做緊套餐8折優惠，六十分鐘時限，就叫個極品牛小排試試。極品牛小排望落幾靚，一碟份量都ok，牛味濃d就更好，口感算唔錯。湯底係博多豚骨濃場，正常水平，沒甚驚喜。自助區有蔬菜、醬油、烏冬、拉麵、貢丸、龍蝦丸、麻吉、芝士豆腐、墨魚丸、豆腐、甜品、汽水、果汁同沙冰等等，正正常常都幾飽肚。環境同服務不過不失，服務如果有電子落order會更好。…Read More