Foodiejamie的個人專頁

自動旋轉烤爐+宮崎A5和牛任食，仲可以夾公仔換裝？「唔使自己動手，串燒喺眼前自動旋轉，烤到金黃焦香；咬一啖油脂豐潤嘅宮崎A5和牛，轉頭仲可以夾公仔、幫Labubu換新衫——呢間燒肉放題店，應該係全港最識『懶人快樂學』嘅食玩天堂！」 🔥 懶人最愛：自動旋轉烤爐，解放雙手呢度嘅串燒放上特製轉爐，360°勻速翻轉，油花滴落時滋滋作響，香氣隨旋轉飄散，完全唔使自己反轉！ 🍖 肉食控狂喜：A5和牛+鵝肝多士任食宮崎A5和牛：霜降紋理如藝術品，入口即化，油脂甘香喺舌尖漫開。 鵝肝多士：外脆內軟，鵝肝嘅濃郁配烤到微焦嘅多士，邪惡但滿足！ 驚喜之選：燒蠔蒜香十足，仲帶一絲檸檬葉清香，鮮味層次更豐富。 🍢 放題選擇多，但蔬菜黨注意雖然主打燒肉，但自助區仲有雞翼、腸仔、炸魚餅、餃子等，小食種類唔少。可惜燒烤類蔬菜選擇唔多，不過有烚菜可以點，勉強平衡吓。 🎪 食玩結合：夾公仔+換裝，少女心爆發！食飽後唔好急住走——呢度竟然有夾公仔機，仲可以帶自己嘅玩具嚟換裝！店家會免費提供小衫，睇住自己嘅Labubu著上新衫，滿足感唔輸食咗十塊和牛 😊…查看更多

去大圍探朋友，知道呢度有一間別具風味嘅馬拉菜小館，裏面多款人氣菜式都好吸引，一於去試吓，入到餐廳嘅貓貓壁畫相當吸睛😍非常可愛💕鮮牛油咖央多士麵包底面都烘至金黃，外脆而不會乾爭爭，內有半溶牛油，讓咖央醬味道更有層次，甜度剛好，讓人一口接一口😋一字骨肉骨茶以砂煲上桌，好香藥材味，一字骨炆得軟腍，肥瘦適中，送飯一流，肉嘅份量多仲可以無限添飲😬龍蝦尾海鮮濃湯蝦麵期間限定嘅加強版特濃蝦湯底，6吋長嘅龍蝦尾、配以帶子、青口等海鮮，湯底則以「蝦麵」出名濃香鮮味的蝦湯為基本，再加入海鮮和鮮茄熬製成，好香好濃稠，龍蝦尾肉好容易起出，一咬便啖啖肉，鮮甜味美～辣死你嗎配生炸雞全髀必試人氣菜式，隻雞髀手掌咁大，雞皮脆卜卜，雞肉嫩滑鎖住肉汁，伴以咖喱薯仔、脆魚仔、雞蛋、青瓜、花生，參巴醬果然辣得有後勁，食得非常過癮，又係一個送飯之選😀愛他愛他係馬來西亞小食，魚肉🐟混合香料再用蕉葉包裹住嚟燒烤，魚肉混合蕉葉的香氣，微辣，風味十足～…查看更多

我鍾意食福建菜，除了口味較不油膩外，菜式也相當豐富，最近係食鰻魚嘅最佳時節，莆田推出4款鰻魚美饌，分別以蒸、炸、燒、焗製作，一定要去試試啦😋添上普寧豆醬再焗製的「普寧豆醬焗鰻魚」～一試愛上😋😋鰻魚與普寧豆醬交融後，鰻魚嘅鮮味更為突出，肉質札實又相當Q彈，味道濃郁可口，非常下飯!!新菜式「閩南五香卷」係一道傳統特色美食，很家常嘅味道，以五花肉、腿肉、葱、馬蹄为主料，裹以豆皮，香脆可口、酥而不膩～嚟到莆田，一定要嚐嚐經典菜～百秒黃花魚，以明火現燜100秒即熱嫩上桌，保持原汁原味，鮮甜美味，肉質鮮嫩～百吃不厭嘅「石鍋滑豆腐」，石鍋上鋪左一層煎蛋底，加上豆腐，肉碎，蝦肉等，淋上秘製芡汁，非常入味，豆腐咬下去爆汁，這道又是一道下飯菜式😋「脆皮蒜香雞」，酥脆鹹香嘅外皮，滑嫩嘅雞 肉，蒜香十足，外脆內嫩太美味～呢度無論係環境、食物質素同服務態度都相當令人滿意，自家秘製的辣椒醬更是非試不可👍🏻…查看更多

約朋友仔傾計兼食好西，朋友推介銅鑼灣～重房食Omakase前菜為日本高糖蕃茄白酒啫喱及菠菜蟹肉，酸甜清爽～好醒胃呢😋銀箔紫海膽甜蝦食材配搭得天衣無縫，令原本極鮮的食材再度昇華，每一口都讓人回味無窮！粒貝配以生椒、海鹽 ，伴以楊梅，清甜爽滑，適合夏天享用～西班牙紅蝦刺身刺身配上特製嘅蝦膏食用，鮮味十足，蝦頭燒得香脆～日本岩手縣米崎真蠔爽口、海水味較淡，啱晒我嘅口味😋配搭沖繩海葡萄、啫喱、辣椒及新鮮柚子皮，將最原始鮮味呈現～鯖魚表皮燒得香脆，表面灑上京都五色芝麻及蔥，口感豐富～北海道深海八爪魚伴以梅啫喱、食用花口感精細清爽，非常夏日～雙色拖羅選自（稀有部位）腦天及吞拿魚大腹，加入紫蘇葉及海鹽，油脂滿載，用爽脆紫菜包住，口感層次分明～磯煮鮑魚鮑魚用秘製醬汁慢煮，鮑魚腍身但保留充滿彈性的口感，配上鮑魚肝，將鮑魚嘅香氣發揮至極致～吞拿魚下巴（稀少部位）及南瓜湯球肉質細膩，帶點焦香，回味無窮～子薑/日式鹹菜石桓貝壽司，質感脆口有彈性～平治魚壽司，較同類嘅油甘魚清甜啲，肉質更爽口～燒右口魚邊 ，配搭炒香嘅櫻花蝦和日本蔥，滋味滿滿～倉魚bb壽司，加入柚子胡椒，將口感帶到另一個層次～紫海膽壽司，時令嘅紫海膽味道甘甜而帶有香氣，口感幼滑而略帶黏稠，幸福感滿滿💕魚湯烏冬用上30條魚頭魚骨熬煮6小時的濃郁魚湯烏冬，最後以靜岡蜜瓜作完美收尾～…查看更多

寶貝女考完試，一家人出去食大餐輕鬆下，揀左最愛嘅韓國餐😍呢間位於銅鑼灣、由韓國人主理嘅Bingo&cook，店內裝潢極具特色，彷彿置身首爾街頭～多個打卡位，玩味十足💕蜂蜜黃油炸雞係寶貝女嘅favourite，炸好的雞肉裹上蜂蜜黄油汁，外皮酥脆，内裹juicy爆汁，鮮嫩入味～醬油炒牛肉，蔬菜吸收牛肉鮮味，牛肉嫩滑，係我的最愛😍很好下飯～醬油蟹（連飯）鮮甜蟹膏配合特製醬油，令人難以忘懷，將白飯加進蟹蓋內，與蟹黃一併進食，真的無愧於「白飯神偷」嘅稱號～要數最具代表性嘅韓式鍋物，相信非部隊鍋莫屬，今次係走辣部隊鍋，鍋內除了香腸，午餐肉外，還有年糕，蔬菜和公仔麵，最緊要加左芝士，小朋友好鍾意❤️…查看更多

年尾同埋朋友團圓聚餐, 去 神燈海鮮酒家, 鍾意佢傳統粵菜做得出色, 選擇又多！新年前後較為人多, 建議最好預先訂座！坐低奉上小食 芝麻合桃, 合桃香口鬆脆仲有蜜糖, 甜甜地食到停唔到口！伊比利亞叉燒王採用西班牙伊比利亞豬, 肥瘦適中, 肉質好軟嫩, 食落有淡淡果香！黑松露玻璃燒鵝招牌菜 差不多每枱都點！黑松露配燒鵝又幾創新, 食燒鵝靈魂就係個皮, 塗上黑松露醬除咗有濃郁gas味, 仲帶淡淡焦香, 皮薄鬆脆, 肉質嫩滑, 夾得啱啱好！糯米炒膏蟹原煲熱辣辣上菜, 極之震撼！ 打開蓋香噴噴, 服務員即席炒底, 糯米飯粒吸收蟹汁, 煙韌軟熟加一口蟹膏嚟食, 濃郁醇厚好有滿足感！金湯海皇豆腐用南瓜磨蓉加上湯炮製, 味道清甜加入帶子粒、魚肉、蝦仁, 令幼滑嘅豆腐加添口感！豉油王銀芽炒麵銀芽炒麵好夠火喉, 麵質爽口彈牙, 食落特別香口惹味, 應該係加咗豬油伴炒, 老香港傳統味道！飯後甜品免費奉送 奶凍同桂花糕, 為呢一餐畫上完美句號！…查看更多

想食刺身, 又想食雞煲火鍋同燒肉。 一個價錢滿足曬三個願望, 仲要係放題添！之前食過筲箕灣分店, 旺角店唔使過海, 係地鐵站上蓋超方便！一坐低首先上嗰刺身拼盤, 定量六款刺身有甜蝦、三文魚、北寄貝、八爪魚、帶子同螺肉, 唔錯好新鮮！前菜小食係放題, 點咗沙薑豬手粒、中華海草、椒鹽雞軟骨！我最鍾意豬仔粒炆得好淋好軟熟！椒鹽雞軟骨卜卜脆, 送啤酒一流！跟住就上雞煲, 雞肉嫩滑好惹味, 辣度啱啱好！打邊爐揀咗蟲草花桃膠湯底, 除咗一般火鍋料, 海鮮有鮮蝦、龍躉片、鮑魚、蟶子仔、蝦滑墨魚滑, 真係好多選擇！牛肉拼盤, 有牛肉粒、牛肩胛肉, 脂肪紋理分佈均勻, 食落油脂甘香, 質素絕對唔差, 打邊爐或烤肉悉隨專便！…查看更多

就嚟聖誕, 又係時候一家人出嚟食飯！最近 莆田 推出海蠣節季節限定菜式, 當造新鮮海蠣 一家人食就啱曬！莆田 主打福建菜, 將軍澳店裝修精緻和諧、清雅唔俗套, 坐得好舒服！茗茶有多款選擇, 點了 枸杞胎菊茶 有溫純菊花香味, 明目清熱去濕！福建海蠣煎 $119當造海蠣 隻隻都新鮮肥美 size適中, 口感煙韌似煎蛋餅, 不油不膩！海帶苗排骨湯 $98選用海帶苗口感特別細緻, 滾起啖湯清甜暖胃, 冬天飲啱曬！排骨帶肉軟綿綿, 小朋友特別喜歡！莆田荔枝肉 $88似平時的咕嚕肉, 換上荔枝味道帶甜少酸, 香脆惹味！軟煎黃花魚 $188先炸後煎再醬汁燜煮, 工序繁複非常入味, 外脆內軟, 又不失黃花魚的新鮮幼滑肉質口感！石鍋滑豆腐 $88石鍋烹調上碟香噴噴丶熱辣辣, 豆腐細嫩幼滑加上濃郁醬汁, 送飯一流！…查看更多

世界盃支持法國隊, 食嗰法式Brunch chill番下！餐廳係popcorn將軍澳港鐵出口好方便, 裝修佈置充滿法式浪漫情調！黑松露牛肉雜菌蕎麥薄餅Beef & Truffled Mushrooms Galette免治牛肉加上蘑菇、松露忌廉汁真係絕配, 嫩滑濕潤味道濃沃, 仲有埃文達芝士鹹鹹地芝香撲鼻！蕎麥薄餅口感鬆脆, 食落唔覺得heavy！班尼迪克碗 Benedict Bowl有燒茄子、車厘茄、牛油果蓉, 造型吸引感覺好健康！主角班尼迪蛋放上軟熟麵包, 感覺像特濃溫泉蛋, 幼滑黏口好滿足。配埋香煎halloumi芝士, 質感紮實味道香濃！花生朱古力可麗餅 Choco-Nut Crepe甜品就揀傳統的法式可麗餅, 軟綿綿煙韌軟熟, 朱古力雪糕加埋朱古力醬、花生醬同丶花生脆粒, 真係甜蜜見到都想食！熱帶風冰茶 Tropical Passion有熱情果同芒果, 清甜好香果味, 淡淡茶味易入口！芒果smoothie冰沙幼滑芒果味特別濃郁, 原來係加咗椰奶, 又幾唔錯！…查看更多

天寒地凍最啱就係食麻辣火鍋, 今日就去PopCorn方叔叔食重慶麻辣火鍋！一坐低店員首先奉上紅棗冰糖雪耳糖水, 食麻辣火鍋可以甜蜜滋潤個胃！鴛鴦麻辣鍋鴛鴦麻辣+蕃茄湯底, 小麻多辣十分滋味, 無令我失望！晨洲生蠔12-2月季節限定唔係成日有, 新鮮嫩滑爽口有蠔味！重慶耗魚兒 : 肉質結實有魚味, 爆麻辣火鍋就最夾！嫩牛肉：嫩滑好新鮮, 淥一淥就啱啱好粉嫩鮮甜多肉汁！手打魚籽蝦滑：爽口彈牙爽脆有新鮮蝦味手打香菜牛肉滑牛肉滑爽嫩多汁同芫茜好夾食落有清新感覺唔膩！現炸豆皮薄薄一片, 泡一下麻辣火鍋吸收湯汁, 滋味無窮！…查看更多

天氣有點涼最好打邊爐今日食湊湊台式火鍋, 將軍澳店好大空間感, 坐得舒服, 裝修型格有特色！先點小食, 台灣香腸 口感嫩滑微甜。鹽酥雞 外酥內軟好香脆！白貝海鮮鍋/ 番茄牛膝骨鍋 (鴛鴦鍋)白貝海鮮鍋底融入海參、乾貝、金耳鮮蚵等料熬製而成, 湯底味道濃厚, 滾起先飲入口綿化。美國特選級牛肉雙拼美國牛小排 油花均勻，口感鮮嫩。牛肩胛肉眼 牛味濃郁, 滾十秒就啱啱好！筆管魷魚原條上碟好新鮮, 爽口彈牙有嚼勁！脆吳郭魚片口感嫩滑, 充滿鮮味！企鵝丸企鵝墨魚丸選用魚糜、墨魚肉、及少量豬肉打造而成, 口感Q彈, 可愛造型打卡就啱曬！燕麥奶茶採用Oatly燕麥植物奶口感細緻, 加入臺灣直送燕麥粒, 粒粒分明飲落好有層次！素食及乳糖不耐症的人都啱飲。+19/位 自助小料台 有齊前菜、滷肉飯同水果, 又幾豐富。鴨血豆腐仲無限添加！最後餐後甜品, 附送菠蘿味沙冰同酸梅茶凍, 雖然好飽, 都要試下！而家至11月30日 (全日供應), 凡點新鍋底「白貝海鮮鍋」, 仲可以用優惠價加購(比利時豬肉或美國牛肉雙拼) 早鳥優惠: 下午6時前埋單及離座可享85折宵夜優惠: 晚上9時半後入座可享8折茶飲…查看更多

616牛肉火鍋有唔同刁鑽牛肉部位, 今日去咗明德商場分店, 地方幾寬敞, 仲有卡通壁畫打卡啱曬！花雕醉蜆鍋煲滾一打開蓋, 酒香四溢, 一大盤蜆全部向上露出蜆肉, 百花齊放好漂亮！蜆肉新鮮冇乜沙, 處理得唔錯。食完再用蜆湯做牛肉火鍋, 特別鮮美！安格斯-橫隔肌與橫隔膜相連,每頭牛只有兩小塊, 稀有得嚟價錢唔貴, 牛味好濃郁！澳洲五花趾牛後腿肌腱的中心部份, 類似平時食開的牛展, 口感爽脆彈牙。牛駝峰牛朴肉後端的頸背間的肉, 食落有豐富油香肉味！匙柄牛下肩胛肉,油脂較少,肉質纖維幼細！雙拼牛肉餃原味牛肉餃好多肉汁。麻辣牛肉餃好有辣勁, 鍾意麻辣嘅一定要試下！手打牛筋丸(半打)軟熟肉味較濃好juicy, 口感冇想像中彈牙！鮮製手打烏冬堅韌軟熟, 特別柔軟幼滑, 有嚼口！…查看更多

筲箕灣東大街出名美食多！有間小店Sushi Men x Oyster Men 專做外賣, 有齊生蠔、刺身、壽司、丼飯, 樣樣都咁啱我！生蠔心思思點咗兩隻法國生蠔試下。Gilles Masses no.2 鮮甜有海水味, 帶少少金屬味道, 好有層次。碎蔥吞拿魚腩丼飯 食到粒粒嫩滑吞拿魚腩, 油脂豐盈, 配上新鮮青瓜片,蛋絲同紫菜嚟食, 口感豐富, 嫩滑得嚟又充滿鮮味！三文魚親子丼飯三文魚厚切, 肥美嫩滑有油份, 加埋飛魚子同蛋絲食落卜卜脆, 感覺清新！整體份量充足, 質素唔錯性價比甚高！…查看更多

新都城開咗新食店, 今日就去「台北車站」 , 除咗台式料理, 仲有小炒、雞煲、酸菜魚食！餐廳地方幾寬敞, 店內掛有火車相片, 簇新的裝修感覺精神！麻辣雞煲點咗小辣半隻雞, 辣中帶麻, 惹味不搶口。用火鍋爐即場炒, 香噴噴熱辣辣, 雞件肉厚嫩滑, 脂肪少啖啖肉, 醬汁調得入味, 令人愈食愈想食！芝士黃金蝦蝦殼炸得香口鬆脆, 肉質爽口彈牙！外層蘸滿芝士和鹹蛋黃, 味道濃郁散發陣陣咸香, 做佐酒小食一流！香芋珍珠奶茶芋頭味道突出, 口感幼滑, 茶底醇厚好有台灣味道！冷泡烏龍茶烏龍茶帶獨特幽香, 減油去膩, 冰涼解渴, 無糖份啱曬我！ …查看更多

新開台式火鍋 係尖沙咀 君怡酒店一樓, 以懷舊裝飾設計, 卡位好寬敞, 仲有多間包房, 寧靜有私隱！一坐低先試下台式小食, like餐廳專頁, 就送自家製杞子菊花茶, 甜甜地好潤喉！秘製肉鬆響鈴響鈴香脆薄身好輕盈, 食落無飽滯感, 加埋肉鬆好有台灣風味！滑溜溜麻辣鴨血鴨血好新鮮超級滑溜, 配麻辣湯就最夾！台灣紅燒牛尾鍋/ 寧神靜心鍋火鍋有八款湯底選擇, 點咗鴛鴦鍋 台灣紅燒牛尾鍋/ 寧神靜心鍋！每個湯底都好足料, 牛尾鍋濃郁惹味唔覺燥, 靜心窩有川芎、白芷、鮮魚, 滾起先飲碗湯 去濕治頭痛！兩個人份量 點咗 御八品 火鍋配料：騸牯牛頸脊騸牯牛特別肥美多肉, 唔係度度食到！牛頸脊部位脂肪紋理分佈均勻, 油脂甘香, 肉質嫩滑！酒香白肉秘制豬腩片 聞起來有淡淡酒香, 爽脆唔覺油膩！八燈報喜金色迴旋韆鞦擺盤, 放置各款手打丸, 華麗吸睛係必然嘅打卡位！有黑松露蝦丸、燒鵝肝蝦丸、海膽墨魚丸、黑椒牛中牛肉丸！黑松露味道香濃同蝦係絕配。鵝肝蝦丸好特別, 口感濃郁醇厚有咸香！野生大竹笙爽口嫩滑濕潤唔蓬鬆, 索滿湯汁係打邊爐嘅最佳選擇！鮮造韭菜餃皮薄軟熟新鮮豬肉多汁, 韭菜味道突出！自家水耕油麥菜苗賣相青嫩翠綠, 好清新爽脆…查看更多