Unicorn_masaru的個人專頁

今次同朋友黎食呢間私房菜慶祝生日, 位置好隱蔽, 唔係朋友介紹都唔會識黎 😆 佢本身有好多唔同款式套餐, 除此之外都可以叫師傅為你度身訂造套餐, 有驚喜之餘亦可以食啲平時較少點既餸菜 😚以下係今晚菜單, 供4個人食, 總數$2,096:極黑豬叉燒白胡椒爆炒南非鮑魚香煎龍蝦茅台紅蔥油蒜子碌白鱔荷羽雞上湯浸時菜仲有凡慶生都會送1碟滷水鵝肝鵝腎, 可以用黎做頭盤 😊基本上食物都好有水準, 尤其南非鮑魚, 煙韌 彈牙, 白胡椒醬又香又惹味, 我地將啲醬汁飲晒 😋 香煎龍蝦煎到金黃色, 成隻蝦醃到連殼都入晒味! 白膳同樣有脆炸口感, 加上用蒜頭一齊煎, 白膳充滿爆香過既蒜味! 餐廳有廂房可能訂, 無最低消費, 客人可以自行攞酒水, 而且唔會收切餅費, 絕對岩一班人黎慶祝生日。…查看更多

呢間係澳門而家唯一一間可以提供正宗西班牙菜既葡國餐廳 👍🏻 環境比較摩登同優雅, 幾岩慶祝或者情侶黎拍下拖 🤭叫左1個小食, 2個正餐葡式炒蜆葡式烤乳豬葡式海鮮飯炒蜆加左蒜蓉同檸檬汁, 食落去更加fresh! 又酸又咸都幾過癮 😆 乳豬又薄又脆, 烤得非常香口, 而且食落唔係乾爭爭, 配上果醬食落酸酸甜甜, 唔會咁膩 😋 海鮮飯有蜆肉, 蝦同青口, 金黃色既飯粒, 粒粒分明, 飯粒吸收晒海鮮精華, 鮮味濃郁!! 三款葡式菜都非常有水準, 既然係咁, 下次再黎要試下西班菜, 相信一定唔會失望! 😊…查看更多

已經第三次黎食, 每次都好多人排隊同坐最出面, 今次先發現原來入面仲有另一個空間! 😮 就算今次7點黎食都坐滿晒人, 每次黎朋友都一定叫荔枝龍眼冰山, 除左冰粒有龍眼味, 仲加左好多粒龍眼肉一齊食, 味道好清新 🥰 難怪幾枱客都叫黎食。另外再叫左原個芒果楊枝甘露同Kawaii Monchi, 楊枝甘露入面仲加左一堆芋圓增加口感, 原個芒果好甜, 可以邊浸楊枝甘露邊食 😋 Kawaii Monchi口感煙韌, 加左芒果同忌廉做餡, 側邊放左朱古力曲奇, 個樣好可愛, 打卡一流!…查看更多

今次同朋友黎澳門, 途中發現到呢間隱世葡國餐廳, 入面有兩個樓層, 環境細小但充滿葡國風情 ❤️點左幾款食物:薯絲馬介休酥皮蘑菇濃湯主廚特製蟹肉釀蟹蓋葡式烤豬肋骨葡國菜通常都會叫馬介休, 撈埋薯絲一齊食都係第一次, 脆口之餘咸香味十足 😋 豬肋骨烤到骨肉分離, 肉質軟腍, 加左秘製香甜醬汁, 好入味! 一定要特別提個蟹蓋, 好大隻, 入面有大量蟹肉, 點包食好好味, 會食唔停 🤩 側邊仲有啲沙律等你食到中間可以中和下, 然後再繼續食, 非常有心思。…查看更多

成間餐廳都係以白色為主, 有種清純既感覺, 雖然環境細少都依然令我地覺得好舒服 ☺️ 餐廳最大賣點係手工意粉, 口感同出面一般餐廳有分別, 食落較煙韌, 加上濃厚海膽蟹肉醬令到意粉唔止口感, 連味道都出色過人 👏🏻 薄餅皮夠薄, 側邊脆口, 中間放左唔少帕馬火腿, 用蕃茄做底火腿就唔會好鹹。加$88可以轉餐要一個前菜同甜品。我地叫左Tiramisu做甜品, 上面一層咖啡粉, 入面仲有咖啡, 浸住麵包, 腍腍地既麵包同幼滑忌廉融埋一齊, 唔苦亦唔太甜, 味道岩岩好 😍 建議大家都黎試下呢個Tiramisu!…查看更多

咁岩經過黃大仙, 竟然比我發現個邊有間齋鋪, 位置都有少少隱蔽, 大概只有附近街坊先會知道。除左單點都有唔少套餐, 二人至八人不等, 價錢都非常優惠 😊 本身朋友同我都想叫西檸千層, 但最後冇得叫所以就唯有叫第二款。一個黑椒茄子煲, 一個五柳仙斑, 煲仔個款熱辣辣, 上碟後都仲係滾住個煲, 雖然幾乎無黑椒味, 但依然好惹味, 而且朋友仲因為咁先反而覺得更好食 😃 仙斑外面脆炸, 裡面既芋頭都好粉糯, 雖然有兩款, 但味道都係一樣既, 配埋甜酸醬就岩岩好 ☺️ 大概係餐廳老闆, 佢好好人咁送左碗粉葛湯比我地試, 味道甜美。…查看更多

成個廚師發辦無論係味道定口感都充份表現到夏日既感覺 🌞 師傅好用心咁製作每一道菜, 亦都好健談不停同我地傾左好多, 仲了解左唔少日本歷史。廚師發辦十六品, 款式如下:沖繩縣水雲 - 酸酸地, 幾開胃帆立貝 - 用杯盛裝, 入面有順菜同蜜柑, 幾清新北海道仙鳳趾岩蠔 - 隻蠔超巨型, 超肥美, 彈力十足, 仲有啲果凍墊底慢燒吞拿魚下巴 - 好靚既一道菜, 好似變魔術咁由紫變紅 🤩 吞拿魚燒到好脆, 食到燒過既焦香, 魚肉唔嚡自家製磯煮蝦夷鮑魚 - 口感爽彈, 側邊加左鵝肝, 如果覺得鹹, 可能同洋蔥一齊食山梨縣白鱒魚 - 嫩口, 油份偏重鮟鱇魚肝 - 好特別既一道菜, 兩塊鱈魚中間夾住鮟鱇魚肝, 頂頭加左櫻花蝦同蝦膏, 口感特別又豐富! 🥰 係我今晚最鍾意既菜式吞拿魚中腹 - 魚味同油份都特別濃厚, 咬落會感受到油脂滿滿壽司五貫 (愛女魚, 南鯨吞拿魚, 深海池魚, 金目鯛, 醬油漬野生鰤魚) - 深海池魚師傅特別用火爐燒左陣, 所以油份比其餘重, 鰤魚加左好多調味料, 食落鮮味更突出 ☺️海膽 - 凍冰冰, 好涼快既感覺, 入口即溶, 另外加左紫蘇葉提鮮 😋魚湯 - 用30條南鯨熬煮, 味道鮮甜, 加左少少辛辣, 食落更滋味 🤤 入面仲有大量娃娃菜同菇菌靜岡蜜瓜 - 又甜又水潤唔止餐廳環境舒適, 服務周到, 師傅又健談, 重點係食物好高質! 師傅講到明會間中改餐牌, 所以值得再黎試過 🫶🏻…查看更多

係正旺角其中一幢大廈最高點, 下晝黎可以從窗邊依稀見到日落, 都幾好feel 🤗 而家係Openrice訂枱叫餐可以有86折, 正正係我地呢餐食既 😃 湯底可以揀鴨湯或者冬瓜湯, 冬瓜應該清甜啲, 所以就揀呢個, 湯頭有大量配料, 味道濃郁。成個套餐有以下食物:手切封門柳伊利比亞像果豬海鮮拼盤三寶丸善良響鈴田園菜藍烏冬兩份四杯無酒精飲品全部食物都非常新鮮, 特別海鮮, 每一款都大大隻又爽口彈牙! 仲有三寶丸同響鈴都比一般火鍋出色, 響鈴似新鮮炸, 食完會想再添 😍 份量絕對夠四位用, 一定夠飽! 臨尾仲有甜品椰汁雪燕, 食完咁濃既湯底再食呢個又甜又滋潤十足既糖水岩岩好。…查看更多

只此一間雲香園, 係門口已經有寫明, 但米線鋪既名好多都改到差唔多, 小編有時都會搞亂 😅 雖然位置係小街窄巷, 但都差唔多坐爆晒。鋪頭有好幾款特定米線, 我就點左最多材料既雲香園米線, 價值$65, 分別有雞絲, 雞翼, 台灣腸, 春卷, 腐皮, 冬菇等等, 本身都堆到滿一滿, 小編額外再加左金錢肚 🤩 除左本身有既食材之外, 相信本身都有肉粒, 碗米線超大碗, 食完飽到頂住左 😬 個湯少酸但小編好滿意, 啲米線唔會好碎, 比起個啲連鎖米線鋪好食得多, 係被世人忽視既好食米線鋪。除左米線, 仲加多左個醬拌黃金皮蛋, 除左有咸蛋味之外, 最鍾意就係加左XO醬, 皮蛋夾埋疑似瑤柱絲一齊食特別好味。…查看更多

由麻辣風雲搖身一變就變左做風雲排檔, 環境並無變化, 依然以中古風氣, 保留左本身出色既食物之外, 仲加左大量大排檔經常食到既食物 ☺️ 雖然佢有餐牌, 但建議用QR code睇, 因為有部份食物餐牌有但落單個陣無 🫠炸饅頭同荔枝蝦球都係打卡名物, 小編我二揀其一就揀左柞饅頭, 做到外脆內軟, 唔會有多餘油份, 食落好乾身 👍🏻 隻船仲要噴煙, 要趁有煙個陣打好卡! 避風塘魷魚炸得香口, 魷魚又有咬口。唯一要講麻婆豆腐相對多油, 搞到無得撈飯, 同埋最好多返少少肉粒就更prefect, 但整體都幾好, 尤其座位坐得舒適 🤗…查看更多

位於佐敦既一個熟食中心, 聽朋友講幾好食, 所以今次帶埋屋企人黎食。雖然位置有少少偏僻, 估唔到一上到去差唔多坐滿人! 😳 除左小炒之外佢都有打邊爐, 不過似乎大家都係食小炒為主, 我地都唔例外, 分別叫左乳鴿, 炸大腸, 啫啫雞煲同炒時蔬 😊食物即叫即整, 熱辣辣咁送上 廚房大約有三個廚師, 見個款係負責唔同崗位, 都講左差唔多坐滿人, 所以食物等候需要多少少時間。乳鴿好嫩滑, 食個陣都有啲水份 😋啫啫雞煲好惹味, 雞肉切到細細件, 醬汁調較得好好, 唔會杰撻撻 😁 炸大腸一黎到夠脆口, 要盡快食, 否則就好似小編咁, 之後會韌左啲, 果然朋友冇介紹錯, 食物好價錢平, 難怪會滿人!…查看更多

位於佐敦既一個熟食中心, 聽朋友講幾好食, 所以今次帶埋屋企人黎食。雖然位置有少少偏僻, 估唔到一上到去差唔多坐滿人! 😳 除左小炒之外佢都有打邊爐, 不過似乎大家都係食小炒為主, 我地都唔例外, 分別叫左乳鴿, 炸大腸, 啫啫雞煲同炒時蔬 😊食物即叫即整, 熱辣辣咁送上 廚房大約有三個廚師, 見個款係負責唔同崗位, 都講左差唔多坐滿人, 所以等候需要多少少時間。乳鴿好嫩滑, 食個陣都有啲水份 😋啫啫雞煲好惹味, 雞肉切到細細件, 醬汁調較得好好, 唔會杰撻撻。 仲有炸大腸都好脆口, 但一定要盡快食, 凍左就會有少少韌 😗 果然食物幾好, 而且好平, 性價比好高, 難怪會滿人!…查看更多

小編經過呢間粉麵鋪好多次, 一直想黎試, 今日終於有機會啦 😊 雖然都係普通粉麵鋪, 但要做得出色都唔容易。當晚店鋪都有唔少客人, 環境都算企理。除左粉麵之外, 都有小食, 仲可以叫飯食 😙叫左個牛魔王河粉, 果然無改錯名, 有好多款牛既內臟, 包括牛肚, 牛腩, 牛筋, 牛腸, 牛膀, 牛肺等等, 全部都軟滑, 炆得夠淋, 好似牛腸呢類煙韌有嚼勁, 湯都炆得夠濃, 超豐富! 😍 配河粉一流, 河粉可以索晒啲精華 😋 魚皮份量都好多, 鬆脆, 浸落湯度有少少牛腩味會比起佢原本比既清湯黎得好食。另外店鋪只需要加8蚊有飲品, 加12蚊有碟油菜, 抵食性價比高!…查看更多

呢間真係開左好耐既老店, 小編由細食到大, 無論咩時間都係咁多人排隊 😁 相比以前仲多左串燒, 畢竟我都無再住係大圍一段好長既時間, 有少少轉變都應該既, 但無變到既就係小店既味道, 到而家都仲keep到水準 👍🏻 我叫左一大堆野食, 魚蛋燒賣一定走唔甩, 記得一定要攞埋秘製辣醬, 加左滋味好多!! 炸大腸又係必食食物之一 😋 雖然佢唔係整串燒出身, 但串燒都整得有板有眼, 豬肉同牛肉都一樣厚身但唔會韌。臭豆腐比一般小店更臭 🤭 而且仲好大件! 佢一件等於人地兩件, 賣$16 1件都合情合理, 其他食物性價比都高! 😊…查看更多

呢間餐廳似有返咁上下歷史, 裝修感覺比較舊, 不過都企理。除左打邊爐之外, 仲可以叫刺身食, 餐廳名都係邊爐同火鍋, 小編認為食刺身會比較浪費 😬 湯底要左椰子雞, 味道清清地唔算好濃, 食物普遍都新鮮, 睇下啲牛既色水就知無得頂啦 😁 紋理又靚, 另外試左佢既蝦滑, 有超多蟹籽, 蝦肉夠彈牙, 食落口感幾豐富。仲有魚皮同腐皮, 炸腐皮都係第一次試, 又幾重豆味喎! 餐廳唔係好大, 但知道入面有廂房, 如果太多人黎就要打電話問下先, 由於地方唔大, 職員唔太多, 但招乎都唔會有待慢。…查看更多