misspapa's Profile

好耐之前喺旺角已經試過一鍋堂，後來知道佢喺葵芳開咗分店之後，一路都想試，今晚終於有機會啦我哋book咗7:30 ，我哋準時去到之後，好快就安排咗座位啦我同朋友都好鍾意佢嗰句slogan「吃飽才有力氣減肥」！所以我哋決定今晚不飽不歸好開心有洛神花茶同冰糖燉檸檬茶👍🏻👍🏻店員安排咗我哋坐二人位，用嚟阻隔嘅玻璃都幾高，有私隱度我哋選咗B套餐，湯底選咗養生藥膳湯，侍應一送上湯底，就聞到好香好濃郁嘅藥材味，見到裏面有紅棗同一啲各式各樣嘅藥材，真材實料既然叫得B套餐，當然就要試吓唔同種類嘅肉啦！好貼心地每一盤肉上面都有肉類嘅名稱，等我哋知道自己食緊邊一款肉，如果鍾意，就可以再encore。全部肉都好新鮮，我最鍾意封門柳，原來佢係牛嘅橫膈膜嘅肌肉，第一次食，好香牛肉味，而且肉質鬆軟除咗用Apps叫食物之外，仲可以出去攞唔同嘅丸類同熟食，款式好多，每款都試少少已經好飽，我最鍾意食佢嘅雞腳辣得好過癮！另外佢嘅自家製韭菜餃都好好味，非常之新鮮，強烈推薦！另外佢嘅海鮮都好抵讚！我哋叫咗兩款蜆同蝦，都好新鮮最後食埋佢哋自家製嘅乳酪，就滿足地離開啦！bye～～～…Read More

今日天氣好熱，唔想食熱嘢，咁最好就係食日本嘢啦！坐低即刻睇吓餐牌，餐牌上面嘅食物都好吸引😍朋友叫咗一個北海雲丹丼，而我就叫左海之幸。食物送上嚟後，實物與圖片完全相符😍😍好似藝術品咁靚！食嘢之前，因為實在太熱啦，所以叫咗一杯白桃梳打，將佢倒入去裝滿冰嘅杯入面，飲完之後即刻透心涼！一切準備就緒之後，就開始食嘢啦！首先食海膽，海膽非常之鮮甜，入口即溶，好creamy，好似食緊雪糕咁😚然後就食我嘅最愛，鱈場蟹鉗，非常之新鮮，如果可以多多幾隻就好啦🤣甜蝦好厚身，食落口啖啖肉，而且好嫩滑。我以前好怕食三文魚子，但係見到佢咁晶瑩剔透嘅樣，就夾幾粒試吓，估唔到佢一啲都唔腥，仲有一陣甜甜地嘅味道，唔錯👍🏻toro同海膽一樣，都係入口即溶，而且仲多咗魚油味😋油甘魚同左口魚都係一樣非常之鮮美，撈埋啲刺身飯一齊食好滿足！講起刺身飯，呢間舖頭嘅刺身飯好特別，平時食開嘅係白色，但佢地嘅係啡色嘅，唔知佢哋加咗啲咩呢？而且仲可以refill添！…Read More

今日同屋企人一齊去試搭新開嘅屯馬線，之後就一齊嚟到朋友推薦嘅呢間餐廳食晚飯。呢度無論裝修定餐牌都好古色古香，一開頭擔心會唔好食😂😂但朋友強烈推介，我哋都打算試吓。我哋首先叫咗一個烤活魚，因為我哋都好怕骨，所以老闆推薦我哋揀鉗魚。老闆一捧上來嘅時候，我哋都忍唔住「哇」一聲，因為好大盆！魚嘅肉質好嫩滑，好似老闆咁講，真係無咩骨👍🏻加上配埋酸酸辣辣嘅酸菜同辣椒，食到停唔到口，所以掛住食唔記得咗影相。😂我地仲叫左炒田螺肉，天螺肉好有咬口，但我個人略嫌有少少油膩。另一個主角上場啦，就係雞煲啦！為咗遷就部份唔食辣嘅朋友，我哋雞煲就選擇左原味！我哋掛住傾偈，開頭唔記得咗食雞煲，都擔心啲雞肉會變到好「鞋」，但係冇諗過食嘅時候，雞肉仍然好嫩滑，而且好入味！我哋仲叫咗豬腸同豬肚加埋落去，兩樣都好新鮮同埋好有咬口，非常之野味，推薦！食完雞煲之後，老闆就幫我哋加啲湯落去，之後我哋就叫咗幾樣打邊爐嘅食物。食物不過不失。最後我哋叫咗一個家鄉炒米粉，其實當時我已經食到好飽，但係都夾咗少少嚟試吓，估唔到咁好味，最後忍唔住自己都食咗一碗！米粉炒得乾身又入味，配合埋蛋香同埋其他蔬菜嘅味道，非常之好味！雖然簡單，但卻令人回味！…Read More

已經唔記得有幾耐冇同朋友仔一齊出街食飯啦，雖然今日掛起左3號風球，但係仍然同朋友堅持嚟到呢間餐廳食晚飯。同兩年前一樣，今次依然係坐吧枱嘅位置，當晚6:30就入座，當時客人唔係好多，但係過咗大約半個鐘之後，舖頭已經坐滿晒人。首先送上嘅係珍寶大蝦配青蘋果沙律🥗一共有四隻大蝦，大蝦非常新鮮，肉質爽口👍🏻而且仲挑走咗蝦腸，好細心！新鮮嘅沙律菜配上酸味味嘅青蘋果汁，非常開胃，同朋友忍唔住搶着食啲菜🤣然後我哋仲叫咗一個葡式燒雞配黑松露薯條。雞有少少微辣，肉質嫩滑，雖然係燒雞，但係雞肉仍然非常Juicy，而且份量非常大，我同朋友兩個女仔食唔晒最後打包返屋企😂而附上嘅有兩款醬，一個係番茄醬，一個係雞醬，我用黑松露薯條沾雞醬，味道非常之特別而且好味，忍唔住問侍應雞醬入面有啲乜嘢材料，侍應話入面有薑、蒜同埋辣椒油，估唔到用常見嘅材料都整到個咁出色嘅醬，強烈建議大家要試吓。最後我哋仲叫咗一個帶子龍蝦汁扁意粉，帶子同樣地好新鮮，意粉亦都好爽口，每條意粉都沾滿左濃郁嘅龍蝦汁，可能因為我同朋友已經食到好飽，所以稍嫌有少少膩，如果多啲人一齊share，應該冇呢個問題☺️久違嘅滿足💜…Read More

期待已久的海鮮大餐, 一放工就同朋友趕過來銅鑼灣, 一早訂了枱,順利入座!我地點了一個CRABUS Combo, 呢個套餐已經包含了沙律, 前菜小食, 主菜同意大利粉/意大利飯首先來了一個沙律,清清腸胃, 蔬菜很新鮮, 配上橄欖油和黑醋, 份外滋味然後就是前菜小食...3款炸物,超級香脆, 淨係食薯條都可以食飽了, 還有蒜蓉包,同樣都好香脆可口,蒜蓉味豐富主角上場, 店員會在我們面前將海鮮搖晃,應該是令到醬汁更加可以均勻一打開,香氣逼人...我地點左焦香奶油檸檬香草汁(因為我地不叮辣)龍蝦好大隻...啖啖肉,肉質鮮甜,配上醬汁,更加帶出了鮮味!我最喜愛的蟹!太好味了,啖啖鮮甜蟹肉,無得頂!!好想不停食入面還有其他海鮮, 大蜆, 八爪魚, 蚌等等呢個八爪魚吸滿了醬汁,本身八爪魚已經很新鮮, 加上醬汁的味道...好香的牛油味道!最後套餐還有一個意大利粉和意大利飯,但係其實我已經食到好飽...不過都有食到幾啖,意大利粉配蕃茄醬好開胃的,酸酸甜甜意大利飯芝士味濃郁,飯就硬了一點…Read More

暑假第一日，同好朋友一齊去銅鑼灣行街同埋食lunch。意外地揾到呢間樓上鋪，人唔算多，環境好清淨。我同朋友分別叫左二號餐同八號餐。餐湯係南瓜湯，味道清清淡淡，適合鍾意清淡嘅朋友仔，而我同朋友就略顯南瓜味唔夠濃郁😝首先送上嘅係八號餐盲槽魚好新鮮，肉質鮮嫩，配合埋百里香汁，非常好味。我同朋友因為掛住傾計，所以最後D魚都凍了，不過依然唔會腥👍🏻二號餐係日式醬煮豚肉溫泉蛋意粉，意粉爽口彈牙，每條意粉都沾滿了日式醬，非常惹味。豚肉甜甜地，味道都唔錯。之後慢慢將溫泉蛋刺穿，D蛋汁流落去意粉度，令意粉嘅味道很濃郁😋兩杯花茶都比較偏甜最後食埋個甜品就滿足地埋單啦😚…Read More

朋友今日帶我嚟試新餐廳，係門口望入去，覺得餐廳有D似中式茶樓。咁啱我果日喉嚨痛，所以見到餐牌咁多辣椒有D怕怕，好彩職員話可以選辣度，甚至可以唔辣👍🏻👍🏻首先我哋叫左一個蒜泥白肉，D蒜泥食落去好似豆腐咁軟綿綿，好得意。豬肉有嚼勁，青瓜鮮甜，幾好食。再嚟係霸王鮮牛肉，我哋叫左小辣，D牛肉非常嫩滑，湯底濃郁，而下面仲有冬粉，吸收曬D湯汁，非常好味，推薦！如果多D金針菇就好了最後一道菜係酸菜桂花魚（走辣），D魚肉好新鮮！湯底又酸又鮮，好特別，粉絲同樣吸收了湯汁，好入味。最後兩個女仔食到肚滿腸肥就離開哈哈哈。…Read More

之前已經嚟過呢間餐廳食飯，好滿意，所以今日朋友生日，特登book呢間餐廳同佢慶祝🎂我哋未睇餐牌就講定一定要叫黑松露薯條，上次食過非常好味。今日再叫，依家係好食到停唔到口。薯條外脆內軟，炸得啱啱好，唔會乾爭爭，餐廳仲好貼心附送埋番茄醬，薯條沾番茄醬開胃，沾黑松露醬味蕾同嗅覺就好享受☺️我地仲叫咗班尼迪蛋，Egg Florentine，蛋半生熟，配合埋新鮮嘅菜，唔錯。主菜係龍蝦扁意粉，龍蝦非常新鮮，肉質彈牙👍🏻意粉軟硬適中，但係唔知點解有D苦味，八卦問下職員，原來裡面加咗圖片上面紅色一條條嘅調味料，所以有苦味，我同朋友唔係好食得慣🤣豬肋骨又係食過再食嘅菜式，豬肋骨肉質好腍，加埋燒烤汁，好惹味！最後叫咗個vanilla pancake，非常美味！唔會太甜，酸酸甜甜🥰職員仲好好人，幫我點了一支蠟燭，將佢成為另類嘅生日蛋糕。💕…Read More

今日同屋企人出街一齊打邊爐補慶祝母親節🎉係門口等位期間見到呢個養生鍋，媽媽即刻話好想試，母親節佢大曬，無理由唔聽佢話架嘛係咪？哈哈哈，所以我哋一入到去就選擇咗呢個養生鍋，妹妹鍾意食刺身，我哋仲每人加咗$20，可以任食刺身壽司🍣😋等候期間就去「繞場一週」，睇下有咩好食。呢度嘅火鍋材料好豐富，平時常見嘅嘢都有齊曬，而且最重要嘅係好整齊乾淨👍🏻肉方面有豬、牛、羊，海鮮就有螺、蝦、蜆，醬料嘅配料有10種咁多，而為排到好整齊。而飲品就有兩大個雪櫃咁多，一定有一款啱你。🤣我哋嘅主角終於出場啦，養生鍋入面有半個大冬瓜，四個大鮑魚同埋八隻蝦，非常足料。而海鮮下面就隱藏咗好多花膠☺️螺片，蓮子等養生美顏材料。一飲落去，我同屋企人都大讚好鮮甜，好似平時媽咪係屋企煲嘅湯👍🏻👍🏻忍唔住連喝了兩碗。之後職員就幫我哋加清湯，可以開始打邊爐啦！我仲自己自製咗韓國海鮮拉麵，辛拉麵吸收曬湯汁，非常好味啊！期間仲叫咗刺身同壽司，水準正常。最後食咗幾樣甜品就捧住個肚離開了❤️…Read More

又到每月一次慶祝紀念日出街食飯嘅日子，今次同honey嚟到灣仔「蠔一蠔」🤣坐低無幾耐職員就送上熱辣辣嘅香草麵包，配橄欖油同黑醋一齊食好好味。我哋叫左兩款蠔，兩款都好新鮮。第一款係Holland Pacific，海水味比較淡一D，好清甜。第二款係Irish Rock，海水味重，蠔味濃郁。兩款都好味，但如果真係要選，我同honey鍾意呢款多D。食完蠔飲啖檸檬水清下口腔之後就飲黑松露蘑菇湯，黑松露味濃郁，加上蘑菇碎，無論何時都係我嘅favourite🥰然後職員再送上安格斯肉眼扒，肉質幾嫩滑，唔錯。牛肉係honey嘅摯愛，我反而鍾意西班牙蒜片蝦，蝦好新鮮，加埋濃郁嘅蒜片味，非常惹味。之後食白酒煮鮮蜆扁意大利麵，意大利麵爽口彈牙，完全吸收晒白酒嘅香氣，再加埋新鮮嘅大蜆肉，大滿足！最後食埋甜品，就sweet sweet咁離開啦❣️…Read More

朋友之前嚟呢間食過兩次，佢極力推薦我嚟試下，所以今日就一於嚟「朝聖」🤣舖頭裝修得非常日本風，我同朋友被安排坐係bar台位置，望住新鮮從日本運嚟嘅新鮮水產同型仔師傅食飯😎鍾意飲兩杯嘅朋友見到是日推介水果白酒，即刻叫了一杯。我飲了幾啖，酸酸甜甜嘅水果同白酒好夾，飲落好舒服，唔會嗆，平時唔飲酒嘅我都鍾意。朋友極力推薦牛舌，我見到價錢要$38一串，開頭覺得有D貴，但食完真係覺得物超所值。平時我好少食內臟，但估唔到牛舌可以咁好味，好有咬口好juicy，非常推介！嚟日本餐廳當然要試下刺身啦，我同朋友叫咗三文魚腩和北海道帶子，三文魚腩入口即溶，好新鮮。帶子好大粒，味道👌🏻。仲叫咗明太子雞翼，外皮燒得香脆，雞肉嫩滑，明太子有少少辣，好惹味😋中途嚟一個蟹子沙律清新一下，哈哈！青瓜絲同蟹子嘅比例啱啱好，唔需要再加隔離嘅沙律醬已經好好味。最後嚟一個叉燒拉麵作結，味道可以，但唔知點解湯底有D苦味🤔唔通係因為蒜頭？…Read More

今日係同男朋友嘅紀念日，佢一早神神祕祕book定呢間法國餐廳🇫🇷我去到先知道😆當晚係星期一，所以比較少人，只有三台客，所以環境好安靜舒適。最貼心嘅係餐牌有分女仔版本同男士版本、男士版本係有價錢嘅。我哋叫咗最基本嘅8 course，每道菜職員都會詳細介紹，但係因為太專業，有D內容唔係好記得🤣第一道菜係北海道元貝配魚子，元貝本身好新鮮，入口即溶，配合埋綠色嘅醬汁，好fresh，好開胃。第二道菜一開始係焗住嘅，一打開好似仙境送過嚟嘅食物咁，視覺享受一流。白色嘅係醬汁，上面有酸味味嘅提子，又係好開胃。然後係我好期待嘅法式龍蝦湯，味道非常濃郁，而且好creamy，正！男朋友覺得份量唔夠，我就覺得啱啱好。然後係香煎法國鵝肝，鵝肝表面煎得稍脆，但入口即溶。之後係黑松露配有機溫泉蛋，黑松露一片片上，好dum本啊！黑松露嘅香味同溫泉蛋異常地夾。然後嚟一個芭樂學葩，係紅石榴味，酸酸甜甜，可以中和一下頭先口腔入面殘留嘅味道。然後我嘅主菜係魚，魚好嫩滑，最美味嘅係魚湯，好濃郁鮮甜，係呢道菜嘅精華。最後食埋甜品，飲埋餐茶用食埋朱古力，就捧住個肚走人了。雖然埋單嘅時候有D肉痛，但係呢餐飯食咗差唔多三個鐘，職員一路都服務態度好好，食物質素又高，值得嘅！…Read More

吃完晚餐後和三五知己來到這間餐廳繼續談心，職員服務不錯，因為我們五個人，還特地幫我們搬一張椅子👍🏻朋友點的多士味道一般，不算突出。我很期待的蜜桃沙冰卻令我失望，沙冰一點也不像沙，冰塊很大顆，好像在咬冰塊的感覺，而且蜜桃汁和冰完全不融合，冰還冰，蜜桃汁還蜜桃汁，失望呢😵…Read More

好朋友有心事，特登選呢間環境安靜嘅餐廳食飯傾心事。當晚星期一，店內客人唔算多，而且我哋六點半就到，所以好有包場嘅感覺🤣第一個菜係香煎鵝肝配焦糖蘋果🍎我好鍾意鵝肝上面嘅蘋果醬，酸酸甜甜，好開胃。鵝肝外層煎得香脆，但係入口即溶，配合埋香脆嘅麵包同酸酸甜甜嘅蘋果醬，非常好味！不得不提嘅係佢附送嘅沙律菜非常新鮮，配合埋甜甜哋嘅汁，非常開胃。第二道菜係法式蟹肉虎蝦多士，多士烤得好香脆，上面嘅蝦雖然烤過，但唔會乾，依然juicy，夾埋蟹肉一齊食，成個口都係鮮味👍🏻第三道菜係美國安格斯牛柳。牛柳煎得剛剛好，多肉汁，正！佢嘅配菜都好好食，俾我食曬哈哈！…Read More

放工同朋友係尖沙咀睇戲，之後就去棉登徑搵嘢食。見到呢間日本餐廳裝修好有日本風，所以就入去試試。依家好多餐廳都係用ipad落單，但係我都係鍾意面對面落單多D😝嚟食日本嘢，點少得食刺身呢？我哋叫咗個刺身盛，一共有六款刺身，全部都好新鮮，我最愛甜蝦，好鮮甜！三文魚都好味，但唔算好突出。然後我地仲叫咗燒明太子雞翼、日本黑豚肉和銀杏。明太子雞翼外面燒得好香脆，入面有滿滿嘅明太子，配合埋嫩滑嘅雞肉，好正！我哋仲叫咗鰻魚炒飯，份量好多，每粒飯都黏咗鰻魚汁，加埋切碎咗嘅鰻魚，好好味！最後要健康D，所以叫咗牛油帶子焗雜菇，味道清清淡淡，帶子同菇都好新鮮，合我哋心意。…Read More