力神's Profile

今日同朋友約出嚟慶祝生日 ，加上另一個朋友又求婚成功，可謂雙喜臨門，呢間餐廳個名襯曬吖。點左個花膠雞煲，一嚟到即刻飲咗啲湯先，啲湯好鮮隻雞又好滑，花膠份量都唔少。有幾款食物平時打邊爐比較少見咁就點咗，例如魚肚， 半熟五花腩同埋瑤柱乾貝滑特別想講下個魚肚，其實即係雞扎嘅魚肚，啲魚肚上面咗放咗啲薑蒜，碌落個咁鮮味嘅湯入面出奇地好食。半熟五花腩呢就係處理過嘅豬腩肉， 因為處理過碌完之後個口咁都好紮實，推介。魚滑蝦滑就食得多，呢個瑤柱乾貝滑個名就幾特別，啲瑤柱味令到個滑好鮮甜，值得一試。整體所有食物嘅質素呢都好平均，絕對食得出大部分都係新鮮食材，住附近嘅朋友真係要去試下。…Read More

身為荃灣人，荃灣新開的食店必定要一試，這間肉餅哥，位處偏僻，就在爵悅庭斜對面，主打鬼馬肉餅，可以配菜飯油飯白飯等等， 肉餅可以選擇煎或者蒸，肉餅數量多，一時間真是眼花繚亂， 見到有果醬蒸肉餅，相當古怪，但是我真的不敢一試，最後選擇了九十八元的龍蝦肉煎肉餅.來的時候相當驚訝，份量相當驚人，龍蝦頭放在鍋上，的確特別，配合油飯賣相已經相當出色，肉餅配合龍蝦肉，相當爽口，而且肉餅也相當入味， 選擇了煎，十分香口，可以說是外脆内嫩。 本人必定會再嘗試其他鬼馬肉餅，這間肉餅哥是非常值得推介的新店。 說實話九十八元，性價比真高,哪有不吃的理由呢。…Read More

諗返起已經有成年無上過酒樓飲茶. 而家酒樓越黎越少, 想搵間食下點心都好難. 反而近年興起的點心茶餐廳, 大部份細細間反而保持到水準.呢間吉吉點就係其中一間. 係觀塘呢個競爭激列的小區做食肆, 一係鬥平, 一係鬥好味, 而呢間就係後者, 但價錢仍然好平民化. 由十幾蚊到廿幾蚊不等, 仲有老火湯同埋蒸飯, 鍾意食下點心又得, 叫個飯飲個湯又得.佢地個老火湯日日都唔同, 今日就係菜乾豬肺湯, 叫咗一碗, 份量夠兩個人飲, 材料豐富, 湯會連湯渣一齊上, 我自己鍾意食豬肺就叫侍應比多D渣, 正今日叫咗碟牛肉腸粉, 呢間腸粉都幾出名, 其實佢D牛腸, 蝦腸, 叉腸都同樣好味, 重點係佢個皮做得夠滑, 而且係即蒸, 所以夾上手都唔會爛, 而佢D餡都好多下唔姑寒.另外就係流沙飽, 佢個流心做得好香蛋黃味, 但質地會比較厚身, 唔會一食即刻好似水咁流出黎, 而係慢慢咁流. 層皮做得好鬆軟, 裏面熱辣辣凍天食會好滋味食完點心我叫咗杯咖啡嘆下, 點心餐廳好少有咖啡賣, 而且係即磨個隻, 我叫咗杯熱Latte, 飲落夠香濃夠滑, 做得唔錯!…Read More

Benedict Egg 雖然好多地方都有, 但唔係度度都整得好食, 估唔到今日去間Craft Beer Bar竟然會搵到正野. 呢度Benedict Egg做得好滑, 裏面半流心狀口感做得好好. 配埋煙三文魚同, 炒菠菜, 加少少香草, 食落味道層次好豐富又唔會"溜". 底層係手打薯餅, (當然唔係M記個隻), 即製, 所以好香脆. 配返支口感清新的手工啤酒, 夠晒爽!本來一心諗住黎飲下啤酒, 估唔到D野食質素有返咁上下, 下次Dinner 可以再黎食過.…Read More

今次已經係第三次幫襯 , 因為好掛住佢個芝士撈丁. 其實係興之所至無約好多人, 只係叫左住附近的一位朋友落黎一齊食.我地兩個都本身都係芝士迷, 第一次食安安燒呢間芝士撈丁已經愛上. 事關佢個芝士汁真係做得好味, 夠濃味又有層次, 芝士好足料, 唔會溝太多水, 而且上枱時仲熱辣辣食落去感覺好暢快. 我地今次叫咗佢個饅魚汁芝士撈丁同埋黑松露芝士撈丁. 我自己就覺得黑松露+芝士簡直係絕配, 兩者互相帶動到個香味出黎, 我個friend 就話饅魚汁個隻帶有少少甜味覺得好正, 各有各口味 . 但我地都一致認為佢個芝士汁真係無得頂! 其實佢D串燒都正, 我地食完撈面都叫咗差不多10款串燒黎食, 主要叫咗D海鮮, 包括蝦, 蠔, 蜆同埋青口, 蝦係幾大隻同埋好鮮味, 燒到佢個殼乾身, 裏面D肉就好爽口好埋好鮮甜; 蠔就唔洗講一定係叫芝士燒, 本身芝士燒蠔已經贏晒, 而家佢仲加咗D蒜蓉係面就加多重滋味; 蜆就係包住黎燒, 加埋D川式辣汁, 夠辣夠過癮! 青口就無蠔咁多汁, 但係另一種滋味, 同樣地用蒜蓉去燒, 提升咗原本青口有的鮮味! …Read More

山林道是一條小食街，無論是中式，西式，火鍋，日式，燒烤等等，應有盡有。但是我對雞煲火鍋的熱情，是不會變心的， 無論天氣怎樣，是熱還是冷，我也會選擇吃雞煲， 何況今晚天氣開始轉涼呢。二話不說，藥膳雞煲吧！這裡可以選擇用雞肶 或是雞胸， 要令雞胸滑不留口，是需要一定的烹調技巧，我愛吃雞胸，只因雞胸的雞味會比起雞肶肉濃， 但要做得比雞髀肉滑，並不是每個地方都能做到，意想不到的，這裡真的做到。 藥膳雞煲帶強烈的香味， 我自己較喜歡藥材香氣， 感覺好像在秋冬吃這些味道比較滋保。 其他火鍋的食材，都很新鮮，其實海鮮火鍋食材只要新鮮，便一定好吃，再加上藥膳湯底的強烈香味，推介。另外想說一下他們的麻辣青瓜級麻辣藕片，辣度逼人， 作為飯前小吃，十分醒胃。 藥膳雞煲加上麻辣青瓜，真是令我熱血沸騰。…Read More

今日同屋企人輕鬆下出街食飯, 諗起好耐無食雞煲火鍋, 見到山林道有間雞煲火鍋好似幾好食, 一早打電話去訂好位. 去到7點幾, 雖然係閒日, 但見佢都坐滿客, 相信味道一定唔會差得去邊!我地只有三個人食得唔多, 但又想試多幾款口味, 我地就問下侍應可唔可以一邊雞煲(半份), 然後叫兩個湯底打邊撈. 雖然個餐牌無得咁樣揀, 但個經理好好人話幫我地入單, 但就要上咗其中一個湯先, 因為如果一邊雞煲, 一邊無野就會燒燶, 我地當然無問題啦! 等咗一陣, 一邊雞煲一邊湯底已經上枱喇!雞煲上枱個時好香, 配料都好豐富, 雖然我地淨係叫半份但望落個D雞份量都幾多. 我地叫咗唔辣, 食落個味道好有層次, 有少少似三杯雞 + 啫啫雞煲, 好難形容但感覺好正, 食完一件又一件. 食食下我地發現咗有樣寶物, 就係豬皮! 佢地原來加咗D豬皮落去, D 豬皮索晒雞汁真係好好味. 其間侍應都有不時行過幫我地搞下個雞煲等佢唔好痴底. 到食完個時佢就幫我地加埋半邊湯!湯底方面我地叫咗半鍋雞湯, 半鍋藥膳湯. 雞湯主要用黎焯蔬菜類, 而藥膳湯主要用黎焯海鮮同埋肉. 雞湯好濃郁, 我地就咁飲咗半碗都唔覺口渴, 感覺幾好. 而藥膳湯本身比較清淡, 加落去雞煲個邊, D雞餘香配埋淡淡藥材味出奇地夾印象最深刻係佢地個響鈴, 佢係即炸響鈴, 上枱時仲有微溫, 腐皮好簿好脆, 而且完全唔會油膩, 就咁食同埋點湯都得, 我兩邊湯都試咗, 個人比較喜歡藥膳湯, 有d藥材香味, 感覺飲緊肉骨茶咁!而海鮮方面我覺得個珊瑚蚌唔錯, 夠爽口又無鯹味, 其它丸類都幾好, 尤其係貢丸, 好大粒好有香菇味. 至於肉類方面我就好鍾意佢地個靚牛皇, 脂肪比例好好而且好有牛味, 一碟份量都唔算少唔會姑寒, 有時自己去買d靚牛返屋企打邊爐都要呢個價錢. 總括黎講, 呢間雞煲火鍋屬中上價錢, 但質素有返咁上下, 配料都新鮮, 服務都唔錯. 以尖沙咀黎講性格比都算幾高. 不過呢間座位唔多, 建議有心黎食最好訂位…Read More

朋友推介，特地走去試一試，但期望越大失望也越大。我試了榮式雞扒烏冬，一點也難吃，但又絕對稱上出色。吃不出雞扒有什麽特別的味道，就只是煎雞扒， 烏冬尚算合格。但配上連飲品要八十元....這份量.....貴了一點吧。…Read More

初一十五都會食下齋，呢日黎到位於荃灣廣場的大自然素食，第一次光顧有驚喜!點了冬瓜素鴨湯飯，清清地但又幾入味，雖然冇肉但都好清甜，如怕冇味太齋的話，可以加埋佢地特制的辣椒油。小吃有醃制了的小車厘茄，清新開胃。試過這間素食後，發現原來食齋都唔係咁Dry!下次會再光顧。…Read More

路經些地，9:30還未吃飯，見到有最愛的串燒，便走進去試一試，可惜，伏了。點了不少東西，路筍，豚肉寸，燒蠔等。先是味道差，有的無味，有的極鹹，也有的極油。食材也不新鮮，肯定是雪藏貨吧。上枱時，食物熱度不夠，而且價錢櫃，室外環境亦一般，很久才有侍應出來。沒誠意食店，吃一次便夠。…Read More

三人行，走到亞士厘道，原先諗住食雲南過橋米線， 誰知到來的時候才發現已經關門大吉，唯有另選其他地方吃飯， 發現這間在附近的"肚餓了串燒烤焗專門店"。"肚餓了"真是一個有趣的店名，就這樣被這個店名吸引了我們上去吃晚飯。這店吃的東西，分別是主打烤，焗及串燒，焗方面有一些焗飯，還有一些特別的焗肉類，我們點了一個焗冬陰功烤豚肉，十分特別， 其實是一個冬陰功的醬汁，配合一些豚肉，味道十分出色，而在上面有一塊店員說是師傅手搓的局皮， 配合了冬陰功醬汁一起吃，味道不錯。串燒的種類很多， 牛舌味道不錯，蒜蓉茄子味道正常，蒜蓉份量多。一些燒蔬菜，如燒菜芯，冬菇等，味道也不錯，不會燒得太焦。還有羊柳粒及牛柳粒，味道亦算好味。海鮮種類也不少， 基本的有燒蠔，燒扇貝，特別的有黃立倉，聖子及鮑魚等，還有很少見到我的18 cm大虎蝦 。但由於今次我們只是三人行，沒有點海鮮類別，但其他燒烤類的確不錯，有機會一定在叫多些朋友，一起試一試他們的海鲜。…Read More

食串燒，要吃得出色，必定不可以一次過大量點菜，因為如果串燒一次過上枱的話，你不能一次過吃下，代串燒凍了後，就會不好吃，所以我們吃串燒的時候，每次也是分開點菜，兩三串，兩三串，這樣的串燒， 才能真正品嚐味道！！！今晚我們倆口子，見到這間光猛的店鋪，已下定決心，今晚要和串燒比拼，這裡好像是新開的，地方整齊清潔，我們不及待已開始點菜。首先點的就是我最喜歡吃的多春魚及墨魚咀，多春魚燒得外面脆内嫩，師傅燒烤功夫非常了得，而墨魚咀爽口彈牙非常好味。接下來我點了燒四季豆給，及午餐肉。四季豆燒得很香口，孜然粉加上辣粉的香氣撲鼻，而味道亦非好味。餐肉只是普通質素的，但他們穿上青椒，一啖肥肥的午餐肉在配搭一塊清清的青椒，這樣的口感十分清山跟著我們點的就是海鮮，我們點了新鮮燒鮑魚，烧聖子，燒蠔及扇貝。蒜蓉的味道非常香，當食物上抬的時候，我們已經台急急地把它放進口中， 因為我們兩個也十分喜歡蒜蓉的味道，香濃的蒜蓉加上準確的燒烤時間， 令所有海鮮到十分惹味。本人覺得這間店舖的食物水準備高，員工服務態度非常親切，而地方的十分清潔，雖然我不是住在香港島，但是我決定我會在去光顧的！…Read More

收工揾食，首要都係吾駛等位，見這店冇乜人，應該好快有野吃，於是單人匹馬走進去……點了大蝦冬陰功米粉，上菜速度都ok,好快有野吃，見到買相都幾好，急不及待拍两張照片，便快快開飯……味道比起泰國的冬陰功淡，嚴格來說，不像冬陰功，不酸不辣，但味道ok，都算惹味，而蝦雖然細，但肉質彈牙有口感。如果冬陰功味道加强點，效果應該會更佳。…Read More

晨早起來，指定動作，早餐早餐，這店在荃灣已經出名抵食，至於好味與否，則見人見至。今天點了回鍋肉腸蛋麵，回鍋肉份量很多，腸及煎蛋則正常質素，好難說好好食或好難食，反而麵的質地軟硬適中，吸收一點回鍋肉汁非常好味。而加埋涷飲只踓24蚊，非常抵食。…Read More

吃金鳳茶餐廳的下午茶次數太多了，必定好吃的，就是沙嗲牛河。今次想試下另一款，左想右想下，選了'蝦醬炒飯' ！！！飯來到時，一點蝦醬味也聞不到，我便知出事了，結果如我所料，味道極淡，只有一丁點的蝦醬味，又沒有其他特別的配料，炒飯的質地又太乾，望住我朋友點的沙嗲牛河，真的想再點過！！！…Read More