TungTung712's Profile

投訴，銅鑼灣希慎分店。堂食點咗兩杯餐飲，其中一大陸口音店員把一支桂花烏龍躺平擺放，導致我拎起餐盤一行，另一杯杯裝紅茶就倒瀉。同店員反映，店員堅持話係我問題！1/店員態度非常有問題，堅持係客人捧餐行先導致茶倒瀉！2/ 我要求換另一杯，店員堅持冇錯，唔匯報上司，導致後來店長/高級員工（聲稱係全店最大）責罵我冇同佢講有呢個問題3/ 聲稱係全店最大既員工亦堅稱打橫攞支茶係冇錯！唔會導致正常擺既茶倒瀉！但佢冇預計過係food court 客人係要捧餐行回座位！4/ 如果咁擺法係冇問題，當捧餐既係小朋友，或者點既係熱飲，是咪會導致另一安全問題？！但聲種係全店最大既員工亦繼續堅持自己冇錯！…Read More

夜晚要去中環睇話劇，所以就去附近揾好嘢食。見到間印度餐廳，諗起好耐冇食，就決定一試!老板好好人，首先介紹咗D頭盤比我地食，當中嘅番茄湯真係值得一提⋯佢係裝喺一個細杯到，一兩口飲完，但個味道濃郁，停留喺嗰口到幾分鐘！另外有朋友第一次試印度脆薄餅，甜甜地嘅醬加薄何味醬配呢個餅，覺得好新鮮！老細再介紹我地嗌嘅一道菜叫 spinach with cottage cheese。首先講個口感，D菠菜好軟綿綿，加埋D芝士感覺一流。D菜係辣辣地，食完一啖之後再飲老細介紹嘅mango lassi可以中和番。本來以為係一般嘅羊架/扒上碟 點知拮落去質感好似薯蓉 (應該係壓碎咗嘅羊肉)，然後食落去口感似食鵝肝咁 兼且係入口即溶 再配埋係面頭嘅mint sauce真係超正！佢另外有塊洋蔥係一齊食嘅，(個人口味) 三樣野夾埋個味道+口感都好豐富！本身班朋友諗住唔叫呢個餸菜，因為驚有酥味，最後好彩都有叫到！結果完全食唔到酥味！我地都係第一次食咁樣煮嘅羊肉餸菜咋！然後我們點了兩款Naan，即是非常傳統的印度薄餅，一份有四大件。這裏的薄餅是著名的廚師手製的.。無論是原味或是蒜蓉味，口感都十分煙韌，而且味道香濃，最適合配搭餐廳的印度咖哩來品嚐!我哋仲叫咗嗰butter chicken! 啲雞本身嫩滑，配埋嗰醬汁更加係滑上加滑，而且每一口都有牛油嘅香味，好快就清曬！仲有嗰pulao rice都唔錯！嗰飯炒得好乾爽，粒粒分明，有咬口，唔會黏埋一舊！總結嚟講，嘢食好味，招呼週到，值得一試！…Read More

同屋企人食飯，其實我好少黎佐敦食，黎得呢區通常都係去小酒窩，但今日同長輩食，佢地偏向食中餐，家姐book左呢間，話同事食過好所以推介😊地方好寬闊，樓底好高，每桌之間好多位，冇一般酒樓既壓迫感，用正常音量講野就已經聽到對方講野，整個環境已經令我對這酒家加分不少。今晚晚餐的主角是龍蝦！他們正在推岀彩福龍蝦節，星期一至四88蚊一斤，星期五至日108一斤，而每隻龍蝦都是一斤二兩的，加麵底另加收二三十元不等。看到每一桌都叫龍蝦，有的擺明了只吃它，不點其他菜式就知道有多吸引！我們一行五人點了三隻，一隻清蒸加粉絲底，一隻芝士依麵底，最後一隻上湯鳥冬底，一次過試均所有食法。另點了翅，298一煲及濃湯浸娃娃菜。清蒸的最好食，十分鮮甜及彈牙！完全食到龍蝦本身的鮮味！底下的粉絲吸了精華，同樣好吃！另外他們用的烏冬是彈牙好吃的那種，不是平價貨。翅每人可分到一滿碗，有半隻雞去煲的，所以湯很濃，很有雞味，而翅則是要用筷子夾起來食的那種，不是碎碎的，滋味非常！娃娃菜因為用了濃湯浸的關係，很夠味。這餐飯每個人都很滿足！以上連茶介加一，每人也不用二百，很平宜喔！問過酒家，龍蝦節只做到八月底，要食就要快啦！ …Read More

嫲嫲唔係咁舒服，工人姐姐陪佢留係屋企休息，我地就落街食個飯先。呢間餐廳開左好耐我地都冇食過，今日就黎試下。叫左大蝦冬陰公，有兩邊大蝦，另外都有幾隻雪蝦仔，大蝦唔錯，爽口，個湯都有四碗，不過唔夠香。馬拉盞炒椰菜苗，聞同食都冇馬拉盞既味道，仲有，呢碟唔應該叫椰菜苗，應該叫椰菜佬，因為一d都唔苗，好老。肉碎香葉炒飯(咁上下名)，好細碟，味夠但十分油。經侍應推介叫左黄咖哩炒蟹，因為之前既食物質素關係，對呢個咖哩蟹已經冇其望，點知一上枱。。。個咖哩汁打左蛋去炒，唔好話食，連聞都聞唔到咖哩既香味。。。但隻蟹要29X,店員仲話平時要三百幾，噢！咁之前俾三百幾去食既人應該仲心up!我地叫中辣，但呢個蟹係bb辣都冇，小朋友要d汁黎撈飯都仲得，幸而隻蟹算新鮮，不過咖哩煮就浪費左羅。全晚最好食係個蒜蓉包，仲要記住唔好點個咖哩汁先食到個包本身既蒜香同脆！總括而且，對比隔離街既金曼谷真係差好遠，仲要貴好多！呢間完全似香港人煮泰國菜！…Read More

Family dinner, 之前聽朋友講呢度好食又抵食，朋友送左張100蚊coupon 我。今晚family dinner就打算用左佢。但食過之後又唔覺得係朋友講得咁好食。。我地七個人叫左8個餸，一開始上菜速度始快，一黎就上左四五個，薑葱桶蠔煲唔夠味，不過蠔都算大隻。鮮蝦肉丸浸莧菜，莧菜新鮮，但個鮮蝦肉丸我就唔見到粒肉丸或碟菜有蝦，但我食到尾先發現有呢個問題，所以冇同酒樓講。。XO醬帶子桂花蚌完全食唔到有XO醬既味，幸帶子同蚌新鮮，為呢味菜挽回小許分。乳豬半隻，全晚呢隻豬叫做像樣點，皮脆肉嫩，唔使點醬都好食。蒸元貝，不過不失。以上呢幾個菜一次過上晒，不過之後嗰幾樣就等到飯都凍晒同清晒枱面既野都未到，催左兩三次，有個女部長定經理話：上得喇？諗住等你地食完隻豬先上丫麻。咁都得？隻豬一早食晒啦！再等左陣，先黎個欖角排骨同炒鮮菌。欖角排骨甜甜地幾惹味，送飯一流，炒鮮菌就冇乜特。…Read More

上左朋友公司，佢地叫下午茶問我食唔食，其實我唔太餓，不過陪食下啦，佢地一個二個成個餓鬼咁，又麵又包咁，我淨係叫左個豬排包，可能已經係五點幾，唔使點等，一陣就已經送到過黎。原來個包都幾大個下，塊豬排都好足料，好厚身。個包表面脆，內鬆軟。豬排連骨，好滑，好多汁。連餐有杯飲品同一個小沙律先三十個大洋。…Read More

每個月都會去探下嫲嫲，呢日同佢去飲下午茶，平時同嫲嫲食晚飯有時都會黎，覺得呢間屋村酒樓冇乜人，以為下午茶都應該唔使點等，點知去到勁多人，等都等左起碼四個字。因為人都真係幾多，落完order 都等左成15分鐘先有得食。嫲嫲鐘意食粉果類，我就冇食，不過見到個皮都幾厚，蒸到痴埋一舊。我發現，呢度有皮既點心既皮真係幾厚！蝦餃既蝦肉尚算爽口，但皮真係好厚，鳳爪太諗，好重五香粉味。牛肉球食得岀好明顯係用粉開，因為真係一舊粉團咁既質地。燒賣，正路野。…Read More

行經mikki, 雖然已經就完lunch time，不過我都未食午餐，見到呢間定食8之前勁多人排隊，難得依家冇乜人，唔使等就食得。見到隔離檯塊豬排好大塊，我都叫個黎試下。呢度好自助，自己行岀去落單，水，湯，飯都可以自助refill。等左一陣就有得食，芝士豬排真係好大塊！不過炸得唔夠金黃，冇乜豬肉味，要沾佢個醬食會好小小，但夠脆，食落唔太油膩。蒸蛋好食，好滑溜，有擺左小小菇落去蒸。甜品係綠茶奶凍，堅有小小綠茶的苦味，我幾鐘意。…Read More

朋友係要見架，但因為人大左，各有各忙，約到見面既機會真係唔多，今日終於齊腳可以食個晚飯！其實大個左更加會發現，食乜有時真係咁重要，重點係同咩人食，好似今晚餐飯一樣，雖然食物麻麻地，但我地一樣食得好開心。唔係太肚今，只係叫左個四人餐。海皇冬瓜盅冇，轉左粟米羹，每人有一碗多，粟米量多，清甜。上湯焗波士頓龍蝦，依麵太諗，龍蝦好細兼冇乜肉，冇乜味，不過都夠爽口。清蒸沙巴海斑仔，雖然真係bb，但肉質好腖嫩滑，冇蒸到過老，配埋葱絲食好正，全個餐呢條魚仔最可取。椒絲腐乳通花，冇腐乳味。豉油皇雞，雖然得半隻，不過都夠四個人食，肉嫩，有小小雞味（依家好多雞冇雞味架），算係咁。人地話樓上嗰間好食d，下次去試下。…Read More