師傅's Profile

西式, 中式, 日式, 現在泰式也有主題自助餐, 流水蝦入門口已看到長長的蝦缸, 缸的兩側就是兩行卡位, 客人可以任何時候一轉身就可以夾游水大頭蝦蝦基本大小都令人滿意, 蝦肉飽滿, 蝦膏甘甜食法簡單, 先將目標蝦隻在缸中夾出, 放入冰桶待幾分鐘後蝦就會昏迷, 就可以放爐上燒網空間大算大, 放完幾隻蝦就沒多少空間有少量熟食 質素就是一般放題一樣吧, 沒太大驚喜還有即制船河, 合格吧一客和牛是送的, 油花分佈不錯超厚切午餐肉, 港式風味豐富燒烤款式也不少, 注意生蠔是熟食的, 不算大隻, 但肉肥鮮甜串燒, 丸等基本都不用調味, 海鮮和蝦就可能要拿點辣汁或鹽調一調味開邊活青口, 鮮甜不韌大頭蝦鉗超大, 很有趣雪糕款式超多, 還有比較罕見的榴槤口味整體價錢合理, 包無限飲品甜品蝦很活潑, 夾出時可能會彈得一臉水就算你很小心, 隔鄰食客的蝦也一樣會彈到你臉上, 所以要有心理準備比較困擾是爐真的有點細小, 火力不猛, 基本要有一人不停在燒, 其他人去拿食物飲品, 捉蝦等否則可能會怎吃也感覺不飽…Read More

自從下町天丼結業後，一直未有過江龍天丼來襲最近一連兩家過江龍，價錢還比之前下町來得便宜，真的要試試餐牌比較簡單，選擇亦不多有香港限定的軟殼蟹丼，但感覺好像比較貴最後還是選了天吉丼和天幕御膳醬料可行加減天婦羅汁是天丼那種比較濃的椰菜是任食的，有配上柚子沙律汁天吉丼很豐富，蝦是兩尾連在一起的，看上是四隻蝦，其實是兩件來溫泉蛋天婦羅也是重點之一，醮上醬汁，一口吃下蛋黃四溢，非常滿足除了蝦外，還有鯛魚，魷魚，魷魚是大王魷魚，超厚身的野菜方面也有不少，有茄子，南瓜，四季豆，紫菜飯底不多，碗底非常淺，所以不防大餸一點天幕御膳是定食形式，另配白飯，白飯是任添的跟天丼不同，沒事先淋上醬汁，是另配上天婦羅汁的款式跟天吉丼很類似，多了香港限定的軟殼蟹還有鯛魚是包上紫蘇葉的，多了一份清香溫泉蛋沒了，但多了一個什錦炸物，洋蒽絲和魷魚粒混合的天婦羅餅御膳配上的白飯可以製成天茶（茶漬飯）茶是要另外叫侍應送上的，記得要求整體天婦羅質素都很好，作為天丼不易被醬汁弄得焾爛同時亦不會有太多油膩感，價錢亦相當合理美中不足都是選擇太少．就是什錦和什錦，也沒任何單點可選…Read More

天氣開始轉涼，又係打邊爐既好時節，食過銅鑼灣既酒鍋，一直念念不忘，原來尖沙咀有分店，又試下先！靚靚飲品, 竹蔗, 薏米水自選醬料同銅鑼灣一樣，都係一大盆比你自己揀，又企理又多選擇！湯底方面，今晚有朋友唔食辣，所以要咗個台式佛跳牆湯底，賣相都好有趣，中間有一堆炸芋頭，炸芋頭淥一陣就可以食得！湯底入面仲有冬茹絲，肉絲，荀絲等等。唔打辣邊爐，但可以叫個三拼台式麻辣小鍋過下口癮，呢個強烈推介！夠麻又夠辣，重點係入面有臭豆腐！非常之有台灣夜市既風味，食辣既朋友千萬唔好錯過！即炸手工紫菜響鈴卷，又係必食推介，響鈴卷加入紫菜，令味道同口感都提升，基本上淥2秒就可以食！七星報喜，淨係賣相已經一百分，七粒唔同顏色既手打丸，有蝦丸墨魚丸等等，我就覺得蝦丸比較出色少少。頂級安格斯小牛排，賣相又係滿分，安格斯小牛排脂肪分布均勻，薄切，輕輕淥一淥就食得！黑松露蝦蟹餃，上次都已經食過，今日要encore，脹卜卜既餃子，用咗黑色嘅餃子皮去包，每一隻入邊都有起碼一隻蝦，黑松露醬同蟹肉既分量亦都唔少，打邊爐餃子來講，呢個真係幾唔錯！蔬菜拼盤，樣樣都有啲，啱晒啦選擇困難症嘅人。海鮮拼盤(二人前)，有蝦，扇貝，蟶子同埋蜆，樣樣都新鮮嘅， 又係啱晒想樣樣都試下嘅朋友！總括嚟講，尖沙咀分店嘅嘅打邊爐體驗都非常之唔錯，下次多啲朋友一齊就可以試多啲嘢啦！…Read More

之前一直食開尖沙咀店, 一直唔知原來有銅鑼灣分店.今次試一試質素係咪都係一樣先鋪面比尖沙咀開揚, 門口有魚缸可以睇到即日有咩靚海鮮.餐牌似乎無大分別.先睇醬料都係呢啲, 人有佢有, 比較特別係有分生/熟/炸蒜三種.熟蒜香得嚟無咁辣口.另外仲有個秘制醬汁, 醮乜野食我就唔知, 但味道略似麻醬帶香辣味,  配肉食都唔錯.湯底: 酒火入鍋個名又真係幾正.中間係係木瓜湯, 同有幾隻中蝦. 另外四格係龍蝦蕃茄, 清湯蘿蔔牛腩, 四川麻辣, 同埋沙嗲湯底龍蝦建議盡早食, 因為我煮耐左, 湯底個味道會好重龍蝦頭味清湯腩連湯料, 牛腩好焾, 清清地都幾好味麻辣湯有豆卜, 極吸味, 正!沙嗲湯比較有驚喜, 沙爹味比想像中濃得多, 配嚮鈴一流中間個木瓜湯, 就係走火入鍋既主角. 侍應加入大量玫瑰露, 再點火, 濃烈既酒香, 加埋噴火效果, 真係色香味俱全. 蝦會吸左酒香, 燒過亦唔會有幾多殘留酒精.蝦肉爽彈, 本質已經無得輸, 加埋酒香, 更加係無理由唔試. 先嚟安格斯牛小排 (大)一眼望落去真係覺得細左少少. 但食落, 其實份量比碟上多, 亦唔會太薄片肉質結實重肉味, 接近手切牛頸脊質感, 但脂肪位就唔同啲. 即炸紫菜嚮鈴卷左紫菜比平時結實一啲, 同時會浸出紫菜香味.值得一試!三併福袋其實係三個唔同色既蛋皮, 包住唔同配料驚喜唔大, 勝在夠吸湯味黑松露蝦蟹餃 + 蜂巢豆腐餃做得幾, 明顯食到有蝦蟹肉, 同時亦夠松露味蜂巢豆腐, 都係麻辣吸味之選海鮮併盤六百幾, 呢個份量4人用其實都算抵食蟶子, 象拔蚌仔, 帆立貝各4隻仲有一堆龍躉片鮮度十足, 尤其帆立貝更為出色美中不足係蟶子同象拔蚌仔都劏剩少少沙由上以下, 黑啤熊, 開心小企鵝, 咪走雞實際: 魚蛋物體, 墨丸物體, 魚蛋物體食就無乜特別, 都係平時丸咁外形就氣勢十足不過, 煮前, 就好可愛既...現實煮完係咁.... 啲眼耳口鼻會無晒雜菌拼盤 / 蔬菜拼盤雜菌正常, 未見有乜特色但蔬菜就有啲睇頭, 平時罕見既西蘭花, 黃色椰菜花咁連近期大熱既超級食物, 羽衣甘藍都有幾條菜就唔知健康左幾多, 不過算係好有新意同誠意一個盒樣樣都有啲酒鍋整體食物服務都屬中上當然, 價錢都係中上好火鍋難求, 偶然一餐都物有所值…Read More

好耐無食日式燒肉, 原因係開始無乜驚喜而且中伏度亦高左好多今次食呢間中價位日式燒肉, 期望唔大, 反而感覺更好壺漬牛肋肉無左個壺硬係差啲牛肋肉切花, 比較焾身易熟原條燒, 再加少少醬汁燒到5成熟左再剪成細件, 燒多兩下就食得肉味濃, 醬汁味配合雞翼貼心開成單骨, 食時候好方便簡單鹽燒, 皮燒到香脆就啱啱好和牛肉眼扒雪花分佈幾靚肉眼中央肥位亦唔會太肥, 幾適中入口少少溶, 同時有肉味, 再肥啲就未必好食和牛扒, 建議5成熟左右就食燒太耐, 和牛都變美國牛, 脂肪全燒就無晒果種入口即溶感覺厚燒牛舌質素好, 都用舌芯燒到7成熟, 入口爽口, 又有油香超級推介黑松露和牛炒飯松露足料, 新鮮熱辣既炒飯湧出強烈香氣和牛只係點綴, 油香遠不及松露香份量兩個人食都唔會太多兩口子都可以一試食燒肉, 睇價錢就會知有幾多期望今次的確係有少少喜出望外…Read More

燒肉嚟講, 我個人幾推介純. 和牛質素基本上好平均. 每次嚟食都唔會話走. 而且價錢亦相當合理. 唔食和牛有啲走寶, 不過其他肉佢都其實同樣出色, 一試亦無防.始終啖啖和牛會好滯. 比大家參考一下圖片先, 另外仲點左個薄燒牛舌, 不過餐牌無影圖實物圖相當對版, 有食過日式燒肉都知其實好多時都會實物同餐牌有好大落差有啲甚至淋啲汁上去遮醜但呢度絕對無呢個問題講返食物先牛舌薄燒, 薄燒始終好難件件舌芯唔係芯果啲會有少少韌, 但可接受108蚊亦好難要求全舌芯日本產豚腩肉有少量醬汁喺上面, 燒既時候會易燶啲加埋腩肉油脂重, 建議唔好喺爐中心燒怕油脂太重可以慢慢燒耐啲, 就香脆如果唔怕既, 燒到啱啱熟, 就香滑啲各有各好食和牛上牛排肉肉味比較輕, 油脂重入口化油既感覺, 又未去到溶喺口建議搵啲瘦少少既肉例如牛舌咁, 間住食啖啖食呢個都幾滯最後和牛上肉眼燒肉, 必叫既一係牛小排/牛肋肉 (カルビ) 即係上面果個上牛排肉另一類係扒, 即係肉眼（ロース）, 西冷咁（サーロイン） 今次呢個係肉眼, 焾啲, 油脂重啲肥位當然油脂重, 瘦位肉味濃, 平衡感好個人最鍾意…Read More

omakase往往比人一種難以入門既感覺其實只係廚師發辦, 即係比碗烏冬你, 只要唔係你揀, 都勉強係當然食得omakase就一定有啲期望啦唔食貴既, 其實都有啲平少少既選擇標價600有找, 到底抵唔抵食呢?前菜兩款, 一個係沙律, 日本風味唔濃另一個係茄子, 浸鰹魚汁至入味, 凍食, 都幾特別既刺身三款油甘魚有啲似鰤魚, 但似乎不盡係, 魚香味濃牡丹蝦無太大驚喜, 標準醋漬鰹魚, 個人唔太喜歡拖羅加上紫蘇葉紫菜一齊食紫蘇味濃, 加上唔少wasabi有少少over左, 感覺未能充份享受魚既鮮味三文魚頭軟骨, 醋漬做法口感爽滑, 幾特別熱食有天婦羅青椒仔椒味重, 唔食青椒既應該會好痛苦椎茸厚身, 唔錯既只跟天婦羅汁, 無蘿蔔蓉有啲失色寿司5件金目鯛同吞拿魚比較出色海膽都鮮甜, 只係份量上未感滿足拖羅蓉手卷, 油香未算太香濃不過都係中上級貨色最後雪糕有少少失望作為omakase終結, 水果都無粒甜品只係簡單一球雪糕整體而言, 一分錢一分貨, 魚料理係出色既但周邊其他配套就只能將價就貨一下始終580, 好難同出面過千既比較…Read More

好耐無食串燒，經過又心思思想試下意想不到...有腸仔幾有bbq感覺, 食feel唔係食味道韮菜夠嫩, 係衰在好快灘凍啫牛舌, 是日最精彩爽口, 夠厚身, 食完再叫多串, 強烈推介蠔肉厚多汁, 不過蒜蓉唔係新鮮, 唔夠香, 有啲失色牛肉份量夠大, 肉汁多, 油脂亦多, 相當香口性價比相當高,雞皮唔太突出, 支竹簽非常熟口面, 唔知係支簽有牌子, 定係啲雞皮有牌子鵪鶉蛋燒得外皮煙韌, 配燒汁味道突出, 都係必試推介整體串燒表現幾好, 尤其牛舌同牛肉係物超所值其他唔計現成來貨, 都算幾好味…Read More

一直都好鍾意omakase, 冬天無理由仲食冷冰冰既寿司, 梗係食天婦羅啦. 呢度既oamakase算係我食過比較特別, 除左天婦羅外仲有前菜, 刺身, 主菜. 感覺比較似會席料理. 今日點左個極, 無計, 鍾意食牛吖嘛. 先付, 都係前菜既一種啦. 美觀度絕對係日本既級別. 鮮腐皮好滑, 好有豆味. 右邊果件豆腐質地結實, 唔係平時豆腐果種口感. 中間鴨胸煙薰味好重, 好香. 左: 鰤魚, 即係深海既野生油甘魚, 味道當然唔同級別, 魚肉結實, 油香味濃. 右: 深海池魚. 油香味無鰤魚咁強烈, 但係勝在越食越有魚味. 中: 拖羅當然唔少得, 油香四溢, 無乜得輸啦. 另一前菜, 甲羅燒既冷盤版. 蟹肉, 加上味噌蟹羔, 仲有海膽提鮮. 鵪鶉蛋令食落更順滑, 亦可以平衡蟹羔既咸鮮味. 湯, 好簡單既松茸湯. 入口清甜, 配上鰹魚清湯底. 配搭清新. 天婦羅出場. 可以配上岩鹽, 綠茶鹽, 檸檬汁, 或者蘿蔔蓉. 值得一提係呢度既蘿蔔蓉, 用上兩種不同產區既大根, 同時有辛香, 亦有甜香. 就咁食都相當美味. 先嚟既係車海老, 即係花竹蝦. 蝦頭當然要有, 連埋蝦羔炸, 入口香脆, 咬落甘香. 蝦身相當鮮甜, 畢竟花竹蝦都係蝦中極品, 仲要游水蝦嚟. 魚當然係天婦羅既必備品, 但呢個造法實屬罕見. 一塊魚肉, 配上椎茸, 海膽汁. 甘甜美味. 間場嚟一個大根煮物. 切得好靚, 入口軟滑, 入口即溶. 可愛既公魚, 炸完仲可以企喺度, 相當有趣. 食落, 當然好過平時啲沙錐多多聲啦. 骨都軟滑. 大蜆都可以天婦羅,  真係唔到你唔服. 大蜆起肉, 再釀返入蜆殼度炸. 蜆肉鮮甜, 創意滿分. 天婦羅完畢, 主菜到. 原來點牛, 都會有兩款造法, 好驚喜. 先有和牛牛扒伴少少鹽同蒜片就已經無敵, 嫩滑無比. 酥皮漢堡亦相當出色. 外皮香鬆, 肉汁豐富. 跟住到蕎麥麵. 麵質爽口彈牙, 份量啱啱好, 再多都未必食得晒. 配新鮮既天婦羅碎, 呢樣真係好重要. 甜品時候到, 水信玄餅. 成個波波其實都無乜味道, 水咁樣. 食落爽爽地有啲似涼粉質感. 食味主要係黑糖同黃豆粉. 當然, 食水信玄餅為既, 一定係外觀. 真係好靚, 對眼都飽左. 故事仲未完結. 原來仲有一件天婦羅出場. 一件足足炸左45分鐘既安納芋. 超級香甜, 超級好味. 呢度既師傅仲自創左一個食法. 就係醮啲糖同埋白蘭地食. 唔試唔知, 真係好鬼好妹. 呢個唔試真係走寶. 無論賣相, 味道, 創意, 我都比呢度滿分. 性價亦比同類天婦羅店高. 師傅亦好好客成日同客人傾計. 食omakase交流真係好緊要, 強烈推介. …Read More

中高檔次既日本料理, 仲要同時做和食, 鐵板, 天婦羅位處佐敦的確罕見門口位於地面, 侍應會帶位上樓上用餐, 唔太日式既待客模式今日點左鐵板燒套餐小試牛刀前菜都幾精緻, 仲有塊紅葉, 食用花等食味上都係一般, 反正前菜都係食樣多過食味刺身有鰹魚, 鯛魚同吞拿魚整體都好新鮮, 吞拿魚厚切口感更佳燒鯛魚將魚鱗燒至鬆脆效果比炸差少少, 始終鐵板無油炸咁徹底魚肉嫩滑, 要配香草醬調味, 本身無乜咸味雜菌湯傳統日式清湯不過姑款好似少左啲既無松茸, 亦無舞茸只見有椎茸碎, 本菇咁味道就似樣既, 清清地都唔錯厚燒美國牛柳5成熟, 控制得唔錯入口鮮嫩多汁配蒜片加燒肉汁同食感覺鐵板燒配鹽更加可以食到牛肉鮮味燒帶子奇怪唔係用日本帶子澳洲帶子咸香味較重, 無日本貨咁鮮甜煎得效果唔錯, 外脆內軟同鯛魚一樣係配香草醬鐵板炒飯 + 麵豉湯炒飯只有雞蛋菜粒又一奇怪, 點解連煙肉都無粒素菜炒飯?都係果句, 奇怪還奇怪, 食味都係OK既鐵板炒野菜鐵板燒必備菜色, 無乜特別啦最後水果…Read More

邊寧頓街一帶雖不算食肆林立, 但特色食店的確不少最新試了一間日菜, 外觀還以為是酒吧的餐廳餐廳供應日式居酒屋式料理也有不少雞尾酒可供選擇FireBird三代目沙律沙律清新, 用料以咸食為主, 沒太多水果沙律醬加上熱油的配搭頗為創新油香突出明太子伴玉子燒留意到是"伴"玉子燒, 應該不是夾心玉子燒吧但沒想要是原條切出來的明太子, 有點驚喜咸香剛好, 配點蘿蔔蓉更能突出鮮甜野菜天婦羅盛合有大葉, 紅椒, 蕃薯及茄子吃得出是日本材料, 茄子鮮甜肉質軟滑細緻略賺大葉有點油份過多鮭魚茶漬飯飯底不是用純白米, 感覺健康一點烤過的飯團陪添飯香三文魚的份量十足茶漬用的茶清香富昆布清香秘製辛味脆炸雞翼味道不算太特別辣味溫和, 不吃辣的也不難接受感覺神奇的是, 雞翼上枱後過了20分鐘仍保持熱辣多汁, 神奇鹿兒島霜降A4和牛西冷扒這裡和牛的價錢是以重量計算這件約110G, 由於和牛油脂較重, 重量會比較美國牛輕一點所以110G已有這個份量烤至4-5成熟, 厚切能保住肉質嫩滑醮一點鹽配上蒜片更能帶出肉香燒日本甜番薯配抹茶雪糕燒甜薯令人愛不釋手一大件蕃薯蓉, 有燒過的焦香還配上脆薯絲, 抹茶雪糕三種口感的享受值得一試…Read More

收工搵飯食, 見呢度OK多好評, 又想食下乳豬就走左嚟兩口子點左份乳豬, 一個小菜同一個小食, 加碟炒米結果竟然係飽到癲左, 仲要攞走左成碟炒米咁濟份量真係大得好可怕講返啲野食懷舊乳豬做緊特價話就話懷舊乳豬係少肉啲, 但老實又真係唔覺佢無肉都係咪咪肉咁乳豬妙齡, 半隻都唔算話係好多, 兩個人食半隻好爽脆皮肉嫩豆腐都炸得唔錯, 外脆內嫩可惜唔係好擺得食到尾升就開始有少少腍同出水不過還可接受濃湯海皇粉絲雜菜煲用料比想像有誠意有斑, 有帶子, 有蝦連菜都有4種湯亦如其名, 真係濃湯嚟值回票價之選星洲炒米異常咁大碟如果午市呢碟野夠分比4-6人食不過都只係80幾蚊蛋炒得好香, 咖喱味濃得嚟又唔會太咸都算係相當高質素既星洲炒米呢度其實真係相當抵食食物大件得嚟價錢亦算好合理而且灣仔區呢個性價比亦算好有交待值得一試…Read More

而家度度都話食和牛係真係假真係不得而知就算跟據商品說明條例都無用日本產就叫和牛, 如果唔係A級, 比啲B既你真係同瘦肉無乜分別而呢度就係JA認證, 即係日本農業協會有產地同級別保證客人會跟一份沙律油醋汁雜菜沙律可以為之後和牛盛宴作好準備醬汁上主要係燒肉汁同時亦有檸檬汁同岩鹽提供調味之用嘆住日威等和牛今次點左四款肉特選日本產和牛西冷特選日本產和牛牛排肉和牛赤身肉日本產豬五花肉睇見都流口水赤身肉係近期既推介雖然和牛應該食肥啲, 不過都試試佢啦牛肉薄身, 食落相當有牛肉味唔似得平時和牛油份咁重感覺好特別, 個人喜愛燒到半熟比較多肉汁牛排肉 (下)即係人地成日話果啲牛小排, カルビ燒肉必點部份, 油花均勻, 入口軟滑易溶燒至半熟啱啱好, 怕油膩亦可燒至8-9成熟同樣美味建議醮燒肉汁有助減低油膩感五花肉 (上)油脂分佈較多, 可以燒耐啲令佢更加香口和牛西冷(下)比起牛排肉無咁肥肉味較濃厚, 同時亦不失油香西冷切忌燒得過熟, 雖不至於柴皮, 但亦會影響口感5成熟左右就可以加少許鹽吊味就已經完美和牛質素很高, 嚟過幾次感覺質素穩定而且相當有保證價錢無論拼盤或散叫都算幾抵食一塊A4和牛西冷, 呢度只係賣$550分分鐘超市都可以貴過佢喜歡和牛既朋友, 呢度係必試之選…Read More

è molto buono意大利文意思係"呢度非常好"咁解果刻我喺度諗, 如果我去到外國見到個餐廳名叫"這是很美味"其實會唔會好奇怪?當然我都唔太熟悉意大利文化, 可能佢地其實好普遍作為fine dining既餐廳, 呢度既價錢算比較平易近人價錢跟據主菜決定, 選擇都算多由Starter, Soup, Entree到Main Course都有得揀麵包籃甚有驚喜但驚喜主要係嚟自醬料油醋驚喜不大, 但其餘兩種卻令人著迷茄子醬甜香軟滑, 口感細膩南瓜醬帶有香料味, 味道及香氣均有一點咖喱感覺生蠔又點少得法國生蠔係我至愛是日供應三款, 而且仲有買一送一優惠L'Huitre - 海水味比較重, 鹹味過後鮮甜味湧泉而出, 相當驚喜Mermaid - 相對起L'Huitre比較容易入口, 味道四平八穏, 爽口鮮甜Speciales Cuvée Prestige - 三隻中最重礦物味, 但所謂最重其實亦平易近人, 淡淡既礦物味同鮮甜爽口既貝柱位形成很大對比酒香黑松露鵝肝慕絲雞卷酒香加上雞卷, 感覺有點似中式醉雞但當然酒香截然不同加上黑松露香氣同埋豐郁細膩既鵝肝慕絲有一種越食越開胃既感覺蟹肉白菌忌廉濃湯看似平平無奇淺呷一口, 一種無想像到既蟹味喺口腔爆發再細心一睇, 原來係蟹油帶嚟既香氣加上濃郁既湯入面充滿蟹肉, 一試難忘香煎鵝肝配紅酒黑醋燴乾葱作為一道entree, 呢件鵝肝既大細的確係不得了又大又厚既鵝肝, 煎之半熟配上法包最簡單卻是最美味既食法雪芭,  見到佢就好似提醒你主菜就快到粉紅色既石榴雪芭, 甜中帶微酸開胃之餘又討好主菜到 - 香煎西班牙紅蝦配法國麵包蟹膏意大利飯紅蝦屬中型大小, 食紅蝦一定要配意大利飯將蝦頭壓扁榨出蝦頭膏伴入意大利飯紅蝦膏既鮮甜加上蟹膏既濃郁一啖又一啖, 只知自己口腔內爆發著強烈既海鮮香對比之下蝦肉卻是另一種精彩紅蝦蝦肉雖然唔會好結實, 但鮮甜味卻是其他蝦比唔到既甜品係紅茶法式焦糖燉蛋香滑有茶香, 作為呢一餐既結尾絕不失色最緊要係唔會太甜最後奉上花茶, 完成兩個多小時既美好時光無論食物質素, 份量, 服務, 都係非常高級唯一美中不足係景觀但以呢個價錢, 有呢個質素已經係無敵詢問之下原來呢度通常會跟據季度時令轉餐牌睇嚟下次嚟既時候應該又會有新驚喜…Read More

好耐無嚟白石仲記得以前喺度食燒豬勁正不過今次人頭唔夠, 本來諗住食返燒鴨算點知原來有新野可以玩燒雞再加多個5人海鮮餐餐已經包晒起爐等既所有費用唔洗驚有啲咩額外收費基本工具都包晒, 叉, 碗, 手套等等都相當齊避紙巾亦有一大包, 不過最方便其實係行兩步去洗手飲品一人一支水同埋一罐氣水唔啱可以換款, 亦可以去換過啲凍啲既食物都幾豐富雞扒, 豬扒, 雞翼, 叉燒...都相當之豐富既選擇腸都有三款另外海鮮有帶子, 青口, 蝦雞一開始就set好個架開波不過係懶人包, 其實hold喺度唔洗點郁慢慢燒熟個身, 然後就交比工作人員代勞燒脆塊皮需時都要成個鐘雞放喺上火, 可以如常燒野食燒到咁上下就開始懶呢度都好貼心, 有供應食物夾, 燒烤網簡簡單單就可以等食食物質素上扒類同埋叉燒都相當好味入味之餘又唔係啲梳打肉得個鬆字仲好新鮮好有鮮肉既質感雞翼略嫌佢少左啲, 可能大家都鍾意食一係得兩隻就係有啲唔夠喉芝士腸, 雞肉腸, 豬肉腸質素都幾好不過呢, 就唔係廚師腸, 係平時茶記果隻隻雞燒半個鐘到就會有人收走燒完當然要返嚟影返張靚相啦佢地會斬好再上碟比返我地雞肉多汁, 味道啱啱好, 基本上唔需要再調味整體感覺都無乜退步招牌燒豬燒鴨外, 而家又有燒雞選擇就算人少少三兩個人嚟食都有選擇下次再搵多啲朋友真係一定要回味一下佢個燒豬…Read More