ChanChingLam的個人專頁

沙田市中心d餐廳每逢晚餐時間都好多人，所以今日就行遠d，特別黎到河畔試下呢間多like餐廳- 叉燒大王！就算位置比較遠，但都好多捧場客，剛到七點已經坐爆！除左出哂名的燒味，亦有好多其他特色小菜，睇到花多眼亂！最後點左招牌叉燒例牌、頭抽雞半隻、胡椒浸豆卜和石窩生啫芥蘭。半肥瘦叉燒，又冧又香🤤頭抽雞都好有驚喜，豉油味好濃，送飯一流胡椒浸豆卜胡椒湯唔會太辣，啱哂唔係好食得辣的朋友，每塊豆卜都饟滿鮮肉，再大量粉絲，可以送成碗飯都得👍🏻強力推薦鍾情中式小菜的朋友黎試下！…查看更多

HeSheEat位置較入，在優才小學後面的橫街，但也不難搵，離遠就見佢signature桃紅色裝修！七時到店，未算多人，當然選擇樓上位置，坐得比較舒服！枱與枱之間不會太迫，可坐低傾下計。值得一讚係添水好密，食甜品好容易會口渴，有水飲下食多幾款甜品都唔漏！叫左兩款甜品，首先係士多啤梨奶凍（$55），配有士多啤梨雪糕、蛋白脆脆、新鮮士多啤梨肉同奶凍。賣相十分吸引，士多啤梨雪糕有果肉，非一般色素雪糕，另外奶凍都十分有驚喜，好香奶味又不太甜，而且不會太實，質地軟滑！岩鹽焦糖熱香餅配雪哩嗱雪糕($62)，一切開厚厚的熱香餅就發現新鮮即整，十分熱辣辣，熱香餅軟熟、好香蛋味，與兩款糖漿十分夾，食完大滿足！強烈推介！…查看更多

近期愈開愈多素菜店，標榜健康又好味，所以一直心郁郁想搵間高質素食餐廳試下！見呢間雅悠蔬食喺OpenRice咁多，突登book位黎試下！一黎到門口已經覺得無揀錯，報置以紫色為主調，好有西式cafe feel! Set dinner ($228-$238) 十分豐富，仲要有埋甜品，抵過散點好多，我地毫不猶豫決定要兩個set. 主菜有六款，中西泰都有，我地就揀左A啫啫煲同埋F黑松露鏍絲粉。菠菜桃膠忌廉濃湯一上枱仲俾佢個顏色嚇親，綠到hulk咁，點知一飲先有淡淡的黑松露香味，繼而有濃濃的菠菜忌廉味，一d草青味都無，十分好飲！估佢唔到咁正！手卷有好多蓿芽，感覺幾清新！黑松露意式野菜焗鏍絲粉賣相平平無奇，點知入面有大量黑松露醬，每一啖都有濃濃的黑松露，黑松露同野菜亦十分夾，加上有齋肉丸，完全唔會覺得係食緊素。極度推介！加左錢要呢杯香脆五穀杏仁牛乳，入面有好多脆米同麥芽，杏仁牛乳十分潤，對皮膚又好，冬天飲最啱！雖然價錢不平，但絕對與質素正比！…查看更多

被選中成為米芝連推介廳餐前，文記已經成日大排長龍，經報導後就更多人！今日約七點半到新舊店門前都迫滿人，新店就派飛等位，舊店照舊排隊。我就選擇左排舊店，一個個輪住叫餸坐低，感覺快d新店d人坐低先慢慢揀餸😂揀餸一定首推瑞士雞翼($12)，十分香甜入味，就算浸過湯都唔會無哂味，不過一份只有兩隻真係唔係好夠喉🤤另外豬大腸($10) 也不錯，不會太肥，又有咬口！而酸齋($10) 都好夠味，不會太酸！三餸加油麵底一共$40，雖然唔算好抵，但為左瑞士雞翼值得再黎，米芝連食府果然並非浪得虛名！同行友人就話最正係個辣汁，可惜我唔食辣，好辣的朋友不妨食下！…查看更多

神山麵屋由日本師傅主理，一入到店就有日本地道麵屋的風味，店面不大，坐喺上黎都有d迫，不過為左食好野就無計啦！神山沾麵麵汁不同，每日由師傅特別調製，限量發售！好賣的日子二、三點就會賣哂。今次黎到當然要試一試！神山沾麵($85)麵汁非常濃郁且容易掛麵，配上蔥更加香，拉麵麵身較粗，口感一流！配料方面亦有出色表現，筍片爽而帶香味。唐心蛋略為遜色，雖有唐心效果，但生左小小，不過不失啦。絕對要重點介紹既就係燒豚肉！食得出肉面有塗上特制醬汁，味道咸咸甜甜非常惹味！加上每一舊都係肥瘦分明既五花腩！！真係值得再食！…查看更多

新開的和氣食堂晚晚都坐無虛席，尤其係星期六、日，見咁受歡迎，即刻襯閒日黎試下！等左唔算好耐就有位，我地帶埋一個兩歲的bb，店員都好好態度，仲安排左舒適d的位俾我地，真係值得一讚，絕對係family friendly👍🏻首先叫左個芝士厚燒玉子($38)，玉子好厚身但不會太實，最重要唔會一味得個甜字，好香蛋味！叫左另一個小食，就係燒日本廣島蠔($88)，一碟食到兩隻味，芝士同蒜蓉，個人鐘意芝士多d，芝士加上美奶滋非常夾，廣島蠔好飽滿，不錯不錯！之後就到戲肉喇，就係大盛刺身丼($188)，一大碗有齊海膽、三文魚、三文魚子、碎蔥呑拿魚、帆立貝、超大隻牡丹蝦同玉子，一次滿足哂好多個願望😍 份量十足，可以share食！咁多種魚生最正就緊係海膽，甘甜，一d都唔腥味都無👍🏻屋企人食唔慣生冷野，於是叫左個美國安格斯牛肉鍋($98)，個鍋燒熱左的，不用明火，最啱有小朋友的家庭👍🏻講返個鍋，除左大大塊的肥牛，仲有豆腐、韓國粉絲同配菜，好足料😋食到最後雖然飽飽地，但都忍唔住order埋甜品，要左個白玉牛奶雪糕($34)，雪糕好重奶味，不過偏甜，啱女仔食多d😋！和氣食堂用料上乘，餐廳環境又好，一定會再encore😋👍🏻…查看更多

夢見屋門前有一列蛋糕櫃，仲它以為只是甜品店，點知一睇meun後便發現夢見屋主打日式西餐。dinner set分別有牛扒、西班牙海鮮炒飯，比較特別的是它用烏冬代替pasta來做，例如有carbonara同Parma ham truffle。今次黎就試左巴馬火腿黑松露烏冬($65)同炸雞定食($48)。扁身的烏冬口感不錯，巴馬火腿也不錯，唯獨個汁無乜黑松露香味，比較失望😓而炸雞定食就幾有驚喜，影相ge時候已經食左d，原本係有5件炸鋪滿飯面，加上特製醬汁，好好味😋！誠意推薦！…查看更多

九龍灣新店報置簡單，但勝在坐得舒服，可以一路食一路慢慢傾！就算係星期五黎到，都不用等位，點餐後十分鐘已經有得食😋點左焗薯combo($54)，一個焗薯一份凱撒沙律再配飲品，不會太heavy剛剛好！沙律十分足料，唔似其他餐廳咁得幾塊菜！但焗薯就普普通通，食食下就好膩另外也點了公司三文治($94)，份量十足，有三文治、凱薩沙律、薯條、湯同飲品，細食的女仔可以兩人share一個餐，因為實在太大份喇！薯條係新鮮炸起，外脆內軟😋蘑菇忌廉湯就啖啖蘑菇，正！…查看更多

九龍城甜品店林立，有d店好似小方糖咁每逢週末一定大排長龍，但金滿堂一定五分鐘內入座，點解？因為他們已經愈開愈多分店，三間店都位於城南道，所以一般不用多等就能入座。還有店員十分細心，唔洗同隔離枱迫到好近！今次去到就試試芒果甜品，一碗有齊芒果雪糕、小丸子、西米、芒果沙冰底，非常豐富！唯一美中不足係他們的西米係脆身的，本人較喜歡傳統有咬口的西米！另一推薦係芒果黑糯米，只是芒果和黑糯米當然無乜特別，他們加上雲哩拿沙冰底，同黑糯米非常夾！大力推薦👍🏻👍🏻👍🏻👍🏻👍🏻👍🏻…查看更多

麥當勞耐不耐就出粟米批($8)，今次見買一送一咁抵就試下！平時食開蘋果批，，仲驚咸味粟米批會格格不入，點知又幾好味！食落有d似粟米湯咁，但比起粟米湯，d粟米更粒粒分明有口感，仲十分清甜，真的不錯！但比較傳統蘋果批還是稍遜一籌，如果原價8蚊一個的話，我會選擇食返蘋果批😋順帶一提，樂富的新店用新點餐系統，也增取甜品站，而McCafe亦設在收銀處、取餐區旁，方便得多！雖然不再是二十四小時營業，但整體比舊店好。…查看更多

話泰風SO係葵廣入面最有水準的泰國餐廳一點也不為過！之前佢的芒果糯米飯喺ig fb版洗哂，我都有試過，都真係椰漿香濃芒果夠甜，不過我今次發現原佢地的小食都十分正！有好多人可能無留意，其實佢有賣幾款泰式自家制零食，當中以多士($25)最受歡迎，有幾次去到已經賣哂，真係好搶手！多士有三隻味: 蒜蓉、奶油、辣椒，三隻味我都試過，好味就不在話下，最難得係多士鬆脆，真係拍得隻泰國翟度翟好出名嗰間的出品！真係食云全港最好食😭😭😭😭😭大力推薦👍🏻👍🏻👍🏻👍🏻👍🏻👍🏻👍🏻👍🏻…查看更多

九龍城有好多出名甜品鋪，一到週末就大排長龍，而呢間喺近東方富豪酒店的口甜舌滑，就未有咁多fans，但其實都好正好好味👍🏻雖然鋪內地方不大，但不會坐到好迫！我星期四黎，人都不太多。呢間多數係傳統糖水，首推芒果西米撈，係用芒果肉打成汁加西米，加上半個大芒果，好香好甜。但因為唔係當做季節，所以我今次無叫芒果的甜點，叫左綠白，即係杏仁豆腐花加綠豆沙。杏仁豆腐花好香杏仁味，不會蓋過豆香味，而且好滑😋下次可以試埋添其他配料！…查看更多

而家葵廣開左好多新鋪，但都係鍾意黎呢間舊店YUMMY MUMMY。家庭式經營好有人情味！貪心想試多d味，所以要12蚊5小球！十分多味揀，見到仲出左好多新口味，好似沖繩海鹽、金莎朱古力等，不過就要加錢先有。我就叫左豆腐、蕃薯、曲奇、提子冧酒同埋香芋！首推提子冧酒，淡淡酒味配上提子乾，以呢個價錢，絕對係抵食！最上面黃色係蕃薯，幾香幾特別，出面不易吃到。反而香芋偏甜，無乜香芋味。呢間小店店員親切，價錢大眾，大力推薦👍🏻…查看更多

The store is divided into two parts: a bakery and a dining area. You can find many Japanese-western fusion dishes such as Japanese curry and carbonara. I ordered the roast chicken set($62). It includes a serve of roast chicken w/ fries, a slice of their famous danish bread, a salad and a drink.Bo-Lo' Gne is famous for its exquisite danish bread. The set goes with original favour. It's really soft w/ rich butter. Really good. The set is noting special except the bread. For the bread, it worths trying! …查看更多

San Po Kong is an old area with lots of good restaurant. Sang Kee is a very traditional restaurant selling congee. The price is good. Just $15/16 for a beef congee; $8 for a fried noodles/ rice noodles. The quality of food is quite good. I especially like the congee with chicken and fried noodles. The chicken is really tender with great taste. And the fried noodles are not oily and salty but just right! Good!!!! …查看更多