為食B*'s Profile

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️️🙆🏻‍♀️終於食到呢間「同撈同煲」火鍋！一直都有聽過呢個名，入到餐廳見到裝修充滿昔日香港情懷，好感受到電視劇果種舊香港氣氛🇭🇰餐廳服務好好，一坐低就有店員幫我哋洗碗碟，而且三不五時佢哋仲會嚟幫你撇油，食過好多間火鍋店都冇佢哋咁殷勤👍🏻⭕️ 胡椒豬肚少爺雞湯呢個係店員推介💁🏻‍♀️材料豐盛，除咗豬肚同雞，仲加入牛骨一齊熬，湯底特別入味好飲，我飲咗三碗，加埋烏冬都好正😌 而少爺雞比普通雞脂肪更少，雞味更濃，肉質滑嫩💯⭕️ 安格斯牛肉手工切得非常工整，牛肉紋理分明，雪花靚，油份足，口感軟嫩富彈性🤤⭕️ 極級封門柳呢個係靠近內臟嘅部位，油脂相對比其他牛肉少，而牛肉味相對濃🙌🏻⭕️ 桂花蚌打邊爐必叫，口感爽脆💕⭕️ 大檸檬茶用大啤酒杯裝嘅凍檸茶你見過未😂呢個份量真係好霸氣，好爽🙃⭕️ 糖不甩餐廳送嘅特色甜品，形狀好似一條魚咁，店員會放落湯底煮熟再撈至碟上剪開，加埋花生同埋砂糖一齊食，糖不甩煙韌彈牙，而且就算係湯底煮完都唔會有湯個種鹹味，好味道🤩…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️平時喺居酒屋或者壽司舖叫鰻魚就叫得多，今次就特別啲嚟咗呢間正宗炭燒鰻魚專門店「炭家」💁🏻‍♀️ 無論係師傅廚藝定食材用料都好用心，鰻魚係由日本直送，再用上紀州備長炭燒，鍾意食鰻魚嘅朋友要去試吓👍🏻⭕️ 鰻魚重（蒲燒）主角出場😍用上備長炭燒烤，油脂滴落炭上面會令炭香昇華造成煙燻效果，你睇吓色澤幾靚✨最鍾意厚身嘅鰻魚，鮮嫩肥美，配埋醬汁炭燒特別香，配飯一流🤤⭕️ 赤鯛除咗鰻魚仲試咗呢一款燒魚🤩火候控制得好好，外皮香脆肉質軟嫩，配上柚子醋令魚肉鮮味進一步提升🐟⭕️ 鰻魚厚燒玉子玉子加入高湯烹調，口感嫩滑，味道香甜，中間夾住鰻魚，又夾喎🥚⭕️ 串燒白燒鰻魚串、鰻魚肝串、和牛串、豚蘆笋卷呢度嘅串燒都好有水準喎🍢白燒鰻魚更加食到鰻魚本身嘅鮮味。和牛油脂豐富，燒完之後油份逼哂出嚟，邪惡又好味😈⭕️ 淡路洋蔥串呢個洋蔥一啲都唔簡單，係嚟自淡路島嘅名物，比一般洋蔥甜度高，烤熟後口感軟身，本身都幾怕會有洋蔥嗰種青味，點知食落有驚喜🤩又甜又爽口🧅…Read More

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️平時諾士佛台飲嘢就飲得多，今次就lunch time嚟咗呢間「一遊」食飯💁🏻‍♀️佢哋有做lunch set，地方又大所以唔使等位👍🏻⭕️ 刺身三點拼烤牛肉刺身分別係帶子、三文魚同油甘魚腩，好唔錯嘅前菜。烤牛肉比我想像中大碟，鍾意佢有啲香菇片同埋沙律，加咗個甜甜地嘅醬汁，配埋碗飯同味噌湯一流😌⭕️ 雜錦魚生丼呢度嘅醋飯粒粒分明，調味恰到好處😋魚生都足料，有三文魚、吞拿魚、帶子、三文魚籽等。其實本身有海膽㗎，不過我走咗😆⭕️ 一遊沙律好大份！特別之處係佢加咗小丸子同麻糬，軟糯嘅口感同爽脆新鮮嘅沙律菜有鮮明對比，又幾特別🥗⭕️ 海苔芝士海膽卷口感香脆，咬落去半溶芝士同海膽嘅香味喺口腔散發出嚟，鍾意呢兩樣嘢嘅人可以試吓🧀⭕️ 巨峰燒酌梳打酸酸甜甜嘅味道，有淡淡酒香，開胃得嚟又解渴😋…Read More

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️趁放假就book咗銅鑼灣CUBUS嘅「花貝」嘆個靚lunch😆🍣呢度用咗木係裝修，環境舒服優雅🪵 嘢食方面就試咗$888板前omakase menu，非常豐富用料高質，一路睇住師傅們好用心咁準備每一道菜，又可以交流吓吹吓水，係好滿足嘅一餐👍🏻⭕️ Appetizer (3 kinds)有沖繩水雲 、高糖蕃茄同鮟鱇魚肝，按呢個次序食。由日本運抵嘅蕃茄， 入邊糖分含量高所以無需醃製都已經爆汁香甜🍅⭕️ Sashimi (5 kinds)由左至右：旗魚 、大拖羅、帶子、右口魚裙邊 、龍蝦💁🏻‍♀️ 款式非常有誠意又新鮮，右口魚裙邊經過火炙後油脂豐富，非常肥美，油香喺口中散發出嚟🤤非常少食到嘅龍蝦刺身都好爽甜🦞⭕️ Sushi (10 pieces)一件接一件嘅驚喜😌左口魚、深海池魚、鰤魚、牡丹蝦、小肌、中拖羅、吞拿魚赤身、赤貝、北海道根室海膽、梭子魚🐟每件壽司加咗少少wasabi，師傅亦習慣喺魚表面𠝹幾刀，令口感更好🔪等我重點highlight吓🧏🏻‍♀️ ❣️見到師傅遞上滿滿A grade嘅海膽壽司卷，一啲都唔孤寒😍色澤金黃，味道鮮甜口感creamy，鍾意海膽嘅朋友一定唔會失望🤘🏻❣️食完大拖羅刺身仲有中拖羅同埋赤身，真幸福，啱晒我呢個吞拿魚fans🥰特別鍾意中拖羅壽司，帶點油香又有吞拿魚嘅酸味，my favourite💕⭕️ Sushi Roll 「干瓢卷」都係第一次試，原來係將冬瓜曬乾後加入醬油醃製， 甜甜地口感有啲似筍，幾特別。⭕️ Soup奶白色嘅鮮魚湯，配埋豆腐、娃娃菜、菇類等，熱辣辣飲落非常鮮甜美味🥣⭕️ Dessert嚟自宮崎嘅赤玉蜜瓜同抹茶蕨餅，前者軟熟清甜非常多汁，後者煙韌軟糯， 滿足嘅ending🥹…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️Woohoo Happy Weekend Finally🥂😍 做嘢做得咁辛苦係時候出街食好啲😎今次放工去咗出名多好嘢食嘅大坑，約咗去呢間「睿日本料理」🇯🇵 唔想諗揀咩食就簡單地揀咗佢哋嘅「睿之盛宴」，由前菜到甜品成8道菜都係$680，有驚喜有誠意喎😌🙌🏻⭕️ 前菜 - 藍梅醬甜蝦、三文魚籽山芋水雲、柑橘醋海蜇特別鍾意個海蜇😋非常爽口彈牙，用柑橘醋令味道酸甜帶果香👍🏻⭕️ 胡麻醬鹿兒島黑豚肉沙律胡麻醬冇得輸，上面嘅黑豚肉亦都烤到啱啱好🥓⭕️ 刺身 - 吞拿魚腩(拖羅）、油甘魚、帆立貝全部都非常新鮮，厚切特別滋味🐟🤤⭕️ 壽司 - 日本海膽、蟹肉蟹羔、火炙和牛、火炙大左口魚邊、深海池魚🍣海膽香甜creamy，左口魚邊肥美油份豐潤🙆🏻‍♀️⭕️ 木魚花紫菜大蜆湯湯非常清甜，而且仲有兩隻鮮甜多汁嘅大蜆，加上海帶紫菜等，好好喝呢💯⭕️ 燒物 - 磯燒鮑魚，薄燒安格斯牛肉蒜片卷兩款都好啱我口味😍鮑魚燒到啱啱好，唔會過韌，甜甜地嘅醬油好味道。牛肉卷配埋炸蒜片非常香❣️⭕️ 揚物 - 松葉蟹腳、鮮蝦芝士腐皮卷、日本蠔天婦羅WOW😳平時對天婦羅一啲好感都沒有嘅我，對呢個拼盤不得不讚下👏🏻 師傅話佢哋嘅炸粉成本貴出面一倍，食落真係唔同，天婦羅衣非常薄脆，誠意之作❤️特別鍾意個鮮蝦芝士腐皮卷，用咗腐皮包住忌廉芝士同埋蝦，呢個配搭非常有驚喜💯⭕️ 甜品 - 焦糖mousse蛋糕中間果層比起mousse更似雪糕，細細件甜度啱啱好🍰…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️4月30號唔係唔去銅鑼灣打下卡呀🤣咁耐冇出街食晚飯就特登book咗呢間「SABROSA」食西班牙菜💁🏻‍♀️入到去氣氛幾有情調環境寛敞，好啱同閨蜜或另一半嚟喔🍸✨一坐低先叫咗Sangria同Lemonade，兩杯都好refreshing🍹嘢食方面都幾多選擇，今次就試咗呢啲，下次再嚟encore😎⭕️ 自家制煙燻生牛肉片上菜時店員會先打開玻璃罩🫙頓時煙霧瀰漫視覺效果一流🌫同時散發出濃郁嘅煙燻味🤤薄片牛肉口感柔嫩，配埋香草黑松露檸檬沙律油同埋芝士，香而不膩🌿⭕️ 辣味番茄醬拌馬鈴薯外皮香口內裏非常軟熟🥔加上秘製嘅辣味番茄醬，又幾惹味🍅⭕️ 精選凍湯今次試嘅係紅菜頭凍湯，紫紅色嘅顏色非常鮮艷🟣質地濃稠，撈埋中間嘅忌廉，酸酸甜甜非常開胃🙆🏻‍♀️⭕️ 黑毛豬肋條肉燴西班牙飯嚟得西班牙餐廳一定要試嘅經典主菜😋唔同之處係佢哋選擇咗黑毛豬而唔係海鮮🐷飯粒充滿香濃醬汁，而每一啖都食到較嫩鬆化嘅豬肋條肉同埋啲洋蔥絲紅椒絲，I like it🤤👍🏻⭕️ 巴斯克焦香芝士蛋糕外層微焦，中間口感軟綿綿而且充滿芝士奶香🧀細細個好得意份量啱啱好，好味🍰…Read More

邪惡指數：🐽🐽🐽好食指數：🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️ 今次試左呢間喺中環新開嘅「Woke」，雖然門口睇落唔算大，但係原來有成3層，裝修優雅感覺舒服💃🏻叫咗個$328 lunch set，包3款小食同一個main dish💁🏻‍♀️ 佢哋仲做緊個special offer送咗杯welcome drink加分🍷無論食乜環境服務都滿意的呢👍🏻⭕️ Tasting Platter：貪心嘅我加咗$38就可以試晒4款小食😆一上枱覺得好精緻😍每件都好有心思：❣️ Tuna Salad吞拿魚他他配上citrus例如橙同檸檬，再加埋下面塊薄脆糖片，係清新嘅配搭🙃❣️ Tartare Burger用泡芙夾住beef tenderloin做嘅牛肉他他，再配埋用糖醃咗24個鐘嘅鵪鶉蛋黃同埋淡淡松露香，味道層次豐富仲好靚添😍❣️ Tomatoes Soup酸酸甜甜非常開胃，原來係用話梅汁同日本醬油醃製嘅蕃茄🍅❣️ Pan Fried Sea Bass with Dill Cream鱸魚用54度慢煮一小時，肉質又軟又嫩滑，上面係用刁草做嘅cream，入口好smooth，底層仲有菠菜同煙肉粒增添口感，成個combo好夾👍🏻⭕️ Uni & scallop Risotto：好大粒嘅帶子，輕輕煎香突顯鮮味，上面舖上加拿大海膽，鮮甜帶淡淡海水味。意大利飯口感煙韌，芝士味香濃🧀⭕️ Chicken Casarecce With Sundried Tomato in Balsamic Cream Sauce：有驚喜🤤捲捲粉煮到al dente，sauce係用咗黑醋同蕃茄乾，酸酸甜甜，同雞肉意外地夾🍅⭕️ Cognac triple chocolate fudge：呢個$98加嘅甜品🙆🏻‍♀️ fudge cake嘅朱古力味好rich好smooth，而且淡淡干邑味。上面灑上金萡，旁邊仲有2塊truffle伴碟，非常有誠意又精美🍫…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️夜晚無得出街食飯唯有午市食飽啲😆見好耐都無食過放題，揀咗呢間出名選擇多嘅「極尚大喜屋」💁🏻‍♀️ 原來而家變咗電子落單方便得多，等緊嘢食嚟嘅時候又可以出去自助區😌 好放肆咁食咗好多嘢，呢度重點highlight吓🙇🏻‍♀️⭕️ 刺身一坐低當然要叫咗刺身先啦🙃全部食落鮮甜，唔會話未溶好雪，特別鍾意佢厚切三文魚吞拿魚油甘魚👍🏻⭕️ 壽司款式真係多，最好係佢嘅飯唔會太多，所以都可以試多幾款。encore咗醬燒芝士皇帝蟹棒壽司同埋三文魚花之戀🍣⭕️ 炸物 · 燒物芝麻雞翼無得輸❤️外皮香脆同時鎖住肉汁。燒香草羊鞍肉質粉嫩，燒到啱啱好有香草同淡淡羊羶香👍🏻⭕️ 串燒所有款式都熱辣辣送到，尤其鍾意爽甜多汁翠玉瓜同埋燒菠蘿🍍其實仲試咗好多熟食都好唔錯，出面自助區都唔馬虎，炸雞同炸燒賣好正😈 嘢飲方面選擇亦超多🧃無酒精嘅有汽水、果汁、無糖茶等（仲有暖櫃添🥰）有酒精嘅仲係無限量供應，啤酒梅酒燒酒清酒，不得了🍶~$200一位真係抵食CP值高🤑…Read More

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️呢排做嘢做得咁辛苦都要唞吓氣嘅🥺之前行過驚喜發現咗呢間新開嘅法國餐廳，今次一於試吓個6-course tasting menu慰勞下自己先得😆 佢仲有wine pairing不過小女子由於工作關係就要等下次先🍷⭕️ Amuse Bouche：頭盤係三件開胃小食，放喺月亮型嘅碟令外觀更精緻🌙 比較深印象係中間果件，盏形春卷皮入面加入地中海紅蝦肉同龍蝦foam🦞味道非常creamy，濃郁到要wow一聲，而春卷皮同炸櫻花蝦亦增添crispy嘅口感😍⭕️ Hokkaido Scallop Carpaccio：用咗北海道L級size嘅帶子，配上北海道海膽同三文魚子🐟入口順滑同有好豐富嘅口感。🤤而旁邊嘅綠點係用wasabi同牛油果製成嘅果蓉，味道清新帶微辛，配搭得好好👍🏻⭕️ Baked Fresh Crab Meat：一開始以為係茶碗蒸，但係並唔係咁簡單🤯入面有三層，底層係新鮮蟹肉🦀中間係Parmesan Cheese Foam🧀而表面舖上炸香左嘅蟹肉及新鮮黑松露🍄肉質鮮甜厚實嘅蟹肉同充滿空氣感嘅cheese foam對比鮮明，每啖仲散發松露香😋⭕️ Soak Rice lobster soup：泡飯原來都可以做得咁出色🤩龍蝦湯經過3小時熬製，而飯都有講究🧐選用日本特A級「夢美人」，再加入脆米增添口感🍚菜式一體感相當高。食完呢個仲有lime & basil sorbet俾你清一清味蕾prepare for mains，超鍾意❤️🙆🏻‍♀️⭕️ Beef Cheek：廚師將牛面頰慢煮6小時，口感相當軟嫩🐮仲有股香甜可口嘅鎮江醋味，而旁邊嘅薯蓉亦調理得非常幼滑🥔⭕️ Pork Rack：黑毛豬慢煎至約8-9 成熟，令到肉質外脆內嫩🐷淋上砵酒汁後味道更加香濃👍🏻總括來講，有驚喜！每道菜都非常有心思，值得推介💁🏻‍♀️…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️凍左咁多真係成日都好唔想郁😴呢啲天氣啱哂打邊爐🍲 今次就去咗呢間喺尖沙咀嘅「香香宮煮」💁🏻‍♀️一去到就見到宮廷風嘅裝修，仲有大大張龍椅勁有氣勢🐉全場爆滿非常熱鬧🥳⭕️ 花膠雞湯鍋（半隻）金黃色嘅湯底果然濃郁，好飲程度令到我飲咗三碗先開始打邊爐💯😆分開上嘅仲有半隻雞同埋大大塊嘅花膠，非常足料又高質😍唔怪得咁多枱都係叫呢個鍋👍🏻 ⭕️ 手切頂級安格斯牛肉油脂均勻，食落肉味香濃，充滿油香又唔會過分膩，肉質嫩滑🤤⭕️ 厚切脆炸午餐肉必嗌‼️ 厚切又炸過嘅午餐肉，冇得輸吧❤️ 一串一塊，一上枱就咁食又得，放一放落去個湯先食又得😈⭕️ 豬頸肉切到好似一朵花靚靚🌸第一次攞嚟打邊爐又幾特別，保持到爽口嘅口感🐷加埋菜同埋稻庭烏冬真係好滿足🥰 呢間可以encore，見佢openrice訂座仲有折添🤑…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️最鍾意星期三晏晝放假嘅我今日就搵咗間喺西營盤嘅「The Third Bakery」食個靚lunch💃🏻 呢度裝修寬敞舒適，有好多好特別嘅中式擺設🏺🖼 睇埋menu先知原來佢係一間食fusion菜嘅Cafe💁🏻‍♀️⭕️ 香煎龍蝦、蝦米油、虎蝦意大利麵用咗我最鍾意嘅linguine😍 加咗比較中式嘅蝦米油同蝦籽粉令到味道更加香，估唔到咁樣又幾夾喎🍝龍蝦虎蝦嘅份量一啲都唔孤寒，特別鍾意佢嘅龍蝦，肉質鮮甜爽口🦞🤤⭕️ 即焗牛角包窩夫、榛子醬、雪糕比起普通嘅窩夫我更鍾意呢一種用牛角包夾成嘅窩夫🥐🧇酥脆嘅口感更加有層次，無咁易食到好滯，牛油味更香🧈配埋藍莓、紅桑子、榛子醬同雪糕一齊食，呢啲配搭無得輸😌⭕️ 雪糕咖啡Affogato將濃縮咖啡倒落個雪糕度嗰下好爽😎雪糕嘅甜好好咁平衡咗咖啡嘅苦澀，多咗一份順滑更易入口，可以醒神又可以當甜品☕️🍨⭕️ 抹茶拿鐵Matcha Latte 🧊抹茶味濃但又唔會太苦，甜度啱啱好😛…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️終於凍喇🧣呢啲天氣啱晒feel打邊爐🍲貪心嘅我今次揀咗呢間「二鍋頭」，有得任食雞煲再打邊爐，咩都有得食下，爽😌第一次嚟我就叫咗佢最基本$218兩小時任食，見佢仲有個+$100就可以任食美國極黑和牛同安格斯牛都好抵🤑⭕️ 二鍋頭惹味雞煲對上一次食雞煲應該係上年🤔 一嚟到已經聞到好香，揀咗少少辣🤤 除咗雞之外，佢嘅芫荽同埋洋蔥亦都係精華所在🧅🌿個汁真係惹味十足，食得過癮😍⭕️ 懷舊沙嗲鍋（自選火鍋湯底）鍾意濃味嘅我揀咗沙嗲湯底(攞嚟淥烏冬正😉）火鍋配料方面，出面自助區其實已經有好多嘢揀，寫紙仔嘅就係啲肉類海鮮類咁🥩🦐 平時都幾怕任食嘅食物質素會偏差，但係呢度我唔覺，自助station都幾企理👍🏻擺喺出面嗰啲蔬菜全部都好新鮮，丸類款式多，仲有我嘅至愛響鈴同埋炸魚皮❤️佢連烏冬都唔係平貨，係我最鍾意煙煙靭靭嘅稻庭烏冬🤤雖然食到好飽但我都忍唔住食咗兩個烏冬🐖以任食嚟講呢度食物質素真係好唔錯💁🏻‍♀️飲品同雪糕都係喺出面任攞，所有嘢都好多選擇，$200鬆啲就有咁多嘢食性價比極高👏🏻 …Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️今次去咗尖沙咀出名多嘢食嘅厚福街搵食🧏🏻‍♀️ 經過見到呢間新開用古惑仔做主題嘅泰國餐廳，又好似幾特別一於試吓。由門口上樓梯到坐低周圍都見到好多古惑仔嘅元素，充滿香港情懷🎞相信係古惑仔嘅fans絕對有好多打卡位📸 ⭕️ 青咖喱雞：食泰國嘢點可以唔叫咖喱呢😌呢度嘅青咖喱微辣，椰香味較突出🥥攞嚟點薄餅唔錯🫓⭕️ 香烤薄餅：有驚喜！出面餐廳嘅薄餅口感比較似手抓餅，而呢度就有種酥皮嘅感覺，拎上手非常酥脆同有空氣感👍🏻熱辣辣，正🤤⭕️ 豬頸肉炒飯：飯炒得乾身，粒粒分明，口感煙韌🍚 而上面舖滿一塊塊薄脆嘅豬頸肉，份量多到食完個飯都未食晒啲豬頸肉🐷⭕️ 椰汁雞湯：比起冬陰功呢個椰香更香，但都有泰式嗰種酸味🍲 而且配料豐富，除咗雞肉，仲有草菇、蕃茄仔、香茅等，好暖胃，非常適合呢種天氣飲♨️⭕️ 龍眼冰：味道清甜又潤喉，好適合用嚟配濃味嘅泰菜🍹⭕️ 芒果沙冰：有好香甜嘅芒果味，沙冰飲落順喉又解渴，非常fresh🥭…Read More

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️第一次坐地鐵去宋王臺站食飯🙋🏻‍♀️比較特別嘅係今次去九龍城唔係食出名嘅泰國菜，而係食意大利菜🙃⭕️ 香煎北海道帶子配牛油檸檬汁帶子煎得好香，牛油檸檬汁都好夾，而熟嘅程度亦控制得啱啱好🤤伴碟仲有沙律同埋半個牛油果🥑⭕️ 精選薄餅其實就係蘑菇、黑松露醬、火箭菜加埋芝士嘅薄脆批。平時無肉不歡嘅我都覺得呢個Pizza唔錯，幾香黑松露味，芝士仲拉到絲😈，配埋薄批脆卜卜幾香口又唔會好滯🍕⭕️ 煎法式鴨腿隻鴨髀算幾多肉幾香，外皮帶脆，配埋佢嘅黑椒汁更惹味😌除咗啲雜菜之外其實鴨髀下面仲有啲薯蓉添🥔⭕️ 朱古力慕絲蛋糕第一啖食落去口感有驚喜😍平時mousse cake都會好似一陣風咁比較輕身，呢個反而口感有啲啲chocolate truffle🧐朱古力嘅味道幾rich🍫，食埋呢個甜品滿足的呢🥰…Read More

邪惡指數: 🐽🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️見好耐冇食過炸雞，今次一於去試吓呢間朋友推介嘅「Yadllie Plate」🇰🇷 位置喺旺角兆萬，感覺好青春😝 原來食lunch仲有7折，又幾抵喎🤑⭕️ 黃金蒜香無骨雞：炸雞外層呈金黃色，雞肉口感酥脆同時保持肉汁，蒜香味非常惹味🐔加上雞肉已去骨，好方便易食，啱晒我🤤⭕️ 天國的榮耀：個名非常特別，原來係安格斯牛扒配炒雜菜🙌🏻 牛扒預先煎至半熟再放上燒熱嘅石板上，上菜時係冒住煙仲有「炸炸」聲添💥牛扒相當厚身， 而且脂肪分佈平均，食落肉汁豐富🥩而炒雜菜都有驚喜，調味調得幾好又唔會過油🥬⭕️ 芝士部隊鍋跟辛辣麵：熱辣辣又豐盛，有齊晒午餐肉、煙肉、韓式年糕、泡菜等，仲有邪惡嘅芝士🧀😈食到差唔多仲可以落埋my favourite辛辣麵，麵條索哂濃郁嘅湯，香辣又好味呢🍜⭕️ 草莓雪冰：賣相好吸引️🍧綿綿雪冰上面舖滿士多啤梨🍓仲有雲尼拿雪糕，甜得滿足🥰⭕️ 桃味啤酒：食炸雞都幾啱飲啤酒，呢款桃嘅甜味平衡咗啤酒嘅苦澀味，順滑又易入口咗，平時唔飲啤酒嘅我都覺得唔錯🍺…Read More