YoThy's Profile

用餐當天早上收到餐廳whatsapp確認訂座有無更改、因留意到我喺OpenRice 呢度訂位時有揀慶祝生日，對方會主動問我是否需要喺甜品上食英文生日字👍🏻而主要令我想食呢篇食評嘅原因係因為一位職員-主責門面安排入座嘅 Takki 小姐。由入座、點餐及埋單，佢都係好有笑容及禮貌。點餐時我點咗一杯特飲，佢會立即提醒我特飲嘅價錢，以免產生誤會。同時留意到佢同其他客人嘅互動都係好好，相信有d係常客，所以Takki會記得對方通常係幾多位同行，又會幫小朋友泊好佢架🚲。近年已經好少見好少咁有heart 嘅職員，係有溫度嘅服務！覺得呢間餐廳有佢真係好幸運。呢個亦都會係令我希望再次光顧嘅其中一個因素。食物方面，上菜有效率，味道都唔錯，如果個意大利飯嘅黑松露味可以再明顯d就會更好。點咗杯特飲係 牛油果開心果奶昔，好啱自己口味，兩種味道都飲得出。整體令人滿意嘅一餐。…Read More

自從大半年前食過檸檬撻被驚艷倒後，一直都好想試吓佢其他甜品，可惜自己好少去附近。直到今次終於有機會，又見佢出咗個夏日新產品，主題都係朋友仔鍾意嘅嘢，就忍唔住要訂呢個蛋糕啦。首先朋友們一見到個🍍造型蛋糕，個個都 "嘩嘩聲" 話好靚好特別。（其實拎住個蛋糕喺街行咗短短幾分鐘路，沿途都吸引咗好多目光😅）然後我哋立即食呢個新鮮整好嘅蛋糕。朋友話最鍾意夾喺中間嘅慢煮菠蘿片，同熱情果吉士忌廉好細滑。而蛋白脆餅一如以往被人搶晒😆訂蛋糕溝通過程順利及清晰，店方細心地提醒＆解釋呢個蛋糕有酒精成份係點處理過，仲幫我寫靚靚d字添！多謝甜品師咁用心製作呢個好睇又好食嘅蛋糕。…Read More

難得同好朋友聚會，其中一人係特別鍾情🍋味嘅嘢，見之前嘅食評讚呢度嘅檸檬撻好食，所以一見到就毫不猶豫要訂。聯絡甜品師傅預訂，溝通各項都好迅速及友善👍🏻朋友們大讚個撻好靚好好食，連我呢個一定唔會以檸檬撻為首選嘅人都覺得好好味。味道好細緻、酸甜感又平均得好好，面頭嘅蛋白脆餅唔會過甜又增加咗口感。 朋友食完都問我喺邊買😂仲有！請甜品師傅寫字牌，寫得好靚！佢幫我加咗個"👍🏻", 令我同朋友覺得真係"超正" 呀😊補充：其實拎甜品當日早上出咗d意外聚會被取消，臨時請甜品師傅幫忙，對方都不介意幫忙配合，所以真係好感謝佢🙇🏻‍♀️…Read More

前幾日星期四晚約咗朋友食飯，想搵個地方好好傾吓計，結果search到呢度近朋友返工地點就打去book 位試吓。因為店主剛剛喺嗰個星期先開晚餐，我哋都有幸成為首輛晚市客人。當晚唔多人，店主好好咁俾我哋兩個人坐張四人檯鬆動d。其實見佢近窗嘅位都好chill咁，如果自己一個人應該會揀個度坐、望吓街景。我點咗個 軟殼蟹蟹黃蟹肉忌廉汁意粉，個汁好creamy、軟殼蟹份量都好足、仲額外跟咗個醬。朋友點咗個 唐揚炸雞配日式炒意大利麵。d 炸雞個樣好靚仔，我唔食雞無試，但試咗個炒意粉都好香好夠味，店主仲提供埋生蒜可以撈埋提升個味道，真係好好味。我哋加咗套餐配餐湯（當日係南瓜湯）,蒜蓉包（同出面唔同嘅蒜蓉包，係幾正）及餐飲。同店主兼大廚傾談中得知對方係一個對食物質素好有要求嘅人。包括食物嘅溫度、調味、賣相。我係好怕d食物上檯溫度唔夠熱嘅人，喺呢度就真係好放心啦😆 不過因為大廚得一對手，所以都要預時間俾佢精心炮製，絕對唔建議心急人去。甚至我同朋友互相交換少少意粉試味，店主都主動拎隻碟仔俾我哋，話咁樣唔使怕兩種唔同嘅味溝埋一齊，呢d細節位都睇到店主有嘅細心。呢一區、呢個價錢真係性價比唔差，食完會覺得開心嘅。有機會都想再去試吓其他食物😋…Read More

兩位無紮辮女店員嘅面口西到無朋友，佢嘅自動門壞咗，自問憑佢所寫嘅"拉" 字，正常人應該唔會知點開門。其中一個女店員打開門不屑嘅態度問 "咩事呀？！" （梗係食嘢啦，唔通搵你呀？）點餐時另一位女店員又係西面。唔會再幫襯以免俾錢受氣鵝肝牛肉飯，味道一般，無下次…Read More

經過幾次成日心思思想試。終於試咗章魚大阪燒，好多料、啖啖菜同章魚。 粉漿同料比例剛剛好，醬汁都好好味，食到唔想停口。坊間遇過太多超多粉漿、勁多菜的搵笨大阪燒，呢間一定係真材實料！ 另外仲有兩款味，其中一個係吉列豬扒， 未見過呢個配搭，食完原本章魚味咁ok, 會想下次試埋吉豬店員好友善、好attentive. 見佢紙盒都裝得好乾淨企理，我就選擇唔需要膠袋就咁拎個盒，真係擺喺手上的公文袋上都一點油漬污漬都無沾上。值得一讚店員係好細心咁確定筷子已經被貼紙穩定唔會跌先將盒食物交俾我。而且貼紙係 "感謝", 的確係一個充滿感謝感恩的一餐…Read More

一行三人星期日晚6：30pm walk-in. 站門口的侍應都好快安排了檯俾我地，亦都講明8pm要還檯。我們清楚都同意。我們點了第一轉，兩份鐵板類，兩串串燒同三個蟹蓋。上半part 暫時都覺得滿足，食物出得快，職員態度都唔錯。到7:30pm時，我地決定再加單，一串燒牛舌同一份燒魷魚鬚。等到7:46pm, 乜都無，覺得唔對路，問返幫我地加單嘅侍應會唔會漏咗單，佢話幫我地睇同追之後無返嚟回覆過係漏單定點。再過幾分鐘終於拎咗一串燒牛舌過嚟，但坦白講，唔係好熱的...完全唔似剛剛燒起。又再等到8：01pm, 足足半個鐘份燒魷魚鬚都未嚟！！！今次搵返門口個女侍應（睇落資深d) ，同佢講話等太耐要取消，佢就話 「有落單、整緊、同一時間太多單」，完全無視咗我地要取消嘅要求就走咗去，叫都唔返嚟。仲立即行咗去佢自己同事度竊竊私語，邊講邊望我地。 （唔通等得太耐，追過又無，無奈地要求取消係我唔啱？）之後雖然過多幾分鐘真係得到碟好味嘅燒魷魚鬚，但都一肚氣。因為自我地問取消開始，個女侍應便開始極度黑面、兼語氣好差。…Read More