Rainkiwong's Profile

我係今年1月1號係呢度擺午宴，以為佢係一間高級中菜廳，差極都有個譜，但我真係用極差嚟形容。大概係幾個原因如下:1.我11:30迎賓，12:00證婚，之前傾咗證婚露台要擺凳，原來佢哋用咗場內啲賓客枱嘅凳拎咗出去，搞到有3張台既賓客嚟到，發現自己張枱係冇凳，企喺度戇居居，我閙人佢哋先喺第二度搬啲凳過嚟，我更嬲，以為佢哋係唔夠凳所以咁，但原來只係因為懶。2.會有MC同律師講嘢，佢哋一早知，現場發現啲咪唔得，佢哋有音響嘅同事冇去處理呢個問題，仲要最後比我知道原來場內場外係有兩set 唔同嘅咪，拎錯咗場內嘅出去場外，我唔明點解可以咁簡單嘅嘢都有咁嘅錯誤，全個晏晝冇賓客聽到mc用咪講乜，我哋嘅感謝詞亦冇人聽到。3.我個結婚蛋糕有四層10幾磅，賓客話想食每一張枱分唔足數量，我問屋企人會唔會係唔夠分，佢哋話見到個蛋糕擺咗埋一邊未切晒，所以叫侍應幫手切，侍應答佢地唔切，但冇講原因，最後剩晒係度。同埋個重點係個蛋糕係我哋帶過去，係我㗎喎，點解我想食自己蛋糕都唔得，如果係唔幫手切，點解又切啲唔切啲？4.我哋March in嘅時候有啲枱本身冇人坐，已叫佢哋清走，點知佢哋話太重唔搬，最後要出動到兄弟同埋我自己屋企嘅男親戚幫手，自己搬走，佢哋在場嘅人睇到，但無動於衷。5.佢叫我哋個場3:30還返俾佢，我2:00入去換衫預備出嚟敬酒，我啲朋友話大概2:00鬆啲問場地拎酒飲，侍應答佢地話冇晒之如，仲已經收走晒佢哋嘅酒杯，同佢哋講話上菜已經完咗，好似趕佢哋走咁，所以佢哋有啲已經係我未敬酒走咗，亦都有一部份我哋埋枱敬酒，佢哋乜都冇望住我哋，果時只係2:30，最後我哋離開餐廳，原來仲有20支酒未開，所以我唔明點解侍應回答我啲親朋戚友已經冇晒酒，仲收走埋人哋嘅酒杯接受唔到差到咁嘅安排。。。嬲到爆炸，可能你哋好少做婚宴，但冇sense有心做，同冇sense兼冇心做，其實人哋真係感受到，他朝君體也相同，如果你第時係你結婚都有一個咁差嘅體驗，你就會明白你哋破壞咗人哋一生人只有一次嘅回憶。同埋人哋唔期望你物超所值，但你哋返緊工出緊糧，應該要俾返一個正常嘅水平出嚟。…Read More

尋晚同男朋友嚟呢度食晚餐順便喺附近行吓，見到有間門面唔錯嘅餐廳，我哋就入去食個dinner。一入到去服務員禮貌勁好，坐低左我同男朋友每人叫咗一個set，佢大部份都係龍蝦宴，仲叫咗杯白酒添頭盤一個龍蝦湯同波士頓龍蝦田園沙律🥗係簡直係我人生飲過最好飲嘅龍蝦湯一定要試‼️沙律超Freshmain course我哋叫咗一個羊架同埋一個海鮮拼盤，味道唔錯，完全冇失望最後小溫馨仲有甜品添整體來講，無論係食物環境我都非常滿意，冇乜覺得要批評嘅地方 ，唯一有點美中不足就係地方相對來講比較冇咁方便，但係真係好適合兩小口情侶拍拖，食完飯仲可以睇吓海景，海風吹埋嚟好舒服，價錢亦合理值得一試…Read More

尋晚同朋友兩個人聚餐，喺銅鑼灣行完街冇嘢做就想去金百利嘅呢間四川菜度食辣野。兩個肥妹仔叫左成六個餸，兩杯野飲。不嬲好食得辣嘅我哋都幾欣賞呢間，首先我哋嘅份量每一碟都唔細唔係揸流攤本人覺得最出色都係個水煮魚，同埋個口水雞必食推介個水煮魚下面仲有薯粉，辣到啱啱好！飲到湯唔會覺得辣親個喉嚨！其他都不過不失！另外比較欣賞嘅就係呢兩杯飲品，做粒顏色冰係入面，食到咁上下嘅時候，飲落去特別透心涼。如果喺銅鑼灣旺區，我覺得真係又抵食又大件！重要地方非常乾淨，通常呢啲地方會有好重油益味！但係佢坐得非常舒服同埋乾淨，抵讚！…Read More

今日行左全日街，咁岩行完sogo地庫個supermarket，就去塭野食啦~經過呢間coffee shop,已經急不及待入去坐低。。因為已經又攰又肚餓了。聽人哋講話呢間咖啡都唔錯，我呢啲咖啡愛好者更加想黎試一下啦叫左個set dinner ，有湯,main course+ coffee賣相唔錯嫁。。但味道就一般了除咗杯咖啡之外。如果問心我覺得價錢就唔係好值了。環境同服務都還可以，冇試過佢哋嘅甜品，如果有機會都會再嚟試吓嘅…Read More

今日自己一個人落銅鑼灣行街，平時經過登龍街嘅呢間上海菜都特別多人排隊，今日lunch見冇乜人就入去試吓啦。入到去所有服務員都非常有禮貌，如果唔係酒店或者係五星級嘅餐廳我相信呢一種咁有熱誠嘅態度已經係實屬少見，非常值得一讚我自己叫咗一個set，包括一個雪菜肉絲炒年糕，一個酸辣湯同埋嚟得呢度又點可以唔試佢哋嘅小籠包。小籠包多肉汁，又夠熱，比起好多食上海菜嘅地方佢哋算幾出色酸辣湯味道不過不失，但勝在夠足料，啖啖擺落口都會食到有料年糕相反，我就叫左一個比較清淡一啲嘅，所以呢個冇乜特別但都係預期之內。最後總結我覺得用呢個價錢食到晒三樣嘢，其實係超抵食!!不過如果以一人份量來講，就實在太多，下次可以同朋友過嚟一齊食唔使浪費啲嘢…Read More

朋友誠意推介呢間位於銅鑼灣嘅居酒屋。今晚同男朋友收工就去呢度試食一下，環境唔大，一般大概坐30人左右。但呢間居酒屋嘅嘢食都好有特色，感覺好似去左日本一樣。我同男朋友都急不及待即刻叫咗好多款食。。坐左成晚，基本上冇一度菜我係唔鍾意食，全部都係非常有水準之作。唯一有啲美中不足就係個奄列好普通，有d餸菜覺得等嘅時間有啲長，好似一個大阪燒炒麵。。就等左一個鐘所有嘅燒海鮮火候啱啱好，仲要非常juicy，好食💕撇除海鮮，我自己亦有心水推介。。豬肉大阪燒加麵+ 雞腎必吃…Read More

今晚與友人好耐無見，就相約係尖沙咀食飯聊天。。這間店地方不大，但卻有有另一番味道。服務員遞上餐牌，這里可以選擇的款式不算太多，但以set dinner 來説，價錢超值。我和友人一共點了4個菜式，包括其中一個大蝦意粉，一個軟殼蟹意粉，一個雞翼和一個忌廉青口。另外頭盤還有一個沙律和雜菜湯，賣相吸引。個人10分欣賞這個青口，非常惹味另外我們在開了一支白酒，成晚帶着小醉 ，與友人很享受這篇小空間。下次一定會再到這店嘗試他的有名甜品，但今晚已經太飽了，哈哈，下次會再來的…Read More

今日同男朋友提前慶祝情人節，Lunch我就book咗呢一間係海港城嘅epure fine dining，之前有聽過人哋話都幾好食，今次就親身嚟試吓。講返門面設計，都有種幾高級嘅感覺，cafe嘅位置係最出，fine dining係入面再推門，環境氣氛做得唔錯，抵讚入面嘅職員非常專業同親切，由頭到尾同我地解釋每一道菜，而且仲有啲專業推介必試項目。我就已經急不及待想吃了。。每一道菜都一定比我想像中超出預期，由於款式太多，小妹亦有d誠意推介個蘑菇湯必試係全香港最好飲嘅蘑菇湯法國洋蔥，每一層都夾雜着黑松露鹿肉同埋酥皮甜品，都係我嘅最愛如果以法國菜定價，lunch來講佢唔算好貴，但係有呢一個超高質素，我相信我下次都一定會再嚟食…Read More

尋晚接母親大人收工，由於已經過咗夜晚九點，喺元朗區就近近地塭咗一間日本嘢食，媽咪間之前食個lunch都幾扺又好食，所以今次再回頭試吓佢嘅晚餐。夜晚9點後去到，雖然門口冇人排隊，但入面嘅台基本上滿座，剛好仲有一個二人位淨，我同媽咪就坐喺嗰個位置。打開Menu，除咗定食係有set之外，其他全部都係散叫，咁啱見佢哋做緊個推介。最後我哋就叫咗幾樣嘢食，小妹誠意推介牛肉飯，又香又熱，個汁仲好好食價廉物美，必試另外鯖魚味道亦非常不錯，魚皮做得好香脆，點個埋個juice一流反而令我覺得一般嘅係刺身定食，同芥辣八爪魚軍艦，冇乜特別驚喜，刺身亦未覺得去到好新鮮，令人有想再添食嘅衝動，反而熱食就做得非常到位。兩個人食咗三百幾蚊埋單，呢個價錢來講我已經覺得係幾值得…Read More

尋晚和男朋友收工，由於時間已經比較晚，差不多10點鐘，已經冇乜地方可以選擇，本身想去太湖海鮮城食飯，結果上到去爆場，係好肚餓嘅情況下唯有離開轉食第二間，銅鑼灣區除咗太湖海鮮城我會經常去之外，另外一間就係越華會，但係記得要喺樓下唔係樓上嗰間。因為兩間嘅質素，真係相距甚遠。由於太肚餓嘅緣故，我哋兩個一口氣叫咗五個餸，因為平時食開，都係叫呢幾個，乜嘢原因令我經常返轉頭幫襯，除咗佢嘅食物質素非常穩定，因為佢嗰度嘅枱唔算好多，我比較鍾意清靜少少，太湖海鮮城實在太嘈。。。講返今晚，以平民嘅價錢來講，質素真係屬於偏上，而且每次黎食都不會失望油鹽水蜆，我嘅最愛，熱烈推介，我永遠連啲湯都飲埋芝士斑塊，一樣好有水準，好濃嘅芝士味，記得一定要趁熱食椒鹽九肚魚，非常鬆脆呢個又係另外一個我最愛，蝦多士，誠意推介兩隻大蟶子，$98@，呢度嘅火候掌握得非常好，咬落口非常爽口成個晚餐，沒有地方係不滿的，職員服務態度亦一百分💯:):)…Read More

尋晚同男朋友兩個去銅鑼灣行街，因為夜晚約咗地方按腳，就諗住搵啲快啲嘅餐廳可以食完就過去，結果我哋就上咗去希慎，睇咗幾間餐廳最後決定咗食呢間韓國菜。佢呢間嘅環境幾好，仲有一個大mon播韓片。黎得食韓國嘢，點會少得叫炸雞，炸雞我又反而覺得味道一般， 叫咗個香蒜嘅味道，但係佢出嚟嘅效果就比較甜。唯一覺得有驚喜嘅就係個pizza，我都好耐冇食過Pizza覺得係好食佢啲芝士剛剛好。。。好食過好多出面一般食pizza餐廳之後每人一杯craft beer...快靚正，價錢又唔貴，但佢每一個份量都比較多，最好下次叫多幾個朋友一齊去…Read More

今日過開黎呢邊開會，Lunch自己一個食，就諗住搵啲又方便自己又近嘅地方，喺呢個小商場入邊，我見成幢一樓都係餐廳，其實間間都好多人，亦望過下門口啲餐牌，就揀咗呢一間，入邊冇滿座，但環境好似幾舒服， 而且仲有多國菜嘅試吓。坐低俾個Menu，大概10款野食揀左右，我就諗住點個海南雞飯，因為都好小整得唔好食，價錢唔係特別平，但係我見侍應好少佢哋個個都好似好忙，叫咗嘢食好快上枱，但係一咬落去我發覺雞同埋個飯係凍既其實係咁凍嘅天氣，明白應該係一早整定，雞唔會太熱，但個飯真係完全係放涼左嘅感覺。連餐具都係比隻叉同埋刀，我自己望住都忍唔住笑咗出嚟，味道又唔係話真係好差嘅，不過我諗我都冇下次啦…Read More

今晚同男友睇完戲之後，就係屋企附近揀咗一間咖喱屋食，男朋友話係呢邊住在幾十年，之前都食咗幾次，水準都唔錯㗎。今次好似轉左名，所以就同我再嚟過食。間店原來分咗兩層，店門口細細，如果一唔留意其實都唔係好覺，去到職員安排我哋坐喺上面個層。老闆非常幽默又有禮 。除咗會介紹佢呢度餐廳嘅嘢食，仲會講好多我哋原來唔太認識嘅知識，長知識添老闆介紹我哋食一個新嘅菜式，佢話呢個餸菜仲未擺上去Menu，就係炭燒吞拿魚，另外嚟到呢度冇理由唔食咖喱㗎。。咁我哋就叫咗個正宗咖喱羊肉，買埋一個白咖喱雜菜。每人口味不同，吞拿魚我覺得一般啫。。但反而我真係幾欣賞佢嘅咖哩，無論係味道比較清淡嘅白咖喱，定係非常濃郁嘅正宗咖喱，兩樣都非常好食絕對係小妹非常值得推介嘅必試菜式…Read More

前幾日同朋友慶祝生日，由於我哋都係住港島區，所以就落咗去銅鑼灣呢一間度食烤魚。佢地理位置非常方便，直接喺地鐵站一出就已經見到。我同朋友大概九點鐘去到，上面依然都係咁多人，由於問咗啲職員，邊一個湯底係最冇咁辣，佢就介紹我哋試吓個冬陰公湯底，江團魚。。然後仲有好多配料可以揀，有牛肉，海鮮，丸類。。好多。。多到最後兩個人都係食唔晒。。。前菜嚟咗幾個酸酸辣辣既，幾開胃條魚仲要唔細條嫁呢個好友有冬陰公嘅味道，不過我覺得佢唔夠辣姐，如果可以在辣多少少就會更加惹味不過基於朋友唔係太食得辣所以唯有就下佢啦佢生日食完條魚之後變咗打邊爐，以咁嘅價錢超值仲要係咁凍嘅天氣下面真係一流。…Read More

前幾晚在天寒地凍嘅時候，自己一個人收工，又冇地方好去，小妹本身最怕就係地方污糟邋遢，所以就算有間餐廳食飯都係要乾淨企理。之前曾經食過呢間一次，覺得佢啲餃子都唔錯，仲有咁凍天氣就想食熱啲嘅嘢，結果就再去食多次因為係新開嘅，所以地方絕對乾淨👍🏻今次叫咗一碗酸辣粉，加左五隻餃子🥟，因為酸辣粉本身已經有味道，所以餃子我就用咗清湯，不過呢度最值得推介的，就係佢既好辣嘅菜甫簡直就係佢嘅精粹我連玩酸辣粉都加左好多落去，真係好好食…Read More