nickname723's Profile

聽朋友講駿星匯啱啱裝修好重新開幕，二話不說即刻訂位過嚟試試餐廳十分寬敞，時尚簡約風為主，最大特色係有一幅長達14米嘅電視牆，為大家提供即時嘅賽事直播除此之外，前後兩邊都有餐廳專屬嘅露天廣場，可以清楚睇到沙圈同終點線，設計非常貼心參觀完之後，就梗係要試吓餐廳啲嘢食，今日有四款套餐可以揀，我就揀咗斧頭豬扒斧頭扒焗得香脆，肉汁豐盈， 十分滋味配菜的沙律亦非常新鮮今日嘅體驗非常之好，以後又多一個睇馬食嘢嘅好地方…Read More

先講結論，侍應服務殷勤有禮，勝過不少酒店，可惜菜式味道跟不上服務水平鹵水鵝拼鵝肝：鹵水略帶回甘，不會過咸中上水平，鵝肉略乾，反而驚喜是墊底的豆腐，嫩滑有豆香，鵝肝都夠嫩油潤，以為今餐開個好頭，但原來係高開低走椒鹽白飯魚：炸得香脆，椒鹽略淡沙茶牛肉炒芥蘭：芥蘭爽脆，但沙茶味偏淡，香氣欠奉，而且敗筆係非常之油，成個碟底都有一層厚厚嘅油檸檬燉鴨湯：鴨香欠奉，睇番啲湯渣鴨嘅份量其實唔多，大部份都係豬瘦肉，相比之下其姊妹店嘅燉鴨湯就出色好多骨香大英鯧：分兩食，炸魚骨同炒球，魚骨炸得酥脆，都合格，炒球嘅豉油太甜，唔夠惹味，最令人失望嘅係魚肉，貌似不太新鮮，肉質鬆散，魚味油香欠奉，而且炒得略過火，肉質偏鞋，全餐最貴呢道菜，但係亦都係令人最失望嘅潮式四喜魚標：如部份食評所言，口感就像酒樓點心吃到的魚肚差不多，魷魚乾韌欠鮮味，蝦仁亦一般，相當普通的一道菜色值得一讚的是服務水平，侍應殷勤有禮，不會硬銷貴價菜式，會就菜式份量提供合適意見，斟茶換碟亦勤快，絕對係酒店級奈何菜式水平着實一般，也許店家主打的是高檔菜式吧，如果只吃普通小菜的話，就不要有太高期望…Read More

外賣燒鵝半隻，$250，唔算平，重點係番到屋企打開食，盒底一大堆頸位墊高，胸位得兩三舊，腩位又係得兩三舊，據我多年食燒鵝經驗，成盒野唔計頸位其實比一個下庒多少少咁大把雖則話斬料難免會俾人打斧頭，但係呢間野實在偷得太過份講返隻鵝，味道都尚算入味，肉質亦都唔算好老，燒鵝皮亦有煙熏味，可惜最大敗筆係燒鵝皮非常之韌，佢唔係攤凍咗嗰隻淋，而係燒得唔好，基本上有一半都咬唔開，浪費晒另外買鵝可以用$10優惠價買半隻雞，不過質素都係相當一般，普通平價燒臘檔嗰啲質素總結：無下次…Read More

一直對Hotel ICON嘅印象就只係佢一位難求嘅自助餐，朋友介紹話原來呢度都有中菜食，一於過嚟試吓餐廳位於酒店頂層，可以瀏覽大半個維港景色，用餐區係一個比較長同窄嘅長方形，而且樓底唔算好高，所以都幾應聲，成晚都覺得幾嘈首先嚟到嘅係店家招牌之一片皮鴨，據侍應介紹佢哋係用小米鴨，擺盤賣相不錯，鴨肉略帶粉紅，目測冇乜皮下脂肪，麵皮隨蒸籠附上，厚薄適中，口感正常單獨吃一件鴨肉試試，可惜被它粉紅色的外表欺騙了，鴨肉偏乾，肉汁欠奉，皮唔脆亦唔香，而且溫度只有微暖，估計切片擺盤到上枱已經經過一段頗長時間跟住片皮鴨第二食， XO醬鴨鬆生菜包，同樣鴨肉肉質偏乾，而且調味不足，好彩有少少XO醬嘅辣味帶住，比較值得一提嘅係生菜，清甜爽脆而且每一塊都係一個碗仔嘅形狀，食得非常方便老實講，呢個片皮鴨二食連加一索價過千元，會對佢有高啲嘅期望，可惜質素卻不似預期，甚至可以說是大失所望，坊間好多酒樓兩百零蚊一份嗰啲都做得好食過佢再上五香安格斯脆腩片，同樣有溫度不足嘅問題，腩片都有少少脆，略有牛味，但同樣肉質偏乾，亮點係伴碟嘅醃菜，爽脆酸香，再一次配菜比主菜好食焗釀蟹蓋，蟹肉都唔少，略帶鮮味但係就焗得唔係好夠香蝦油蟹肉炒飯，飯粒飽滿，粒粒分明，算係吵得唔錯，不過唔係好食到蝦油嘅味道最後叫咗個蛋白杏仁茶做甜品，味道正正常常啦，同出邊中式甜品舖嗰啲差唔多，係送多粒桂花糕同埋一件酥餅…Read More

三文魚/珍寶三文魚：冇乜魚味，普通三文魚好細件，係珍寶三文魚有少少睇頭，所謂嘅炙燒只係求其燒兩燒，一啲香味都冇芥末魷魚：芥辣味夠勁，魷魚好難咬鵝肝：油香欠奉，似肝醬多過鵝肝明太子沙律：完全食唔出有明太子味北寄貝沙律：附圖最底嗰件，第一次食咁嘅北寄貝，一粒粒正方形，食落似擦膠，劣品！牛油果三文魚：算係比較好嘅一件，牛油果都幾大件，配埋少少沙律醬都幾夾普通帶子：偏細塊，冇乜甜味今次大部份都係叫中下價嘢，埋單都要$100 ，相若食物在爭X大概只需要$70至$80 ，兩者質素差唔多，個別爭x仲會好少少，所以不會選擇呢度…Read More

偶然之下發現咗呢間茶餐廳，位置都有啲偏，如果唔揸車行上嚟食都會有少少辛苦鰻魚炒飯：高水準之作，飯粒分明，乾爽而不油膩，鑊氣又夠，屬於港式炒法而不是日本料理用照燒汁炒出嚟甜甜地嗰種，鰻魚份量慷慨而且唔係比平價貨色，鰻魚肉質帶爽勁，上品！椒鹽豬扒：豬扒份量同樣慷慨，有接近十塊，香口而不會過鹹，豬扒帶微脆，水準亦相當不俗咖喱雞煲：咖喱味香濃而不會過辣，雞肉都算嫩滑可惜薯仔炸得唔夠透冇辦法食到，浪費左每個小菜都送白飯及例湯一碗，叫咗兩個小菜侍應慷慨地俾咗一大湯碗湯俾我哋，最後一人飲咗二碗味道就不過不失啦再加兩杯凍飲埋單都係$200多少少，抵食…Read More

下午茶時段，叫咗沙爹牛肉芝士醬潛艇配沙律連凍檸茶$52，另外加$8配左蒜蓉包同炒滑蛋炒蛋麵包先到，一睇賣相已經心知不妙，完全係地痞茶餐廳級數嘅出品！有圖有真相，係一塊又老又硬嘅蛋餅，麵包只有微溫，咁就跌咗八蚊落鹹水海，其實而家市面上所謂嘅冰室，炒滑蛋水平普遍都唔差，呢間都可以算係墊底嘅級別......跟住沙嗲牛肉潛艇出場，賣相唔錯，沙嗲汁只係食到鹹味沙嗲香欠奉，牛肉無筋算OK，芝士醬芝士味香濃而且唔會好滯，但係兩者結合一齊我又食唔出有好嘅化學作用，就係沙牛有沙牛味芝士有芝士味咁囉，但係有一個敗筆係佢加咗啲生菜絲係中間，但係沙嗲牛肉嘅熱力將啲生菜整到又淋又軟仲出水，嚴重影響口感沙律就正正常常啦，唔算特別新鮮但係亦都冇變黑嘅咁都有啲嘢讚下嘅，潛艇個麵包有好多芝麻，咬落好香口，而且啲嘢飲都幾大杯，飲極都仲有，算係挽回返些少分數唔使比喊面啦⋯⋯但係咁樣都食咗$60性價比真係唔高…Read More

回想起呢間野兩三年前剛開業時，我曾經都是常客，後來感覺餐廳出品每況愈下，漸漸冇乜點再嚟，今次一次偶然機會經過附近，一於再試下叫咗個早餐，沙嗲牛肉麵配菠蘿油，食咗兩啖覺得有啲唔妥，再認真試吓發現個沙嗲汁有微微變酸，於是同阿姐講要求更換，點知阿姐話廚房師傅講沙嗲係啱啱炒好所以堅拒更換，算數，因為本身個沙嗲汁就算冇變酸都唔好食，冇沙嗲味亦唔夠鹹，米線又煮得太淋，牛肉亦帶筋，最後我成碗冇再食過，當我跌咗三十蚊啦諗住食個菠蘿油填飽個肚就算，點知個菠蘿油都係凍嘅，係隔夜麵包嗰隻又凍又硬，就算你朝早五點焗嘅放到十點鐘都一定唔會硬到咁，所以幾乎可以肯定係隔夜嘅咁耐冇黎諗住試吓啲嘢會唔會好返啲，點知原來係低處未算低⋯⋯…Read More

搜尋新餐廳見到呢間野，一於嚟試吓，門口可以偷雞泊一陣車炸雞髀拼薯條：雞髀件頭都ok大，炸得夠脆又唔會好乾，合格，係調味單調左少少，薯條就係幼身果種大路貨冇乜特別，新鮮炸起還是可以一吃西冷牛扒飯配黑椒汁：同樣地牛扒件頭都唔細，煎得幾香，黑椒汁都幾好味又唔會太辣，可惜敗筆係塊肉化學處理太嚴重，完全「嗱」過龍，肉質淋pat pat同好重梳打粉味埋單$100有找，性價比係幾高，不過肉類處理方面真係要改善一下，先可以做到堅正…Read More

呢間野都開咗一段時間，過開嚟呢頭就食個下午茶沙嗲牛肉麵餐$37: 沙嗲味道香濃，有少少辣，牛肉份量足，唔會有過分化學處理，唔錯，跟餐嘅炒蛋就普通咗啲，唔夠滑亦冇乜蛋香，丹麥方包就正正常常炸雞脾配薯角$42: 雞髀夠大隻，薯角嘅份量亦都多，但味道遠比賣相差，雞肉淡而無味，肉質亦相當粗糙，薯角又炸得唔夠透，黐埋一舊，失敗之作星州炒米$45: 見到廚房係幾碟一齊炒，出品一碟多一碟少，米粉浸得唔夠透炒起嚟好硬，調味不足之餘亦冇咖喱香味，同樣不合格華田紅豆冰沙：跟餐加$8叫嘅，大大杯華田味夠濃，啲冰沙有紅豆味所以應該有紅豆加埋落去打，全餐最好味係呢個杯華田冰沙係可以encall 嘅，可惜整體食物水平一般，實在難以單單為咗杯嘢飲再次光顧…Read More

屋企長輩就黎生日，又要搵地方食飯，見呢間野好似幾有特色，就派個先頭部隊黎試下先地方唔算大，冇乜特別裝修，枱都放得好迫，坐得唔算舒服，茶芥連加一要$22位，都幾進取吓人唔多就叫幾個普通小菜試一試，上菜速度都算快沙爹粉絲肥牛煲$108: 如圖所見只能用臉色慘白黎形容，「色」「香」都唔達標，味道方面只有鹹味同些少辣味，食唔出沙爹香，牛肉比得慷慨，有四五大片而且頗厚切，可惜煮得過火令人難以咀嚼海鮮豆腐煲$98: 豆腐嫩滑都有豆味，但有幾件有少少酸左，大菌食細菌啦，海鮮有蝦魷魚蚌類等等，調味頗重手基本食唔到海鮮原味，而且亦都係煮老左通菜炒魷魚$108: 應該叫炒通菜拌白焯魷魚先啱，通菜炒得脆綠爽嫩，但最大敗筆係魷魚完全無炒過，只係用水焯熟後放旁邊，魷魚只係有滾水嘅味道，廚師嘅做法實在令人費解菠蘿生炒骨$108: 比較出色嘅一碟，肉排炸得鬆脆無雪味，醬汁甜酸度得宜，老闆娘話用新鮮豬做嘅，總算為今餐挽回多少分數私房炒飯$108: 用深色醬油炒成，鑊氣同味道都可以，但個飯嘅配料只有炸過嘅小蝦米，而且十分之硬，每口飯都會有幾粒好硬嘅蝦米要用力咀嚼，食完碗飯口都攰埋睇黎生日飯都係要另覓他選，小菜做得唔好，大菜也難予人信心…Read More

下午茶時間黎冇乜人，有下午茶餐，可以另外再加錢追加一個迷你粉面咖央多士：多士夠薄，但係烘得唔係好夠脆，敗筆係啲咖央唔好食，得個甜字一啲香味都冇，而且只係抹上普通的人造黃油，而不是鮮牛油，一般招牌老鼠粉：與中式嘅銀針粉基本上一樣，面條大小不一似係人手製作嘅，食落去有咬口又唔會太硬，質感唔錯，配上肉碎同埋甜豉油食味道不俗馬拉特色小食拼盤：炸鬼同豆卜炸得夠脆但係偏乾，炸春卷個餡有啲怪怪地，炸雞個粉漿基本上厚過件雞，用香葉包住果個魚漿更加係不知所謂，最好食係嗰一碟仔泡菜有機會試吓佢啲肉骨茶同埋喇沙，希望會好食啲…Read More

呢間野每次經過都見到有人排隊，聽講係網紅店，星期六下晝去試下，基本上已有十幾人排隊等緊食腸粉，可幸嘅係店家有兩台機器，而且做腸粉嘅哥哥仔亦都算快手，等咗大概10分鐘多啲就有得食試咗肉碎雞蛋腸$20，係近期大熱嘅潮式腸粉，肉碎分量唔算多就係普通嘅免治豬肉，最重點嘅腸粉皮嘅口感都係一般亦食唔出有米香，配嘅醬汁幾多但係偏淡其實就係普通路邊腸粉檔嘅質素，就算唔使排隊都要考慮下食唔食，而且係冇得坐嘅你係要攞住個飯盒企喺度食，真係試一次就夠，寧願留番上大陸果陣先食…Read More

星期日嘅下午，可能因為附近都係工廠區嘅關係，成條崇潔街都係冷清清咁，得幾間鋪頭有開，於是嚟咗呢度試吓叫咗個豚肉雜錦串燒午餐，係即叫即燒嘅，份量幾大一共有七串，賣$58包埋嘢飲真係平其中三串係蔬菜，分別係茄子、車厘茄同埋翠玉瓜，呢三串基本上就係燒熟就上枱，完全冇任何嘅調味，最少都應該加返少少汁或者味粉啦再黎墨魚腸，係切片燒，味道正常但燒得唔香仲有三串係豬豬肉韭菜卷：韭菜好老，基本上咬唔入，豬肉片亦比較瘦，所以有啲鞋豬頸肉：份量幾多有成六七片，可惜又係燒得唔夠香，亦都係冇乜調味豬腩肉：呢個燒嘅時間比較長，所以都燒得比較香，可惜豬腩肉質素一般，有一陣騷味，非常一般其實串燒黎講呢間野真心抵食，但係食材質素同埋廚師嘅燒烤功力實在有待改進…Read More

葵涌嘅一間小店，地方唔大不過可以坐出邊鮮茄蓉焗豬扒飯$48: 賣相一般，配菜得幾片菠蘿，而且個汁好甜，完全食唔出蕃茄嘅酸香，豬扒偏乾，炒飯底就正正常常，整體一般肉燥汁蔥油豬扒飯$48: 肉燥汁甜甜地，有d香料味，唔錯不過好油，豬扒比頭先個焗豬扒飯仲差，睇相就知，非常粗鞋，食咗一半就放棄肉眼扒配薯菜$58: 肉眼扒都幾大塊，煎得夠香，牛扒略經化學處理，當然呢個價錢唔會預期好有牛味，薯菜係坊間比較少有嘅原個焗薯，呢度加番啲誠意分，配埋酸忌廉汁食係唔錯之前試過佢個雞扒都麻麻哋，以後就算再嚟呢度都只係會食牛扒…Read More