碌地沙's Profile

早兩日朋友話好耐冇食拉麵，見到元朗有間「野川拉麵之深燒食堂」，即刻約咗一齊去試。依家店舖新裝修過，入到去見到工業風打卡位同七彩霓虹燈勁搶眼，感覺幾chill又有活力，晚市好旺場，但空間唔迫，有室內外位，坐得舒服。開頭諗住食拉麵，但Menu居然仲有壽司、刺身、串燒，選擇多到唔知點揀。今次叫咗原隻豬軟骨拉麵，湯底清香夠味，豬軟骨炆到超入味、啖啖膠質又爽滑，麵條掛湯得嚟有咬口。一齊share埋海膽壽司、油甘魚壽司，全部都新鮮厚身，油甘魚鮮甜無腥味。串燒外焦內嫩，牛肉仲帶微微香氣。最驚喜係飲品，有日本青蘋果梳打同綠茶可樂，一大個冰杯成支果汁倒轉插。服務都大大力加分，本身坐喺中間六人枱位置，但係唔方便傾偈，我見到有二人枱即刻叫侍應幫我哋轉枱，佢都好樂意幫我哋轉，而且收碟收得勁快。埋單仲比我想像中抵，兩個人食咗成大枱嘢勁飽，真心推介俾愛日式小菜又貪新鮮嘅朋友。…Read More

門口位滿滿花既裝飾入面係一種宮廷風既裝修～帶另一半黎慶祝紀念日成個環境真係加晒分我哋嗌左個火焰牛扒既2人Set Dinner餐湯、餐包、沙律、意粉/意大利飯、牛扒、餐飲～（可以優惠價$56 加埋甜品）但我地已經食得太飽所以最後就無加到甜品～餐包好出色～ 係香蒜包而且有烤過的～凱撒沙律新鮮沙律生菜配芝士碎面頭有d脆身既煙肉片～好正而且份量比我想像中大碟～蟹肉意大利瓜番紅花意大利飯滿滿蟹肉～ 汁好濃郁～大滿足！ 干邑火焰牛扒！！我地揀左平鐵牛扒5成熟～記住準備好手機錄影拍片😝因為上枱之後待應會過黎倒上酒即刻制造出火焰效果真係要把握時間影相拍片5成我覺得剛剛好～肉質好嫩而且好juicy配埋蒜粒食～ Yummy!!另一半表示食得滿足又滿意…Read More

今日約左朋友係元朗食飯，天氣又凍左甘多，所以決定去食雞煲打邊爐，平時行過見到幾多人食所以今日見早小小無咩人就去試下佢有２個任食餐，一個２３８另一個係２９８，分別係貴既可以叫埋美國安格斯牛頸脊，朋友話難得食飯食好Ｄ，就決定食貴哥個，個湯底未上之前， 老闆娘就話依段時間做緊優惠送左我地一人一隻大閘蟹，雖然係送既，不過隻蟹既膏都幾多幾香口我地叫左胡椒豬肚雞煲，豬肚勁淋勁入味，超正，不過雞就係分開上就有小小失望，不過食落勁滑無雪味就原諒佢啦佢仲跟埋鮮炸響鈴，新鮮炸起熱辣辣真係好食好多，浸完湯一秒上黎又脆又有豆味又沾到湯汁味，必食！好彩加左６０蚊，牛頸脊明顯好食好多，牛味濃好多油脂分佈都好好多，不過牛肩胛都吾係餐既，都好食，不過有比較有傷害…Read More

約左朋友食生日, 佢話突然好想食串燒, 諗起之前上網見人介紹過元朗有間串燒幾抵食味道都吾錯, 所以約埋朋友一齊黎試下店面吾算好大, 不過都吾會好迫, 都有自己空間坐得幾舒服, 而且佢用工業風既裝潢再加上霓虹光管裝飾, 都幾岩打卡講番野食先, 佢野食種類都算幾多, 我地叫左一堆串燒, 有翠玉瓜, 芝士腸, 香腸, 台式香腸, 鮮牛肉, 秘制雞脾肉, 雞軟骨, 燒五花腩全部都燒得岩岩好, 焦香得黎仲有肉汁, 而且好香孜然粉味, 加上仲有個爐幫你暖住串燒, 幾鍋心我地仲叫左忘情雞泡魚乾, 甜甜香香, 點埋沙津醬, 好味家鄉炒米粉係招牌菜之一緊係要試下啦, 真係正喎, 炒得好味口, 甾油味都好香濃, 加左小小肉片入去增加口感, 仲要係勁大碗, 食完飽哂惹味茄子, 又係好大條, 燒到岩岩好, 連皮都食得, 好濃蒜頭味雞蛋腸, 好嫩滑, 加上秘制醬油, 正紅糖糍粑, 新鮮炸起熱辣辣, 店員提我地要放一陣先食, 貼心北海道大元貝and蒜蓉粉絲北寄貝…Read More

今日帶屋企人黎到旺角呢間日式韓式放題、先黎左一個刺身拼盤,刺身種類好多,單是蝦都有小既甜蝦、泰式生蝦（比較辣）、有頭赤蝦、熟既凍蝦等等、重有海膽同大大隻生蠔海膽非常鮮甜、重有三文魚、帶子、赤貝、北寄貝、馬刀貝等等芝士蟹子軍艦係芝士控必食的重有幾款既火炙三文魚壽司大大粒嘅黑松露帆立貝壽司就算唔想食咁多飯都抗拒唔到食左幾轉屋企人話要食菜就點左一個泰式炒通菜比佢辣辣地好惹味飲品我喜歡呢個仙草爽、粒粒仙草好咬口而且唔會好甜另外佢哋仲有甜品櫃入面嘅蛋糕卷同埋馬卡龍都好好食完全想像唔到，點解我哋食到咁飽仲可以食到咁多甜品入門口位置重有成櫃既雪條、類別非常多鐵觀音奶蓋珍珠雪糕、上面白色係好蓋味、下面係鐵觀音茶味重有一粒粒形珠係入面、非常好味…Read More

第一次黎屯市既茶木我仍然係揀番每次必點既台式麻辣半筋半肉手工拌麵、個麻辣湯我次次都忍唔住飲晒、因為實在太惹味、手工麵麵質煙煙韌韌、本身個麵都會食到少少麻辣味、半隻糖心蛋依然出色屋企人點左個肉燥飯配台灣腸Share一齊食肉燥惹味送飯一流因為台灣腸真係太好食結果我地再點多左一個路邊攤小食入面有兩粒丸+鹽酥雞+台灣腸、鹽酥雞外面鬆脆入面嘅肉質都嫩滑、份量足夠蒜片唔夠重可以同地講或者Order既時候可以tick多蒜～跟餐除左有飲品之外重有甜品的、我揀左白朱古力抹茶可頌窩夫、個窩夫係用牛角包制作出黎、所以口感係非常酥脆、加埋上面既抹茶粉同白朱古力絕對係夾、食完係會想再食多一個的特別想讚既係待應既服務態度好好…Read More

今日約左同學番學校附近影相，一直都吾知有間西餐係樓下，朋友驚我地人多要排所以事先book左位，不過間餐廳都幾多位，環境好舒服幾好坐，佢星期六都有set lunch， 價錢都吾算貴喎，我就叫左個漢堡飽食，個包勁高，一開始吾知點食好，無從入手，最後都係用手黎開餐啦，咬落舊肉勁多汁，食到d汁噴哂出黎，而且肉味都好濃郁，配埋佢個醬汁酸酸地，好夾，正喎，不過薯條就吾算好脆，但係佢係上面加左d辣粉，辣辣地都幾開胃…Read More

今日又要落銅鑼灣做野啦，難得落到黎緊係搵朋友食埋飯先番去啦，朋友本身係附近番工，佢就推介去食一間印尼菜，話出面好少有機會食到甘地道既印尼菜，甘到去門口都吾覺唔覺得佢係一間餐廳黎，因為門口係賣好多少食野，蝦片呀間餐廳吾算好大間，不過都放到5到6張4人台，而且裝修都幾有印尼特色我地最後叫左2個主食＋1個小食＋2杯飲品，好好食，不過份量大到食吾哂燒牛仔骨花膠粉皮: 燒牛仔骨好惹味 花膠湯分皮好岩天冷食 好暖身，淡淡既花膠味加上滑溜既腸粉皮，好味呀炸魚三色飯：野食到左嚇一跳，無諗過甘大碟，好多配料，仲有沙律（佢地個沙律個醬都係沙嗲醬），炸魚炸得好香脆，除左條大骨基本上成條都食得，好正，加上可以一次過試哂三色飯，三個之中我最鐘意食個椰醬飯，佢入面有銀魚仔，咸咸定好好味啡啡涼粉冰：鐘意飲咖啡既依個無得輸，佢吾算好甜甜，但啡味同奶味都再加上幼幼既涼粉 好夾牛油果沙冰：飲落好香牛油果味，岩哂我依d牛油果怪，不過上面加左d朱古力醬先先蓋過左牛油果既味精，不過加埋都係好飲既…Read More

朋角介紹旺角出名既泰國菜餐廳，係先達附近都幾易搵，餐廳坐位唔算多餐牌選擇好多、不過我地都係揀左餐因為餐入面都有我地想食的同朋友一行三人Order左二人餐另外再加左黃咖哩炒軟殼蟹同甜品跟餐既飯我地轉左蒜蓉包（+10轉有四件）我地兩個飯都轉晒所以一共八件呢一碟黃咖哩炒軟殼蟹、認真推介！！個黃咖喱好味到不得了、椰香味較重唔算好辣、我覺得配蒜蓉包比配飯更搭軟殼蟹完全可以「索」晒啲咖喱汁掂呀！而且份量都OK二人餐本身份量原來都唔細、其中炸蝦餅一份有6大件、好大份重有冬陰功湯青咖哩可以配豬牛雞或者雜菜我揀左牛肉、青咖哩都是椰香味比較重、好岩我胃口、佢係比較稀身的我忍唔住當湯咁一羹一羹咁飲太惹味了😂😂但佢味道同黃咖喱相比是較辣的餐飲有兩杯、飲杯青檸梳打有夠爽甜品點左椰汁芒果糯米飯份量十足芒果夠甜（呢樣重點）2人餐加多左兩樣野已經食到我地三人覺得好滿足…Read More

去到尖沙咀食飯，經過近排大熱既龍門冰室，難得地吾算太多人，所以就打算去試下，前面有5，6個人，不過排左十幾分鐘就有位啦入到去緊係食佢最出名既茶餐啦，佢有２個茶餐揀，今次我就叫左瑞士汁雞翼公仔面，瑞士雞翼非常入味，不過肉質仲係好嫩滑，好味道。而且今次我轉左茄湯公仔面，個面黎左我都有小小嚇親，估吾到佢個蕃茄湯係咁濃，濃到好似茄醬咁，而且仲有好多舊炆到好淋既薯仔，食落勁飽肚，不過味道比較酸。炒蛋同多士都好大份，亦係水準之作，　我相信就算一個大男人食完吾會有空虛既感覺。另外餐飲我加左錢要左杯紅豆冰，紅豆煮得好甜好淋，保留到小小咬口，再配上花奶，甜度岩岩好，不過可惜的是佢用即棄膠杯，同平時飲紅豆冰既感覺有小小格格不入。…Read More

突然間好想食韓國炸雞，甘岩同朋友出旺角，搵下附近邊度有炸雞食，記得之前食過nene chicken都幾好食，所以今次決定食番依間啦一如以住，依間野真係好多人，我地大概7點半到，都要等半個鐘先入到去甘我地見到佢有個新set好似幾抵食又有新野試下就決定叫左依個set之前食過炸雞，所以今次決定試下新野，我地揀左NENE炸雞拼章魚燒，是細塊的炸雞加上沙律醬，加上沙津醬後變得非常惹味，正章魚燒則不過不失，入面的章魚肉都幾大粒，吾錯因為見到有麻辣，所以我就忍吾住叫左，炸漿比較硬生，口感幾特別，有啖啖的麻辣味，怕吃辣的也不用怕，但不得不提的是旁邊的配醬，其中一個是牛油蜜糖醬，同個炸蝦非常夾最後仲有個蒟蒻冷面，冷面食落十分彈牙，配上微酸的冷面汁，食落非常開胃…Read More

今日去完朗豪坊睇完戲，但係吾想次次都去個food court食野，食黎食去都係哥d都有小小悶， 所以就去左朗豪隔黎個大廈搵野食，搵左間叫Romanne既樓上cafe，上到去餐廳吾算好大，但係裝修都幾靚，仲有個開放式廚房，可以睇到廚師幫我地煮既每道菜式見到個晚餐Menu有烤帶子明天子意大利粉已經流哂口水 (因為本人好鐘意明太子的味道, 配上白汁, 簡直係絕配), 落完order佢地好快就上左餐湯, 餐包同埋個沙津時日餐湯係南瓜濃湯, 南瓜味非常濃郁, 味道略甜, 但十分有飽足感, 沙津十分有驚喜, 份量十足, 食落十分新鮮, 配上自家制沙津醬, 非常好味其待己久既意粉終於到了, 烤帶子十分香口, 有淡淡的海鮮味, 濃郁的明太子醬配上小量雜菇, 食落口帶點微辣, 非常惹味, 正呀最後跟餐半價加左個窩夫, 即烤窩夫配上曲奇雪糕, 再配上紫薯醬, 擺碟同味道都無得輸, 好邪惡呀…Read More

今日去到上水揾朋友食飯, 佢話之前經過一間台灣野好吸引, 一直好想試, 咁我地就決定去哥間台灣野開餐啦入到去睇本餐牌佢食物種類都非常之多, 佢吾單止得台灣野, 仲有得食中式小菜同埋鋸扒, 不過朋友話想食台灣野, 咁我地主要都係叫左台灣野黎食食台灣野邊小得滷肉飯, 細細碗岩岩好, 肉汁美味, 肥瘦適中, 食落十分惹味, 加上蘿白十分開胃另一樣台灣必食美食, 緊係牛肉面啦, 份量好足, 一個人食一碗應該已經飽哂, 牛肉炆得褂常淋身, 好正, 而且湯底十分濃郁, 飲落吾會口渴, 必食之選由於我本身食咸蛋愛好者, 見到佢有依個小菜我都忍吾到手叫左, 加上睇左圖本身諗住佢好細份就點黎試下, 點知....(見圖), 但食落咸蛋味好濃, 而且炸得十分香口, 令到我地都食吾停口另外我地仲叫左個鹽酥雞, 有一個值得稱讚的地方就係佢台面有好多吾到既味粉可以加去個鹽酥雞度, 你可以叫一份雞但係有吾到的口味, 好食又好玩…Read More

今日為左慶祝朋友生日, 我地入左大埔林村許願樹哥邊間荷曄庭訂左台食飯, 之前新年有入過黎掉寶碟, 都幾熱鬧, 但無諗過閒日入黎食飯, 成段路會係咁靜, 不過餐廳都好易揾, 64K落左車牌坊路口直入就會見到指示行左3-4分鐘, 終於到啦, 嘩...之前聽人講依間餐廳環境吾錯, 無諗過真係咁靚, 有好多類似獨立屋型式既台, 成班朋友黎, 情侶黎都真係幾有情調好耐無食菜, 所以首先叫左個凱撒沙律, 廚師事先將凱撒醬撈暈落D菜到再加上粟米片, 煙肉碎同埋芝士條, 味道配合得好好, 煙肉惹味再配上芝士條跟粟米片, 口感非常等別, 正之後叫左個燒羊鞍, 羊鞍燒得岩岩好, 吾會燒得太熟, 因為一過熟就會變得好韌, 配上三種醬更顯惹味, 但我覺得羊蘇味略為不足, 不過怕蘇味的朋友仔都可以食得到最後叫左個鵝肝焗豬扒飯, 我本身吾算太鍾意食鵝肝, 同炒飯底一齊食又幾夾, 我朋友本身鐘意食, 就話味道好濃好正…Read More

好耐無去過台灣啦, 真係好掛住台灣D野食, 所以上左Openrice揾下附近有咩台灣野食餐廳裝潢好有心思, 你一入門口就會見到好多台灣名勝, 地道野既油畫, 有101, 北投温泉, 西門紅樓, 即刻另你對台灣的感覺番哂黎, 非常有心思, 值得一讚其實台灣除左滷肉飯之外雞肉飯其實都好出名, 所以見到餐牌上高有雞肉飯當然試一下, 食落雞肉嫩滑配上特制醬油非常惹味之後就開始叫甜品了, 叫左個地瓜球同埋草莓蜜糖方磚地瓜球真的有點失望, 平常在台灣吃的是非常香口, 但這裡做的是很軟的, 好像炸得不夠時間但草莓蜜糖方磚就非常驚喜, 成個甜品都好靚, 而且麵包十分香口, 濃濃的蜜糖味再配上厚厚的忌廉, 好幸福呀走哥時留意到原來門口隔黎係有得買台式甜品同小食, 下之經過時又可以買小小回味一番…Read More